الوسم: الرضاعه

غطاء الرضاعه

السلام عليكم
ابى غطاء الخاص بالرضاعه وين احصلها يعنى فى محلات يبيعونه دلونى ياريت تعطونى محلات فى دبى او الشارجه اليوم ضرورى

كيف غطاء للرضاعه

اذا قصدج الكفر مال الرضاعه ينباع في بيبي شووب يعني تلبسين الرضاعه عسب محد يشوووف الحليب الي داخلها

شكرا اختى بس انا قصدى الغطاء الا اتحطه الام عند رضاعة البيبى لو تعرفى وين القاه

في وحده تبيعه من التاجلرات اختي اسئلي المشرفات عاقسم التجاري بيدلنج

عندي ربعتي تبيعه و هي من امريكا

و مسويه عرض مصاصه لما تطيح تتغطى

و الغطا للرضاع للام

و المللف للبيبي

المشاركة الأصلية كتبت بواسطة ميره الأموره
عندي ربعتي تبيعه و هي من امريكا

و مسويه عرض مصاصه لما تطيح تتغطى

و الغطا للرضاع للام

و المللف للبيبي

اختى ممكن تقوليلى بكم تبيعه ربيعتك وكم يوم ياخد التوصيل

حوامل وين تاخذن ستيانات الرضاعه ؟

بتخبركن حوامل وين تاخذن ستيانات الرضاعه ؟

من المذركير

ماركس اند سبنسر ,مذركير ,بندون

مشكورات والله يعطيكن العافيه

شو يعني ستيانات الرضاعه ؟؟
يعني شو الفرق بينها وبين العاديه ؟؟

انا باخدها من لولو سانتر

الفرق بينها وبين العاديه انج تقدرين تفتحينها وتسكرينها من فوق اسهل للرضاعه من الستيان العادي

يطلع لي دم ويا الرضاعه شو الحل ,

السلام عليكم ورحمة الله وبركاته

مسااء الخيرر

خوااتي بلييز افيدووني انا مربي من 3 اياام ومن البارحه يوم يت ارضع بنتي
ينزلني دم وبعدد فترة حليب خيفاانه واايد وبنتي شربته ورجعته كتله دم
خيفاااانه وااااااااااااااااااااااايدد ع بنتي سااعدوووني بسررعه

……………..

وعنددي مشكله ثاانيه يطلعلي حبوب وانتفاخاات في المنطقةة الحساسسه
مكاان الخياااطه والم مش ططبيعي ما اقدرر استحمله بليززز افيدووني

حبيبتي احسن لج سيري عند الدكتورة

يمكن جرح عالحلمة لازم يبرى وبعدين اترضعين

سيري الطبيبة احسن شي

ام سمسومه ثاانكس حبيبتي انا ابا حل سرريع يفيددني الحييين
………..
ييمكن جرح انا جي توقعت بسس قلبي يعوورني على بنتي يوم رجعت الدم ع شكل كتله
مشكووراات حبايبي واتمنى حدد يفيدني اكثرر

تحسي بالم وقت الرضاعه والحلمه كانها راح تنقطع؟

هذا طبيعي من تاخذي شاور خل الماء الدافئ يصب على صدرك

اعصري من حليبك وحطي على الحلمات عسب الالم يروح

يمكن جرح عالحلمة لازم يبرى وبعدين اترضعين .. لان اول ايام يتقطع من الرضاعه
بقولج انا جي كنت وبنتي شربت ورجعت دم كله .. زين يوم انها رجعت.. لان وايد كان يعورني وتقطع وهي ترضع
حطي كريم ميبو بالليل لي الصبح وغسليه عدل قبل لا ترضعينها
او من الصبح لي الظهر جي والله مفعوله سريييييييييع ,, انا حطيت بالليل وما رضعت من صدري عطيتهم بالمرضعه
والصبح نشيت ولا كانه كان في جرح سبحان الله

أولا لازم أثناء الرضاعة تبدلين من جهه لجهه ثانيه مب كله على جهه وحده… ثانيا استخدمي كريم التشققات ميديلا زين…

الرضاعه الطبيعية


مشكلتى فاطمه ولدى عمرة سنة وخمسة شهور عن الرضاعه ولياأسبوع المشكلة انا صدري منتفخ ويؤلم سألت قالو بنفسه لحاله حيروح الانتفاخ لاكن مازال ع حالة الي مارة بمثل تجربتى وتقدر اتفيدنى ترد عليا تكون مشكورة

الغالية فرغي الحليب من صدرج …..

وخلي الحليب بروحه ينزل عشان ما تتعبين ….

وسوي كمادات دافية ….

فرغي الحليب من صدرج …..
استعملي الشفاطه اليدويه تلاقينها فيالصيدليه

استعملي شفاطه وكمادات ماي دافي

بارك اللة فيكن اخواتي الغاليات ع الاهتمام والرد راح اخد بنصائحكن

الرضاعه من المرضعه

السلام عليكم
شحالكم حريم بسالكم اختي ربت من شهر تقريبا و هي اداوم وتبي اتعود بنتها على المرضعه و الصناعي بس المشكله بنتها ما تعرف تمص من المرضعه اعتقد لان ثومة المرضعه طويله وجنها بتزوع الله يخليكم ممكن ادلونا من وين تحصل ثومه تشبه حلمة الصدر و احين كم من الوقت ممكن بنتها تتعلم على المرضعه لان بتحطها بحضانه و تبي تطمن انها ترضع من المرضعه عدل بلييييييييز كل وحده تقول تجاربها اترياكم

تشتري مرضعه ماركتها ايفنت تشبه حلمة الام تقريبا وموجوده في سنتربوينت وحتي مذركير

اب اب لعيونج

لا تخاف عليها ان شاء ادله بتتعود بس يباله وقت وطوله بال انا استخدمت ويا عيالي مرضعه بيقون وخلها تجرب تعطيه ملي واحد بس مده ٣ ايام وبعدين تزيد واذا شافته يزوع تراه شي طبيعي

اختي خلها تشتري مراضع ماركة ايفنت بتحصلهن ف بيبي شوب او مذر كير عن تجربتي و تجارب بعض الحريم وتخبرها كم عمر بنتها عسب يعطونها الحلمه المناسبة للعمر لانه في 0-3 او 0-6 موب مذكره بس فيه اعمار يعني

و اذا ما تقبلت فيه مراضع مذر كير يمدحونها انا خذتها هالمره لولدي الثاني بجربهم و خل اختج تسير تتطالع الافضل

التقشير والرضاعه تعالو شوفو شو بيصير""""

كيف حالكن بنات بغيت استفسر اذا عادي اسوي تقشير وانا ارضع
وبنتي الها شهرين ونص؟؟؟؟واذا قشرت شو بيصير في البنيه؟؟؟

ما حد يد علية؟

أختي إذا تبين تسوين تقشير للوجه باستخدام مواد طبيعية أو منتجات على الوجه لايضر لكن إذا بتستخدمين أدوية عن طريق الفم لأ بتضر البيبي وأي طبيب أو إخصائي تجميل راح يقولج نفس الشيء ، أما إذا تبين تسؤين تقشير للجسم عن طريق الكريمات والماسكات لا تقربين منطقة الصدر …. والله أعلم

انا سويت تقشير احماض الفواكه وبنتي عمرها 3 شهور بس بدون حبوب بالفم و لا ضرها الحمدالله

ماعندي فكرة..

انشالله البنات يفيدونج

هل طريقة الرضاعه غلط؟؟

السلام علييييييكم والرحمه

بغيت اتخبركم خواتي الام اللي اترضع طفلها وهي طايحه او مستلقيه او راقده هذا غلط؟
وبغيت اعرف شو الاخطااااار عالطفل؟؟

بانتظاركم

طبعاغلط
الأضرار
الحليب يسير للأذن ويسوي إلتهابا ت وايد في الأذن

المشاركة الأصلية كتبت بواسطة متفائلة بشدة
طبعاغلط
الأضرار
الحليب يسير للأذن ويسوي إلتهابا ت وايد في الأذن

اول مره اسمع هال الشي

لا يا عزيزتي مب غلط أبدااااااا ..
وأصلا في المستشفى الوحده بعد الولاده ينصحونها الممرضات انها ترضع البيبي وهي راقده يعني متمدده على الآآآآآآآخر .. ومن وضعيات الرضاعه أصلا الصحيحه واللي ينصحون فيها خاصه اللي مسويه عمليه قيصريه .. و أهم شي انه يكون راس الطفل مرفوع اشوي يعني تحطين ايدج تحت راسه وانتي مستلقيه ..

الغلط انه يكون جسمه هو سيده اهني ممكن يستويله التهاب بأذنه لو رضع وهو بوضع سيده لكن انتي بالعكس هالوضعيه مريحه وايد لج خاصه لو كنتي راقده بالليل ^^

أنا عني ما أعرف أرضع جذه بس في المستشفى كانوا الممرضات اييبون لي البيبي وانا راقده ويقولون رضعيها وانتي جي بس حطي ايدج تحت راسها بحيث ايكون مرتفع اشوي عن باجي جسمها وبس ^^

شوفي الصوره .. جذه يكون وضع ايدج ^^

عادي أختي

والاخت بثينة ما قصرت

انا ارضع وانا راقده اكثر من وانا يالسه بالاخص اول ماربيت لان في المستشفى جي علموني

وثاني شي الخطر انه ممكن يغلبها النعاس وترقد علي الرضيع وانا حصلت وياي لما كنت مربيه ما حست بعمي والا اقوم واحطل ولدي تتي بس الله حماه

بس ها الي انتبهي منه

عااااادي انا كنت بنتي ارضعها

فوائد الرضاعه الطبيعيه لطفلك

السلام عليكم ورحمه الله وبركاته
حصلت عرض بوربوينت حلو لفوائد الرضاعه الطبيعيه وماهي اخطار حليب الابقار ؟؟
عرض مشوق ارجو ان تشاهدوه …
من موقع موسوعه الاعجاز العلمي

http://55a.net/words/alradaa.ppt

مشكوه إختي …. جاري التحميل

جزاك الله خير

تابعت البوربويت … الصرآحه مفيد و عطاني معلومات يديده … مشكوره مره 2

اسباب لنجاح الرضاعه الطيعيه وبتفوق!!!!!!

اهلين اخواتي

تعرفون اهميه الرضاعة والتي حث عليها ديننا((والوالدات يرضعن اولادهن حولين كاملين ))

وتعرفون اهميه الرضاعه للطفل والام معا والي الطب الحديث رجع لها واكد عليها واثبت مئات الفوائد

للام والطفل

واكيد سمعتوا عن اهميتها في كسب الطفل المناعه الطبيعيه

الي تحمي الطفل من اكثر الامراض باذن الله

وانا اليوم مارح اطول عليكم في فوائدها لانكم اكيد قراتو اوسمعتو عنها لكني حبيت اذكر بعض النقاط

الي يمكن البعض مايعرفها الي هي

كيف تنجح الرضاعه الطبيعيه وتستمر؟؟؟؟؟؟؟؟؟؟؟؟

بالنسبه للرضاعه اثبتت الدراسات انه كلما بكرت الام في ارضاع طفلها وتحديدا بعد نصف ساعه من الولاده

كلما نجحت الام في الرضاعه واثمرت الرضاعه لوقت اطول من عمر الطفل

وايضا كلما زادت رغبة الام وقناعتها بالرضاعه كلما نجحت الرضاعه فلا يكفي مجرد التمني

بل لابد من الصبر والاحتساب وطول البال وتكرار الرضاعه والغذاء الجيد خاصة الحليب والسوائل الدافئه وشبع

الام وراحتها النفسيه والجسديه وترك الرجيم وقت الرضاعه

والاكثار من العصائر الطبيعيه غير المحلاه والفواكه الطازجه وعموما الاغذيه المفيده والكالسيوم

والصبر ,,,,الصبر ,,,,ثم الصبر على الرضاعه

خاصه استيقاضك بالليل لسد جوع الطفل

وعدم ترك الطفل فتره طويله اثناء الزيارات والتسوق والسفر

اي الصبر على مرافقه الطفل لك في كل مكان

فكلما مص الطفل اكثر اثر ذلك المنعكس على الحليب فيفرز اكثر

مو تقولي مافيني حليب وتتركيه مايمص فينشف الحليب

هذا الي اعرفه ويارب اكون افدتك ووضحت الفكره

اتمنى لكل الامهات رضاعه ناجحه

وللاطفال وامهاتهم صحه وعافيه

موضوع منقول

شو هالموآآآضيع الحلوه فديتج ..
مشكوره فديتج ع النقل الطيب

يعطيج العافيه

مشكوره اختي ع الموضوع الغاوي
والله يقدرني ويصبرني ع الرضاعه الطبيعيه

الله يقدرني يارب اني ارضع بنتي طبيعي
وماقول شرات بنات احين نشف الحليب خخخ

أصعب شي الرضاعه .. الله يعيننا يااااااااااااارب ويساعدنا

ان شاااء الله ياارب ارضع طبيعي

ومشكوووووووووووووووووره ع الموضوع

الرضاعه الطبيعيه و تشقق الحلمات ><

السلام عليكم و رحمة الله و بركاته..

شحاالكن خواتي..؟
عسااكن بخير..؟

أنا عندي مشكله…

أنا كنت ارضع بنتي طبيعتي دوووم..والحمدلله الحليب كان فتزايد مستمر..
بس يااتني فتره كل ما ارضعهاا لوو شوويه..
أحس بألم فضيييييع فالحلمه..ومراات تتقطع عندي و تنزل دم..
بصرااحه وااايد يعوووووووور..
فما اقدر اعطيها طبيعي..
وأنا اصلا اعطيها صناعي بحكم اني ادرس..
الحين من ثلاث اساابع كله صناااعي ما اعطيها طبيعي مووول..
واحس الحليب صاار اخف عن قبل بواااااااااااااااااااااااااااايد..
يعني قبل يوم كنت احطي القطن مال الصدر..كان ما شاء لله ينترس حليب..
وأطر اني ابدل القطن فووق الاربع مراات باليووم..
أماا الحين يااادووب اغير مره وحده…!!
والله مضاااااااااااااااااااااااايجه..كل ما ابا ارضعهاا اهلك واايد صدري يعورني..
وإذا شفطت لها احس اني بموووت من الالم..والله الم فضيع الله لا يراويكم..

خبروووووني شووو اسوي..؟
أبا ارضعها من صدري..
وأبا الحليب يزيد..والله اني مضااايجه..
قبل يوم كنت ارضعها طبيعي..لو مرت ساعه ما رضعتهااا صدري
يعوووورني من كثر الحليب الي فيه..أما الحين لااا..
رضعتها ولا لا عاادي..ما احس صدري فيه حليب..
ساااااااااعدووووووووووووني..شووووفووووا لي حل..

والسمووحه لو طولت عليكم…

شوفي الغالية
تشقق الحلمات لها عدة أسباب
أهمها

يمكن بنتج فيها فطريات في فمها..وهذا اللي يسبب التشققات
وسبب الفطريات المرضعة ,,,,والله أعلم
وبعدين الأفضل تروحين العيادة وبيعطونج دوا للحلمة
والحليب لا تخافين يوم بترد ترضع إن شاء الله بيرد الحليب

هذا من تجربتي اللي مريت فيها بولدي.
وما تشوفين شر

فديتج طبيعي يخف من قلت الرضاعة
وللعلم ممكن الحليب توقف بعدد مده قصيره اذا ما رضعتيها
وهالشي صار فيني في بنتي
سيري عند دكتوره وهي بتعطيج دوا خاص هالمشكلة

أنصحج الغاليه انج تدهنين حلماتج بزيت زيتون بعد ما ترضعين بنتج ما شا الله مفعوله عجيب انا مجربتنه

مشكووووراات خواااتءي ع النصااايح…

بس سؤاال…

كم يباله لين ما يجف الحليب..؟
لأنه انا هالأيام ماقدر اسير المستشفى عندي اشغاال..
و اخااف اتاخر و يجف الحليب..
عسب جي ابا اعر عقب كم اسبوع الحليب يتوقف..
والله هالشي ضايق بي واااااايد..

المشاركة الأصلية كتبت بواسطة كلي هيبه
مشكووووراات خواااتءي ع النصااايح…

بس سؤاال…

كم يباله لين ما يجف الحليب..؟
لأنه انا هالأيام ماقدر اسير المستشفى عندي اشغاال..
و اخااف اتاخر و يجف الحليب..
عسب جي ابا اعر عقب كم اسبوع الحليب يتوقف..
والله هالشي ضايق بي واااااايد..

انا عني توقف الحليب بعد اسبوع ونص او اسبوعين من اخر مره رضعت فيها بنتي

والله انه كأن انا الي اتكلم..وقسم بالله الالم من تشقق الحلمات لا يوصف احس اني بصيح في كل مره ترضع بنتي وخاصه يوم اتنش فاليل ترضع يطير الرقاد من عيني من الالم بس الفرق انج استسلمتي بس انا لا..ما عطيتها صناعي ابدا..وما خليت كريم للحلمات ما حطيته والمشكله ان بنتي عمرها 3 شهور ونص والتشقق ياني 3 مرات ويروح بس بعد ما يتقطع صدري والقطنه مالت الصدر تستوي كلها دم..

وحده من الاخوات قالت شي فعلا خلاني افكر فيها والي هو ان فعلا بنتي كان في ثمها فطريات والحين راح بس التشقق ما راح وانا استخمدت بالمرز لتشقق الحلمات و كريم بعد من مذركير حق الحلمات وكريم ثالث بعد من الصيدليه ما خليت شي ويتم كم يوم ويخف..

وبالنسبه لجفاف الحليب انا يوم كنت افطم عيالي عقب ما يكملون سنتين كان يتم الحليب من اسبوع لين 10 ايام ويجف..