الوسم: الربو

وذكرت الدراسه التى شملت اطفالا تتراوح اعمارهم بين خمس الى عشر سنوات .. ان الاطفال الذين يشربون عصير التفاح مرة كل يوم اقل عرضه بمقدار النصف للاصابه بالربو مقارنة بالاطفال الذين يشربو عصير التفاح مرة بالشهر

وقال الباحثون ان تناول التفاح بشكل يومى لم يسهم في مكافحة المرض .. الا ان تناول الموز كل يوم كان له تاثير و لكنه ضعيف مقارنه بشرب عصير التفاح في الحمايه من الربو

مرحباا بكن خوااتي

خوااتي العسل <– ذكر في القرآن فيه شفااء

جربوا يا خوااتي العسل لكم و لعياالي كل يوم خاااشوقه ع الريق و لو بعد في المساا اتزيدون بعد خاشوقه يكون احسن

بس طبعا عسل طبيعي 100%

حق الربو واايد زين ..

و عن تجربة لما استمريت ع الغسل لو ادش مكاان الكل فيه مزجمين ما اتعاادى <– فسبحاان الله يمكن ينفع مع انفلونزاا الخنازير

بس طبعاا اللي عندهم سكري هم أدرى بوضعهم <– مدري اذا العسل إيوز إلهم أو لأ

واشنطن : أفادت تقارير طبية أن تناول الحامل لتفاحة واحدة في اليوم يمنع الربو عن طفلها القادم ، وهذا يتوافق مع نتائج دراسة جديدة أكدت أن الأطفال المولودين لأمهات حوامل ممن يتناولن التفاح بصورة منتظمة أثناء فترة حملهن، هم أقل عرضة للشكوى من الربو، خاصة مع بلوغهم سن الخامسة من العمر.
ووفقا لما ذكره موقع CNN ، أخذت مشكلة الربو الطفولي تنمو وتزداد في الولايات المتحدة وغيرها من دول العالم، مما جعل العلماء يصرون على أن الاكثار من تناول التفاح اثناء فترة الحمل يمكن أن يحمي الطفل من الاصابة بالربو.

وهذه الدراسة التي نشرت في مجلة THORAX قارنت العلاقة بين الامهات اللواتي تناولن التفاح خلال فترة الحمل مع غيرهن ممن لم يتناولنه، وذلك في حوالي 1200 امرأة مع اطفالهن.

وقال ويلر الباحث من جامعة اوتريش في هولندا: "إن العامل الواقي المؤثر والمتواجد في التفاح يعود على الاغلب إلى المركب الضوئي الكيماوي فيه، والذي يشمل الفلافونيدات وغيرها من المركبات التي ثبت تأثيرها الصحي الجيد."

وأظهرت النتائج أن التفاح هو الطعام الوحيد الذي يوفر نسبة منخفضة من حدوث الربو لدى الاطفال.

وتبين أن الاطفال المولودين لأمهات تناولن التفاح أكثر من أربع مرات أسبوعيا انخفضت نسبة الاصابة بالوزيز لديهم بنسبة 27 %.

الخبر منقول

زين يوم خبرتينا كل يوم تفاحه ههههههه

ولدي الله يحفظه عمره الحين ثلاث سنوات ونص

وهو تقريبا من سنتين يعاني من صدره وضيق النفس
وكحه دوم وسرعه نبضات القلب

وديته أكثر من مره مستشفى الوصل
دوم يعطونه بخاخ ويسوون له أشعه ويقولون التهاب في الرئه
ويعطونه مضاد حيوي مدة عشر أيام
وبس دوم ها علاجهم

صح انه يخف عنه ويرتاح صدره
بس ما يكمل اسبوعين إلا ورد له
من اسبوعين تقريبا وايد تعب علي والحمى ماتنزل عن تسعه وثلاثين وديته
عند عبدالله الخياط (اللي هو مدير مستشفى الوصل عنده عياده خاصه )
قال لا بس كحه وعطاني دوى قلتله يمكن فيه التهاب في صدره قال لالا
يوم رديت وديته الوصل سويت أشعه قالو التهاب مره ثانيه
عطوني نفس العلاج وخف

والبارحه رد له

ف وديته مركز الورقاء الطبي
عند ذكتورة هنديه حسيتبها شاطرة

كشفت وقالت فيه الربو وشرحت لي كيف والأسباب والوقايه
بس وايد تضايقت عنبو وديته كل هالأمستشفيات محد عرف انه ربو !!

المهم عطتني بخاخ كورتيزون وبخاخ ثاني

وهو وايد يقطع في الكلام لأنه مايقدر يتنفس عدل

عطته إبرة كورتيزون

ف وايد أفكر أحس الكورتيزون مب زين وايد

هل في بديل !!

سامحوني طولت بس شاله هم هالمرض ! أحس به مب هين
طمنوني
ووديته عند

عفوا حطيت الموضوع هني عسب احصل اكثر ردود

ابا خلاصة عن معاناة الربو

ابا اقارن بحالة ولدي!!!

عمره 5

وعلى هالموال من 3 سنوات تقريبا

يتعب شوي من الرشح
يبدأ النصخ عنده يضيق
وحمى وخلاص ينهد حيله

لين ما يتنوم
واشعه
ومضاد
وبخاخات
وبخار
وادوية وقايه!!

يعني لا جديد
يعني كل ما يتعب لازم مضاد

يمكن خذ مضاد اكثر عن 20 مره
واشعه فوق ال 10 مرات!!

وهو ما كمل 5 سنوات

مافاده ولا علاج!

سواء خاص ولا حكومي!

اخر مره تنوم في مستشفى دبي
تعب وايد لدرجه دخلوه العنايه!!
رخصوه من كمن يوم

نفس الموال
عطوه مضاد وككورتيزون في الوريد واشعه وبخاخات
وحاليا ياخذ 6 اقراص كورتيزون عن طريق الفم!!من غير المضاد

احس انه وايد عليه!!

في كمن دكتور لي مريت عليهم في مراحل علاجه
سالوني عن هو غص بشيء او ضربة في الرئى!
لانه كل ما يسوون له اشعه الالتهاب في مكان واحد!! ف شاكين في هالمكان في الرئه

في مستشفى دبي قالو بيسوون له منظار وبنج كامل!!!عن طريق الفم لين الرئه عسب يشوفون المشكله!
وقبل ما يرخصونه يا دكتور ثاني قال لالالا ما يحتاي شيء ها الا ربو!!!!!!!!!
طبعا 7 دكاترة دخلو علي وكل واحد يقول شيء!!

سؤالي الوحيد هو

هل الربو جي فعلاً
يحتاج انه ياخذ المضاد كل كمن اسبوع تقريباً؟!!!!!!

لانه غامضني
وهو بهالعمر
وياخذ هالكم من الادوية والكورتيزون!!!!!!!!!!!!!!
واتشاور اعالجه في الهند!!

بس الربو اللي عنا كان من النوع اللي يروح بروحه يوم نوصل 14 سنه

ام سوت تغيرات جذرية لوايد اشيا خلال فترت نمونا عشان تتفدا المضاعفات

مثل

شلت كل سجاجيد البيت و ركبت سيراميك و رخام ^_^ لانه السجاد يجمع غبار و بكتيريا و اوساخ

غيرت نوع المكيفات السنترال او اللي يسمونه المركزي اكبر عدو للانسان المصاب بالربو

لازم التهوية فالبيت دوووم ولازم اشعت الشمس تدخل البيت كل يوم

يوم نمرض اتيينا كحه او بدايت ازما كانت تدهن صدورنا وظهورنا بفكس مب العادي لا هذاك البني اللي مرسوم عليه تايجر

و تغطينا وتلفنا بجرايد وتلبسنا بجاماتنا بسرررععه تتفتح شعبنا الهوائية ماعرف شو الحكمه من الجريده بس كان المفعول اقوى واروع انا كنت اقولها ماما حطيلي جريده !!

تنازلت عن الجهاز البخار مالها حق الفيشال لوول وخلته لنا

كانت تحط فيه عشبة بابونج مع شوية فكس وماي حار و تشغله وتييب منشفه وتخلينا نحط رووسنا وغطينا وتخلينا نستنشق

كان مفعوله حلوو وااايد حتى يوم كبرنا شويه صرنا نسوي بروحنا ^_^

العسل مع الحبة السودا دوووم كل يوم

كانت تاخذ زيت الحبة السودا من المعصرة وتعبيه في قوارير ادوية الزكان

و تقطرلنا اول ما ايينا زكام كان بسرررعه يفتح خشمنا صح يحرق شوية بس حلو والله للحين هالشي نسويه

كانت تحاول قدر الامكان تخفف استخدامنا للبخاخ عشان ما نتعود عليه ( يمكن نوع الربو اللي عنا غير اللي عند ولدج)

بس كان ابويه من اتيينا الازممه على طول يعطينا كيس نتنفس فيه كانا ننفخ في بالون بس نتنفس فيه كان حلو

يخفف الكتمه خاصة لو كنا برا البيت

حاولت اكتب كل شي اتذكرة للحين ^_^

و الكورتيزون عشان يفتح الشعب الهوائيه و يخفف التحسس

اللي عند ولدج قوي اظن ما اييه الا يوم يمرض و واايد يمرض

راقبي بيتج وشوفي نوعية السجاد والتكييف ولو يروح مدرسه شوفي شو عندهم

سويله المنظار احس بترتاحين عالاقل ما بتكونين في شك صلي استخارة

او اتريي لين الصيف وروحي سويلج تشيك اب في المانيا او تايلاند

فيهم الربو من الصغر يعني العمر يكون بالشهور

وع طول كل يستخدمون جهاز مع الادوية