الوسم: الدوا

بنات عادي آخذ هالدوا ؟؟؟؟؟

انا حامل فالشهر الثالث وعندي التهاب فالبول والدكتوره وصفتلي مضاد حيوي
اسمه uvamin retard بس انا خايفه آخذه … شو رايكم ؟؟
منو خذت هالدوا فحملها ؟؟؟

صبري بسويلش سيرش على الدواء بس صناعة وين هو ؟ لأن أول مره اسمع به؟

المشاركة الأصلية كتبت بواسطة custard
صبري بسويلش سيرش على الدواء بس صناعة وين هو ؟ لأن أول مره اسمع به؟

هو مضاد حيوي ومصنوع فسويسرا

عزيزتي حصلت انه مصنف (B) بالنسبة لسلامته للحوامل,,,
يعني في تجارب على الحيوانات عزج الله ما ضر الأجنة…

رايي اذا انتي متردده,,, شوفي دكتوره ثانيه و راويها الدوا,,, دامج بعدج في الثالث ,, الدكتوره ادرى انا ما أعرف اذا الالتهاب وايد ولا شوي,,, الله يعافيج

المشاركة الأصلية كتبت بواسطة custard
عزيزتي حصلت انه مصنف (B) بالنسبة لسلامته للحوامل,,,
يعني في تجارب على الحيوانات عزج الله ما ضر الأجنة…

رايي اذا انتي متردده,,, شوفي دكتوره ثانيه و راويها الدوا,,, دامج بعدج في الثالث ,, الدكتوره ادرى انا ما أعرف اذا الالتهاب وايد ولا شوي,,, الله يعافيج

تسلميييييين حبيبتي ..

انا ما احس انه الالتهاب وااايد بس اخاف اهمله ويزيد ،، واانا اللي اعرفه انه التهاب البول الشديد يسبب لا سمح الله اجهاض ولا ولاده مبكره ..

فألحينه قلت اذا وحده استخدمت الدوا وما ضرها بستخدمه ..

فديتج انا الدكتورة وصفت لي مضاد حيوي لانه طلع فيني التهاب حااااااااااااااااااااااااااااااااااااااااااااد ف البول (تكرمين) وكنت ف الشهر الثالث تقريبا بس ما خذته واعتمدت على شرب الماي واااااااايد والعصاير

وخاز عني الالتهاب

قري الوصفه اللي داخل يكتبون اذا يناسب الحامل او المرضع او غيرها

تعالو شوفو الدوا الي عطتني اياه راعية الصالون و قالت انه يضعف؟؟

البارحه انا كنت في الصالون و عطتني الدوا وحده تشتغل هناك و هي ضعفانة وااااااااااااااااايد و قلتلها على طول شو سويتي ؟؟؟؟؟؟؟جان تقول خذت هالدواء شهر بس؟؟؟؟؟؟؟؟اتخيلو ؟؟؟

اي وحده استعملته و الا تعرفه؟؟؟؟؟؟

عبارة عن شو هذا
وهل هي صدق ضعفت على هالدوا
او بس تبا اتبيعه

لا تسمعين كلامها فديتج اكيد هاي وحد نصابه تبا اتبيعه عليج اتحذري يااختي والله يبعد الشر عنج

منتج صيني ><

ماااحب استخدم هالاشياا لسببين…
ما عليهاا ضماان … ولاني ضعيفة خخخخ

كيف تثقين ف وحدة راعية صالون..؟؟
هــا دوى وصحتج مب لعبه حبـوبـه..

ان شــاء الله تضعفين بدون ما تسوين شــي..^ـ^

اختييه لاتتهورين وتستخدمين هالمنتج^^
لوتستخدمين شي طبيعي بكون أفضل..
والسموحه منج^^

انا سمعت ان المنتجات الصينية تعتمد على فضلات الحيوانات او الديدان تحملي اختي

جهزتي الدوا قبل الفلعة؟

السلام عليكم و رحمة الله و بركاته
شخباركم عسولات؟ عساكم بخير ^___^
البارحة كنت اسولف ويا اختي درب الوله
و مرة وحدة خبرتني إنه ربيعتها شرت فستان ملجتها

مع إنها مب مخطوبة و لا غيره..
يعني حتى مافي شي ف الجو صوبها
بس تقول عيبها و حسته هذا هو الفستان المفروض يكون مال ملجتها..!
مع إنها كانت سايرة ادور فستان حق عرس واحد من أهلها..!

المهم.. قبل بفرت كنت يالسه أقرا كتاب أجنبي
مكتوب إنه مفروض الإنسان يشتري شي حق المستقبل
يعني مب شرط أحينه تستعملينه..!
عسب مثل ما يقولون.. اممم.. "يطلع للمستقبل" أو يتحمسله..!

و عقب شفت موضوع شمسة المرر
كيف بشرت ريلها إنها حامل
كتبت إنه كل شي سوته قبل العرس
يعني أحسه شي حلو حتى لو مافي شي

و تبون الصدق.. من فترة خذتلي مثل فستان بس جلد قصير
و عااارفة إني ما بروم البسه ف اي مكان
و لا حتى يدام اهلي لانه وااايد قصييييير
بس خذته.. قلت حق عقب.. و ما كان ف بالي متى يعني ^_^

فيه مرة سويتي هالشي؟ تحسينه خبال؟ و لا شي حلو و تفكرين تسوينه؟

أدري إنكم بتضحكون بس برايه.. ههههه

والله حلوو بس انا لين الحين ولا مره سويت جي وبفكر شو لازم اسوي

انا قبل مااا اعرس كنت اشتري قمصاااااااااااااان نووم ……….

المشاركة الأصلية كتبت بواسطة فراوله دبي
والله حلوو بس انا لين الحين ولا مره سويت جي وبفكر شو لازم اسوي

جربي.. بتحسين بشعور حلو = )

امممم لا لحد الحين ولا شي بس في مرات افكار اقول بسويها بعدين بس والله حلو جي

المشاركة الأصلية كتبت بواسطة أم مواازي
انا قبل مااا اعرس كنت اشتري قمصاااااااااااااان نووم ……….

أحيانا اتيني هالهفة و اتراجع.. هههه

انا اخذلي قمصان مستحيل البسها جي لانه واااايد عااااري يعني البس تحتهم بدي

بس من يدري يمكن انخطبت بعد فتره ف بيكون اوكي اني البسهم عقب

حلو الفحم داخل الدوا

حلو البر …
المقادير :
8 اكياس بسكوت اوريو بو 6 حبات
32 حبة بسكوت بتي بور
1 قيمر نستله
1 حليب نستله المركز المحلى
2 حيه جبن كيري

الطريقه:
1-يطحن 2 كيس اوريو بدون الكريمه البيضاء(يحتفظ بالكريمه )و يترك على جنب
2-يطحن باقي اللاوريو بدون الكريمه خلاص ما نحتاج الكريمه بشي
3-يطحن البتي بور
4-يخلط 2+3 والجزء المحتفظ من كريمه الاوريو في1
5-يخلط الحليب و القيمر و الكيري والبسكوت باليد(يترك بالثلاجه سااااااعه)
6-يكور ويمرغ بالاوريو المطحون 1 (كره بحجم اصغر من الج
-7- صفيه بالدوا(المنقله)

(ترا عجيييييييييييييييييييب و يبيض الوجه )

الصوره على هذا الرابط:
http://up.arab-x.com/pic/1io42951.jpg

حلووووو ….بس لخبطيت شووية في سالفة الاووريو
يااريت توضحين اكثر
لاتوااخذيني وانا اختج
خخخخخخخ

حبيبتي شنو اللي مو فاهمته بالاوريو؟
اذا قصدج الكريمه البيضاء ترا اللي نحتاجهم هو بس كريمه 6 حبات بسكوت اوريو والباقي نتخلص منه مانحتاجه .. جربيه مره ثانيه وعطيني رايج .. وبالعافييييييييه .

شكله عجيب

ما أقدر أنام . شو الدوا أو الوصفه الي تخليني أنام ؟؟؟

مرحبا بنات
انا ما اقدر ارقدر اكثر من خمس ساعات … انش بوقت وأرقد متأخره …
لا ادرس ولا اشتغل … فليل ولدي الله يحفظه يرقد وأنا اتم بالساعات ع الفراش
والله اتعب من التقلب … ابغي ارقد ..
عطوووني حل؟؟
ابغي اي دوا او وصفه شعبيه للرقاااد

اللي اعرفه البندول البنفسجي بس طبعا لا تكثرين منه

أنا سمعت إن النعنااع الدافي زيين قبل الرقاد
لأن يدفي المعده ويرقد ..
ولاتنسي الإستغفااار كثري منه وصدقيني بترقدي
وانتي ما حاسه .. أنا جييه يووم ما فيني رقاد أيلس أستغفر ليين أرقد وأنا مب حاسه .^^ .

السلام عليكم ورحمة الله وبركاته

فديتج تدرين العام يتني هالحاله كنت وايد اتعب وأحس بصداع

فضيع.. أبغي أنام وتعبانة بس في شي يمنعني وما أقدر آخذ أي

أدوية حدي البندول.. وفي دكتورة الله يذكرها بالخير قالت انتي

مافيج شي كل اللي فيج وسواس.. وايد اتفكرين يعني الدماغ

عندج شغال بكذا موضوع ويعيد الحسبة ومادري شو.. لووول

المهم قالت حاولي تقرين قرآن وبعدها تشربين كوب حليب دافي

وبعد تضيفين له ملعقتين( ماء زهر) لاحظي زهر مش ماي ورد

وقالت وانتي عالفراش احمديالله على كلنعمه عطاج اياها وفكري

لأن الموضوع نفسي هب عضوي.. وان شاءلله تستفيدين شراتيه

والله يوفج الجميع

lممممممممممم يقولون البابونج تغلينه وتشربينه معروف انه مهدئ للاعصاب

بعد الزنجبيل ويا الحليب تسخنينه وياه وتشربينه قبل لاتنامين

وترا البندول الازرق سحبوه من السوق ؟؟؟؟

بس نصيحه من يستوي المغرب خلي ليتات البيت خافت شوي لان بيولوجيه جسم الانسان وايد يتاثر بالضوء واكثر سبب لانتشار الارق بين الناس لهالسبب
وبعد الرياضه تنفع

والله من كثر ماكنت اعاني مثلج كنت وايد اقرا ولين الحين بس اخف

تقبلي مرووري افادوك البنات ماقصرو جزاهم الله خير

حبيبتي الي فيج قلق و كثره تفكير مثل ما قالت وحده من الخوات تسوي تمارين الاسترخاء يوميا قبل ماترقدين ولا اتمين ضاقطه على عمرج و اتمين اتقولين لازم ارقد تراج مابترقدين حاولي تسترخين اتنفسي بعمق و اسحبي الهواء لين يمتلي صدرج و بعدين طلعيه كأنج تنفخين شمعه و تمي على هالحال 5 دقايق و بعد فيه شي ثاني حاولي يوميا تيلسين فمكان هادي و طيحي طيحه مريحه و غمضي عيونج و اتخيلي انج ترقدين بعمق و رااااااحه و انه يوم ايي موعد ارقادج ماترومين اتفجين عينج من الرقاد خخخخ تراني ما اسولف التخيل له دور فالنفسيه و جربي هالتمرين 3 مرات فاليوم عالاقل و داومي على تمرين التخيل اسبوع او اكثر عالاقل و جذيه بيستجيب عقلج الباطن تراني مجربتنه من قبل و الي ياني اخس منج بواايد .. الله لا يبلي مسلم و بالتوفيق الغاليه ولا تمين اتفكرين فالرقاد موول و بترقدين ان شاءالله

فيدوني بلييز بهالدوا

السلام عليكمــــــ. .

شحالكمــ ..

انا رايحه العمره ان شا الله ..

سمعت عن هالدوا ponstan

يوقف الدوره الشهريييه ….ّّّّّّّ

صحيح ولا ..

اللي مجربه تقول لانه بدون مضاعفات

و هل صحيح انه الليمون يوقف الدروه !!!!!! .. اللي مجربه تخبرني

و يزاكم الله خييييييييير

اترياكم

لازم تسالين الدكتوره علشاان ما تتلخبط عندج الدوره بعدين وتتعبين

وعمره مقبوله مقدماا

سيري المستشفى وطلبي الدوا الدكتوره بتكتبلج الاحسن

عادي الحامل تستخدم هالدوا

السـلام عليكم ورحمه الله وبركاته ..

انا حامل وعندي التهاب فأذني ورحت المستشفى وعطوني هالدوا

وفي ناس خبروني ان مب زين للحامل .. صح ولا !!

وهذا شكل الدوا ..

اختي تبين الصدق اسالي الدكتورة الي اتراجعين عندها احسن هي اتعرف حالتج …. لان انا حتى البندول مانعتنه الدكتورة عني … والسموحة ..

انا بعد الدكتورة مانعة عني اي دوا حتى دوا حك الشعر وكريمات الويه

انا ويا الاخت سارا راجعي الدكتورة احسن

هذا مضاد حيوي
الافضل ما تاخذينه غناتي

وااااااااااااااااااااااااااااااااااااااااااااااااب ييييييييييه هذا انتيبايوتك ليش عاطينج اياه انا الدكتورة كانت تقولي لما تستويلي حمى واحتقان وزجام تقولي خي بس بندول بعد مب وايد وقالتلي خذي فيتامين سي القرص الفوار فقط لاغير وكنت اشرب اشياء طبيعية واتذكر يتني كحة قوووووووووووووويه الله لا يراويها حد والله خفت عالبيبي لاني لما كنت اكح بطني يتحرك واااااااااايد وعمة اختي يزاها الله خير قالتلي اتم احط كسرة كركم فحلجي وامصها او انقع الكركم في ماي واشرب منه والحمد لله وااااااااااايد استفدت

حبوبة سألي الدكتورة ،،
لأن مب زين تاخذين مضاد حيوي وانتِ حامل،،،

والله صدق مب زين +_+"

انا الدكتورة عاطتني اياه وتعرف اني حااامل !!

الله يستر .. لا تزيغوني !

خذت الدوا ومانزلت الدورة !!

السلام عليكم ورحمة الله وبركاته …………..

خواتي بختصر الموضوع ……
المهم انا اعاني من تكيسات المبايض من سنين والحين الشي هذا مخرب علي سالفة الحمل ……..
فالوقت الحالي انا اتعالج عند أمل كحيل وتعطيني دفستون كل شهر عشان الدورة تنزل واذا صار حمل يثبت بعد مشيئة الرحمن …….. عالعموم طول العلاج والله ماكتبلي ، فقترحت علي اسوي تلقيح وانا قبلت عطول طبعا كان التلقيح مؤلم مؤلم مؤلم لدرجة متخيلتها وتميت اسبوع ماتحرك من الفراش ولا اطلع برع اللهم الصالة وتعب ……………

بعد ماسويت كنت متفائلة بس للأسف نزلت الدورة والحمدلله على كل حال …… وراجعت الدكتورة قالت مب مشكلة انتي هالشهر ريحي ولا تاخذين منشطات ولا ابر اللهم دفستون ولين الحين مانزلت الدورة مع ان موعدها طاف ومن شوي سويت فحص الحمل فالبيت وطلع سالب

ابغي اعرف ليش مانزلت الدورة؟ واللي اعرفه الدفستون ينزل التكيسات والدورة …. وانا كنت استعملة من شهور حتى التكيسات بحجم 5 سنتي تنزل ؟؟

بنات دخيلكم ردوا علي وانا ناوية باذن الله اسير عند الدكتورة بعد كم يوم بس طالبتنكم اللي تدخل تدعيلي

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

فديتج الغالية مشكورة والله يرزقج باللي تتمنينه يارب العالمييييييييييييييييين

اللهم آمييين ويااااج يالغاليه

الله يرزقك بالحمل السليم الثابت عاجلا ليس آجلا

آمييييييييييييين

انا بعد عندي تكيس وتاخرت عندي الدوره اكثر عن شهرين سرت لدكتوره وعطتني دفستون حبتين لمدة خمس ايام وما نزلت عقب سرت مره ثانيه وقالت لي بعطيج ابره تنزلها قلت الها ما ابا اخافها اتسويلي نزيف فقالت عيل اخذي 3 حبات دفستون لمدة ثلاث ايام والحمدلله نزلت بس كنت اخذ وياه محلب ويا عسل

والله يرزقني ويرزق كل محرمه بالذرية الصالحة

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

سؤال لكل وحده جربت هالدوا

الغاليات اي وحده جربت هالدوا تخبرني متى نزلت لها الدوره بعد كم من يوم؟؟
انا الدكتوره قالت لي كليه لمدة 5 ايام
وبعدين بتنزل لج الدوره..
اممممم
بس حبيت اعرف بعد كم من يوم تنزل الدوره
بليز ردو عليه …

ليش محد رد عليه
يعني معقوله محد جرب هالدوا؟؟؟؟؟؟؟؟؟؟؟؟!!!

حبي اقص عليج لو اقول لج اني جربت الدوا

الحمد لله دورتي منتظمة بدون اي ادوية

المشاركة الأصلية كتبت بواسطة @miss pink@
حبي اقص عليج لو اقول لج اني جربت الدوا

الحمد لله دورتي منتظمة بدون اي ادوية

مشكوره الغاليه ع الاقل انج رديتي عليه
المهم اتريا حد يجاوبني..

للاسف اختي اناما جربته

اختى انا جربت هذا الدواء لان كانت الدورة عندي مب منتظمه فعلا كنت اخذ حبه الصبح وحبه المساء لمده 5 ايام وتميت يومين او 3 ايام بالضبط نزلت الدورة عندي ……..

majrbtah sorry siis

بنات كيف انظف جسمي من الدوا تجهيزا للحمل

انا كنت اشرد دوا اسمه روكوتان مال حب الشباب بس اريد انظف جسمي سمعت التمر زين لاتقولولي حلوول ؟؟ يقولون يأثر على جدار المعدة يشل الطبقة الي تحمي المعده ؟؟ هذا كلام وحده طالعه من عند دكتور معدة انا عندي معدتي حساسة بكتيرا المعدة عندي .. بس ابا انظف جسمي من روكوتان عشان اتجهز للحمل ان شاء الله

الدكتور قالي مدة شهر تكفي ينظف جسمج من الدوا بس حركات يطولونها شهرين شورايكن

ادعوولي بنات انه احمل بطفل كامل معافى لانه هالدوا يشوه الجنين الله يبعدكن عن التشوووه دوم دعواتكن تفيدني والله العظيم الله يرزقكن اميييييييين

انشالله تحملين الغلا بالولد المعافى انشالله وماتشوفين شر

مشكوووؤة الغالية الله يعافيج ويثبت حملج

الله يرزقج بالطفل المعافى بلا زياده أو نقصان

انشالله تحملين الغلا بالولد المعافى انشالله وماتشوفين شر

انتظر حد يساعدني بالموضوع

أختي beboshka توكلي على الله ولاتخافين أنا استعملت الروكوتان بسبب حب الشباب لمدة سنة كاملة وكنت أتابع عند الدكتورة جمانة في مستشفى السلامة وكانت تسويلي فحص دم كل ثلاث شهور وقالت لي ممكن تحملين عادي بعد ماتوقفين الدوا بشهر واحد وعلى ضمانتي لأني كنت وايد خايفة وأخبرها عن كل القصص اللي أسمعها من كل وحدة تعرف مني إني استعمل الروكوتان وحدة تقول لي باسم الله يسبب سرطان والثانية تقول لازم ماتحملين إلا بعد سنة والدكتورة جزاها الله خير كانت تقول لي رجاء لاتخبرين حد أنج تستعملين الروكوتان حتى ماحد يخوفج وصدقيني لوفي أي خطورة عليج أنا بوقف لج العلاج وماقالت لي إني لازم آخذ دوا أو أكل معين عشان أنظف جسمي من الدوا والحمد لله بعد ماخلصت العلاج بثلاث شهور وبدون ماخذ أي شي معين لتنظيف جسمي من الدوا حملت ويبت بنت والحين بنتي عمرها سبع شهور فديت روحها والحمدلله هي بخير ولافيها شي الله يحفظها .
وانتي إذا كنت خايفة أنصحج بعد ماتوقفين الدوا بشهر أو أكثر سوي فحص دم في أي عيادة وقولي لهم أبغي أتأكد إذا كان في دمي نسبة من الركوتان أولا . وإن شاء الله تطمأنين والله يرزقج الذرية الصالحة السليمة المعافاة ويعطيج الصحة والعافية واسمحيلي على الإطالة وإن شاء الله أكون أفدتج