الوسم: الدوام

مواعيد الدوام المدرسسي 2024 _ 2024 *

العام الدراسي الجديد للمدارس الحكومية والخاصة

التي تدرس مناهج الدولة

يبدأ 15 – سبتمير – 2024 للطلبة .

وزارة التربية والتعليم تقسم العام الدراسي الجديد

إلى 3 فصول ودوام المعلمين 12 – سبتمبر

الفصل الأول : من 15 سبتمبر حتى 19 ديسمبر

الفصل الثاني : 2 يناير حتى 27 مارس

الفصل الثالث : 3 ابريل إلى 14 يوليو موعد بدء الإجازه الصيفيه

[تلفزيون الشارجه + برق الإمارات ]

تسلمين على المعلومة

الله يسسلمج يارب ..

^_* ..

مشكوووووووووووورة الغالية ..

اوكيك .

تسسسلمن على مروركن ..

مشكووووووره الغاليه

عشان الدوام ممكن مساعدة

بسم الله الرحمن الرحيم

السلام عليكم و رحمة الله و بركاته

مرحبا خواتي الفضليات ،عساكم بخير و صحة و عافية

حبيباتي أنا أبي مساعدة إذا حد يعرف مكان لتفصيل تنانير و قمصان بتصميمات

رائعة و مميزة و راقية يا ريت تدلوني بأسماء لخياييط و تكون بالشارجة ….

الشي الثاني أريد مكان لتفصيل عبايات خاصة بالدوام تكون خفيفة بدون كرستالات

مجرد شغل يكون على الكم بقصات تكون حلوة و مميزة …

الشي الثالث أريد محل لبيع أحية تكون مريحة و طبية و تكون بدون كعب بس

مرتفعة شوي بمقدار بسيط يا ريت تخدموني جزاكم الله خير و لكم جزيل الشكر و العرفان

أنيــن الحيــاة

ممممممممممممممم ..

انا مب من الشاارجة ><

بس حبييت ارفعلج المووضووع ..

للـــــــــــــــــــرفع ،،،

لررررررفع

للرفع

موفقه

بغيت دريول يوصلني من البيت للدوام ومن الدوام للبيت ضروري

بسم الله الرحمن الرحيم
السلام عليكم ورحمة الله وبركاته ..

لو سمحتو بغيت دريول ويفضل لو تكون حرمه تشلني من البيت وتوصلني الدوام
وترد تشلني من الدوام وتردنيه البيت ودوامي جريب بيتنا فدبي بلييييييز

ساعدوني الله يخليكم

احتاجه باقرب فرصه

والسموحه

بالتوفيق ..

موفقة ان شاء الله

مووفقة

ان شاء الله تحصلين

موفقه ^^

سبحان الله

ع الساعه كم بتروحين والرده؟؟؟

شغل البيت والدوام الطويل

السلام عليكم ورحمة الله وبركاته ..

اتمنى اتكونون باحسن حال ..

بصراحه هي مشكله وحده من ربيعاتي مب انا .. مشكلتها باختصار دوامها الطويل..

ملخص حياتها..

هي متزوجه من سنه تقريباً ..احبون بعض وايد ومتفاهمين وياينهم بيبي في الطريج ..

دوامها وايد طويل يعني اداوم من الصبح الساعه 9 الين الساعه 7 المغرب ..
ولو طلعت من الدوام مشكله ميزانيتهم وايد بخترب وممكن اشياء وايد تتعقد وخاصه ان في بيبي ياي يعني يبيله..

وهذا اعيقها عن البيت وبعض الاحيان عن نفسها .. خاصه الحين وهي حامل تحس بتعب تحاول تضغط على عمرها عشان لا ينقص ريلها والبيت اي شي .. هي وايد مضايجه من هالوضع بس اتقول انه مؤقت وراح يتعدل حالهم وراح تتفرغ في يوم لبيتهم وريلها وعيالها ..

طبعا ممكن تقترحون عليها خادمه !!! بس هي ضد هالفكره تماما وان بيتها وريلها وعيالها هي المسؤوله عنهم وماتبي حد يشاركها فيهم لو شو مايكون السبب .. وفي سبب ثاني انها ماتامن فيهم وخاصة انها اتغيب فتره طويله عن البيت ..

ريلها اقترح عليها هالشي من قبل .. ورفضت رفض تام .. بس هي خايفه اكون ريلها مضايج رغم انه يساعدها دايما في شغل البيت واحاوول اخفف عليها وساعات يعفيها.. او انه يمل وتبدا المشاكل بسبب التقصير على الرغم ان ماطرى اي شي بخصوصه وبالعكس ..

فشو رايكم شو ممكن اتسوي وشو ممكن اصير؟؟
بانتظار اقتراحاتكم وافكاركم ..

اختكم في الله

شغلها وااااااااااااااااايد طويل والريال ما اعتقد يصبر ع هالحال ما ادري حتى ما اقدر اشجعها اتييب شغاله للبيبي كل هالوقت الطويل صراحه بيتها اولى فيها والله الي يرزق والشغاله بتساعدها فالتنظيف يوم بتييب الياهل بنسهر الليل وين تقدر ع شغل البيت ودوام طويل لو امخا موجوده يمكن الوضع يختلف بس بروحها صعبه الله يعينها تستخير احسن

الله يسر اموووورها يارب

خليها تدور شغل ثاني او تطلع من الدوام ورزقها على الله مافي حل ثاني

بخصوص البي بي وبعد ماتربي .. اذا امها او عمتها او وحده من خواتها بتتكفل فيه كان بها

وتنظيف البيت تتفضى له ف الويكند على يومين ودام هي وريلها ماشي يهال لو نظفته مره وحده ف الاسبوغ بيتم نظيف

بس تحاول كل يوم تزيد ع الخفيف تنظفه

والله ييسرلهم

صراحه صعبه وصدق ماشي وقت ،،،

حتى بتوصل البيت مالها بارض ،،،، واحس بعيييده عن ريلها اذا يومها يضيييع ع الدوام ،،،

مافيها شي لو تييب خدامه اتريييح نفسها … وبعد ماتقوم بالسلامه ان شالله بتزيييد عليها المسؤوليه
الياهل يبى اهتمام وسهر وغيره ،،، احس الوضع صعب شوي ،،،

الا اذا كان حد من الاهل قريب عليها تقدر اتخليي البيبي عنده ،،،
واذا ماتبى شغاله اتييب وحده بدوام الساعات عشان تساعدها ،،،

تحاول تشوف دوام ثاني اذا تقدر ،،،

——————————————————————————–
خليها تدور شغل ثاني او تطلع من الدوام ورزقها على الله مافي حل ثاني

الرضاعه والدوام كيف تنظيم رضاعتج وشغلج ؟؟؟

هلا خواتي

صباحكن سكر وفل ونرجس وجووري ( شوووو خص السكر ) خخخخخخخخخخخخخخخ
الصوم ومايسوي والحمل ومايسوي خخخخخخخخ

المهم :

بنات

الي تشتغل وربت اكيد عطووها اجازه شهرين او شهر و15 يوم بعد الولادة ..


كيف نظمت رضاعه ولدها قبل دوااامها ؟؟؟؟؟؟؟؟؟

وهل تشفطين صناعي وتخلين له فالبيت وانتي فالدوام او تدرسين مثلا؟؟؟؟

وهل يستوي عندج احتقان مثلا فالدوام ويتم يطلع الحليب برووحه ويخيسج فالفتره الي اداومين فيها عطول بعد الشهرين .؟؟

كيف تصرفتي وشوو الحلووول

وشو الاشياء الي ساعدتج ونظمتلج الرضاعه

سواء اجهزه .. او شيء ينشرب اعشاب وجيه يخفف بس مايقطع الرضاعه …

وهل دخلتي حليب صناعي حق الفتره لي انتي فيها برا وبصراحة احن من 8 لين 3 انا اشووفه وايد بس المرضع صح نطلع 2 …بعده وايد من 8 لين 2 والياهل بدووون حليب امه

اباكن تفيدني بليييييييييييييز ونفيد بعضنا خصووصا انا اول ولد مارضع مني لاسباب غصبا عني قاهره

المشاركة الأصلية كتبت بواسطة dnyailwalah

هلا خواتي

صباحكن سكر وفل ونرجس وجووري ( شوووو خص السكر ) خخخخخخخخخخخخخخخ
الصوم ومايسوي والحمل ومايسوي خخخخخخخخ

المهم :

بنات

الي تشتغل وربت اكيد عطووها اجازه شهرين او شهر و15 يوم بعد الولادة ..
عطوني اجازه شهرين وعقب كملتها من رصيدي

كيف نظمت رضاعه ولدها قبل دوااامها ؟؟؟؟؟؟؟؟؟
كنت عادي ارضعها من صدري بس كنت من اول مانولدت اعطيها شاي الاعشاب مره وحده في اليوم عشان تتعود ع المرضعهوهل تشفطين صناعي وتخلين له فالبيت وانتي فالدوام او تدرسين مثلا؟؟؟؟
كنت اشفط حق بنتي اول مارجع من الدوام على طول وعقب ارضعها

وهل يستوي عندج احتقان مثلا فالدوام ويتم يطلع الحليب برووحه ويخيسج فالفتره الي اداومين فيها عطول بعد الشهري .؟؟
هذا يتم تقريبا اسبوعين بس كنت احط القطن مال الصدركيف تصرفتي وشوو الحلووول
انا انصحج انتي تشفطين له لان الرضاعه الطبيعية تقوي مناعة الطفل
وشو الاشياء الي ساعدتج ونظمتلج الرضاعه

كلي خضروات وخاصة الخضرا وكثري من الجرجير وانتي اول ماتربين بكون عندج احتقان لان الياهل اكثر يومه راقد فانتي شفطي وحطي فالفريزر وحطي التاريخ لانه عادي يتم 3 شهور
سواء اجهزه .. او شيء ينشرب اعشاب وجيه يخفف بس مايقطع الرضاعه …

وهل دخلتي حليب صناعي حق الفتره لي انتي فيها برا وبصراحة احن من 8 لين 3 انا اشووفه وايد بس المرضع صح نطلع 2 …بعده وايد من 8 لين 2 والياهل بدووون حليب امه

انا جربت معاها كذا نوع بس بنتي كانت ترجعه فعشان جي حاولت قد ما اقدر انا احطلها ومن بدت 4 شهور اكلتها شوي شوياباكن تفيدني بليييييييييييييز ونفيد بعضنا خصووصا انا اول ولد مارضع مني لاسباب غصبا عني قاهره

اتمنى اكون افدتج ترا كل ردي من تجربتي

TeswA 3yonI

تسلمين حياتي اكيد استفدت

بعد ومنكن نستفيد

نا بعد دوامي وايد طويل للساعه 5
انشاالله نستفيد وياج لان بعدني ماربيت

عيل حياج معانا عسب تستفيدين احس وايد للساعه 5 فوجود بيبي فالبيت

مادام يا هنيه الموضوع بيصير مهجوور اكيد


انا ما اشتغل ولا اداوم بس بحاول اساعدك لان ربيعتي كانت تشتغل وترضع بنتها طبيعي فاخذت منها شوية معلومات
اول شي انا طبعا من مناصري الرضاعه الطبيعيه
لازم من اول ايام تحاولي تعودي البيبي عالمرضعه وتجيبي جهاز شفط الحليب وعلب لحفظ الحليب او اكياس حفظ الحليب من مذركير عشان تحطيهم بالثلاجه
ممكن حفظ الحليب بالثلاجه لمده 6 شهور بس بالثلاجه من الداخل وبالبراد لمدة 5ايام او اسبوع
وانتي بالدوام خذي معاكي جهاز شفط الحليب اذا في ثلاجه بالدوام وخذي اكياس حفظ الحراره اللي بكارفور لونهم ازرق واول ما توصل البيت حطي الحليب بالثلاجه عشان اليوم الثاني لما تكوني بالدوام يطلعو الحليب ويعطوه للبيبي احفظي الحليب بعلب على حجم الرضعه لان ما بتقدري ترجعي الباقي لازم ينرمى
لما تطلعي الحليب من الثلاجه اذا كان بعلبه او مرضعه حطيه بكاس ماي دافي حتى تكون حرارة الحليب مناسبه للرضاعه واتأكدي قبل ما تعطيه للبيبي انك تنزلي شوية حليب على رسغ ايدك من الداخل اذا كان دافي تعطيه للبيبي

اما بخصوص الاشياء اللي بتخفف الحليب في الميرميه

انا هاا بجري ^^
وبعدني ادرس فالكليه

بيكوون الشفط صديقي الصدووق
خخخخخ

مره الكليه رتبوا لنا محاضره ويا اخصائية الرضاعه الطبيعيه
وواااااااايد استفدنا منها ^^

كليتنا يعطون المربيه اسبوعين اجازه ,, فهي قالت لنا اول اسبووع رضعي عاادي
من يدخل ثاني اسبووع اشفطي وخزني الحليب فالفريزر
لان فالفريزر يتم الحليب مدة 3 شهوور

بس ها يباله كل الرضاعات اللي فالجمعيات والصيدليات ههههههههه

انا بسوي شرات ربيعتي تاخذ الشفاطه وياها للكليه وتسير وقت البريك
تشفط في حجرة الممرضه ^^
وترد البيت تعطيه ولدها
وطبعا قبل لا اسير الدوام برضع البيبي وبكون مخليه جم رضااعه فالبيت
فيهم حليب مشفووط يعني اللي يسدوون البيبي لين ما ارد البيت ..

وجي يعني ^^
وربي يسهل علي وع كل وحده تدواام او تدرس وعندها ياهل صغير

ان شاء على هالولاده برضع النونو ،،، الولادتين القبليات مارمت، الحليب عندي واااااااايد خف مع اني حاولت اشفط بس احس العامل النفسي يأثر او على قولة أمي انتي ادرارج مو زين يعني اول بيبي رضعتها بس شهرين والبيبي الثاني 3 شهور وحملت

بغيت حرمة دريولية بالشهر الدوام

السلام عليكم
حواتي انا محناجه وحده توديني وتردني من والى الدوام
أنا في دبي
ابغي وحده تكون ثقه

ليش جذي ولا حد رد

ااختي انا اداوم في بردبي قريب من البنك المركزي صوب متحف دبي
وساكنه فمنطقة الورقاء

ردي عليه ضروري اذا يصير

مشاكل الدوام وقصتي الطويلة

[

B]بسم الله الرحم الرحيم
السلام عليكم ورحمة الله وبركاته
عندي مشكلة في الدوام صارت لي مع موظفة كانت هاذي الموظفة مب زميلة كانت صديقة لي هي مب من اهل البلاد خلونا نقول من بلد عربي -المهم كانت انسانه عزيزه على قلبي وايد وكنت ارتاح لها دخلتها بيتي وكنت اوصلها بيتهم كذا مره مع انه انا ساكنة في بوظبي وهي في بني ياس كنت اقول خليني احتسب الاجر فيها ومب ندمانه والله -علاقتي ببنات الدوام جيده ولله الحمد بس كانت زمالة عادية سلام وتواصل عادي وهادى بس مع الشباب صفر ولله الحمد ما اختلط بهم ابد ولا حتى سلام اسلم عليهم لان تعلمت من دوامي الاول ان نظرة الرجل هي نظرة وحده نادر ما تحصلين حد يشوفج نفس اخته -كان عندي زميل في المكتب انجبرت اكون معه كانت هاذي البنت خلينا نخترع لها اسم -مريم- كانت كل مره تزورني المكتب تقول لي شو كان يقول لج وليش تهمسون قلت لها والله رمسة عادية عن الدوام وهو اللي يبدا الكلام وانا بس اسمع له .
مرت الايام انتقلت عندنا زميلة جديده-اسمها ام سلطان- هاذي ام سلطان في نفس المكتب اللي انا فيه زميلتي نفس القسم غير مريم كونت علاقة جيدة معها ولله الحمد بعد كنت احل لها وايد مشاكل ونفسياً استفدت منها وايد بناحية الشغل وكانت تساعدني بامور طيبه لكن فيها مشكلة بسيطه وهالمشكلة نواجهه في كل الدوائر ما عرف الله اعلم ما بحط بذمتي وهي الغيرة – كانت تقول لي ام سلطان- هالموظف حاط عينه عليج وكنت اقول لها انتي تتوهمين ومريم بعد تقول الموظف الفلاني ليش يسلم عليج قلت لها السلام لله- كنت اقول بخاطري ثرثرة حريم وطنشته -في يوم من الايام انتقل عندنا رئيس قسم اسمه بو عبدالله ما شاء الله تبارك الرحمن انسان خلوق ودوم الابتسامه في وجهه وانسان ملتزم وخير ومحب لاهله – كل مره يتصل بي يقول لي خلصي الشغل ويتصل بعد بام سلطان- يعني ما يفرق من بينا ابد وانا والله ماكنت اشوفه ولا ازلت اشوفه الا نفس الاخ اللي لم تلده امي – وعلاقة عمل بس لا اكثر -الظاهر والله يعلم ان اختنا مريم انعجبت فيه وهي كانت تتمنى تاخذ من عيال البلد يعني بالعامي (مواطن اماراتي)كنت اقول لها اللي الله كاتبه بيصير بس لا تعلقين قلبج كانت كل مره تشوفه عندي تقول لي شو يقول لج ليش يزورج – قلت لها انتي غبيه هذا رئيس قسم لازم يزورني -كنت اطنش هالنغزات في يوم من الايام كنت تحت ورحت اكلمه واقوله انا باخذ اجازه ومريم كانت بعيد عني بس ما لاحظت وجودها- وكان بو عبدالله يكلمني عن الدوام وينصحني عن اشياء في الدوام بس كان يهمس وكانت من بينا مسافات بعيده -طلعت انا وشوية تطرش لي مسج تقول لي عيب عليج الريال معرس قلت لها انتي مجنونه هذا اخوي مب رئيس القسم -وفي الليل ام سلطان تطرش لي مسج قالت لي شو سويتي في بو عبدالله قلت لها والله ما سويت شي ليش شو صار -قالت مريم خبرتني انج كنت عنده وترمسون بصوت خفيف شي من بينكم قلت لها انتي من صدقج بهالرمسه وهاذي ما تستحي -انا هني بدت علاقتي تخف مع مريم بعد يومين من السالفة ام سلطان تقول لي بقولج شي بس سر قلت لها قولي قالت مريم تقول انج ترسمين على بو عبدالله وانج تبين تاخذينه عن حرمته قلت لها استغفر الله -عاد ماحصلت الا مع بو عبدالله تتبلى علي -ام سلطان مادري شو كانت تبا تتوصل له – انا طنشت الموضوع بس بقلبي كنت ماخذه على مريم وطنشتها وكنت ارمسها ببرود بس اسلم عليها-هي حست بهالبرود وقالت لام سلطان اني متغيره عليها وقالت لها انتي اللي سويتيه مب شويه تبليتي عليها قالت والله كنت امزح انا ما اقصد شي وهي سوالف بنات -وكانت ام سلطان توصل لي كل كلامها يعني مثل ما تقولن نقل رمسه انا كنت اكره هالشي وكنت اقول بخاطري برايه- انا هني للرزقي مب لسوالف حريم وتنقيل رمسه فاضية -كنت ضايفتنها في البلاك بيري وقالت لي انتي متغيره علي ومرت على السالفة شهرين قلت لها توج تعرفين قالت لي بكل برود ليش قلت لها انتي ادرى قالت لي اعرف ام سلطان قامت تتخبط بالرمسه وطلعت لج رمسه عني مب زينه قلت لها ما تخبطت ولا شي انتي قلتي هالرمسه صح ولا غلط قالت هيه انا قلتها بس امزح قلت لها كيف قدرتي يعني ما حصلتي الا هذا الانسان الطيب تتبلين عليه قلت لها صعب ارجع نفس قبل معج بس يمكن مع الايام ارج لج -بعد فترة استوت مشكلة من بينا ومسحتني من البلاك بيري انا هني انقهرت وطرشت لها مسج قلت لها انتي تمسحيني من البلاك بيري عشان مشكلة تافهه وانتي رمستي عن شرفي ولا مسحتج ردت علي بكل برود عشان ما اتضارب معج قلت لها طيب رقمي امسحيه من تلفونج واذا شفت مسج بخبر مديرج انج ترمسين عني -ردت علي وقالت انا ما اتهدد قلت لها طيب خبرت واحد من الموظفين يكلمها وصدق كلمها -شويه اشوفها بمكتبي قالت لي ابا اكلمج قلت لها بشو تبين تتكلمين اللي بينا انتهى وهي مخبرة ام سلطان تبا تعتذر لي- قلت لها تو الناس تعتذر بعد شهرين من السالفة صدق بينت غلاتي عندها -رفضت اعتذارها الصراحه بعض الزملاء معي بالمكتب قالوا لا يكون قلبج قاسي قلت لهم صعب ارجع مثل قبل يمكن مع الايام -مرت الايام والشهور وانا الصراحه ما بيني وبينها اي سلام ولا كلام الا اذا سلمت على العامة ارد السلام -كان في موظف اسمه ابو راشد هذا مادري شو اقول لكم وايد متلازم مع مريم وايد كلام من بينهم وكان يوم يشوفني يسلم علي بس كنت اتجنب الرمسه معه لان استغفر الله رمسته شرات الحريم كل ما يشوفني الله شو هالوجه الحلو وين الشباب عنج ما يخطبونج ومرات يقولي ليش كاشخه اليوم وشوهالشنطه وشو هالعباية كنت وايد اتضايق من هالشي -بعد فترة بسيطه انقطع حتى سلام ما قام يسلم استغربت انا صدق اللي قال رب ضارة نافعة -قلت لوحده من البنات ليش بو راشد ما يسلم قالت لي وايد مشغوله قلت الله يعينه -قلت لام سلطان بو راشد ما يسلم علي ولا فلانه ثانية تسلم قالت غريبه انا سلموا علي قلت لها مادري-لكن امس استوى موقف الصراحه لخبط لي كل موازيني ما عرفت الحين منو الصاحب لي انا كنت مندمجه في الكمبيوتر اكتب -دخلت مريم تسلم وكنت بروحي بالمكتب سلمت انا كانت عيني على الكمبيوتر رديت السلام بهمس يعني هي ما سمعت ردت مره ثانيه تسلم انا طنشت وتتمت تعلق وتقول السلام لله – في قلبي قلت انا ليش ما افسخ النعال وافره براسها وارتاح طنشت شويه ام سلطان تتصل لي تقول لي مريم سلمت عليج وانتي ليش ما رديتي قلت لها سمعي انا اذا برد السلام برد عشان الاجر مب عشانها وانا رديت شو ذنبي اذا ما سمعت – ردت قالت لي انتي وايد متغيره قلت لها ليش قالت لي تقول انه انا من انتقلت عندكم انتي تغيرتي ما قمتي تتكلمين مع البنات ولا تسلمين على حد قلت لها ام سلطان انتي معاي في المكتب وعايشه كل لحظاتي الشغل فوق راسي مشاكل البيت فوق راسي مشاكلي فوق راسي -مب متفيجه لهالامور ابد والتفاهات وردت تقول لي بس صدق انتي رديتي السلام قلت لها سمعي اذا انتي مب مصدقتني ماله داعي احلف لج على القران عشان تصدقين هذا انتي وضميرج انا اصدقج بكل شي لاني اعرفج بس الظاهر انتي ما عرفتيني تمت تقول لي انتي شيطانه وقلبج قاسي وبعدها قالت انا امزح معج بس بعد بو راشد يتشكى يقول انتي ما قمتي تسلمين عليه – قلت بو راشد اذا يروح يتشكى للحريم مشكلته كلن وظروفه .
الحين ابا الحل منكن اعرف اني طولت عليكن بالسالفة بس صدق والله من امس انا تعبانه ماعرفت اصدق منو وهالنفاق انا ما احبه صعب اتعايش معه – مريم قطعت علاقتي بها لان انصدمت منها بو راشد ما يسلم علي قلت والله فكه بس راح يتشكى علي وصعب وايد يوم ريال يتكلم عن بنت وام سلطان ردة فعلها امس صدمتني شو الحل برااااايكم هل اكمل حياتي معهم واطنش او اروح او انه اكلم كل واحد واخليه يحدد موقفته مني لان مشكلتني انا استحي بس اخذ بخاطري .
ساااااامحوني وايد طولت عليكم[/B]

حق جذه كنت احب ادوام بين الموظفين الشباب لا ينقلون الرمسه ولاشيء لاني كنت جاده معاهم ومن دخلت بنت ثانيه وثالثه الشباب قاموا يطلعون من القسم وقدموا استقالتهم والله ومحد عرف طيبه الشباب قسمي غيري وقلبي يعورني عليهم وامسات طلع واحد منهم وتميت اصيح والله انهم اكثر من مجر اخواني يالله ربي يوفقهم ان شاء الله وما عليج من هاي مريم اللي تبا تاخذ مواطن هههههه حامض على بوزها قوليلها مشوطه تقولج ولا اقول خبريني مكان دوامج بزورج شويه وعرفيني عليها ببرد خاطرج فيها
في من البنات بس زماله عمل اما صداقه صداقه نوووووووو الا 1%

الله يعينج اختي دايما سوي الشي اللي يريح ضميرج وهذا الاهم

المشاركة الأصلية كتبت بواسطة مشوطه
حق جذه كنت احب ادوام بين الموظفين الشباب لا ينقلون الرمسه ولاشيء لاني كنت جاده معاهم ومن دخلت بنت ثانيه وثالثه الشباب قاموا يطلعون من القسم وقدموا استقالتهم والله ومحد عرف طيبه الشباب قسمي غيري وقلبي يعورني عليهم وامسات طلع واحد منهم وتميت اصيح والله انهم اكثر من مجر اخواني يالله ربي يوفقهم ان شاء الله وما عليج من هاي مريم اللي تبا تاخذ مواطن هههههه حامض على بوزها قوليلها مشوطه تقولج ولا اقول خبريني مكان دوامج بزورج شويه وعرفيني عليها ببرد خاطرج فيها
في من البنات بس زماله عمل اما صداقه صداقه نوووووووو الا 1%

ههههههه فديتج والله تسلمين – يمكن الشباب اللي عندج طبيبين وصدق بعضهم وايد طيبين ما عندهم سوالف الحش وشي بنات والله بعد ما يحبن سوالف القرض والحش والحسد – اما بخصوص اختنا هههههه خلاص الحين بيشاركونج بكل شي
مشكوره فديتج على الرد

المشاركة الأصلية كتبت بواسطة @مبدعه@
الله يعينج اختي دايما سوي الشي اللي يريح ضميرج وهذا الاهم

يا اختي انا مسويه اللي مريحني وفوق هذا بعد يرمسون من ورا ظهري توه امس اقول لام سلطان خليهم يتكلمون دامهم يعطوني حسناتهم – قالت لي اخاف يقولون لي انه انا غيرتج قلت لها انا مب ياهل حد يقول لي صادقي هذا وابتعدي عن هذا
مشكوره على الرد

المشاركة الأصلية كتبت بواسطة احساس-بسمة
ههههههه فديتج والله تسلمين – يمكن الشباب اللي عندج طبيبين وصدق بعضهم وايد طيبين ما عندهم سوالف الحش وشي بنات والله بعد ما يحبن سوالف القرض والحش والحسد – اما بخصوص اختنا هههههه خلاص الحين بيشاركونج بكل شي
مشكوره فديتج على الرد

ياختي اخاف اكتب وينمسح او ينغلق موضوعج بسبتي ههههههه
ما عاش من ياخذ مكانتا الغاليه اووووه عيل على هالاساس هي تبا تتقرب منه على انها مواطنه غش

احسن شي اقطعي علاقتج بام سلطان بعد وخلج بحالج "هذوله ما وراهم الا القيل والقال والمشامل وانتي شكلج علي نياتج واكيد يغارون منج لاسباب يمكن انتي اتعرفينها "وافضل انتي تقطعينها باسرع وقت واتريحين بالج"