السلام عليكم
سؤالي خاص للمتزوجات ألي تزوجوا وكملوا دراستهم الجامعية
هل عرفتون توافقون بين الدراسة والزواج ؟
بأي سنه جامعه كنتي لما تزوجتي؟
نصيحه توجهينها للي تنخطب وترفض عشان تكمل دراستها ومستقبلها
وشكرااا
عرست بعد آخر كورس دراسه
بس التدريب كنت توني معرسه ليه شهر
وبديته
.. على حسب حبوبة ..
لو الريال تحسينه مابيلهيج ع دراستج عادي املجي
بس كعرس صعبة وايد
اعرف وحدة ماشااء الله شاااطرة كان باقي لها كورس وتتخرج .. لكنها عرست وحملت وخربت على عمرها 
فالي بتعرس هي تقرر لو تروم ع العرس مع الدراسة وتحس انها تروم توفق بين الاثنين اوكيه خلها تتوكل على الله
لو تحس ان هالشي بيلهيها عن دراستها .. لاااا والف لاا .. الدراسة ما تتعوض وخصه في زمنا هاه
الي عنده بكلريوس كانه ثانوية ,, فما بالج الي ماعندها شهادة جامعيه ؟؟
وايد صعب التوفيق بينهم خصوصا لو صارعندج عيال حتى لو في من يساعدج بتكون المسؤلية الاكبر عليج والشهادة هالزمن وايد مهمة انا تزوجت من 6 سنين وصار عندي 3 عيال والى اليوم ما خلصت وايد تندمت الصراحة رغم الحمد لله ما ناقصني شي بس احس بالنقص دايماوبعد هالشي يتوقف على الزوج ودوره على العموم استخيري والله يوفقج للخير
ربِّ انزع من قَلبي
تِلڳ الآشياَء التِي تُؤلمني ~
ربِّ اجعَل ليّ سُلمًا بينَ السَماء ۆالآرَض أصعَد بِه إليك
كلّما ضَاقت بيّ الآرَض ~
ربِّ أنا أمَتُكَ الضعيفة فاجعل ليّ مَلَكًا بجواريّ يُربّت على كتفيّ كلّماخابت بيّ الظّنۆن ،
اللهم لقد خابَ ظنيّ بهم واحدًا تلو الآخر !و الظن بكَ لا يخيب يا ربّ العرش
ربِّ امنحني فرحًا كبيرًا يسعنيّ
ربِّ اجعل السماء ليّ وطنًا
ربِّ اجعل السماء ليّ وطنًا رحبًا لا يضيق فيه صَدري ~
ربّ أنتَ القريب ,
و الصاحب
..أنتَ المُجيب
, و السَامع
..ف آرحَم ضَعفيي
يّ اللهۆحقق ليّ رآحة فإنيّ بحاجة إليهآ ربِّ عوّضني عن تلكَ الأفراح الواهيةبأفراح تَبقى .. ربِّ انزعهآ من قلبيتلك الخيبَآت </3 ! د
أنا عرست سنه فالصيف يعني مخلصة سنه رابعة وكان باجي لي سنتين ، الحمدلله ريلي ربي يحفظه ويخليه لي كان متفهم ظروف دراستي وشجعني انني أكمل بالرغم اني كنت أبا أطلع من الجامعة لانني كنت بنت سكن وصعب اشوي تخلين بيتج وريلج واتمي اسبوع ، فهالشي يعتمد ع الزوج اذا تفهم أولا .والحمدلله تخرجت
الله يوفقج يارب
ان اتاكم من ترضون دينه و خلقه فزوجوه
الدراسه مع الزواج صار شي عادي خاصه اذا الكليه في نفس امارتها
