السلام عليكم
بنات أحتاج مساعدتكم بعد الله وإن شاءالله ماتخيبوا ظني فيكم000
أنا لجأت لعملية خلع ضرس العقل لكن عن طريق جراحة الفك لأنه الضرس كان مدفون00
اللي احتاجه00 بعد كم يوم راح انتفاخ الوجه ومتى ترجعي تاكلي طبيعي وصار عندي الم في اللثة وجميع الاسنان احسها حساااسة وفيها الم؟ وابغى شي يساعدني على التئام الجروح والتقرحات لأنه الدكتور ماعمل لي غرز قال خليها لحالها تلتأم000 وأنا بصراحة متخوفة 000 ووجهي صاار مورم بشكل مو طبيعي ومكان الضرس محفووور هل يطلع فيه لحم؟ ولا بيجلس كذا لأنه بيجمع بقايا الأكل0؟
ماعرف فديتج
بس حبيت ارفع لج الموضووع
والف سلاامه ياارب
ردوا علي بليييز
انا سويت جراحه انتفخ خدي وراجعت المستشفى وعطوني مضاد حيوي وتقريبا تم انتفاخ اسبوعين
الغاليه هاتي ماء وملح وغليه على النار ويوم بيبرد تغرغري فيه حوالي 5 مرات باليوم كل يوم يعني سويلج كميه تكفيج وانتي والعافيه رباعه
انا سويتها العام الحمدلله مانتفخ ويهي والدكتور سوالي غرز وعقب الجراحه بـ 4 ساعات قدرت اكل شي بسط على الينب الثاني والخيوط شي منهن بروحه طاح وشي انا قصيته بروحي ومكان الظرس التام عادي اول شي حسيت بفراع وعقب تساوى ويا اللثه
انا سويتها مرتين ويوم يروح مفعول البنج كنت احس بألم فضيع حتى كان ينتفخ خديه وكانو يعطوني اجازه مرضيه اسبوع وتقريبا كنت اكمل يمكن 5 ساعات ماكل شي واذا باكل بشرب شوربه بس ماروم اكل لين اليوم الثاني بس انا كانو مسويليه خياطه وحتى كنت احس بألم في اللثه وضروسي الباقيات