الوسم: الدخاتر

وكل مره يطلعولي سبب. ويعالجوني اونهم. بس تعبت من الكلوميد والابر.

قالتلي. وحده يمكن عندج العده الدرقيه لانه من فتره رقبتي وارمه. وهي تاثر على الحمل

المهم رحت الزهراء قالولي شويه وارمه بس ما اتاثر رحت الملكي قالي دكتور الهرمون ناقص

وتم يتفلسف عليه بس أنا ما خذت الدواء لانه دكتور عام موب متخصص

الحين حجزت عن مركز سليمان الحبيب. في دبي وانشالله خير

بس إذا تدعولي دعوه الله يفج ضيقتي ويرزقني الحمل

وتخبروني. إذا وحده تحيم.

أنا سمعت عن وحده في عيمان زينه

دخيلكم الي تعرف تساعدني

ويزاكن الله الف خير

ياااريتني من دبي جاان سااعدتج

شحالكن عساكن بخير

اليوم عندي موضوع واااااااااااااااااااااااااااااااايد مهم لبنات الامارات

الهدف منه :

==========================

((( الافــــــــــــاده و الاســــــتـــــفــــــــــاده )))

==========================

طبعا الدخاتر والعيادات والمستشفيات الخاصه والحكوميه مازره البلاد والحمدالله

شو رايكن بنات كل وحده تكتب عن تجربتها مع العياده او المستشفى او الدختوره

اللي تعالجت عندهم سواء كان قبل الحمل او بعده

او المستشفى اللي ربت فيه مع ذكر سلبياته وايجابياته ولخياطه وخدمة المستشفى

والممرضات والغرفه وختان البيبي …….. الخ

نخلي هالموضوع ملف خاص للعيادات والمستشفيات والدخاتر في الامارات مع تجاربنا

بحيث يكون مرجع كافي و وافي للبنات الامارات

مع ذكر مايلي :

– اسم العياده : ——————

– الاماره : ——————

– اسم الدختوره : ——————

– مدة العلاج : ——————

– السعر : ——————

– الايجابيات : ——————

– السلبيات : ——————

– معلومات اضافيه : ——————

– اي شي ماذكرته : ——————

ونحن في انتظارالمشاركات على احر من الجمر

اختكم

بـــاربـــي

أنا من العين اخترت اني اربي في الجيمي , صح زحمة عليهم , بس اسلوبهم وتعامل السسترات كله ذوق ويفهمون حالتج على طول, بصراحة اتخيل لو ربيت في مستشفى ثاني ما كان تسهلت ولادتي جيه.

على حظي الدكتورة كانت عربية , سودانيه بس ما شالله عليها ونعم الدكتورة , اما وقت الولادة ما حسيت لانهم حطولي مخدر عشان يوم يتقطع المكان ما يعورني, وقصو بعد شوي بالمقص بس اول ما ربيت بعدني ما شفت البيبي على طول نظفوني من داخل زين كانت الدكتورة تدخل قطنة ومطهر الين داخل بايدها كم مرة تطلع الدم الفاسد وتنظف المكان لدرجة ان امايا كانت تصرخ عليها وتقولها بس طلعتي دم البنيه كله, وبعدين الله يسلمكم, خيطوني خياطة داخليه ما شا الله والله اني يوم خلصت الاربعين حسيت عمري كأني عذرا المكان ضيق ولا كاني ربيت. وما في اي مشاكل الحمد الله

الصبح على طول تييج اخصائية رضاعة وما تروح من عندج لين ما تتأكد انج تعرفين ترضعين ولدج تماما, ويعلمنج اشياء ثانيه بعد, وكل ساعة تييج السستر وتشيك عليج

اما السلبيات فكانت سلبية وحده لا اكثر وهي عدم توفر غرف مفرده, يعني عقب ما ربيت حطوني انا واربع فحجره بين كل وحدة ووحدة ستارة بس , يعني وااايد ازعاج

موضوع حلو واشكر الكاتبة على انتقاءها الجيد للمواضيع وان شا الله ان الجميع يستفيدون …

انا عندي ثلاث اطفال وولدت في مستشفيين مختلفين ..

اول ولاداتي كانت في مستشفى الكورنيش في بوظبي ,,, كانت عندي مشاكل وقت الولادة بس الحمد لله مرت على خير والدكتورة ما شا الله عليها كانت سودانية بس ما شا الله واااااااااااااااااايد كانت صبورة ومتعاونة وما كانت مثل بعض الدخاترة ممكن انها تصارخ عليج او شي تعرفون اول ولادة لي واماية محد عندي كانت في العين وكان ويايه بس ريلي وطبعا مسكين ما يعرف شو السالفة والله حتى انا بس كنت من قبل اسمع انه وقت الولادة حلو انج تقرين سورة الزلزلة ليش والله ما ادري المهم تميت اقراها خصوصا يوم قالولي ان نبض الطفل بدأ يقل وتخيلوا تميت افكر صارلي 9 شهور اتريا المولود واخر شي يموت لاني ما اعرف كيف اطلعه وكانت الممرضة الانجليزية وحليلها تحاول تحطيلي الاكسجين بس ما كنت اطيعها تميت اقرا اقرا اقرا لين ما الحمد لله مرت الولادة على خير بعدين حطوني في غرفة روحي الحمد لله افتكيت من الازعاج بس احس تخروا لين ما غسلوا ولدي يعني انا ولدت الساعة 10 ونص الصبح ويت تغسله الساعة 5 احس وااايد متأخر عموما انا بعدين صرت اسبحه اروحي وعن الرضاعة هيه تييج وحدة وتعلمج اشلون ترضعين بس سبحان الله ما ادري اشلون كان عندي الموضوع عادي يعني كاني اعرف من زمان اشلون ارضع وانا لا شفت حد من قبل ولا اعرف الطريقة اشلون بس سبحان الله الامومة غريزة مو شي مكتسب …. وبخصوص الخياطة سوولي اعتقد 4غرز من داخل بس تقريبا …. بس اختيه العودة قالت حق امي انها تسوي لي دبة عودة فيها عسل وماي واعتقد تسخنه وبعدين تحطه في الدبة وعقب كل ما سرت الحمام اغسل مكان الغرز به وما مر اسبوع الا وكل شي صار اوكي وصرت اعرف اتحرك براحة والغرز راحت ….

الولادة الثانية واللي اعتبرها بصراحة اسهل ولاداتي كانت في العين في مستشفى توام الصراحة واااااااااااااااااااايد سهلة يعني بدأ معاي الالم الساعة 10 ونص في الليل وسرت المستشفى الساعة وحدة في الليل وولدت الساعة تقريبا 4ونص او خمس الفجر بس الصراحة ولادة تقريبا المها ابد ما يذكر فجأة والا وانا والدة سبحان الله والممرضة ما قصرت نظفتلي بأمانة وكانت افريقية اعتقد من جنوب افريقيا على حسب ما اذكر بس بصراحة ما اعرف شو اسمها بس الشي اللي ما عيبني انهم يحطونج في غرفة ولادة مشتركة وبينا ستاير طبعا الاصوات ما شا الله بس المشكلة والله فظيحة حد يمر عدال الستارة والا يطالع هاي حرمته والا لا والوحدة تولد صراحة فظيحة الحمد الله انا كنت اخر الممر وامي واختي مسويين على حراسة <<<<<<< وعن الخياطات اعتقد كانت غرزتين لان كان عندي نزيف شوي …. هيه صح وانا كنت متأخرة عن وقت الولادة بـ 10 ايام

الولادة الثالثة واللي كانت من اصعب الولادات واللي من بعدها حرمت اني احمل عسب ما اشوف اللي شفته فيها كانت في الكورنيش بس هالمرة مع اماية وحليلها واااايد عذبتها ويايه …
شو المشكلة اني طفت موعدي بـ20 يوم وما كان في حتى الم بسيط يعني ما كنت احس بأي شي مع اني كنت وااااااااااااااااايد امشي بس ما شي فيدة وكنت اتحرك وما شي فايدة المهم قالو لي لازم تيين المستشفى قلت لهم لازم خل اتريا اشوي يعني ما عندي مشاكل في الحمل قالوا لا الطفل في هاي المرحلة ممكن انه يتعب وينقص عليه الاكسجين وممكن يموت وابييه عاد تخرعت بس بعد ما اريد طلق صناعي ,,,,
المهم سرنا المستشفى وحطوني في غرفة مع وحدة ثانية وضرابة نحن وياهم وشوي ويدخل في الموضوع ريلي اختي الله يجزيه كل خير ان شا الله دنيا واخره وما ادري شو قالهم وحطوني على طول في غرفة روحي ,,,, وعقب بدأ الشغل … اول تحميلة كانت يمكن بعد العشا وعلى الساعة 3ونص في الليل تييني دكتورة لبنانية وقلت لها ترا في الم بس خفيف يعني كل نص ساعة ييني يعني ما في داعي تحميله ثانية بس ما طاعت قالت لي اونه لا لازم تاخذينها علشان تسرع الموضوع قلت لها والله برايكم بس انا اشوف في لها داعي وهي عطتني اياها من هنيه والالم (( بح )) من هنيه بعدين قالت لي اخت ريلي هذا اكيد كان عندهم زحمة في غرف الولادة فعطوج شي يبرد الطلق قلت لها الظاهر جي … بعدين الساعة 7ونص الصبح يتني وممرضة وعطتني تحميله ثانية والله لا يراويكم على الالم الشنيع اللي ياني لا قدرت اوقف ولا اقعد ولا انام ولا امشي ولا شي ما عندي غير احاول اكتم المي عسب امي ما تخاف لان كان الم غير غير غير بمعنى الكلمة شو ها ابد ما قف وحليلها الفراشة اللي كات تنظف الغرفة كل شوي تسير وتنادي السستر بس ما شي فايدة ما عندهم غير عادي عادي ما في شي بعده ما شي ولادة وهيه وحليلها اسميها مخترعة كانت اعتقد هندية … المهم امي والفراشة تموا وراهم لين ما عصبت امي واتصلت في اخوي وقالت اني وااااااااااايد تعبانة وهم مب راضيين يهتمون اشوي ,,,, عقب شكله اتصل فيهم وبعد شوي الا وانا في غرفة الولادة ,,, تخيلوا من الساعة تقريبا 8ونص وانا في حجرة الولادة والالم كل شوي يزيد وطبعا جهاز النبض مركب علي واقولهم في ولادة ويقولون لي ما شي ولادة الدكتورة كانت انجليزية وعقدتني والقابلة اللي وياها كانت لبنانية بس واااااااااااايد كانت حبوبة اسمها عبلة بس صدق واااااااااااااااايد حبوبة وكانت تحاول تساعدني بأي طريقة بس مشكلتهم انهم كانوا يعتمدون على القراءات الغلط للجهاز لين الساعة 4 ونص والالم ابد ما خاز عني وابوييه شو ها الالم والله اني يوم اتذكر اقول تووووووووووووووووووووووووووووووووبة اني افكر بالحمال مرة ثانية وصدق بنتي عمرها الحين 3 سنوات وبعدني ماحملت ,,, المهم في هالوقت اخيرا اكتشفوا انه عندي ولادة بس شو ولادة متعسرة الساعة 5 العصر طلعت الحمد لله بالسلامة وعقب قالولي انه كان عندي ولادة متعسرة والله ليش لان ويها وايد مستانسة ومستعيلة شكلها على الطلعة كانت كان فوق يعني بعدها ما انقلبت المهم بالنسبة لخياطات شي خياطة بس من الالم ما حسيت في شي وودوني الغرفة وطبعا دايما روحي الحمد لله مفتكة من الصدعة …. واول ما وصلت الحجرة تراني واااايد كنت متفيقة شليت بنتي وسرت الحمام وسبحيتها بس ….

والله يوفق الجميع وييسر الخير للجميع ان شا الله دنيا واخره