سلام عليكم ماعرف كيف ادخل فالموضوع انا عندي خدامه اندونيسيا يايبه من خمس شهور حصلتها فالمكتب قالولي وحده ردتها لانها ضحكت في ويه ولدها والحرمه اونها ماعيبها ماتباها تضحك وانا كنت محتاجه خادمه لاني حامل وعندي ولدي صغير وايد اتعب ف يبتها وكانت مشتغله ف سعوديه قبل المهم علمتها طبخ لانها ماكانت تعرف وايد ووديتها عند خالتي وعلمتها خدامت خالتي انا علمتها من فطاير وخميره وخبز جباب ورقاق وحذت لها كتاب طبخ بس مول ماتسوي عدل زين شغلها ف نظافه لاكن كل اسبوع انا لازم اسير جمعيه اخذ اغراض مخسرتني والله تعبت منها
وعليها حركات كله تضحك حتى لو انا اكلم ريلي هيه لازم تضحك وسووت حركه من فتره خلتني اكرها يوم يتها الماتسمه وصخت سيارة ريلي كنا سايرين بيت ابوي وعقب يوم دخلنا جان تخبر امي وتقول حق امي انها تبا ثياب وفوط جان تعصب امي عليه تقول كيف ماتاخذين لها لوازم وهي موصخه عمرها وانا والله معطتنها كل شي ويوم بغينا نطلع انا ريلي شفنا انها حتى وصخت كرسي سياره وريلي وايد عصب وامي درت بعد عصبت قالت هاي شكلهامتعمده جي تسوي وتم ريلي معصب المهم وايد قمت اخاف وهي مسلمه ومتزوجه لاكن اخاف لانه مامنهم امان ايشي انا اسويه لازم تسويه مثل اذا قصيت ل ريلي فواكه لازم ثاني يوم تسوي ووتحط انا ما اقول لها حطي او قصي شي مرات اشك فيها ومرات اقول حرام اظلمها انصحوني خواتي والله تعبت من تفكير وامور وايده تسويها
انا اقول حاولي معاها وفهميها غلطها وعطيها فرصه 5 شهور شوي ترا انا كانت عندي خدامه كملت تقريبا 7 شهور وانا افهم فيها رافعه ضغطي والحين ما شاء الله عليها اتمنى تكمل عندي سنتين بعد لكنها رافضه تقول خلاص ومادري شو اليديده الي بتي الله يرزقني بخدامه زينه ويصلح حال الي عندج طولي بالج احسن وشوفي اهم شي راحة البال عطيها فرصه بعد واذا ما تغيرت وديها مكتب وبيشوفون لها ناس ويبي غيرها الله يسهل امورج يارب
بدون شك من رايي متعمده عيل في وحده متزوجه ما تعرف متى اتي لها الدوره مستحيل وعقب ما خيست السياره ما قدرت تنظف بدون ما يشوف ريلج
وبعدين حق شو تقلدج في اي شي اتسوينه لريلج اتحملي اختي ولا اتسوين شي جدامها ها من وجهة نظري والله يعيينج منها
الاندونيسيات مالهم امان فنظري انا !…….
المشاركة الأصلية كتبت بواسطة الخلود ج 
وبعدين حق شو تقلدج في اي شي اتسوينه لريلج اتحملي اختي ولا اتسوين شي جدامها ها من وجهة نظري والله يعيينج منها
الاندونيسيات مالهم امان فنظري انا !…….
صدقتي والله مالهم امان مستحيل اسوي شي جدامها بعد حسبي الله عليها
المشاركة الأصلية كتبت بواسطة warduae_ad امين يارب ويسهل امورج يالغاليه امي يحليلها كل مره تكلمها وتفهمها لاكن مايفيد وياها واتقول انا بتم عندج ثلاث سنين حتى ماتفكر جنها في عيالها
وعليكم السلام ورحمة الله وبركاته
هلا يالغاليه …بصراحه ما اقدر اقول غير اسال الله ان يصلحها ويهديها .
ويكفيج شرها قبل كل شي وماتشوفين منها الا كل خير 
الله يكون بعونج
