الوسم: الخبره

الخبره يا اصحاب الخبره

السلام عليكم

مبروك عليكم الشهر

بقولكم قصتي باختصار

انا الشهر الي طاف ماخده كلوميد والدكتوره عطتني موعد عسب تشوفني بس ماحصلت فرصه. وعقب قتره حسيت بالم صوب البويضه وروحت عند دكتوره ثانيه ?ني كنت بعيده عنها وفحصتني وقالتني عندج كيس ماي عٌٍـلٌٍـ? البويضه والسب الكلوميد عٌٍـلٌٍـ? البويضه الثانيه صغير وعطتني فولك اسيد واخذه ومر عْ السالفه 3 اسابيع وتعبت مره ثانيه وهالمره الم وااايد فالرحم مع اعراض كثر التبول وكله ابى ارقد ولوعه روحت عند دكتورتي الاولى وشافتني كانت تقولي فالبدايه حلو حلو وعقب شافت كيس عْ الميص حجمه 6 سنتي وصورته لي وقالت احتمال هالكيس يكون حمل او كيس ينزل عند الدوره وقالت اذا الدوره يت تعالي

خواتي شو الموضوع هل هو حمل و? كيس و? كيف

?ني خايفه واحاتي

ان شاء الله يكون كيس حمل ^^

والله ينوولج اللي ف بالج =)

انشالله يكون حمل الغالية والله يسهل عليج انشالله ويرزقج بإذن الله

الله يرزقج … بالذريه الصالحه ان شاء الله

ان شاء الله يكون كيس حمل .. اذا هي دكتوره شاطره بتفرق بين الكيسين ..

اتري كمن يوم وسوي فحص حمل .. ياااااااااارب يكون كيس حمل

غريبه دكتورتج كيف كيس على المبيض ويمكن حمل مايستوي
ترى الكلوميد يسوي اكياس اذا ماخذتي ابره تفجيريه
ان شاااااااااااااااااء الله حمل يااااااااااااااااااااااااارب وبشرينا

إن شاااء الله كيس حمل ياااااااااارب …

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

شورو علي يا متزوجات يا أهل الخبره

السلام عليكم بنات شحالكم ؟ عساكم بخير،

ياليت تفيدوني في حل مشكلتي أنا صارلي كمن شهر متزوحه وهذي أول مره يحرجني فيها زوجي جدام أمه وأبوه للعلم نحن عايشين عندهم، المهم أنا وايد انحرجت وعقب سرت الغرفه وتميت أصيح وحاولت أنام ويا عقب حط راسه ونام ولا جنه سوى شيء بس هو 100% حس اني زعلت ولكن ما حاول يراضيني رغم انه بشكل عام طيب وياي ولكن غلط الصراحه علي هالمره .. وانا وايد حطيت في خاطري.. هو سار الدوام بوظبي اليوم وما بيرد الا بعد يومين .. أنا في العاده أتصل عليه أطمن وهو نفس الشيء بس اليوم لا أنا اتصلت ولا هو .. شورو علي شو الحل أنا ما أبا اتصل أباه يحس عشان ما يكرر هالشيء!!!

الله يعينج الغاليه ويسعدكم يارب ماعليه فديتج مهما كان هذا ريلج اتصلي اطمني عليه عالجي المشكله من البدايه يعني لاتكبرين الموضوع فديتج والله يهديكم يارب

الغاليه برايه اتصلي فيه ….لازم اغلب هالمواقف الحرمه اللي تضحي فيها عشان بيتها….
اتصلي وقولي له بكلام حلو وفهميه انه هالأسلوب ما تحبينه وما تبينه يتكرر…ماعليييه دام
انه اول مره طوفيها هالمره بس فهمييه اهم شي….وان كررها لكل حادث حديث…بس
اهم شي الحينه اتصلي فييه وتفاهمي وياه ….والله يهدييه ان شاء الله

المفروض اي شي يصير بينج وبين ريلج .. تفهمين ريلج انه هالشي تسويه او تقوله .. في غرفتنا مب جدام الكل .. وخلي هالشي بينج وبين ريلج ز يعني انا مثلاً لما اكون زعلانة من ريلي وواصلة حدي منه .. ماظهر هالشي جدام اهله ..

وان شاء الله مافيكم الاا الخير .. وانتي طرشي له مسج .. واشرحي له انتي كيف كان شعورج .. وهو بيتفهم الوضع

أتصلي عليه وطمني…عقب فتحيله الموضوع بطريقه حلوه وخبريه وين غلطته بدووووووووووووون ما تكبرون المشكله..يعني ضحي هذا مصير الحرمة

المشاركة الأصلية كتبت بواسطة ام ميدوو
الغاليه برايه اتصلي فيه ….لازم اغلب هالمواقف الحرمه اللي تضحي فيها عشان بيتها….
اتصلي وقولي له بكلام حلو وفهميه انه هالأسلوب ما تحبينه وما تبينه يتكرر…ماعليييه دام
انه اول مره طوفيها هالمره بس فهمييه اهم شي….وان كررها لكل حادث حديث…بس
اهم شي الحينه اتصلي فييه وتفاهمي وياه ….والله يهدييه ان شاء الله

الله يسعدكم انشالله

((( خواتي الغاليات هل تصرف أختي هذا صح ولالا؟ ))) ذوات الخبره أفيدوني

السلام عليكم ورحمة الله وبركاته

خواتي ادعوا لاختي ان الله يفرج همها ويوفقها

السلام عليكم والرحمه والاكرام

اولا صباح الخير والسرور ان شاء الله ^__^

عادة .. انأى بنفسي عن الخوض في مواضيع شبيهة ومحاولة نصح الشاكي لسبب:
مااحس ان هالموضوع بالذات .. الطلاق او الرجوع .. يخص اي انسان غريب لان ببساطه انتوا اصحاب الشان والعالمين ببواطن الامور …

انا بامكاني احس .. مجرد احساس .. من سردج للقصه .. ان ردتها قد تعود عليها بالام اصعب مما قاست .. والله اعلم ..!!

قبل كانت في ذمته وبليا طلاق وعندهم اليهال وبعد لا حشم ولا قدر ولا صرف …!!

ويوم طلق .. مع انها مب طلقة باينه .. تهرب من مسؤولياته .. ورغم كون اختج حاضنه لعياله .. يعني تستحق مسكن ومواصلات وخدم يوفرهم هو .. الا انـه ما مد يده الا شهر و 6 شهور يتهرب بشهادتج شخصيا ..!!

وفوق هذا .. بدل لا يحاول يرد المياه لمجاريها .. تزوج وحده ثانيه .. ومااتعض من التجربه .. فواصل نفس التصرفات .. وواجه نفس النتايج .. وطلق للمره الثانيه..!!

يعني بالذمه .. ريال ما تعلم درس واحد من كل هالمواقف .. الحين اختج تبا ترد له
– يمكن مدفوعه بالخوف من الوحده وصعوبة ايجاد فرصة اخرى بوجود اليهال الله يحفظهم فيمكن قالت مالي الا ارد لابوهم – يعني تاكدي انها من داخلها مب مستحبه بس تقنع نفسها غصب استسلاما لضغط المجتمع يمكن او قسوة الوحده واكيد لجل عيالها بعد ..

وجهة نظري انا .. واسمحوا لي لانها وجهة نظر شخصيه بحته غير ملزمه لكن:

لو خيرت بين اني يكون لي بيت وزوج -شراته – ولكني ابقى معاه عسب عيالي
او اني اطلق وااربي عيالي في بيئة اكثر استقرار نفسيا وهدؤا .. لاخترت الثانيه

على الاقل الاجواء صحيه .. والابو بيشوفونه لعيال هب حارمتنهم منه …

فديتج .. اختج ماتنلام في خوفها ورضوخها لافكارها .. بس خلها تستخير مره ومرتين وسبع وتستغفر طول اليوم وتكرر قراءة الاخلاص 300 مره في اليوم
وتواظب على البقره .. والله يا اختيه ان المنجي هو رب العباد وهو العليم و هو الحكيم الخبير ..

اذا طليقها لها خير .. الله يعودهم .. واذا كان ما ينفع لها .. الله يبعده عنها ويبدلها خيرا عنه ..

حرام ترجعله ما اتغيرت اطباعه احين هي مرتاحه عند هلها ليش تروح بريولها للنار بيقولها عقب انتي اللي ابتديتي واتصلتي تبين اتردين اذا مانفذالها طلباتها لكن اذا طلعالها بيت اشجعها انها ترجعله ويهون البخل جدام مشاكل الاهل اذا هلج مش مقصرين معاها

خواتي اعذروني ترا انا حذفت الموضوع لاسباب خاااااصه …. بس اتمنى انكم تدعون لاختي ان الله يعجل عليها بالفرج

الغاليه .. مرت علي حاله مشابهه لحالة اختج … و بالفعل رجعتله مع رفض الجميع … وصارتله عروس من اول و يديد .. ما كملت عنده 3 شهور الا و طلقها لا وفي بطنها بيبي !!! يعني صاروا 3 عيااال !!! لان يالغاليه بو طبيع ما ايووز عن طبعه .

والله صدقتي اختي بو طبيع مايوز عن طبعه وهذا اللي مخوفني على اختي

يزاكم الله خير خواتي على لردود

ويسمحولي الباقين حذفت الموضوع لاسباب خاصه

مسمووح يلي تعذر ^_*

الله يفرج همها ويوفق الجمييييييييييييييع
ان شاء الله

الامهات اليداد بليز يا هل الخبره ساعدونا

السلام عليكم ….. حبيت اكتب عسب يستفيدن منه كل الامهات اليدد و امهات المستقبل فياريت الامهات صاحبات الخبره يفيدونا….. … اممممم،،،،،، عقب اسبوعين بصير ام باذن الله و عندي وليد اساله عن العناية فالبيبي…. لا تضحكون ع اسالتي …..هههههههه. 1 كم رضعه في اليوم يحتاج البيبي؟ و كل كم ساعة نعطيه الرضعه؟. 2 اذا كان البيبي راقد في وقت رضعته نخليه راقد ؟ ولا لازم نقومه عسب يرضع؟ 3 يقولون المولود الحديث يتغوط بمعدل أكثر …… كم عدد مرات التغوط الطبيعيه ؟ عسب ما اخاف انه فيه اسهال؟ 4 هل نغير حفاظ البيبي كل ساعتين ولا حسب حاجة البيبي ؟ 5 كم مره تسبحون الياهل فالاسبوع؟ و كيف طريقة الاستحمام الامنه له ؟ 6 شو افضل نستخدم حق سر البيبي ؟ الكحول أو بودرة السر ؟ 7 كيف اعرف مواعيد تطعيم البيبي ؟. 8 كيف تغسلون ملابس البيبي؟ ……….و بث كثرت عليكم وايد و اللي عنها سوال من الامهات اليداد و حابه اضيفه تشارك ويانا……… يالله يا هل الخبره ساعدونا عسب الكل يستفيد…….. و اذا عندكم نصايح بعد فيدونا بليز.

رررررررررررررررررفع

ما اعرف الصراحة
ان شاء الله حد يفيدج الغلا

للللللللللللللللللللللللرفع

هلا حبيبتي أحب أساعدج لكوني أم لطفلين ولله الحمد وإدعولي بالثالث قريب إنشالله طبعن أنا قبل لا أربي عيالي كد ربيت قبلهم 10 من عيال أخوية وعيال إختي من يوم عمارهم يوم واحد إلين مادخلتهم الروضة وعندي الحمدالله الخبرة هههههههه مابطول عليج أكثر …

1 كم رضعه في اليوم يحتاج البيبي؟ الياهل من ينش يصيح يدور رضعية بس إذا كمل نومته لأكثر من 4 ساعات وعيه
و كل كم ساعة نعطيه الرضعه؟. ؟؟ المفروض كل ساعتين بس إذا كان نايم لا توعينه .
2 اذا كان البيبي راقد في وقت رضعته نخليه راقد ؟ أكيد تخلينه راقد بس مش أكثر عن 4 ساعات
ولا لازم نقومه عسب يرضع؟
يقولون المولود الحديث يتغوط بمعدل أكثر …… كم عدد مرات التغوط الطبيعيه ؟ عسب ما اخاف انه فيه اسهال؟ الياهل طبيعي من يرضع على طول مايتم في بطنة وايد يعني بمعدل 4 مرات تقريباً

4 هل نغير حفاظ البيبي كل ساعتين ولا حسب حاجة البيبي ؟ على طول من تحسينه بال وانتو بكرامة بدليلة عشان يمبه ما يتحسس وامسحيه بفوطة فيها ماي دافي أو قطن وماي دافي أفضل من الكلينكس اللي ينباع للاطفال لانه كله كيماوي حرام يتقطع ينبه
كم مره تسبحون الياهل فالاسبوع؟ و كيف طريقة الاستحمام الامنه له ؟ أنا عني يومياً أغسل جسمه والشعر كل يومين مرة أفضل وعلى طول خلي الدفاية عدالج شغاله وانتي اتلبسينه عشان يدفا بس ماتكون وايد قريبة.
6 شو افضل نستخدم حق سر البيبي ؟ الكحول أو بودرة السر ؟ ممكن تستخدمين الإثنين أفضل يعني أول الكحول عشان تعقمينه وبعدين البودة أو زيت الزيتون أفضل ويكون دافي .
كيف اعرف مواعيد تطعيم البيبي ؟. المستشفى يحدد له مواعيد التطعيم ويعطونج جدول بالتواريخ .
8 كيف تغسلون ملابس البيبي؟ أنا أفضل أغسل ملابسة إذا متوصخه وايد بشامبو الغسيل فقط وليس الصابون انتبهي أما إذا مش متوصخه بزيادة أفضل الداوني بس الخاص يالأطفال وانتبهي من الصابون البودرة .

وانشالله أكون فدتج بهالمعلومات ولاتنسون إدعولي حبايبي …
وأي سوال ثاني أنا تحت أمرج ..

كنت حابة اجاوبك بس مشكلتي اني سورية ويمكن عاداتكون غير عاداتنا بالنسبة للرضعات وتنظيم الوقت
الله يقومك بالسلامة ويتربى في عزك ودلالك

مشكوووووووووره وايد مواطنه ع المساعده …… ربي يحفظلج عيالج و يرزقج بالبيبي الثالث…… تسلمين حبيبتي بصراحه وايد استفدت منج ……….. ويييييييييين الباجيين

سؤال لاهل الخبره^^

مرحبا خواتي الغاليات ..

ابي استفسر عن صبغة الشعر انا حامل بشهرين ونص وهذا اول حمل لي ..
وابي اسال هل هي تأثر عالجنين ولا لا؟؟

وابي استعمل زيت ولا كريم عشان تشققات الجسم اللي في البطن والخ..
فشو احسن شي ؟؟

بلييييز اللي تقدر تفيدني بكون شاكره لها..

اختي الغاليه اما الصبغه فلا لانها تضر بالجنين لانها مواد كيمائيه
اما كريم التشققات فيوجد اكثر من نوع:- في ماركة ماستيلا وايد زينه وفي كوكوبتر من بالمرز بعد زين

الغالية ماشىء احلا عن الحناء……. حني راسج هذا القيظ وبيبرد وبيغدي شحلاته ولا الصبغه ودريها لين تقومين باسلامه……….وسلامج جدامج الغالية
وكريم التشققات ماعليه كلام فيه انواع وايده في الصيدليات شوفي الانسب وخذيه ….وشكراااااا

المشاركة الأصلية كتبت بواسطة اقحوان
اختي الغاليه اما الصبغه فلا لانها تضر بالجنين لانها مواد كيمائيه
اما كريم التشققات فيوجد اكثر من نوع:- في ماركة ماستيلا وايد زينه وفي كوكوبتر من بالمرز بعد زين

يعطيج العافيه ..
بس انا ودي اصبغ لعرس اخت ريلي مع انه صبغتي الاولى حلوه بس راحت من الجذور فما ادري اذا اصبغ الجذور ولا ؟؟

المشاركة الأصلية كتبت بواسطة ROOS"
الغالية ماشىء احلا عن الحناء……. حني راسج هذا القيظ وبيبرد وبيغدي شحلاته ولا الصبغه ودريها لين تقومين باسلامه……….وسلامج جدامج الغالية
وكريم التشققات ماعليه كلام فيه انواع وايده في الصيدليات شوفي الانسب وخذيه ….وشكراااااا

عزيزتي انا ما ابي استخدم الحنا عشان بعدين ما اقدر اصبغ صحيح هي الافيد والاحسن بس ما اطيقها يوم تكون براسي وانا بنوته فما بالج وانا حامل الحينه ..
تسلمين عالمرور ربي لا هانج…

لاتصبغين سمعت من البنات انه في صبغه بالاعشاب تلقينها عند محل الاعشاب ..

ماتضر اما الصبغه سمعت يقولون في ماده هاي تضر الجنين شيء في كليته بسم الله عليه

ابتعدي الغاليه احسن

دكتورة أختي قالت عقب الرابع يستوي تصبغ، بس الصراحة أنا ما أحبذ هالشيء.. لأن أهم شيء الاهتمام بصحة الياهل والابتعاد عن كل شيء يمكن يسبب اي مشكلة للطفل

وعن الكريم،، كوكوبترز من بالمرز