السلام عليكــــــم ورحمة الله وبركاتهـ ….
بمـــا إنـــــي موظفــــه ،،، و ينزل لي راتب شهريـــا ،،، و كل شهر أفكـــر واقول هالشهر بدخر المبلغ الفلانــي ويخلص الشهر و المبلغ يخلص وياهـ …..
قلــــــت بنزل موضوع و بنتبادل الخبـــــرات عشان نستفيد من بعــــض …
اذا كنتي موظفــــة ( متزوجه ولا غيــر متزوجه ) ,,, شو هي الطريقه اللي تتبعينها شهريـــــا عشان تدخرين من راتبج وتيمعين لج بيزتـــين للمستقبل الأغبـــر ^ ^
في انتظار تفاعلكـــــنـ …
وبمـــا أن الشهر قرب يخلص ،، و بنبدا الشهر ا ليديد و براتب يديد ،، فهاي فرصة حلوه عسب نبدا من الحيــن
** وحبيت ابارك لكـــــن بمناسبــــة العام الهجري الجديد و الميلادي،، وعساها سنــــة مليئة بالاعمال الصالحه والعبادات **
اختكــــن العمر
مبرووووووووك علينا وعليج يا اختي السنة الهجرية اليديدة ..
بالنسبة لموضوعج .. علي قولتج كل شهر نستلم راتب
بس انا فيني خصلة اني مسرفة .. والله احاول كل شهر اوفر بس لين قريب اخر الشهر اروح واسحبهم ويا ريت لشي يرزى ويستاهل .. كله بسوالف السوق وأشياء تافهة ..بس احنا الحريم ما نيووووز من المخاسيييييييير ..
يا ريت خواتنا يساعدووونا .. يا ريت اقدر اوفر حتى لو جزء بسيط من راتبي ..
بتونيا76 : هلا والله فيج عزيزتي شرفتي موضوعي ،،،
ترى شعــــور حلــــو يوم تشوفيــــن في مبلغ حلـــو في حسابج ^ ^ حتـــى لو م تصرفـــــينه بس يمعـــــي ههه
بالنسبه لي فاتحه حساب باسم ولدي ويتحول منه شهريا مبلغ
يعني مثلا لو معاشج 35 الف حولي 5 الاف وانسيهن خلاااااص
انا جي اسوي من داومت وانا ناسيه المبلغ اللي يتحول يعني كان معاشي جي بدون هالمبلغ اللي ينقص
بس يوم ابى اسافر او اخذ هديه على مستوى او احس ان حد من هليه او ريلي شي قاصرنه احس اني سويت انجاز كبيييييييييييييييييييييييييييير يعني كل سنه اوصل 60 الف… بدون تعب
اتمنى اني افدتكن ….
حلـــــوة طريقتج بعد يـــا أم الدمانـــي … وهاي اول طريقة وتريا طرق اخرى بعد منكم أمورات
دخلي جمعية
هذي احسن طريقة عشان تلتزمين فيها وماتصرفينها
بس يكون مبلغ كبير نص الراتب او ربعة
هذي طريقتي
انا نفس طريقه ام الدماني..
بس انا فاتحه حسابين جاري وتوفير.. يتحول مبلغ شهريا من لحساب الجاري للتوفير وانساهن ومخليه البطاقه في التجوري عشان ماسحب منهن الا اذا اذا احتيتهن حايه كبيرة وللحين ماصار ولله الحمد…
لحساب الجاري اصرف منه وادفع منه للجمعيات.. ادخل جمعيات واخذهن اخر شي عشان ماصرفهن…
ولله الحمد الامور متسهله..
يعني باختصار طريقتين..
– حساب توفير والبطاقه ما اخليها عندي ( لانه النفس امارة بالسوء لوووول )..
– جمعيات واستلمهن اخر شي..
صدق لفلوس مايتمن من تنخرد الالف ولا ال500 خلاص 100 ورا 100 يروحن في نفس اليوم على شو مادري..
الله يرزقني ويرزقكن من فضله ومن حيث لانحتسب ويباركلنا برزقنا يارب العالمين..
المشاركة الأصلية كتبت بواسطة Mįşš●Ċlaśŝįč 
