الوسم: الخامس

––•(-•التجمع الخامس لأمهات شهر يناير مارس •-)•––––

السلام عليكم ورحمة الله

لقد أشرقت الأرض وازدادت وتلألأت أنواراً من حولنا
فتسائلت ما سر هذا الجمال
فإذ بخبر قدوم مولودكِ / مولودتكِ للدنيا
دعواتي بأن يكونوا من مواليد السعادة

أم عواإشة / عائشة / 11-2-

دلوعة بودي / عائشة /6-3-

اللهم بارك لي في أولادي ووفقهم لطاعتك وارزقني
برهم اللهم يا معلم موسى وادم علمهم ويا مفهم سليمان
فهمهم ويا مؤتي لقمان الحكمة وفصل الخطاب اتهم الحكمة وفصل الخطاب
اللهم إني أسالك لهم قوة الحفظ وسرعة الفهم وصفاء الذهن
اللهم اجعلهم هداة مهتدين غير ضالين ولا مضلين
اللهم حبب إليهم الإيمان وزينة في قلوبهم وكره
إليهم الكفر والفسوق والعصيان واجعلهم من الراشدين
اللهم اجعلهم أوفر عبادك حظا في الدنيا والآخرة
اللهم اجعلهم من أوليائك وخاصتك الذين يسعى
نورهم بين أيديهم ولا خوف عليهم ولا هم يحزنون
اللهم حسن أخلاقهم
وأملا قلوبهم نورا وحكمة واهلهم لقبول كل نعمة واصلحهم واصلح بهم الامة
اجعلهم من حرس الدين ومن الذاكرين والمذكورين وألطف بهم يا كريم

مبروك الجزء الجديد

وان شالله يكون عامر بالخير والاحداث السعيده

والله يوفق الجميع

صبآأحكــم خير ..~

مبروك التجمع اليديد علينا بنات تسلمين دلوعة بودى وان شاء الله يكون تجمع خير عالجميع وعقبال التجمع ال500 واحنا بصحه وسعاده ويا كتاكيتنا

هلا ام عواش

صباح الورد

شاخبار الاميره

عقبآل مآ يمشون عيالنا ف هالتجمع

ام زايد

آمين وربي يسمع منج ان شالله

واااااااااااااااايهفديت أمهات رمضاااااان التجمع الخامس

هلوووووووووووووووووووو امهاااااااااااااااااات

انكمل مشوااااااااااااااااااااار الالف ميل هع هع هع

شحالكم و شو اخباركم يا حلويييييييييين ..

هههههههههههههههههههههههههههههههههههههههه
الاخت ساسوو قالت بتحط تجمع يديد اتريتهاااا ماحطت شي
اهى اهى لو ادري انه جذا كنت بحطي

ههههههه امسات محتشرة عليكم اقولكم هيييز اونه لانه ماتبند التجمع
واستانست اليوم يوم دريت سكووه خخخ

اقوووووول بيبي يقول ماما بابا ,,,حماده مايقول متى بيقول ؟؟؟

كيووووووتوووووووووووووووو ..

هههه بسميج الساحره … عيل ولدج شو يقوول دادا … انا ولدي جي يقوول و بنتي تغنيله داداداااااااااااااا .. مال البيبسي … مسكين مب متهني في شي .. عادي يا كيووووووووتووو انا يقوول بابا بس مب واايد و يقوول يداااه …

مبرووووووووووووووووك التيمع النيوووو

فديتكم .. كيوووت دمها مستعيله اصبري ع الولد فديت حماده

أنا بنوتي تقول بابا الله يحفظها ..

تارجت

شحالج ويتي ؟؟

مس كندر انا بخيييييييير و سهاله خخخخخخ
انتي علوومج و شو بيبيييييييييج … شو تطوراته ؟؟؟

جنه جنه لموووووووووووووووووع .. واجعتني في الملف الجديم .. هييييييه توني اذكرت … ويييييييييييه جني غديت ام سلوووووووووووووووم ..

لمووووووووووعي مس يووو

سلام مبرووك التيمع اليديد

هلوووووووووووووووووو ..مبروك على هالتجمع …..تميت امس اتريا الاخت تحط شكلها نست زين سويتي ترتر يوم فتحتيه ….

الدرس الخامس المعمول أو الببخوووووووووووووووووور

الدخون الفرنسي

المقادير :-
1/2 كيلو سحال عود بودر
من2-4 كوب كرافت ( المسك العادي+ المسك الطياري) بنسب متساوية ….يعني 2 : 2 أو 3:3 أو 4 : 4 كوب
1/2 كيلو عطر زيتي ( أي بمعنى 44 تولة )…يفضل تروحين المحل وتطلبين منه مخلط بعطور فرنسية…شمي يلي عنده وتنقي يلي يريحج

الطريقة :-

نضع المقادير الجافة بشرط تكون في حالة البودرة ثم نصب فوقها الخلطة الزيتية ثم تشكل وتترك في مكان بارد لمدة يومين ثم تعبأ….

الدخون العربي :-

المقادير :-

– غرشة ماء ورد
– كأس مسك عادي ( وليس الطياري) لأنه يتكتل.
– 1/2 كيلو سحال عود بودر.
– عطر زيتي عربي أو مخلط ( الكمية غير محددة )

الطريقة :-

في قدر نضيف ماء الورد حتى يغلى ثم نضيف المسك العادي حتى يذوب …بعد إن يدفأ نضيف العود البودرة عليه حتى نحصل على عجينة تشبه البثيث ثم نضيف الخلطة العطرية وهكذا…. بنفس الموال السابق.

*** الدخون السايل … ….

المقادير :-

1/2 كيلو سحال عود بودر
2 كوب جبن كرافت مسك طياري يتم طحنه للحصول على بودرة…
المخلط العطري ( كمية غير محددة ) …عربي أو فرنسي أو حتى بدهن العود…

الطريقة :-


في ملة نضيف المواد الجافة ثم السائلة حتى نصل إلى درجة التشبع…. تترك لمدة يوم ثم تعبأ….

**** الدخون الملون…..
المقادير :-
فنجان سكر بودرة
فنجان مسك طياري ( يطحن حتى يصير ناعم كالبودرة)…
فنجان مسك عادي ( يطحن حتى يصير كالبودرة)…
صبغة ألوان خاصة بالبخور…
العطر الزيتي … ( عربي أو فرنسي )

الطريقة :-
توضع جميع المكونات الجافة في ملة وتخلط باليد ثم نضيف العطر الزيتي حتى تصل إلى درجة التشبع ثم نضيف الصبغة وتشكل ثم توضع فوق ورق ألمنيوم لمدة يومين ثم تعبأ….

وسلامتكم ^^

مشكوره

يزااج الله كل خير على الدروس حبوبه

تسلمين حبوبه ع الطرق السهله والبسيطه
انشالله بجرب الدخون العربي

ثاااانكس

لا إله إلا الله عدد ما كان ، وعدد ما يكون ، وعدد الحركات والسكنات
اللهم إن كان رزقي في السماء فأنزله
وإن كان في الأرض فأخرجه
وإن كان بعيدا فقربه
وإن كان قريبا فيسره
وإن كان قليلا فكثره
وإن كان كثيرا فبارك لي فيه
لا إله إلا الله وحده لا شريك له ..
له الحمد وله الملك وهو على كل شئ قدير
لا إله إلا أنت سبحانك .. إني كنت من الظالمين

الورد,,
والله ماعرف شلون اشكرج!

من زمان وانا افكر شلون يسوون الدخون الملون..
وكالعادة..مابخلتي علينا بالمعلومه..

انزين تظنين بحصل الصبغة عند الرصاصي واجمل؟
ولالها محلات خاصه؟

اختج,
بيرلي

الجزء الخامس من كوني رومانسية لكن غير مملة, المجال لكم.

يمكن بصنع سبورة خاصة فينا وبعلقها ع باب الحجرة وبزينها وبين فترة وفترة بكتب له شي مثلا يوم بسير بيت اهلي اني راح اشتاق له يعني من هالكلام وتكون هالسبورة صغيرة شكلها كيوت ما تخرب من ستايل الحجرة

بعدني بنوته جريب بعرس ادعولي بالتوفيق

انا بعد ودي اغير .. واسوي حركات يديدة

ياريت الاخوات يفيدونا

أنا شراتج fatoome دوم اكتبله بستيكرات .. كل مره اكتب شي (( كلام حب أو شوق او دعوه حلوه … )) مره اعلقها ع باب الحجرة مره ع باب كبته مره بمحفظته

من ايام الملجه كنا نلعب هاللعبه .. اذا طلعنا ومرينا على الاشاره و كانت الاشاره حمره لازززززززم يعطيني بوسه صغنونه ..

وامممممم .. وأوقات ألبس فانيلته .. لانه يستانس لما يشوفني ضايعه فيها خخخخ

هذا اللي اييه في بالي وان شاء الله قدرت افيدكم ..

والسموحه

والله انا مشكلتي ان ريلي ما ايسوي سالفة للمافاجآت اللي اسويها له ولا يهتم

كل همه فقط اني اهمزه اهيء اهيء ):

وانا مووول ما احب اهمز

مرة قلت بغير وبسوي له جلسة مساج وخذت الزيوت الخاصة بالمساج وسويت ديكور بسيط وغيرت الكفر
اونه يعني جهزت غرفة مساج

وندمت قد شعر راسي

كل يوم والثاني نقزلي يبا نفس الحركة

ويالله يسي همزي وسوي تدليك ومساج لين تتكسر عظامج
وهو يرقد ويرتاح من بعد المساج

وانا اكون متكسرة اوووف

اتقاشرت على عمري ):

متااابعه…

على ساللفه الاشاره الحمرا نفس الشي و الله خخخخ*_*
يتم يضحك علي اذا الف الشرشف على عمري و امشي به في الحجره

والله شراتج يالرقيقه انا بعد اتقيشرت على عمري بسالفه المساج

* انا مرات اكتب له بالروج الحمر على المنظرة ( كلاام حلوو .. دلع .. غزل ..الخ) ويستااانس عليه

* مراات يوم نيلس ارواحنا بالحجره امسك ايده واحطها ع خدي .. واقوله كلام حلوو ..

* يوم يصلي .. اترياه اليين يخلص صلاته واكون واقفه وراه .. وبعد ما يسلم اتم حاضنته واقوله كلام حلوو بعد ..

مممم وااييد اشيا بس ما تحضرني

يسلموو ع الموضوع الفنتك

الجزء الخامس أفضل المنتجات من الماركت الكونسيلر

السلام عليكم
اليوم بنكمل سلسلتنا وبنتكلم عن الكونسيلر
الكونسيلر كلنا نعرف انه يستخدم لتغطية بعض البقع الداكنة او التصبغات الصعبة ويكون على مناطق معينة بالوجهه والبشرة وليس على كل البشرة
وهاي غلطة لاحظتها على بعض الماكيرات أو البنات انه اتييب لج الكونسيلر وتصبغ به وييهها كامل.. الكونسيلر تغطيتها قويية جدا وثقيل على البشرة وراح يسد لج المسامات وبيتعب البشرة وبيطلع لج حبوب واحنا بغنى عن هالمشاكل

اما بالنسبة لأفضل الماركات الي استخدمها حاليا هي
1- كوستال سينتس وماك
حبييييتها ومن بعدها ما صرت استخدم غير هالكونسيلر بالنسبة لي هو الكونسيلر المثالي من ناحية ثباته على البشرة ونوعيته ونسبة الدهن والترطيب الي فيه
تغطيتها كاملة
وثاابت ويتم لوقت طوويل
وتقريبا نفس كونسيلر ماك
2- بن ناي العجلة wheal
تقريبا مثل كوستال سينتس بس شوي consistency مختلف ارتحت لكوستال سنت اكثر لانه ستيكي اكثر
3- كيريولاين
حلو بس ثقيييل على البشرة وحاولي ما تستخدمينه كل يوم وايد تعب لي بشرتي
4- بلته فورايفر
جميييلة تقريبا مثل بن ناي
5- بلته فورايفر 52
واايد حبيتها تغطيتها متوسطة وخفيفة على البشرة استخدمها بروحها من غير فاونديشين والفينيشن لها وايد ناتشورال تنفع لكل يوم جربوها واايد حلوة
وهني صورةهم

عندج بعد ان واي اكس كونسيلر ان أ جار

وجربت لوريال وايف سان لوريال حلوين لكل يوم تغطيتهم مب ثقيلة يادوب خفيفة تنفع للتصبغات الخفيفة فقط حلوين لكل يوم
لوريال تغطيته اقوى عن ايف سان لوريال نقول من متوسطة الى خفيفة

جربت ستيك بن ناي وايد كريمي ويسيح ما ياز لي
ماكس فاكتور حلو لكن الوانهم تعيسة ما ناسب درجة بشرتي
وشي ماركة جي اس خذتها من كندا واايد حبييييييييته شكله مثل الرروج تغطيته مثالية وما تعب بشرتي مثل كريولاين ودرجاتهم حلوة وثابت ما يسيح ولا يطير

الي جربت شي غير تخبرنا عن رايها
لمزيد من كل ما يخص الجمال ووصفات الطبخ تابعوني على الانستغرام beautyandfood11
وسلامتكم

يعطيج العافية علوه

انا حبيت باليته فور ايفر

الماكس فاكتور اللي بالصوره انا استخدمه كافاونديشن يومي انا ولامره بحياتي رحت اقرا اذا انه فاونديشن او كونسيلر :/

ررررفع

المشاركة الأصلية كتبت بواسطة ماحد شراتي
يعطيج العافية علوه

انا حبيت باليته فور ايفر

الله يعافيج حبيبتي

المشاركة الأصلية كتبت بواسطة ميميه88
الماكس فاكتور اللي بالصوره انا استخدمه كافاونديشن يومي انا ولامره بحياتي رحت اقرا اذا انه فاونديشن او كونسيلر :/

هههههههه
هو ستيك فاونديشن
بس تغطيته قوية وانا ماحب استخدم الاستيك الا ككنسيلر لانه معروف تغطيتهم وااايد قوية ويتعب البشرة حتى كيريولاين ستيك فاونديشن بس استخدمه كونسيلر

يسلموووووووووووووو^_^

ههههه علوه رحت طيران اقرا شو مكتوب عليه طلع فاونديشن الحمد لله هههههه
بس صح يمكن تطيته قويه بس مادري مرتاحه له يعني ماحسه يتعب بشرتيه احط عالخفيف منه واوزعه بالاسفنجه
انا جربت الكريمي ما ارتحت له وايد لانه بشرتيه جافه شوي
ومافيه عيوب بويهي او اثار حب اللهم شويت نقط كلف على اي كريم تختفي
برايج شو احسن شي استخدم؟

العمرة فالشهر الخامس

السلام عليكم ورحمة الله وبركاته

اشحالكن كروشات

بغيت استفسر
يصير اسير اعتمر وانا توني متممة الاربع
اشهر الاولى من الحمل وبدش الخامس باذن الله
بالطيارة
هل فيها خطورة ع الجنين ولا
ويزاكن ربي الجنة مقدما ~

ان شاء الله عادي .. ما فيها شئ

بس استشيري دكتورتج احسن ..

عمره مقبولة مقدما ..

اللّهم استُرنا فوق اللأرضِ وتحت الأرضِ و يوم العرضِ عليك
أحسِن وُقوفَنا بين يديك
لا تُخزِنا يوم العرضِ عليك
اللّهم أَحسِن عاقِبتَنا في الأُمورِكُلها
و أجِرْنا من خِزيِ الدنيا وعذابِ الآخرة
يا حنَّان .. يا منَّان .. يا ذا الجلال و الاكرام

استشيري دكتورتج احسن ..

هي الصفا والمروه متعبه وخاصة أنج حامل
بس أذا أنتي عمرتي قبل راح تعرفين بنفسج
أذا تقدري تروحي أولا ،،أما بالنسبه للطياره
عادي ما فيها تعب .
وأسئلي دكتورتج

الدكتورة قالت لي عادي

بس قالت لو تقعدين أحسن لأن في احتمال يصير لج نزيف وانتي في بلد ثاني فراح تتعبين

قررت أأجل السفرة

انا بعدني فالثاني وحاجزه للعمره قبل ماعرف اني حامل

بس بتوكل على الله وبروح

وفالسعي اركبي العربانة عشان ماتتعبين

حركة الجنين في الشهر الخامس

السلام عليكم والرحمه
اشحالكم خواتي عساكم بخير
ابصراحه انا وايد احاتي حركة البيبي وخاصه اني دشيت الخامس والحين انا في الاسبوع العشرين بس ما حس وايد بالحركه احس بحركه وايد خفيفه يوم يوم لا ومرات احس بضغط في منطقة المثانه
اباكم تطمنوني وتخبروني كيف تكون الحركه وهل هالشي طبيعي ؟؟؟؟؟؟

وامانه لا تنسون تدعولي

ان شاءالله خييييييييييييير
ولا تحاااااتين واااايد ويوسوس لج ابليس
كلمي دكتوووووورتج

عادي غناتي
لا اتحاتين هالشي طبيعي
فيه جنين يكون كسلان وجنين ثاني نشيط
شكله البيبي مالج كسول نوعا ما
الله يسهل عليج غناااتي

المشاركة الأصلية كتبت بواسطة Cappuccino
ان شاءالله خييييييييييييير
ولا تحاااااتين واااايد ويوسوس لج ابليس
كلمي دكتوووووورتج

ان شاء الله خير واعوذ بالله من ابليس
انا اخر مره سايره للدكتوره قالتلي ان الحركه بتحسين فيها اخر الخامس بحركات اقوى لان الجنين صغير الحين بس اسمع من خواتي واربيعاتي ان حركات الجنين عندهم قويه وما اعرف شو ماشاء الله عليهن عسب جي احاتي سألت اختي تقولي يمكن لانج بجر والله اعلم
مشكوره حبييبتي

المشاركة الأصلية كتبت بواسطة غلاتي أنا
عادي غناتي
لا اتحاتين هالشي طبيعي
فيه جنين يكون كسلان وجنين ثاني نشيط
شكله البيبي مالج كسول نوعا ما
الله يسهل عليج غناااتي

هههههه شكله جي طالع علي في الكسل
مشكوره اختي على المرور

المشاركة الأصلية كتبت بواسطة سمره كيوت

السلام عليكم والرحمه
اشحالكم خواتي عساكم بخير
ابصراحه انا وايد احاتي حركة البيبي وخاصه اني دشيت الخامس والحين انا في الاسبوع العشرين بس ما حس وايد بالحركه احس بحركه وايد خفيفه يوم يوم لا ومرات احس بضغط في منطقة المثانه
اباكم تطمنوني وتخبروني كيف تكون الحركه وهل هالشي طبيعي ؟؟؟؟؟؟

وامانه لا تنسون تدعولي

وعليكم السلام والرحمه

لا تحاتين سموره عااااااااااااادي

انا مثلج فالخامس وبجر وما احس بحركة البيبي وايد ..بس عالخفيييف

ان شاءالله كل مايمر اسبوع ويكبر البيبي بنحس بحركته أكثر ^

المشاركة الأصلية كتبت بواسطة رشة عطر11
وعليكم السلام والرحمه

لا تحاتين سموره عااااااااااااادي

انا مثلج فالخامس وبجر وما احس بحركة البيبي وايد ..بس عالخفيييف

ان شاءالله كل مايمر اسبوع ويكبر البيبي بنحس بحركته أكثر ^

الله يسهل علينا يارب
وان شاء الله نحس بحركته اكثر
مشكوره اختي على المرور

اللغة الانجليزية للصف الخامس

بللللللللللللللليز بنات لاتردوني بغيت أوراق عمل أو أي نشاط يتعلق بالمادة

انا بعد ابا اوراق للانجليزي يا ريت حد يساعدنا

وانا بعد

متى بتيبين الرابع والخامس والعاشر

مرحبا الساع السلام عليكم

احس في بعض الحريم المتزوجات متأذين من سالفة الا وهي؟ متى بتحملين؟ واذا حملت ويابت الاول يسألونها عقب كم شهر متى بتيبين الثاني؟ واذا يابت الثاني يلا شدي حيلج ويبي الثالث واذا يابت الثالث يقولون ها شو ماحملتي؟؟

ابا اعرف ليش الناس ماتحمد ربها على النعمة؟ ليش هالطمع ؟ ناس مب محصلين حتى ياهل واحد وفي ناس تطمع وتطمع وتبا كل شي بسرعة؟ الحرمة مب مكينة عسب كل مرة تييب عيال حسو فيها هذي الحرمة اشكثر تتعب وتتألم من الام الولادة والحمل محتاجة راحة تبا ترتاح تبا الحب والحنان من زوجها مب كله ييبي عيال وبس؟! يا المتزوجات عندي سؤال هل فعلا انتو حياتكم جذي؟؟ فيدونا الله يخليكم وزودونا بالمعلومات

اففففففففففف شكثر اكره الناس اللي جي
يرفعون ضغطي والله

الخامس عقب الرابع

والعاشر عقب التاسع

جان الحين الوحده تيب هل كثر يهال

بيستوي انفجار سكاني

مب يالسين عدد واحد وثنين من المواطنين

شرات هاييل المواضيع عندهم معدوده عيال وريل

ما شي يديد

وبس

اذا يبتيهم ورى بعض قالو ول عليها ماترتاح هذي
واذا مايبتي حد قالو هذي مافيها عيال
واذا باعدتي قالو حرااااام عليييييج تباعدين
يعني جي ولا جي مابترضين حد
يعني طااف والحياه حلوه^_^

اففففففففففف شكثر اكره الناس اللي جي
يرفعون ضغطي والله

أنا بعد أطفر من كثر ما يسألوني متى الثاني ؟؟؟ و متى الثالث؟؟؟؟ و بعدني كنت مب مكمله ال40 ها حامل ؟؟؟؟ و قفعتين …. خخخخخخخخخخخخخخ…. ياخي العيال مسؤليه و من غير مسؤليات الحياة الباقيه …. صعبه أحس ورا بعض حشى نحن بعد أوادم نبا نرتاح … مب مكاين تصنيع العيال خخخخخخخخخخخ …. أنا أسوي أكبر طاف الصراحه … إليس مقنعه فيه أسويه ….

كل حرمه تسوي الي يريحهـــــــا …

ما عليها من رمست الحريم الي ما عندهن غير متى بتحملين ومتى بتيبين اخوان لبنت او ولدج يعني من هل الرمسهــ …

شخصيا الحرمه تباعد بين عيالها احسن لهــا هيه عشان ترتاح وتعرف تربي كل وااااحد وتعطيه كل حقه ..وطبعا الي الله كاتبه لها بيستوي اذا حملت ورى بعض …

شرح ICDL الأصدار الخامس صوت وصورة

السلام عليكم ورحمه الله وبركاته

أشحالكم حبيباتي ؟

يبتلكم رابط لـ الاختبارات ICDL الأصدار الخامس

وفرصة حلوة للي حابة تاخذ الدورة

كل اللي عليج تشوفين وأطبقين الشرح وتروحين تمتحنين

هالرابط يغنيج عن تسجيل الدورة

بس روحي للأمتحان

ICDL الأصدار الخامس أوفيس 2024

http://www.arabhardware.net/forum/sh…d.php?t=191445

لا تنسوني من دعواتكم

ربي يحفظكم

تسلمين ع آلطرح ’,

يزاج الله خيرا

يزاج الله خير ..

مشكورة حبيبتي ما قصرتي .. باجر عندي امتحان اكسس … مع انه عندي نفس الامتحانات فبطاقة البرايمر بس صدق استفدت لان في اسئلة ما كنت فاهمتنها .. ويزاج الله خير .. وان شاء الله باجر انجح وافتك من ICDL …..

يعطيج الف الف عافية اختي
انا كنت ادورها

لحظة بس
انا لاحظت انه الامتحانات كلها بالعربي
بس انا ماخذه الاختبارات بالانجليزي
الرجاء إذا كان فيه اختبارات بالانجليزي تعرضوها
وشكرا لج
يعطيج العافية