الوسم: الحضانه

ابني والحضانه

السلام عليكم ورحمه الله وبركاته

أخواتي الكريمات نفسي الاقي حضانه كويسه لابني برأس الخيمه ويكون فيها أطفال كتير
ويفضل الأغلب يكونو مصريين ابني قرب يكمل 3 سنين وكلامه قليل والكل نصحني اوديه حضانه
انا وديته حضانه يمكن اربع شهور بس للأسف ما اتعلم كلام جديد
وانا خايفه جدا عليه ومش عيزاه يتأخر أكتر من كده في الكلام
ياريت تنصحوني بأفضل حضانه وتساعدوني في تفريج كربي
والا ما تعرف تدعي لابني يطلق لسانه ويخف نطقه

ربي يطلق لسان ولدج وبنتي ويتكلموا زين عاجلا غير اجلا انا تعبانه من هاي السالفه وبنتي عمرها 6 سنوات وماتتكلم زين الله المستعان

المشاركة الأصلية كتبت بواسطة دلوعه حمودي
ربي يطلق لسان ولدج وبنتي ويتكلموا زين عاجلا غير اجلا انا تعبانه من هاي السالفه وبنتي عمرها 6 سنوات وماتتكلم زين الله المستعان

اللهم آمين
حبيبتي هي بنتك اتأخرت في الكلام
وهل فكرتي تعرضيها علي أخصائي تخاطب

معقول مافي حضانه كويسه برأس الخيمه
عايزه أعرف تجاربكم مع الحضانات وأفضل حضانه

الله يشفيه ويعافيه

اذا ولددج يتكلم خرابيط بيكون التلفزيون احد اسباب لانه يسمع اكثر من لهج وفيتحير شو الصح وش الكلمه الي يختارها فبتلاحظين كلام ملخبط

هاذي العلمومه من دكتور الاطفال
اتمنى اني افدتج

المشاركة الأصلية كتبت بواسطة أم يوســـف
الله يشفيه ويعافيه

اللهم آمين
جزاكي الله خيرا

فـ اي سـن تدخلون عيالكم الحضانه والكي جي ؟؟

السلام عليكم يا امهات …

اشحالكم …. ؟؟
بغيت اعرف مثل ما هوه مبين من العنوان ,, فـ اي سن تدخلون عيالكم الحضانه .. وبعدين الكي جي 1 ؟؟
انا بنتي عمرها الحين سنتين و3 شهور ,, عقب 7 ايام بتكمل سنتين واربع شهور …
افكر اوديها الحضانه على شهر 12 ,, لأني في شهر 1 بربي ,, وهيه واااااايد متعلقه فيني ,, وتغار علي وايد من كل حد ,, وما شاء الله عليها حركيه وشقيه وعنييييييييييييده .. مسيطره علي انا وابوها بعد ,, ما تخاف مني ولا من ابوها …
اليوم عاد رحت وديتها الحضانه قلت بجرب وياها ,, وخاصة انه بنت اختي ف الحضانه ,, بنت اختي اكبر عنها بسبع شهور ,, وديتها ع الساعه 11 وعيبها ويلست وياهم .. ما صاحت ولا يت صوبي انشغلت وياهم ,, وتميت اتمشى ف الحضانه قلت اكيد بتصيح وبتدورني .. تميت تقريبا ساعه اشوفها ما صاحت وعادي يالسه وياهم …
وبعدين طلعت م الحضانه وخليتها ,, والحمد لله تمت وما صاحت .. وركبت وي بنت اختي ف الباص ,, وراحت وياها بيتهم …
بس الحين يوم أسألها بتروحين باجر السكول ,, تقولي لأ واقولها بتروحين ف الباص تقولي لأ ,, ما اعرف اكمل وياها اوديها ولا توها صغيره ؟؟
وما ادري ليش احس ضميري مأنبني >_< لأني من صغرها انا اربيها بروحي ,, انا م النوع اللي اوسوس .. يعني ما اخلي الشغاله تقرب صوبها ابدا ومالها اي علاقه فيها ..
وف الحضانه اغلبهم فلبينيات ,, يعني كأني ما سويت شي >_< بس المدرسات بريطانيات مسلمات ,, ومدرسة العربي والدين عربية …
وخوالي بعدها ما فصخت الحفاض ,, يعني هم بيبدلولها ,, ومن اللي سمعته عن طريق المناديل المبللة ,, وانا من فتره طويله مودره هالطريقه يعني لازم ادخلها الحمام كرمتوا واغسلها كل ما ابدللها ….
ما اعرف واااااااااااايد محتاره ,, واليوم حسيت اني بعاني وياها بسبتي انا ,, تعرفون ليش ؟؟ احس يعني خيفانه عليها ومنحبطه ,, واحس اني بعاني وياها ف الكي جي 1 دام انا من الحين جيه ,, يعني مب متصوره اني اوديها مكان واودرها .. مب عارفه كيف اوصللكم اللي ف بالي >_<
قولولي هالسن زين الها ف الحضانه ؟؟ يعني ادخلها ولا شو الراي .. من خبرتكم ؟؟
وشي ثاني .. اصلا متى المفروض يدخلون اليهال كي جي 1 ,, اختي تقولي من سن 3 سنين يقبلونهم .. صح ؟؟

اللي عندها خبره وتجربه يا ليت تفيدني لأني محتاره ومنحبطه …

ولد اختي توه من يومين مكمل 3 سنين .. ومن بداية هالفصل كانوا مدخلينه pre-KG
وبنوتة اختي الثانية نفس الشي .. بس هي أكبر بـ 3 شهور تقريبا …

عالسنة الياية انشـالله KG1

سنتين و4 شهور حرام أحس توها بيبي =(
بس لو الوضع بيكون صعب عليج ويا البيبي اليديد … اممم تودينها أحسن!!
وهي أكيد بتتأقلم خاصة ان بنت خالتها وياها فالحضانة ^_^

وعن الحفاظة وباجي التفاصيل … انتي تفاهمي ويا ادارة الحضانة وفهميهم عالطريقة اللي تبينهم يتعاملون وياها …
وهم أكيد يودون اليهال الحمام هناك!! ما بيتعايزون عن بنتج ^_^

هلا اختي بنوته ,, تسلمين ع الرد …
خوالي ف شهر 6 بتكمل الــ 3 سنين … قلت خل اوديها من الحين علشان تتعود ,, وبعدين بييني بيبي ثاني اباها تنشغل عني ,, ويبالها وقت لين تتعود وانا بعدين ما بفضالها مثل الحين …

بالنسبة لسالفة الحفاض الحمد لله استفسرت ,, وطلع يودونهم الحمام كرمتوا …
باجر بعد بوديها وان شاء الله خير … بجرب وياها اسبوع وعقب بقرر …
بس المشكله شكلها ف الماما >_< انا يعني …
خيفانه عليها واحاتي واوسوس ,, واحس خوفي هذا كان بيكون مثله لو كنت بدخلها كي جي 1 ..

الله يعين وان شاء الله خير ……

وين الباجيات خبروني عن تجاربكم ,, وفي اسن تدخلون عيالكم الكي جي 1 ؟؟

انا نفسج محتاره ولدي الحين سنتين و4 شهور وانا حامل وانا وااااااااااااايد متعلقه فيه يعني انا اللي دوم وياه فعمري ماخليته عند الشغاله او حتى عن اهل ريلي
الله يعينا

الله يعينج اختي …
ترا الحمال هوه اللي يجبر الوحده تفكر فـ جيه .. وبعدين منها يتعلمون ,, بدل تضييع الوقت ف الشطانه والشقاوه خلهم يتعلمون من صغرهم احسن …
وانا مثلج اباها تنشغل عني ,, لأني عقب بحس عمري مضغوطه بين طفلين ,, ع الاقل فتره الصبح تنشغل عني وافضى للبيبي ولا بينهد حيلي …

حرااااااااااام والله ادخلونهم ف الاعمار حتى لو كنتي بتربون انا بنتي يوم ربيت كان لها سنتين واربع شهور مع انها وايد متعلقه فيني بس خليتها اتحب اختها دم اخليها اترضعها او اتيب لها المصاصه وساعات اقول لها انا بسير الحمام خلي اختج عندج كنت احسسها انها هيه الكبيره ولازم اتخاف ع اختها الحين بنتي عمرها 5سنين والله لو اختها شي عورها اتم اتصيح عليها انتوا فكروا من هالناحيه لازم اتقربونهممن بعض مش تبعدونهم

بنت الاسياد ,, كلامج صح الغاليه محد قال شي …
بس بعد اليهال لازم يتعلمون ,, مب سالفة انا نبعدهم عن بعض …
الياهل لازم يدخل الكي جي بعمر الــ 3 سنين ونص مثل ما هوه معروف ,, وبعض الروضات الخاصه تقبل من 3 سنين .. بدل يلسة البيت والشطانه والركيض احسنلهم يروحون يتعلمون ,, وترا هالسن المناسب للتعليم …
بنتي ان شاء الله بدخلها الكي جي السنه اليايه ,, لأنها ف شهر 6 بتكمل الــ 3 سنين …
علشان جيه ابغي اعلمها من الحين ,, ابغيها تتعود وتطلع وتختلط باليهال لأنها وايد متعلقه فيني ,, وهالشي مب لمصلحتها ,, عقب بعاني وياها ما بترضى تهدني .. خل تتعلم من الحين ان في ناس ف الدنيا غير ماما >_<
الله يعينا ع تربيتهم وتعليمهم التعليم الصح ,, خاصة الحين التعليم كل ما ياه ويصعب ..
تسلمين ع المرور الغاليه وكل حد له وجهة نظر ^_^

اللي عيالهم بالحضانه يدشون

السلام عليكم ورحمة الله وبركاته

شحالكم وشخباركم ؟ بغيت تعطوني رايكم بنوع الاكل اللي تحطونه لعيالكم لان انا بنتي بالحضانه ومحتارة بنوع الاكل اللي احطيه لها يعني ابغي انوع لها ؟ واغير لها كل يوم شي وخصوصا ان لازم تكون وجبتين ريوق وغداء

ياليت تعطوني بعض الافكار والاراء

ومشكوورين مقدما

هلا اختي

هو صح الاختيار يكون صعب اشوي بس ع حسب عمرها

الريوق ممكن بيض
توست بالجبن
كروسون
دونات
فواكة مثل صنطرة و موز و تفاح
قطع خيار

وبين الوجبات :
عصير
فواكة
جيلي او كاستر
بسكويت
كب كيك
روب او روب بالفواكة

الغداء :
عيش و صالونه
برياني
شوربة
معكرونة حمراء او بيضة وتكو بالجبن
مجبوس
جي يعني خلي لها من غداكم من اليوم اللي قبله واحفطي عدل والصبح حري وحطي لها

اختي هاي قائمة صغير رتبي الاشياء كل يوم جربي لها ترتيب وعقب بتعرفين شو يعيبها وما بتحتارين

في الاول بيكون صعب بس عقب بتتعودين

ولا تنسين الماي اهم شي

واي استفسار راسليتي وانا حاضرة

كم عمرها بنتج؟

احطلها ورن فليكس و حليب المراعي مثلا او اي حليب,,و كب كيك ,, و موز

الحضانه

السلام عليكم
شحالكن

بغيت نصيحتكم و رايكم لاني واايد متردده.. دخيلكم عطوني الحل

انا مسجله ولدي في حضانه ولدي عمره سنتين ونص واللحين احس عمري متردده وزايقه عليه هب عارف شو اسوي.. ومنو اتعرف ن حضانة بك بن؟؟

هلا عزيزتى

حضانة بك بن وااايد اسمع عنها زينة ويمدحونها

بس سن ولدي صغير
يعني صح الحضانة يتعلمون اشياء زينة ومفيدة

بس بعد يتعلمون الشطانه
وهذا وااايد كان مرددني اني اخذ عيالي وهم صغار

حرام ولدج صغير خلية يرتاح في البيت عندج وجدام عيونج

ولاحقيين على الحضانة

انا ولدي الحين بدخلة على طول كجي 1

قلت حرام صغير

فيه بعض الابناء ما يتحملون وما يقدرون يستوعبون نظرا لصغر سنهم

واذا عن التعليم انت تقدرين تعلمينة في البيت

والمشكلة ان هذا السن ياخذ كل شيء يشوفه جدامة

يعني بيتعلم اشياء شينة كثير من اليهال اللي حوالية

والله يكون في عونج

مشكوره اختي كتكوته على نصيحتج

انا خاطري ادشش ولدي حضانة وسجلته بس ابوه متردد
يقول ولدي صغير
وعمره سنتين وشهر

هلا الغاليه
دخليه الحضانه احسن بيتعلم بدل يلسة البيت
و هاي الحضانه انا ما جربتها بس سمعت ان وايد يمدحونها
موفقه ان شاء الله

أنا بالنسبه لي عندي بناتي ثنتين فالحضانه وماشالله تعليم وأدب ورعايه دخلتهم حضانه في أبوظبي ومرتاحين فيها والمربيات يحبون الأطفال وعندهم مراقبه دوريه من الأداره عليهم بس هاذي الحضانه الي ذكرتيها ما اعرفها بس إذا كانت زينه لاتترددين واشرفي عليهم وسويلهم زيارات مفاجأه لحد ماتطمنين وربي يوفقك

وين ؟ اي امارة ؟

اذا بوظبي انصحج حضانة طيور الأمل

للأمهات اللي عندهم صغاريه ما يسيرون الحضانه كيف أتسلون وقتهم

الســـلام عليكم ورحمـــه الله وبركاتـــه ،،،

حبيـــت أطرح هالموضووع ،،، وإن شــاء الله تستفيدون منـــه ،،،

طبعا هالمووضوع خااااص للأمهات ( اللي ما يداومون وعندهم صغاريه ما يسيرون الحضانه )

يعني اللي عمارهام ما بيــن ( السنـــه أليييين الــثلاث سنوااات ) ،،،

خبرونا كيف تقضون الوقت ويااااهم خااااصه اللي إذا كانوا ما عندهم أخت / أخو

لأنهم يتململون الصــراحه ،،، وساااعات ينرفزون الوااااحــد ،،،

هلا هنودة
انا نفس حالتج
و فديت شماني كله طفرانه
خواتي يوم يرجعن من المدرسة يلعبوها شوي و عقب خلاص يطفرون منها و اتم كله مبوزة
ان شاء الله بيفيدونا الحريم ما بيقصرون

أنا عندي ولدين واحد سنتين والثاني ثلاث سنوات
أحيانا ما أسويلهم شي يلعبون بروحهم ويتضاربون شوي ويتشيطنون شوي ويخربون شوي ويصيحون شوي
بس أحيانا أحس بتأنيب الضمير و أقعد ألعبهم بالبزل شوي أو أقرالهم قصه أو أعطيهم ألوان وأخليهم يلونون
أحيانا أحاول أحفظهم بعض السور القصيره من القرآن
أحط لهم سيديهات DvDتعليميه
يعني تقريبا هذا كل اللي نسويه

وانا بعد ابي اعرف …
عشان بنوتتي عمرها سنتين و دوم بس تمل تضرب اخوها وانا اعصب عليها .. بس بعرف انها بتضربه من الملل …
ياليت نستفيد من خبرات الماميز بهالمجال

انا عندي عموري سنتين ونص يوم يسيرون خوانه الاثنينه الرووضه يمل
واااايد .. ينش ع ال9 الصبح وانا طبعا اكون رااقده لاني سهرانه ع البيبي
اممم تكون الشغاله مزهبه ريووقه وحليبه عقب ايي عندي يلعب ويناقز
فوقي لين انش وعقب اسبحه واسبح النونو وايلس ارضع النونو واشغل له
ع اليوتيوب رسوووم ……. واعطيه عصير او اي شي يتسلي عليه ليما ايون
اخواانه ويلعب ويااهم …..

مشكوريــن للي ردوا ،،،

وأنا بنتي فديتها الله يحفظها لي بعد إتم متملله
وتم بروحها لانها ما عندها أخو وا أخت
ودايما نلعب مع بعض أنا وهيه وأحط لها رسوم ومرات نلعب حريم خخخخخخخخ
والله يرزقني بأخو وإلا أخت حقهااااااااا قولو آمييييييييين

ولديه والحضانه

السلام عليكم ورحمة الله وبركاته

اشحالكم واخباركم ؟؟

حبيباتي منو جرب حضانة بارني ..

انا ولدية عمره سنه وسبع شهور اضطريت احطه فالحضانه بس كل مااتصل حضانه قالوا ما شي مكان فحطيته ف بارني

الولد ماشاءالله عليه واايد حركي ومشاغب وعنيد بس من حطيته فالحضانه واايد اتسوى ايصيح يوم سرت الحضانه كان هادي

وابوه يقول شكلها الحضانه هب اوك بس انا اتوقع لان بعده ما تعود والله هب عارفه شو اسوي ويااه تعبت ..

بليز فيدوني فالحضانه

ان شاء الله البنات يفيدونج

للرفع

اختي ما اعرف عن هاي الحضانة
أنا ولدي نفس الشي يوم كنت اوديه واااايد كان يصيح لاخر يوم في الحضانة
الحين اودي بنتي و بعد تصيح بس ان شاء الله تتعود

في اطفال ما يحبون الحضانه بس يتعودون
انتي روحي كلمي المشرفات قوليلهم ليش يصيح هل هو يكره المكان مو متعود ما يلاعب الاطفال .. وبتعرفين السبب

الحضانة بارني زينه أختي
بنت أختي كانت فيها
بس يمكن لان ولدج صغير
صبري عليه ليتعود وبندمج معاهم
وفي حضانه هاي كيدز
لو بغيتي رقمهم بعطيج رقم وحده أختي تكملها علشان ولدها
وربي يحفظه لج

بعد تجربتي نصيحة لا تأمنون عالحضانة انا اشتغلت كمعلمة بالحضانة وبعد ما شفت كيف يعاملون الاطفال تركت الشغل وتنازلت عن كامل حقوقي وصدقوني يتعاملون مع الاطفال بطريقة غير اللي يتعاملون فيها معهم قدام الاهل واللي حابك تستفسر تراسلني واسوء حضانة بالعين انا اعرف اسمها واتعاملت معها واللي يهمها الموضوع تراسلني

اختي باي امارة انتي

لو بالشارقة صراحة حضانة بارني مافي عندهم اهتمام منافقين كل الي يعملوه يجلسو يتكلمو في الناس انا كنت بطب عليهم فجاة كل مرة

ومرة رحت انا وزوجي اسمع وحدة تصرخ بكل صوتها وتشتم قلتلو هدي اكيد تشتم بابني دخلت اسرع لقيتها تضحك كانو ما في شئ والاطفال خايفة
قلت لابني انت الي بتقلك كدة قال لا مو انا دا فلان بس وكان اخر يوم نوديه نفس الحضانة ماكمل اسبوع ومارضيو يرجعولنا أي فلوس من الي دفعناه

ولدي والفوبيا من اليهال بعد ما وديته الحضانه

السلام عليكم
ولدي عمره سنتين و3 اشهر
قبل شهر ونص وديت ولدي الحضانه يوم واحد وعيبته ووايد وكان متحمس اني اوديه مره ثانيه

ووديته قبل اسبوعين واتغير حاله 180 درجه اول ما دخلت عشان ايبه حصلته ميود ايد العامله الي عندهم وقالت لي العامله ولدج من ساعتين وهو ميودني ومب طايع يهدني وين ما اسير يسير وياي فقلت لها ويين مدرسته قالت لي روحت خلص دوامها قبل 10 دقائق المهم سالت كدرسه ثانيه كيف ولدي قالت ما كان وياي كان مع وحده ثانيه بس روحت وقالت ابنك ما بشتكيش ولا بتكلم كان بيلعب بس اخر ساعه مل كل ما انكلمه ما يرد علينا وشككله نعسان
المهم لما روحت البيت ما كان يتكلم ولا يضحك كله يفكر وزعلان وكله لازق فيني وفي الليل قام متروع ويصيح واليوم الثاني لين اليوم وهو يخاف يطلع من البيت ويخاف من الناس وكل ما اتسير مكان يكون خايف واليوم سرنا المارينا ووديته المكان الي يلعبون فيه الي يحطون الناس عيالهم فيه ويسيروم يقضو حاجاتهم المهم هالمكان اوديه ولديه عليه وايد يعني كل اسبوعين تقريبا وهو اصلا يحبه وايد
واليوم سرنا عليه واول ما دشينا ولا ولدي قام يصيح ويرتجف وخايف واتخيلو انه كل ما يمر عنه ياهل يقوم يصارخ ويمسك فيني ويتخبى والاغرب انه يخاف بعد من النونو الي عمرهم اقل من سنه قانا اقله نونو ماما ليش تخاف منه ويتم يرتحق ويصيح حتى الخدامات قامن يسالني ليش يخاف وليش يصيح

شو اسوي احين عشان يرد شرات اول ما يخاف من حد

شوفي مابي اخوفج بس ردي للحضانه وقولي لهم يخبرونج شومستوي في الولد حد ضربه تحرش به سواله شي
ولا بلغي الشرطة وهم بيتافهمون بطريقتهم لن الحضانات فيها كميرات علىة حد علمي

اكيد صارله موقف فالحضانه و خلاه يخاف
اسالي المشرفه اللي هناك او اسالي ولدج قوليله حد ضربك حد قالك شي فالحضانه
قوليله تبا تسير الحضانه و اذا قالج لا اساليه ليش ؟؟؟
لان مب معقوله بيخاف من اليهال بدون سبب

و الله يحفظه لج ان شاء الله

السلام عليكم…

أنا ما اعرف نظام الحضانات عندكم… بس عندي بعض الطرق و ان شاء الله تفيدج…

اول شي الغلط انج وديته يوم واحد… وبعد شهر وديته …. لما خلاص انتي نويتي انج تحطين ولدج بالحضانه… لازم كل يوم توديه… قصدي كل الايام اللي تكون الحضانه مفتوحه… لان بجي راح يتعود… اول اسبوع حاولي تقعدي معاه … وما تطولو… يعني ثلاث ساعات كفايه … وبعد الايام… خليه بروحه… راح يبكي.. يمكن يبكي ساعه او اكثر… بس لاتخافي… و لا تنتظري لين الدوام يخلص… روحيله بعد ثلاث ساعات… و بعدين راح بإذن الله يتعود… وراح يفهم انج بترجعيله… وكل يوم عن الثاني راح يفهم انج بترجعيله…

الحضانه أبدا مو سهله ان الطفل يتعود عليها…. بس انتي لازم تصبري… أنا ما اعتقد ان صار له شي… يعني حد ضربه ولا شي… يمكن خائف لانج خليته بروحه وساعات كثيره…

الله يسهل عليج…

لازم ترجعين الحاضنه وتسالين شو السالفه الدنيا مافيها امان ما اريد اخوفج بس اكيد صار شي خلاه بهالحاله

الله يحفظه ويردلج شرات أول..

حاولي تسئلينه.. قوليله باجر بنسير الحضانه.. أكيد بيقولج مايبا يسير .. اذا تم يصيح قوليله اذا ما تباني أوديك خبرني ليش وما بوديك

وان شاءالله تقدرين تعرفين شوه السالفه

أنا بروحي خفت

يمكن الغاليه حد من اليهال ضاربنه

انتي مسكيه وحضنيه وتمي رمسيه

قوليه حد روعك حد ضربك

ماشالله اكيد يفهم بيخبرج

واقري عليه الغاليه يمكن بعد حد صكه بعين..

الله يحفظه لج يا رب

ابغي اسالكم عن الحضانه

انا بنتي عمرها سنتين ونص مودتنها الخضانه ابغي اعرف اراكم في هذا الموضوع ؟؟

يعني ما يعكس اثار سلبيه ع الطفل؟؟؟

يعتمد على الحضانه يعني شو منهجهم؟

جدول الطفل في وقت الحضانه..

هل لج دور في البيت(جلسه خاصه مع الأبناء)

أنا ولدي عمره سنه وخمس أشهر وشخصيته غير أحس انه واااااايد أوكي غير عن عيال خواتي بالعكس يوم يختلط في مجتمع أطفال تتغير الشخصيه ويكون أحسن..

بالعكس تكون الهم شخصيه .. ويتعلمون اشياء تفيدهم ويهياهم للمدرسه بعد

اني اشوف الحضانه صارت ضروريه للاطفال بهالزمن

زين سويتي اختي وان شاء الله تشوفين بنتج شلون تتطور

بالعكس الحضانه زينه وتعود الياهل على الاختلاط

معا الناس وتتكون شخصيته

بالعكس الحضانه وايد اوكيه
اخويه الصغير فالاستراليه
معلمينه وايد شياء اوكيه
يقول بليز وثانكيو وتويلت ويعلمونه ع الحمام
و وااااااااااااااااااااااااااااايد اشياء اوكيه

انا بعد اشوف ان الحضانه وايد زينة وخاصة اذا يعلمونهم عربي ودين وانجليزي بس مبسط طبعا انا عيالي استفادوا وايد….

الحضانه و الأطفال بشكل عام

السلام عليكم

ملاحظة ها الفترة الامهات اللي يشتغلون و اللي ما يشتغلون
يودون عيالهم الحضانة
عسب يتعلمون و يحتكون مع الاطفال و يكونون اجتماعييين
و بعض الامهات لانهم يشتغلون وما عندهم حد
و بعض الامهات اللي ما يشتغلون عسب يرتاحون من حنة عيالهم هههههههههه

فابغي اعرف
من باب التعلم و نستفيد منكم خواتي
للمستقبل لاني افكر ادخل ولدي الحضانة عسب يتعلم شوي قبل الكي جي

شو اسم الحضانة و ف اي امارة!
سعرها للشهر او للسنة!
عمر طفلج !
ليش تودينه الحضانة!

و ان شاء الله يكون مرجع لجميـــع الامهات

يلا امهات خبروونا بتجاربكم
لاني مفكرة ادخل بنتي حضانة بعد

مرحبا ,,

شو اسم الحضانة و ف اي امارة!

– حضانة اديوكير ف بوظبي ..

سعرها للشهر او للسنة!

– الشهر 2024 و فالسنه 24 الف

عمر طفلج !

– يوم وديته عمره كان شهرين و شويه و الحينه 7 شهور ربي يحفظه

ليش تودينه الحضانة!

– لاني اداوم و ما احب ولدي يتربى عند خدامه او اهل ريلي ما عندي ثقه و لا أمن .. بس فالمستقبل افكر اخله عند ماماتي ..

و هييه أباه يكوون اجتماعي مش انطوائي .. و بعد يكتسب لغة انجليزيه اوكييه للمستقبل ..

شو اسم الحضانة و ف اي امارة! ابو ظبي حضانة السنافر
سعرها للشهر او للسنة! صباحي ب ٢٥٠٠ ومساءي ب ١٠٠٠ و أنا أفكر ادخله مساء اول شي لين يأخذ على الجو ان شاءالله
عمر طفلج ! عمرة سنتين و٣ شهور
ليش تودينه الحضانة! الطبيبة نصحتني لانه ماي تكلم عدل وما يشوف يهال ولا عندي أطفال حوالينا والله يسهل يارب

الله يسهل عليكم خواتي

للرفع يا ريت كل الامهات يشاركووون

اسم الحضانه : حضانه طفلي في ابوظبي
في الشهر 2024 وفي السنه 24الف
عمر بنتي 3سنوات
السبب : احضرها لدخول الكيجي واباها تكون اجتماعيه وتتعلم انجليزي وقران

اختى عبالي تضاربين بالبداية ,,,,,,,,,ههههههههههههههه

في حضانات وايد ,, بس انا ربيعاتي وخواتي اللي مودين حضانات وكلن حسب منطقته

شورايكم بهاي الحضانه

شورايكم بهاي الحضانه عالمي الممتع
لان بنتي عمرها سنتين واسبوعين وابا ادخلها الحضانه
يالله اتريا ردودكم

وايد حريم من اللي أعرفهم يمدحونها ومدخلين عيالهم فيها… وأسعارهم معقوله مقابل خدمتهم الممتازه للأطفال.

انا ربيعتي مدحتلي اياها تقووول وايد اوكي

شكرا على مشاركتم وردودكم يا بنات بلادي

وين مكانها بالضبط

وين مكان هالحضانة