الوسم: الحساسيه

تخلصي من الحساسيه بعد حف الوجه

السلام عليكم و الرحمه

انا بشرتي جدا حساسه و كنت ما اقدر احف ويهي بدون ما يحسس و يتشوه من الحب

و من فتره كنت الف المنتديات و اجرب كل الخلطات لين ما الله يابني عند وحده شكلها كانت تعاني مثلي

و جربت خلطتها و من يومها و انا مستانسه و اروح الصالون و ما احاتي انه ويهي بيحسس و لا شي

و الخلطه هي (( ة يعل لصاحبتها الخير و العافيه ))

مغرفتين روب و نص مغرفه ماي ورد و نص مغرفه عسل و مغرفه نشا
و حطيها بعد الحف و بعد ما تنشف (هي تنشف بسرعه) اعغسليها بماي دافي و مرري ثلج على الوجه

و كرري العمليه لين ما يهدا الوجه و تخفف الحساسيه

و بالنسبه لي انا احاول احطها لمده ثلاث ايام بعد الحف صبح و ليل
و الحمد لله نفعت معاي

و ان شالله تنفع مع كل اللي يعانو مثلي

انا اثار الحبوب بعد الحف ما راحت من شهر الله المستعان وجزاكِ الله خير بحاول أجربها ان شاء الله

يزاج الله خير الغاليه

بجربها ان شاءالله انا اعااني نفسج .. للاسف ما حصلت شي ينفعني ان شاءالله هالخلطه تفيدني ..

مشكورة عـ الخلطه
بجربهااا

جزاج الله كل خير يا أختي الكريمه

اب اب اب

انـآ بششرتي حسسسسسـآسسسه زيـآده عن اللزوم وحتى لمـآ احف ششرآتح يحبب ويهي ومششكله لكن إن ششـآءالله بجرب الخلطه ^^

ابا دكتور شاطر ولدي يعاني من الحساسيه وتاخر في الكلام ودايما يطيح على راسه

السلام عليكم

خواتيييييييي دخيييييلكم ساعدوني

ولدي عنده حساسيه في صدره وعمره قريب سنتين
واااااايد احاتييه ،،، لانه مايتكلم ،، اول ماولدته كان عنده عقده في لسانه وقالوا يحتاج جراحه بعدين وديته عياده خاصه قالوا ماشي ،،

صح في اطفال يتاخرون في الكلام بس احس انه يحاول يتكلم بس مايقدر

وغير هذا وااااااااااايد يطيح على راسه ،، مع اني وايد انتبه علييه
بس بغفلة عيين يكون طاح

واحس عنده مشكله في ريوله مايمشي عدل

دخييلكم ابا دكتور شاطر ،، اوديه الوصل ولا مستشفى دبي ؟؟

والله يحفظ لكم عيالكم

كم عمره

سوي له اختبار للسمع تاكدي انه يسمع

لان عدم الكلام من السمع تكون المشكله

لان في اطفال تسمع بس مايكون واضح اللي يسمعوه!!!

الله يشفيه ان شاءالله

الله يعافيه

فديته ربي يحفظه …
انا اقترحلج وديه مستشفى لطيفة ( الوصل )
لان تخصصهم أطفال ..

وديه عند حجازي ف الشارجه وايد شاطر

بنات لحقوا على من الحساسيه

السلام عليكم

بنات انا اصلا اعانى من الحساسيه والحمدلله متعايشه وياها

لكن الحين وجهى متروس حساسيه ويعورنى واحس بحكه يوم اغسل وجهى وتخوز وترجع مره تانيه شو اسوى شوروا على حتى الكريمات مااقدر احطها يحرقنى ويهى

الى ماعندها حل تدعيلى الله يشفى وجهى

الله يسامحكم ولا رد

انزين دعوه مابتخسرون شئ

يمكن من غسول تستخدمينة وقفى كل شى حطى فازلين الوردى للاطفال باستمرار يخخف الحرارة يبرد

تسلمين اختى فتون جزاك الله خيرا

الله يكون بعونج .. حاسه فيج لأني أعيش نفس المشكله

اغسلي ويهك بماي بارد واحسن شي تراجعي الطبيب عشان تعرفي سبب الحساسية

وأنا بعد اعيش نفس المشكلة ..((بس يمكن انا اقل ))
الله يكون في عونج والله يشافيج..

الحساسيه من الاكل مع ابني ست شهور

مرحبا

انا ولدي عمره اسبوعين من الشهر السادس

في اخر ايام الخامس اعطيته ماء سلق العيش المصري وكل شي كان تمام
وبعدين اعطيته برش تفاحه مره وكل شي تمام وفي نفس اليوم سرت مراجعه لودلي واعطاني الدكتور نظام غذائي
وقالي اعطيه من وجبتين الى ثلاث في اليوم وعباره عن مهلبيه وسيريلاك وبسكويت
اعطيه مره وحد مهلبيه ولاعت جبدي لاني سويته من الحليب صدري
واعطيته سريلاك خمس ايام وبسكوت مولوبا بس بديا يطلع حول الشفاه حبوب والجلد صار لونه احمر كانه ملتهب وقفت من اسبوع قلت تحسس ومابال الحمار يزيد وامس اعطيته حبه تمر اخلاص وعجنتيها مع ماي سلق العيش المصري واليوم الصبح حصلت ويه كله حبوب وبقع حمرا حتى على الجفون وخلف الاذنين والافخاذ

وولدي الصراحه يبغي ياكل مل من الحليب اي شي يشوفه ناكل يعصب يبي ياكل انا اليوم بوديه دكتور اطفال

بس بسالكم اسلق له جزره واهرسها واعطيه ولا سو رايكم

شوفي الجزر والبطاطا والكوسا ما يسوون حساسيه.. انا هذا اللي قريته من موقع اكل الاطفال و ماجد سمعت عن وحده ولدها يحسس من هالانواع بالذات..

جربي..

اوكي اختي مشكووره على الرد

ولدج يحسس فتحملي لا تعطينه اي شي..
واتريي شوفي الدكتور شو يقولج..

ولدي والحساسيه

السلام عليكم بنات

اشحالكم عساكم الا بخير و سلامه

بصراحه ولدي يعاني من الحساسيه كل ما اعطي شي يتحسس من ما ودرت الرضاعه الطبيعيه الحمدلله خفت وايد ،،،، بس من ما اعطي شي من ميلوبا مثل الارز و البسكويت الي يذوب في الحليب يشتب جسمه ع طووووووووول
و ي وم اعطي حليب خالي يرد جسمه عادي

احترت ويا لازم اعطي شي لاني احس االحليب ما يشبعه

بليز لا تحرموني من خبراتكم

للرفع

كم عمره ولدج؟

اختي وديه الطبيب يمكن محتاي دوا ولا شي

واستشيري الطبيب

بنت اختي كانت تعاني من نفس المشكلة

بسم الله عليه
مايشوووووووووف شر

معقووووووووووووله محد عنده خبره في هالموضوع

عمره فديته 5 شهوووور

فديتج انا كانت بنتي نفس المعاناة من يوم كان عمرها 4 شهور و سويتلها فحوصات في توام و اخر اكتشفوا ان فيها حساسيه غذائية من معظم الاكلات مثل الحليب البيض القمح السمك و الصويا فتمينا على الفواكة و منتوجات الارز لين ما كملت سنة و نص و بعدين بديت ادخل باقي الاكل شوي شوي….و الحين عمرها 5 سنوات و الحمد لله خف عنها كل شي

منو تعاني من هالحساسيه مثلي؟؟

السلام عليكم ،،

شحااالكم يا بنات ويا صبايا ،،

انا بقووولكم سالفتي ويا هالحساسيه الي الكل يعتبرها غريبه والي تقول انها دلع ولا تتحراني اسوولف

المهم ،، خله اقووولكم السالفه اني كل ما اطلع في الشمس لازم اعطس ،، يعني بنزل من السياره او بطلع من الكلاس وبرد ادخل مره بعد بتيني هالحساسيه واذا تميت في الظله احس ياكلني ومن امشي خطوه في الشمس ،،

والله اتعب من هالحساسيه يوم اقوووولهم يضحكووووون اونه كشخه يخلووني ادش واطلع بس عشان يصدقووون اونه اكيد تتدلعين انتي بعد مره عيديها

وإلي تقوول لازم ما اتعودتي على شمس البلاد ؟؟؟؟ !!!!!! ومب ظاااريه !!!!!! ما اتحملين الشمس !!

إلي يسمعهم يقووول كنت في الأسكيمو ما عدنا شمس !!!!!

يعني هالحساسيه مب من انولدت هذي من فتره بس قمت ألاحظها وقاهرتني تبوون الصدق وخواااتي يتريوووني اطلع من البيت عشان اعطس اونه يالله يالله الحينه بتييج العطسه

واليوم قررت اطلع من الأنترنت والحمدلله هذا الشي موجود علميا يعني انا مب شي غريب او كائن يديد !!

(( ومن المفاجئ أيضًا ان العطس يمكن أن يحدث أيضًا عند تعرض أعصاب العينين إلى ضوء
قوي .. ))

((ويسبب العطس. ومن الممكن لضوء الشمس الساطع أيضاً، أن يسبب العطس، لأن أعصاب العين مرتبطة ارتباطاً وثيقاً، بأطراف الأعصاب في الأنف ))

وكم مره فكرت اسير عند الدكتورة بس تطلع مب موجوده ويعطوني موعد وأكون مشغوله بس كل حد يقول اونه دلع ماله داااعي تسيرين يعني شو بتسويلج ولا كيف بتخووز عنج ؟؟

لكن انا مابا اتم وابا اعرف اذا في حد مثلي وخازت عنه؟؟ لا تقولون مكبره الموضوع بس صدق هالشي يستويلي كل يوم واتخيلوا على كل طلعه من البيت او الكلاس او الكافتيريا

كلمه حلوه منكم او دعوه تفرح القلب احسن من اي رد ثاني

وأنا أقووووول ليش جي يستوي لي أحيانا
في الدلع سوا سوااااا <—– تغايض
سلامات حبوبة ما تشوفين شر . . لازم
تسيرين عند الدكتورة من باب الاطمئنان
لحظة . .

آآآآآآآآآآآآآآآآآآآآآآآآآآىتشوووووووو
أسولف مب تزعلين ^_^

الله يعلم

looooooooool .. allaaah y3eench 7abeeebty ^__^

هلا الغاليه انا شراتج بس مب دووم يعني اكثر شي يوم اتقكون الشمس قويه يعني ع الظهر

الله ايعينا حبوبه

والتعليقات جزء من حياتنا ناخذ ونعطي فعادي خل ايعلقون

^^

المشاركة الأصلية كتبت بواسطة …(مريّة)…
وأنا أقووووول ليش جي يستوي لي أحيانا
في الدلع سوا سوااااا <—– تغايض
سلامات حبوبة ما تشوفين شر . . لازم
تسيرين عند الدكتورة من باب الاطمئنان
لحظة . .

آآآآآآآآآآآآآآآآآآآآآآآآآآىتشوووووووو
أسولف مب تزعلين ^_^

مريوووووووووووووووه

هههههههه اسوووولف يرحمج الله

المشاركة الأصلية كتبت بواسطة قمر ضاوي..~
هلا الغاليه انا شراتج بس مب دووم يعني اكثر شي يوم اتقكون الشمس قويه يعني ع الظهر

الله ايعينا حبوبه

والتعليقات جزء من حياتنا ناخذ ونعطي فعادي خل ايعلقون

^^

لا انا ما ازعل بس يتحرووني اسووولف هالمشكله

ولازم جزء لا يتجزأ من حياتنا اليوميه

تجنبي الحساسيه

السلام عليكم أخواتي
موضوع مهم أنقله كم للفائدة وان شاء الله تستفيدون منه

1.قبل حلق أو نزع الشعر من المنطقة الحساسة اغسلي يديك و اغسلي المنطقة

2.اطليها بقطعة ثلج أو معجون الأسنان لترطيب المنطقة ومنع الوجع عند النزع

3.و بعد نزعه احرصي على طلاء زيت أو أي مرطب حتى تغلقي المسام

4.لا تنزعي الشعر عند ذهابك للإستحمام مع المياه الساخنة فهذا خطر لكثرة الجراثيم انزعيه قبل الاستحمام أو بعد الاستحمام
بيوم واحد

5.لا تنزعي الشعر عندما تكونين في فترة الدورة الشهرية بل قبلها لأنك تعلمين ما يحدث من تقلبات على الفرج في هذه الفترة

6.احرصي على تنشيف المنطقة بعد غسلها عند الحلاقة لأن الحلاوة لا تحتاج للتنشيف…

7.احرصي على تبديل الملابس الداخلية بين فينة و اخرى و على ارتداء ملابس داخلية قطنية

8.عند كل غسل يجب تنشيف المنطقة فلو غسلتها مئة مرة بالصابون و لم تنشفيها تأكدي فهذا كأنك سكبت الماء في الغربال

9.بعد كل دورة شهرية احرصي على تطهير المنطقة سواء بمطهر خاص أو بالبيطادين فعال

10.اشتري مرهما للمنطقة لتجنب الحساسية فعندما تكون هناك حساسية لن تضطري للخروج و شراءه

11.لا تستخدمي صابون معطر لأنه خطر على المنطقة احرصي على غسلها بصابون طبيعي

12.لا تدعي شعر المنطقة يكبر كثيرا لأنه يجمع الاوساخ و الجراثيم خصوصا خلال فترة الدورة الشهرية
هناك بعض الفتيات يعانين من حساسية في المنطقة و ذلك نتيجة لتخطيهم لبعض من هذه النقاط

مع تمنياتي للجميع بالفائدة من هذه النصائح

يسلموو الغاليه على النصائح …….

تسلمين حبيبتي عالنصايح

ايسلمكم الرحمن على المرووووووووووور

ولدي والحساسيه

الله يخليكم امهات ولدي عمره ثمان شهور وعنده حساسيه في جسمه تقريبا من اسبوعين مب راضي يخوز عنه وديته كذا مره عياده وماشي فايده فياريت ادلوني على احسن عياده اطفال في راس الخيمه

حبيبتي يمكن من نوعيه الاككل الي تعطيينه

فديته مايشوف شر

ان شاءالله الخوات يفيدونج

كل هذا الزيارات وحده بس ردت

وينكم ؟؟؟؟

يا من الأكل يا من الأدويه يا من الجو

أنتي عطيتيه شي يديد من الاكل والأدويه

رينوكا في مركز رويال

بابو بعد بنايه الجسر

الله يسلمج ها عن تجااااااااااااارب عديده

هاتي ورق الشريشه (النيم) واغليه في ماي وعقب صبيه في طشت ويوم بيدفا خلي الياهل يتودن فيه اشوي يعني 10 دقايق او حسب ما يقدر اييلس

اذا صعب عليه وما تقدرين تجبرينه عيل سبحيه بالماي بدال ما يتنقع فيه يعني تمي صبي وصبي عليه الين ما يخلص الماي

وكرري هالشي كل يوم لمدة اسبوع مثلا وعقب خليه في السبوع مره بس صدقيني من اول مره بتشوفين الفرق ان شاءالله

وهاتي صابونة الشريشه (النيم) في اي سوبرماركت وسبحيه ابها واااااااااااااايد زينه حق لكبار والصغار

اسال الله العظيم رب العرش العظيم ان يشفيه ويشفي مرضاكم ومرضانا وكل مريض اللهم آمين

حاولي أن تجنبي طفلك أمراض الحساسيه

الحساسية من أكثر الأمراض الشائعة نوعاً ما عند الأطفال, وبمجرد دخول المادة المسببة للحساسية لجسم الطفل, فإن المنظومة المناعية تحاول حماية البدن منها مما يؤدي إلى حصول رد فعل من الجسم, وهو ما يسمى بالحساسية.
وتشير عدة عوارض للإصابة بالحساسية مثل العطاس, والحكة, وسيلان الأنف, والاندفاعات الجلدية, وفي بعض الأحيان قد تكون الحساسية عنيفة وخطرة للغاية, وقد تؤدي إلى الوفاة إذا لم تتم معالجتها في الوقت المناسب.
والمواد المسببة للحساسية كثيرة ومتنوعة كالفطريات, وحبوب اللقاح, وغبار المنزل, والمواد الكيماوية والمنظفات, وسموم الحشرات, وبعض الأغذية والأدوية, وبقايا الحيوانات كالريش والفرو, وقد تلعب الوراثة دوراً في التسبب بالحساسية.
فإذا كان أحد الأبوين مصاباً بالحساسية فإن نسبة إصابة الطفل بها تصل إلى 25%, وهذه النسبة قد تصل إلى 50% عند وجود الحساسية لدى الوالدين معاً, وإذا كان نوع الحساسية هو نفسه عند الأب والأم فإن الطفل سيتعرض لخطر الإصابة بها بنسبة 70%, وهذا لا يعني أن الأطفال الذين لا يملكون سوابق عائلية بالحساسية هم في منأى عنها, لكن حدوثها عندهم وارد بنسبة ضئيلة لا تتجاوز 5%.
وأفضل السبل للوقاية من حساسية الأطفال هي منع المادة المسببة للحساسية من الوصول إلى الطفل, وهذا يشكل حجر أساس لحماية الطفل من مشكلات صحية مزعجة هو في غنى عنها.
فإذا تعذر هذا الأمر فلا بديل عن الاستعانة بالعلاج الدوائي بعد استشارة طبيب مختص بأمراض الحساسية, وإن تشخيص الحساسية ليس بالأمر السهل, غير أن تعاون الأهل ودقة ملاحظتهم غالباً ما يساعد الطبيب في الوصول إلى أصل العلة

.

الله يعطيج العافيه

يعطيج العافية

مشكووووره الغاليه ………

الحساسيه


اللي عندها علاج للحساسيه لاني من ثلاث شهور او اكثر وانا اعاني من الحساسيه في جسمي مع حكه واحمرار
رحت الدكتور وقالي لا تاكلين الحلاوه ولا الفراوله ولا الموز ولا البهارات يعني الفلفل
وهذه الاشياء ما اقدر اكلها اللي عندها حل تساعدني

اتاكدي من الملابس يمكن الخدامه ما تغسلهم زين عن الصابون ….ولبسي ملابس قطنيه دايما

الله يشافيك يالغلا

أنصحج تستخدمين زيت الزيتون و الله عن تجربه و الحمدلله وايد مفيد
أنا أحيانا أستخدم مرهم elcom بس ترا فيه نسبت كورتيزون مرتفعه

انا بعد اعاني من الحساسيه وايد احك لين مايطلع الدم

الغالية اختي جان فيها حساسية بس زجام وراحت عيادة فالمدام اسمها اعتقد عيادة المدينة وعطوها ابره والحمد لله صحت..فيمكن يقدرو يفيدوج فالحساسية اللي فيج بس لازم اعتقد ما تكوني معرسة ولى حامل عشان الابر…انشالله اكون فدتج..اي استفسار انا حاضرة