الوسم: الحال

فـ الذمه حد يفيديني كيف بعرس وانا ع هالحال .؟

مرحبآآآ حبؤؤبآتي .. آشحآلكم عسآكم بخير ^^ ..

المهم ..

مآدري كيف اشرح لكم المشكله اللي آنآ فيهىآ .. ..

عرســي بيكون ان شاء الله ع الصيف يعني كلهآ كم شهر ..

مشكلتي الى مآزمتني .! الفخؤؤؤد والمؤخرهـ ..

آبآ آضعف بهآلمنطقهـ .. لآنه مآفآد ويآي ولآشي ..

قبل سويت تجمع هنيه ومآكملت لـانه مأفأد ويآي .. سويت الريآضه بكل آنوآعهآ بعد مآفآد ..

دخيلكم كيف بجأبل ريلي وأنأ بهآلحآل ..؟ خصووصـا انه هو من النــوع الى وأيد يعلق ويدقق ..

وهالشي مكرهني حيأتي ..

مع العلم أنه جسمي من فوق مأيخصه بتحت نهـأئيآ .. طولي 160 وووزني 64 ..

وآحس الوزن كله مجتمع تحت ..!!

طألبتكن طلبه سأعدوووني .. طفح الكيل وربي .. )=

الله يكون في عونج ،،

حبيبتي اشتركي فالنوادي وخبريهم انج تبين تنقصين وزنج من هاي هالمنطقتين ،، واكيد بيخلونج تتبعين نظام خاص فيج

مافي احلى من المشي امشي كل يوم لمدة نصف ساعة ويا الريجيم
واذا مستعجلة على النتايج امشي لمدة سااعة ويكون مشي سريع
صدقيني راح يفيد
وان شاء الله ربي يوفقج
والف مبرووك على العرس مقدمااا

جربتي المشي ..
احس هالمنطقة تمتلي من اليلسة وقلة الحركة …
ربي يوفقج ويسخرلج ريلج …

انا ابي اضعف فخوذي وزنودي
بس ان شاءالله بتبع رياضة المشي

وان شاءالله اخف مع الزهاب ^_^

الله يوفقنا ياارب وتقدرين تنقصين من وزنج يااارب

عليج بالمشي السريع ،

اول شي حبوبه اشتركي في نادي وقوليلهم يركزولج على اي منطقه تبينها..شهرين بس وروعه بيستوي جسمج رياضي

ومشي ساعه يوميا وشوفي النتيجه ….

تغير الحال

http://forum.uaewomen.net/showthread.php?t=607461
اشحالكن ياخواتي تذكرن هالموضوع بالنسبة لمشكلتي ولأني شفت بنات ما يقرن كل الردود فحبيت أوضح للجميع إن أخو ريلي غير رايه وما يبغيها وريلي قالي لا تحرين عمرج تراها ما تسواج وأنا ماعندي سالفة أشوف القمر وأفكر في غيره جان أستانس خخخخخخخخخخخخخخخخ
والسموحه

موفقين حبيبتي والله يبعد عنكم عيال الحرام إن شاء الله

تعبت والله لي متى ع هالحال

السلام عليكم ورحمة الله وبركاته ..

اشحالكم واخباركم ؟؟

انا اليوم يايه هي فضفضه وهي اني ابااا حل …

اتحيدون مرة نزلت موضوع اني ملجت وريلي ما كان يحسسني باهتمامه ..

عرست وبالفعل ما حسيت بهتمامه .. ايقولي احبج صرت ما اصدق كيف انت اتحبني وانت اتعاملني بالاسلوب هذا

هو ينزل بس في الويكند اشووفه بس الخميس فليل .. والجمعه والسبت ما اشووفه كله يالس عند اهله

او طالع برا البيت .. بتقولون روحي يلسي وياه طبعا هم غير الريايل فمكان والحريم فمكان ثاني ما نروم نيلس ويا بعض

ما يتصل يطمن عن حالي ساعات امرض ويدري اني مريضه ويكون فالعين يطرش هله عندي وهو ما ييني ..

اقول يمكن حاط في خاطره مني .. سويت يلسة مصارحه وكانت بأسلوب رومنسي بس للاسف كان جوابه بالعكس انا مستانس معاج وانتي هب مقصرة معايه … انا صارحته باللي في خاطريه قلت يمكن يتغير .. قلتله نحن الا من فترة معرسين انا ما اشوفك واوله عليك انت بس تيي فالويكند ..

يرد ويقول الايام يايه .. احس جنه يتهرب مني .. مع اني والله هب مقصرة معاه في شي .. حتى وانا حامل احاول اكون مثل ما هو يبا .. من فترة واايد تعبت والدكتورة قالت تعبج ما يخصه في صحتج انتي تعبانه نفسيا .. قلتله هالكلام قلتله خلنا نطلع مع بعض نرووح بعيد بس انا وانت ..

والله يوم اسمع الحريم يرمسون عن رياييلهم اقوول الحمدالله .. علما بأن الكل يعتقد اني عايشه معاه مستانسه ..

قبل كان يقولي انتي ما تسولفين .. احينه استويت اسولف ويوم اسولف ييلس يلعب بالفون او يطالعني وما يعلق ..

والله تعبت .. قمت اقرى سوورة البقرة .. كلمت دكتورة نفسيه .. قالت اتحملي

اروح بيت هليه او عند ربيعاتي يقولون الحزن امبين فعيونج ليش .؟؟ احاول ما ابين حق حد

الله يخيليكم قولولي شو اسوي .. اذا هو اليوم ما يهتم فيني ولا يسأل ولا ييلس باجر ما ضنتي بيكون لعياله … وعذرا ع هالكلمة قمت احس جني بنت ليل ياخذ حياته وخلاص شعوري ما اقدر اوصفه والله

الله يعينج حبيبتي

بس يمكن ريلج جي نوعيته يعني مايهتم، انزين انتي تحسين اسلوبه ويا اهله، خواته يعني يهتم فيهم ولا
اسلوبه ويا الكل ولا بس وياج؟

في وايد شراتج، الله يهديهم شبابنا

انا ربيعتي تزوجت وهي صغيره بعد الثنوي على طول، والحين احسها متبهدله بس كاتمه
ما كانت جي في بيت اهلها، ونفس الشي ينزل ويك اند بس، وحمدي ربج انه مب مقصر عليج ماديا واهله اوك وياج

الله يسخر لكم ازواجكم ويهديهم يارب.

ان شاء الله اهل الخبره بيفيدونج اكثر

الله يكون فعونج اختي
بما اني بعدني عزابيه فأن شالله الحريم بيقدرون يساعدونج

الله يكون فعونج
اصبري ..

والله ماعرف شو اقول

غير الله يعينج

ربي يسخره لج .. ~

الله يسر لج أختي

وريلج شكله هذي شخصيتــه وما يسوي هذا الشي لسبب وجيه ..

وايد شباب شخصيتهــم جافـة نظرا لنوع التربية الي يتربونهـأ

وانتي أختي لازم تكلمينه عسب تحصلون نقطة في الوسط تلتقون عندها

هو يسوي جهد أكثر

وانتي تنزلين توقعاتج شوية

لين توصلون لمستوى مرضي للطرفين

وهالأشياء تاخذ وقت وصبر وانتي الحين حامل وحالتج النفسيـة مب مستقرة

فحاولي تركزين على ايجابيات ريلج

وبالتكرار بيتعود

يعني مرة اعزميه ,, مررة سيري وياه عند أهله

بادري انتي وان شاء الله تغيرج يأثر عليه

وعليج بالدعاء أختي في جوف الليل

رب العالمين قريب يجيب دعوة الداعي

والله يسهل لج ان شاء الله

ما ادري لمتى بتم على هالحال

السلام عليكم خواتي اتمنى تساعدوني بمشكلتي عمري 29 متزوجه وعندي 3 اولاد المشكله اني خجوله بمعنى الكلمه يعني اذا حد قالي كلمه على طول وجهي يصير احمر وهاذي المشكله الكبيره شخصيتي ضعيفه فوق ماتتصورون يعني اذا احد قالي كلمه ما اعرف ارد عليه واخذ حقي على طول يصير وجهي احمر بنات ساعدوني كيف اقوي شخصيتي والله حاسه اني ضعيفه مره ويقولون عني هبله ما اعرف اتكلم واذا في كريم يخفي الاحمرار الي يصير بوجهي دخيلكم قولولي ما ادري شسوي انتم خواتي واتمنى تساعدوني

هالشي ايي بالخبرة والممارسة بس غريبة متزوجة ولين الحين خجولة
غيري شوي لان الاطفال محتاجين ام حازمة معاهم

الله يعينج

صادقه اختي بس مو بإيدي ما ادري المشكله وجهي ال يفضحني على طول يستوي احمر

بالممارسه بس على فكره صعب يخف بسهوله عن الشخص الكثير شخصه ضعيف يعني يحتاج كثير شخص ممارس في الحياه ويروح ويجي

فانتي لازم تختلطين بالناس هذه اهم خطوه

المشاركة الأصلية كتبت بواسطة ساحره العين
الله يعينج

مشكوره يا قلبي

المشاركة الأصلية كتبت بواسطة شعاع امل
بالممارسه بس على فكره صعب يخف بسهوله عن الشخص الكثير شخصه ضعيف يعني يحتاج كثير شخص ممارس في الحياه ويروح ويجي

فانتي لازم تختلطين بالناس هذه اهم خطوه

اكيد الاختلاط ضروري بس ما احب اخجل وما اعرف اتكلم احس نفس الخبله

ليش راضيين على هالحال ؟؟ مادري

مرحبا خواتي

الي الاحظه ان اكثر المواضيع بهالقســــــم عن التحرش , ضياع البنت والولد ,,,,, الخ

اعتقد … واعتقااد جااازم ان المشكلة من اولياء الاموور …..

صار كل شي عاادي .. قلت الرقاابة بحكم انشغاال الاب والام وحتى الاخوة والخوات الكبار

الي اشوفه بهالايام ……. ان البنت تلبس الي يعيبها وتسوي الي تباه دوون رقابة

والله تخيلي بنت تمشي بالسنتر وسط زحمة الشبااب طبعا كل السناتر لاتخلو من الشباب
لابسة عبااة ماتعرفين للستر ولا موضة ولا دلع الله اعلم
يا انها تلبس عباة مسترة من فوق لتحت ورااااصة ولا تلبس عباة وااااسعة وترفعها من تحت
تراوي الناس ريولها او بنطلونها او نعالها عزكم الله
ليش مادري؟؟؟؟!!!!!!
ورافعة شعرها لفوووووق يعني البف .. وطبعا القباضة لايعلى عليها

بالمختصر المفيد ….. صار هالشكل شي عادي ومعتاااد ..!! الاب ماقام ينصح بناته والام
تبا تخلي بناتها عالموضة

البنت بعمر 13 ماقامت تتحجب !! النبطلون رااص عليها وكل شي وااضح كبرت
واهلها مب حاسين او حاسين بس ماشي وقت ينصحونها!!
اذا نحن بصغرنا مالبسنا هالاشياااء شوفوا الحين البس كيف
عيل كيف بهالصغاارية فالمستقبل شوبيلبسوون الله يستر!!

والله احيد يوم كنا صغار تحجبنا بالصف الرابع
وكان الوالد الله يحفظه مايخلينا نظهر بدون الحجاب واذا شاف اي شي مب مستور يعصب علينا

والله كنا نضااايج بس تعلمنا وانغرس فينا هالشي وبنغرسه بعيالنا ان شاءالله
<<<< العلم فالصغر .. كالنقش على الحجر """"

نصيحتي لج …..
حافظي على خوااتج .. حافظي على بناااتج لاتستهينين باعمارهن انصحيهن عشان تتجنبين المشاكل
وفلانة تعرفت على شاب ورمست شاب وغيره
ترى اذا فات الفوت ماينفع الصوت … واذا قدرتي الحين تتحكمين بتصرفتها اتحكمي واصلحيها
واغرسي كل خير فيها قبل لايي يوم وتصرخ بويهج وتعاندج لاكبرت..!!
ياما سمعنا عن تحرش ببنات بعمر الزهور

بهالزمن صار كل شي عادي .. ولا ولى ولى زمن الاحتشام والستر

ماقصد الكل البعض بس الصراحة الاغلبية ..

حسبي الله ونعم الوكيل ….

الله المستعان

مشكوره اختي على هازا الكلام القميل

الله يحفظنا ويحفظ عياالنا….

والله يستر من الياي

يزاج الله ألف خير يالغالية

^^ الشكر لكن خواتي عالردود

الله يستر ع الجميع ان شاء الله

لكل من ضاق عليه الحال‎

الاستغفار

أين نحن من قوله تعالى : "فقلت استغفروا ربكم إنه كان غفارا – يرسل السماء عليكم مدرارا – ويمددكم بأموال وبنين ويجعل لكم جنات ويجعل لكم أنهارا" سورة نوح
…………………………………………………..
يا من طلقك زوجك ظلما
ويا من حرمت من الأولاد
ويا من تريد الزواج
يا من تريد فرج الله من الهموم التي ألمت بك
يا من ضاقت عليك الأرض من المصائب

سبحان الله كل ذلك يفعله الاستغفار

تذكر أن الله معك ولن يخيب رجائك بالاستغفار

وأن جميع ما أصابنا من مصائب الدنيا إنما هو بذنوبنا فلنستغفر الله لتزول عنا ، وأبشر بعدها بالفرج

(( استغفر الله الذي لا إله إلا هو الحي القيوم وأتوب إليه ))

استغفرك اللهم من جميع الذنوب والخطايا واتوب اليك

أهم شئ تقرين الموضوع ولو بدون الرد وتدعين لي الله يحقق لي امنيتي ويبلغني اياها

مشكوره اختي الله ينولك اللي ببالك
استغفر الله العظيم الناس اصلا تخلينا نستغفر عطول

الله يكتب لك الخير ويحقق أمنياتك

مريت بضرف صعب هاليومين

استغفر الله العظيم

استغفر الله

الله يفرجها يآرب
استغفر الله العلي العظيم
استغفر الله العلي العظيم
استغفرالله العلي العظيم

يزاج ربي الف خير

اه اه من هالحال

شؤرن علي يا خواتي الغاليات عندي موعد مقابلة الدكتور مال العمليات التخسيس ابي اسوي عمليه لأني مثل ما قلت تعبت من الادويه والرجيمات بس ريلي مكسل علي لانه خايف من العمليه قالي جربي الدواء الي وصفته لي دكتوره صينيه عندها قالت ينزل من عشره الي عشرين كيلو في الشهر ومضمون ومعاه كرت الضمان والوزن الي يروح ما يرجع بس هو غالي شوى يعني تبيع مال اسبوع 30 بوند تخيلو مال شهر السعر خيالي والنفسيه عندي دوان تحت الصفر محتاره شرات جو لندن

الله يعينج

للرررفع

السلام عليكم ورحمة الله

اعملي ريجيم والعبي رياضة بتضعفي

والسلام عليكم

حبيبتي لا تهتمي وااايد…ذكري الله..والله حالتي كانت مثلج وأسوء والنفسية دااون ..لا تغامري بالعمليات والصحة ماتنشرى بالفلوس ..خليج معاي أنا خسيت وربي 30 كيلو من وزني ومستمرة ..أنا كنت بالمنتدى وقطعت فترة ورجعت ألحين وكنت قايلة إني بنزل كل إلي ساعدني بنزول الوزن بس بشرط تستمرين وعن العيازة ..والله ثقتي بنفسي زادت من ضعفت وشعور حلو وكنت أقول كيف كنت صابرة على عمري كل هالمدة وهذاك الوزن..المهم انشالله بحاول كل يوم انزل موضوع وبالترتيب..والرجيم وأنواع الرياضة..ومن أول اسبوع بتنزلين 5كيلو..ومن تشوفين عمرج جي ما راح توقفي وبتتشجعي..بالتوفيق الغالية.

الله يعينك

انشالله تنولي اللي فبالك

المشاركة الأصلية كتبت بواسطة إبتسامة أمل
حبيبتي لا تهتمي وااايد…ذكري الله..والله حالتي كانت مثلج وأسوء والنفسية دااون ..لا تغامري بالعمليات والصحة ماتنشرى بالفلوس ..خليج معاي أنا خسيت وربي 30 كيلو من وزني ومستمرة ..أنا كنت بالمنتدى وقطعت فترة ورجعت ألحين وكنت قايلة إني بنزل كل إلي ساعدني بنزول الوزن بس بشرط تستمرين وعن العيازة ..والله ثقتي بنفسي زادت من ضعفت وشعور حلو وكنت أقول كيف كنت صابرة على عمري كل هالمدة وهذاك الوزن..المهم انشالله بحاول كل يوم انزل موضوع وبالترتيب..والرجيم وأنواع الرياضة..ومن أول اسبوع بتنزلين 5كيلو..ومن تشوفين عمرج جي ما راح توقفي وبتتشجعي..بالتوفيق الغالية.

الله لا يحرمنا منج يا الغاليه وما تقصرين وتستاهلين الرشاقه

بنات دخيلكم تعبت وانا على هالحال .

بخبركم قصتيه…أنا من اربع سنين وأنا أحب واااحد أكبر عني بس مب وااايد
…وهو ع كلامة انه يموت فيني..الحين هو مسافر بريطانيا عسب يدرس..
وقال انه يوم بيرجع بيخطبني رسمي…بس والله اني محتااااااااارة..قبل فترة يعني فالامتحانات ربيعتي يابت لي تلفون عسب ارمسه…وامي وخالتيه زخوني…
وخبرتهم السالفة كلها…خالتيه قالت بتكلمه وبتشوفه اذا صدق يباني…وامي قالت مستحيل ازوجج وانتي فهالسن
..والله اني تحملت المصايب كلها عشانه..حتى لدرجة انهم حرموني من كل شي والسبة هالسالفة…والله ماعرف شسوي…هل اتم وياه واكمل ولا أبتعد عنه؟؟؟والله ان حبي له ماله حدود…دخيلكم أبا شوووركم…

حبيبتي خذي بنصيحتي انسيــــــــــــــــــــــــــه
لان ماتدرين بالدنيااا شو بتكتبلج عقب يمكن يرجع وينسى السالفه وينسااااج فلا تحطين امل علشان ما تنصدمين عقب

والله يرزقج بالزوج اللي ينسيج ايااااه

الغلا…

ان اردتي النصيحه

فهي حتما الابتعاد

لانكِ دخلتي في المحظور

ولا شك اننا نعلم حرمة المحادثات الهاتفيه

لا يزين لكِ الشيطان هذه العلاقه

ابتعدي واقطعي علاقتكِ به وادعي ان يكون من احببتِ من نصيبكِ

ونسأل الله العلي القدير ان يسدد خطــاكِ على طريق الخير والصلاح

السلام عليكم

اختيه

ماتدرين اذا هو صج يحبج ولا يلعب عليج

المهم خلي خالتج تتأكد من حبه ..

وعسى ربي يكتلج الخير اختيه ويوفقج ان شاء الله

خويتج
^_^

الله يهديج الغاليه و يعينج … اذكري الله و انصحج اختي الغاليه بالابتعاد عن هالاشياء عشان ربج ( لانها حرام ) صدقيني الله بيعوضج كل خير اذا تركتي هالسوالف عشان ربج و شو دراج يمكن الله يكافئج و يسخر لج هالريال و ايي يخطبج .. ( من ترك شيئا لله عوضه الله خيرا منه ) …. و الله يوفقج الغاليه

لا تخلين الشيطان يزين لج هالدرب ..

ولا تخسرين اهلج بسبة وهم ..

اقطعييييييييه ولا تسوين له ساااااااالفه ..

ان كان صادق بيروم يوصل لج ويخطبج بالحلال ..

لكن تلفونات بالدسة وعلاقة محرمة ومشبوهه وما تدرين لوين توصلين .. لا حبيبتي انتي اكبر من كل هااا ..

نصيحة من اختج .. " ربج واهلج اولى بمحبتج لين ما يي نصيبج وتحبين ريلج اطهر حب اللي تفخرين تطرينه "

طمنينا عليج …<<< وانا طماعة وما بتريا الا اني اسمع .. انج ودرتيه ..

الله ييسر امورج

الله يسهل لك الخير