خواتي ساعدوني صبغت غرفه ثلاث جدران وردي غامج جاي ع فوشي تقريبا تقريبا الجدار الرابع ابغي اسوي ورق جدران شو ممكن اسويه شو يكون لون ورق الجدران واذا ماشريت ورق جدران شو ممكن اخليه يستوي ابيض او بيج بصراحه زوجي رافض يغبره تونا صبغنا امس وماعجبني حسيت قوي في الغرفه شو اسوي
وسوال ثاني اللون الابيض هل هو السكري واللؤلؤي قالولي مونفس بعض
بصراحه ماعندي خبره في الوان الدهانات اختار شي ويطلع شي وبالاخير انصدم
اختي ممكن تخليه ابيض وتمزجي اثاث الغرفه ابيض وفوشي …. حتى تخففي من حدة اللون الفوشي …
اللون اللولي غير السكري ….. اللولي يميل للون الابيض اكثر … السكري يميل للبيج اكثر
للرفع وربى يوفقج
ورق جدران الزيبرا يركب ويا الفوشي. بس دام تبين تهدين الالوان بالغرفة. خليه ابيض
وحاولي معظم الاثاث يكون ابيض والاكسوارات مثل لوحة ولا ابجورة ولا مخدات تكون ملونه عشان تكسر اللون
………….
اختي هي الغرفة حق شو ؟؟؟
يعتمد حسب الاستخدام .
لو هي حجرتج انتي بالاساس بقولج اختيار اللون شوي ممل
لو حق اطفال " بنات " ممكن
لو صالة بعد يعتمد ,
بس عامة افضل ورق الجدران بصراحة احسه صحي و من ناحية التكلفة ايضا اقل .
و من جانب آخر يعطيج لوك ما بتحصلينه فالصبغ نهائيا ,بس عسبه يبغيله عناية و طريقة تركيب تكون متقنة اهم شي .
الورق جدران الزيبرا يركب و يعطيج لوك جريء نوعا ما , بس ما يصلح لغرفة نوم , لو صالة عائلية اعتقد ايه .
الفوشيه يحتاج الابيض عشان يكسر حدة اللون نوعا ما ,و فالكماليات " الاكسسوارات " تدخلين اللون الابيض و الاسود بعد .
نصيحة اي لون تختارينه قولي للريال الي يصبغ يسوي لج تست على اليدار من اللون الي اخترتيه علشان تشوفينه عدل ,, قبل لا يصبغ الغرفة كامل وتبتلشين
المشاركة الأصلية كتبت بواسطة لمعة نجوم 
.gif "12 (29)")
.gif "12 (61)")
.gif "12 (26)")
