الغاليات…أرجوكم إلي تعرف وين إيبيعون بوكسات للتوزيعات في دبي تدليني….تعبت و أنا في الشهر السابع…و المشيمة نازلة عندي….و لازم أحصلهم و أخطط شو أبغي أسوي…
في ميزان حسناتكم إنشاء الله إلي بتدليني
ربي يقومج بالسلامه
تسلمين الغالية
حبوووبه اذا تبغيني اسوي لج التوزيعات فاااااااااااالج طيب ان شاء الله ^^
تقدرين تشوفين مواضيعي واذا عيبج شي ما يصير خاطرج الا طيب ويا هلا
ربي يهون عليج اختيه ويقومج بالسلامه
يوم كنت حامل اشتريت توزيعات من سوق الجمله في دبي ووديتهم باتشي و حطوهم في بوكسات مع حلاوه طلعت الحبه بالبكس و الحلاوه مع التغليف اب 15 درهم بس روعه مرتب كانشغلهم
تسلمون خواتي…ما قصرتن…فكرتج حلوة إختي بنت زايد….و أنا عندي العطور و الدخون…بس باقي لي البوكسات و مجسمات البيبيات…و إنشاء الله باخذهم من سوق الجملة…و باتشي طبعا باخذه بالكيلو….خاطري أرتب توزيعات ولدي بروحي…لأن في بنتي إعتمدت على المحمصة…و دفعت للبوكس الواحد فوق العشرين و ما طلعن نفس ما بغيتهن