بسم الله الرحمن الرحيم
السلام عليكم و رحمة الله و بركاته
كيف حالكم خواتي
حبيت ابدا معاكم موضوع و مدري مكانه صح و الا
و هو البنت و تربيتها
مساحة للفضفضة و تبادل الافكار لعلنا نستفيد من بعضنا
متى علمتي بنتج تدخل الحمام و تستحم بروحها ؟
متى تعلمت تستخدم الاستشوار و المشط ؟
متى بديتي معاها ف الحف و حلق مناطق جسمها؟
متى تحجبت بنتج ؟ شيلة و عباية و الا لبس طويل بدون عباية ؟
لاي عمر بنتج تلبس بناطلين جينز؟
تلبسين بنتج طويل و مخاوير و الا تحسينه موضة جديمة؟
متى التزمت بنتج ف الصلاة؟
الى متى تتحكمين ف لبس بنتج؟
متى استخمدت بنتج المكياج؟
تقدرين تخلينها عند اخوانها الاصغر و تطلعين او تسافرين؟
بعد ما تجاوبين الاسئلة شوفي راي الشرع ف الحجاب البنوتات الحلوات
http://www.saaid.net/Doat/binbulihed/f/438.htm
و انا ف انتظار مشاركاتكم
مرحبا ام محمد بجد موضووعك وايد مهم ومنه فائده بس انا ماعندي خبره للحين
بس اقولك البنت خاصه في هالزمن مايترك الخيار لها في كل شي هي تبيه بالعكس
نحاول نقنعها بالالتزام ونحببها في الحجاب وانها احلى لما تكون مستوره مب مكشوفه
الله يرزقني ببنووته ياربياليت احد يفيدج هاذا وجهة نظري تقبلي مروري
الموضوع وايد حلو ومفيد ونبى اصحاب الخبره انا بنتي عمرها 6 سنوات
مووضووع جمييل جداااااا
Up up
هلا خواتي
عندي ثلاث بنات أعمارهن 13/9/7
من عمر ثمان سنوات علمتهن الصلاة والتزم فيها في عمر التسع خلاص
من دون ما اقول يله صلاة
والكبيره زياده عليها صلاة الضحى مع قراءة سورة الكهف يوم الجمعه
واذا ماقرتها ممنوعه من الطلعه لين تخلصها
من الصف الثالث أبدا البسهن بنطلونات طويله مكسيات طويله
ولازم تحتها صروال والحمدلله ملتزمات يعني مايعاندني فاللبس
في الصف الخامس دخلت الشيله عشان تتعود واول اعدادي خلاص التزمت في شيله والعباه
التزام كامل وحجاب شرعي ممنوع تطلع شعرها
او تقعد عند عيال خلاتها ممنوع منع بات من تشوفن بس تروح تقعد في الغرفه لين يروحون
من ناحية النظافه اسبحهن لين عمر سبع سنوات عقب اسحب عمري شوي شوي من بعيد اراقب
اما الكبيره انا احف لها منطقة الباط بالحلاوه لانها صعبه عليها اما المنطقه الحساسه
علمتها بالموس كل جمعه تنضفها
واذا بنطلع يحطن بس قلوس خفيف مع جحال عند الأهل
اما فالسوق ممنوع
سوري على الاطاله
مااشاء الله عليج اختي شقا دنيا
نظامج حلو ماشاء الله يهديهم و يبارك فيهم
من وجهة نظري و تجربتي البنت تتعود من صغرها ع اللبس و الحشيم و يوم تكبر يكون اسهل عليها تتحجب
بس البنت اللي ما تحتشم بصغرها و يصير عمرها 12-13 سنة ما تتحجب و تكشخ و تبرز انوثتها بدون حجاب يعورني قلبي والله يعورني قلبي
كانت عندي طالبة عمرها يمكن 14 و ما تلبس عباية تخيلو جاتها الدورة و لابسه قميص مدري تيشيرت و جينز بدون عباية و مستحية تمشي تخاف و تحاول تنزل التيشيرت بس ماشي فايدة لانه قصير والله كسرت خاطري ليش شو فيها العباية
