الوسم: الاضحى

بسم الله الرحمن الرحيم نبتدي …

طبعا هالطريقة ابتكرتهااا بروحي وهي مايبالها سهله ..

عباره عن ثلاث خطوات..

الخطوة الاولى : 1 تزيت الشعر،،، للنبت الشعر
الخطوة الثانية: قناع للترطيب،،، واللمعان
الخطوة الثالثة: تونر للتطويل الشعر وتكثيفة، وتقويته..

والاحتياجات كالتالي موجوده فالصورة…

1- زيت ترشوب
2- روب
3- منقوع عشبة الياس+ السدر

الخطوة الاولى : 1 تزيت الشعر،،، للنبت الشعر
الطريقة: تبين الزيت وتدهنين به شعرج نفس طريقه الصوره موجوده فالعلبه..
تتركين الزيت لمده لي تبينها ع الاقل نص ساعة .. بعدها تغسلينه بالشامبو فقط طريقة الغسل الشعر مثل طريقةو وضع الزيت…
وتجففينه بالفوطة فقط ..

الخطوة الثانية: قناع للترطيب،،، واللمعان
عبارة عن روب..
تحطين الروب على فروة الراس الى الجذور.. طريقة وضع الحناء حطيه بشويش .. تركيه لمدة نص ساعة او اكثر ع مزاجكم.. ^^
بعدها غسلييه عادي طريقة الغسل نفس طريقة وضع الزيت ويكون الماي بارد .. بدون فرك الفروه

الخطوة الثالثة: تونر للتطويل الشعر وتكثيفة، وتقويته..
هاتي التونر وصبيه على الشعر نفس طريقة الغسل الشعر بس بدون فرك وعقب نشفيه بالفوطه وخلييه ينشف وبعدها استشوريه عادي ^^

امم ممكن تسخدمينه مره ثانيه تصبين له ماي حاري لين باجر وتسخدمينه او الباقي تستخدمينه سنفره تضيفين له بودره حليب وتيبين ليمونه وتتسنفرين به ^^ ههه للافائده

… نستخدم الخطوات الثلاث 3 مرات فالاسبوع..

واستخدام الخطوطتين الثانيه والثالثه على قدر مستطاع براحتكم طوال الاسبوع للتغذيية ولمعان وترطيب وتطوييل….

حبيت حد يشاركني لانه جربتها 3 ايام وشفت نتيجه حلووه شعري صغير بدا يظهر من جدام ونعومه
ولمعان… بالاضافة قلة تساقط الشعر..
حمدلله زيت ترشوب من زمان استخدمه ينبت الشعر بس للاسف هب مستمره علييه… لكن ان شاء الله بكمل معاه بهذي الطريقة…

ملحوظــة : نوع شعري جااف جدا ههههه منفووش بسبب الجفاف ومتطاير تعروف كيف شكله هههه اذا مازيته او رطبته شعر يطيررر ويتقصف … لكن حمدلله بهذي الطرييقة تغلبتت ع المشكلة ^^

ان شاء الله بستمر علييها وبخبركم النتيحه لين العيد الاضحى…

لي تبى تشاركني حياهاا…

خلونا نتفائل ونكون ايجابيين
شعري انا طويل كثيف ناعم وبولمعة تهبل.. لك الحمد والشكر يالله
حلمي اره يتحقق الآن عاجل غير آجل…
اللهم سهل لنا ياررب …