مرحباااا بنااات
اشحالكن ؟؟.,
بغيت اتخبركن شو تعطون البيبي فلاربعين .. يعني غير الحليب
حد يعطي سكر نبات وماي
حد عسل وماي
حد تمر مع الماااي
ابااا اشوف خبراتكم ؟
شاي الاطفال اذا ياه مغص
انا ما عطيتها شي غير الحليب + مساج بزيت زيتون ^^
ومبرووك ما ياج 
انا اعطيها سكر نبات بس عشان تتعود عالمرضعة
الافضل ما تعطين الطفل شي غير الحليب حتى 6 شهور
انا اعطيهم بس حليب
ماي و يانسون
نحن نعطيهم شاي الاطفال و الينسون للمغص
و نعطيهم ماي و ماي بالتمر و ماي بالعسل شرات ما قلتي ^^
السلام عليكم ……. يا امهات المنتدى
سواء الحامل آو المربي
اليوم انا رجعتلكم مع شي يديد وعجيب لفترة الاربعين
طبعن انا كل ما استفيد من شي اجربه على طول اخبركم عنه
عشان اتعم الفايده على الجميع وان شاء الله كل وحده منكم بعد اتجرب شي وتستفيد منه اتخبرنا
هذي ولادتيه الثانيه والله رزقني بحمد الحمدالله بخير وصحه وعافيه
وكالعاده اختكم الجميريه اتفتش وادور عشان اتحافظ على نفسها وتسترد رشاقتها باسرع مايمكن
ابا افاجئ ابو العيال واخليه ايشوفني مثل العروس بعد ما اطلع من الاربعين
وكل وحده فيكن تقدر توصل لهدفها خلال فترة الاربعين
الحمل الاول نزلت 21 كيلو خلال شهر ونص من ولادتي
وهالمره سيطرت على الوضع بطريقه مريحه وحلوه واتشبع ولذيذه
آولاً:-
كنت طالعه من مستشفى الكورنيش بعد الولاده بيومين وبالصدفه شفت لوحه مكتوب عليها
slim and lite قلت للدريول يوقف عندها وخليت ولديه عند اختيه (كانت معايه فالسياره يوم اطلع من المستشفى)
المهم ياحبيباتي slim and lite نزلت عندهم سآلتهم شو الاجراءات عشان اشترك
وكيف اذا انا ام مرضعه وابا رجيم ينزل وزني بس ايكون مغذي عشان يتكون الحليب
خذوا المقاسات والوزن ودخلت وشرحلي الدكتور كل شي
اشتراكهم ب 1900 وهالعرض لنهاية شهر ابريل ومن الشهر الياي بيرفعون سعره الفين وشي 2024 ||
اقولكم عن الاكل (لذيذ مثل اكل المطاعم ونظيف مثل اكل البيت+ الخضره فريش + ايشبع وااايد حتى مرات ما اخلص كل اللي يطرشونه+ يحطولج سويت حلو + تاكلين وتضعفين+ عمليات الايض تتنشط من نظامهم الغذائي+والاهم من هذا كله اللي تخسرينه ابدن ابدن ابدن مايرد)
ثانياً:-
عزيزاتي هذا كورس حلو حلو حلو بمعنى الكلمه واتندمت لاني ماعرفته في حملي الاول
الكورس ايي في بوكس وهالبوكس
يحتوي على خمس بوكسات للحبوب مرقمات 1،2،3،4،5
رقم (1) : تاكلين عشر حبات الصبح وعشر حبات فليل لمدة اسبوع[اينزل الدم والوصخ كله]
مع ان الدم كان ينزل بس على اليوم السادس تقريباً وقف ومن بديت على الكورس نزل عليه دم كآني توني مربي وخاز الانتفاخ اللي في بطني وخوز الغازات والامساك
رقم (2) : نفس الطريقه للآسبوع الثاني[ايسوي الحليب]
كنت اعاني الحليب مايكفي البيبي ويبات ايصيح من يوعه بس الحين الحليب ينزل بروحه ويخرس ثيابي <<<حملي الاول اهبابه الحليب ايكفي بنتي وازيدها حليب اس 26 عشان ترقد فليل
رقم (3) :للاسبوع الثالث [ايطلع البرد+ ايقوي الظهر+ايصغر البطن +ايشد عضلات الرحم+وسبحان الله ترجعلج لمعه حلوه في عيونج واتحسين بنضاره فالويه]
رقم (4):للاسبوع الرابع[مقوي عام للجسم+يعطيج طاقه +ايجدد الدم فالجسم كله بعد]
رقم (5): للاسبوع الخامس [هذا احلى شي >>>للرشاقه<<<] تاخذينه يوم 31 لين يوم 38
ومع الكورس بعد تييج ماسكات للبطن + وماسكان للمناطق اللي اسودت خلال الحمل او حتى اي منطقه غامقه فالجسم روعه روعه روعه روعه
اشتريت الكورس ب850 درهم كنت اقول في خاطريه حرام ادفع هالمبلغ في شي مش موثوق
بس والله يابنات اعشاب طبيعيه مالها اي تآثير جانبي وتستاهل جيمته واكثر
ورجعت اشتريت ثلالث كورسات زياده حق حريم اخواني الثنتين وربيعتيه بيربن خلال هالشهور
الحرمه اللي بايعتني هالكورس بتسافر اندونيسيا اتييب حق بناتها المرابي
امها اندونيسيه وابوها مواطن عشان جيه عندها خبره في ادوية اندونيسيا واعشابهم
حتى اتبيع المشد الاندونيسي وصابون بعد روعه ايبييض الويه وينوره
وانا في فترة الاربعين صايره فارة تجارب اجرب واخبر خواتي وحريم اخواني وربايعيه
وللحديث بقيه ان شاء الله ……..
يزاااااااج الله خيررر ومشكووووووره .. نتريا التكمله
الغلا …
بغيت اسألج هل كورس jamu jawa تبع محل او شركة ؟؟
والحبووب اللي خذتيهن متأكده انهن مش مضراات ؟؟ يعني مصررح فيهن من قبل وزارة الصحه ..؟؟
أريـــــــــــــــــــــد هذه الكورس أنا الحين مستهمه على جسمي وصحتيه سؤال انتي جربتي هالكورس وطلعت نتائجه إذا نفعج ان شالله بنفعني وبلييييز حاولي تطلبين لي أنا من العين وتفاهم على الخااااص
الغاليه .. يعني انتي دفعتي ١٩٠٠ حق الحبوب بس اللي بتاخذينهن خلال ٥ أسابيع + ٨٥٠ حق الكريمات ؟؟؟
يعني المجموع =٢٧٥٠
والا كله بس ١٩٠٠
مرحبا حبوبه انا استفساري مثل باقي استفسار خواتي…واذا بغيت اشترك بس موعد ولاتي بعده يعني اذا ابغي الحق
على العرض واشترك من الحينه عادي لين وقت ولادتي والاغراض هم ايوصلونها لي ولالازم انا استلمهم…
وممكن عنوانهم ورقمهم…؟؟ويزاج الله خير
للرفع
السلام عليكم ورحمة الله وبركاته
أشكالكم الغوالي
خواتي انصحوني بعد الولاده شو اشرب وشو أسوي عشان احافظ على نفسي
ف ولادتي الاولى الدم وقف عندي قبل العشرين يوم لأَنِّي ماكنت اشرب اي شي دافئ او احافظ على نفسي من الخراب وغيره
دخيلكم انصحوني كيف اهتم ف نفسي هالمره
وهل اذا اطهرت بسرعه قبل الأربعين معناها ان الدم متجمد او شو السالفه
ولا رد��
طيب ارفعو الموضوع ع الأقل ولكم دعوه من اخت محتاجه نصائحكم
فديتج مايخصه الدم اذا 20 يوم او اسبوعين او 40 معناته تنظف او لا كل وحده حسب طبيعه جسمها فديتج انا مثلا مثلج اقل من 40 ف عيالي حد 20 وحد منهم اسبوعين المهم انا احط حصى على بطني انترلوك حار والفه بفوطه منها يرجع جسمج شرات ماكان مرتب ومنها ينزل الوصاخه لو في وطبعا لاتنسين اشربي الحبه الحمرا وهالسوالف مفيده وكثري من الماي الدافي وادعيلي الله يسهل علي لاني دخل شهري دعواتج
فديتج قصايد يزاج الله خير ع الرد
ربي يسهل عليج وتكون ولاده سهله وانا وياج يارب
– اهم شي تنشفين المنطقة بطريقه خفيفة و لازم تلبسين شب شب ف البيت
– لا تتحركين وايد عسب ما تخترب الخياطة
– حطي كريمات شرات ميبو و اي شي تعطيج الدكتورة عسب تبرى المنطقة
– المشد للبطن فقط
– مشروبات دافيه
– اتركي العيش ف ها الفترة
– اشربي ماي
– المشروبات الدافئة مب عاد تاكلين سويتات دافية و تقولين زينه لي ذكرتيني بربيعتي تاكل ام علي و هو دافي ههههههههه ولا تنسين الشوربة
البنات ماقصرو
حبيت اضيف شي .. اشربي ماي واااااايد لأنه مفيد لج وللبيبي
والمشد تمي عليه ودفي نفسج دووم
والله يسهل هالفتره عليج ياررب
انا اليوم ثالث يوم لي من الاربعين . انا اول شي واهم شي افكر فيه البطن لان ف هالفتره يكون لين ونقدر نتحكم فيه ولاحقين عالاشياء الباقيه (اقول هالكلام لاني عيازه شوي ) المهم سوالي المشد ثم المشد من وين اشتريه ابا وحده جربت مشد وصدق نفعها ويكون عريض لان اكثر المشدات اذا بتربطين بطنج لازم زايده يا عند المثانه ولا تحت الباط يعني لو بيدخل البطن بتطلع لنا زايده مكان ثاني يشوه المنظر اعتقد فهمتوني , المشد الاندونسي بصراحه عباله , فاللي جربت شي يكون شوي عريض ونفس الوقت سهل اللف وتكون قطعته قويه تفيدنا وتقول من وين ماخذتنه تعطينا اسم المشد والمكان اللي ينباع فيه .
جربي تربطين بطنج بالغتر … هاتي خمس غتر واربطيهم على بطنج بالقو وما تفتحينهن الا وقت الرقاد … وان شاء الله ينفعج …
انا شريت الاندونيسي
انا بعد ابا اعرف من ويين نااخذ؟ الكل يمدح الاندونيسي بس يباله شغل
انا ربطت بالغتر
بس نصيحه حاولي تسووين تمارين البطن لانها الحل الوحيد اللي راح ينفع
خصوصا ان العضلات تكون مرتخية في هالفترة
انا خذت ضاغط من الصيدليه …
و سويت رياضه
انا محتاره اتشاور ما اشد بطني
بس بسوي تمارين البطن
لأن شد عضلات البطن بيضعفها اكثر
والدكاتره ما ينصحون الوحده تشد بطنها بشئ
عليج بالتمارين ع الأقل بعد اسبوعين احسن لج
السلام عليكم ورحمة الله وبركاته
بنات انا صار لي الحين اسبوع من خلصت الاربعين
وقبل لا اخلص الاربعين باسبوعين كنت اجلس يومين وبعدين تنزل نقطة دم
وبعد الاربعين شفت علامة الطهر فصليت وبعد بيومين نزل نقطة دم والحين كل يوم اشوف نقطة
دم فشوه رايكن ومع الدم بعد اشوف الطهر
فهل اصلي والا شوه
ماعندي فكرة بس يمكن هاي الدورة
هاي الدوره الغلا بعد الاربعين..راجعي الدكتوره..اظمن لج
للرفع
للرفع
راجعي الدكتوره الغاليه اظمنلج وان شالله تفيدج
للرفع
السـلآم عليكم ورحمه الله و بركاته
اشحالكن خواتي…؟
خواتي بغيــت اتعقب الاربعين في حد يسوي حركاات في الغرفه
مثل حد شماسيه على سرير و حركااات يعني ^^
ابا اعرف من وين تسوووون هاي الشغلات في العين ..؟؟
كل عااااااااااااااااااااااام وانتو بخير وسحه وسلامه يارب
ممممممممممممم انا من العين بس بصراحه ماعرف حبيت اساعدج بس مافي اليد حيله
ان شاء الله بنات وبنات العين خاصه مايقصرون
تقبلي تحياتي
سبحان الله وبحمده ..
سبحان الله العظيم
^
^
^
ان شاء الله تحصلين
الصراحه ماعندي فكره ،،،، وإذا تبين أسويلج توزيعات طلوع من الاربعين فالج طيب
اهلين بنات كيفكم
ان شاء الله تمام يا رب
انا ربيت من تاريخ 18 اغسطس
يعني باقي 7 ايام وابني يكمل الخمس اشهر ان شاء الله
و من الاربعين ولحد اليوم الدوره ما جات هل هذا طبيعي
وانا ما استخدم اي مانع للحمل وخايفة احمل على ولدي لانة صغير
و ما ابي استخدم اللولب و لا الابر ابدا
هلا الغالية انا اللي أعرفه ان الحرمه اذا ترضع البيبي ما تيها الدورة وهذا من كلام خالاتي وامي الله يحفظهم وعااد انا توني حاامل بالبجر الله يسهل علي
اذا كنتي ترضعين عادي الدوره ما تييج
بس انتبهي خاصه انج ما تتبعين اي وسيله لمنع الحمل لان في حريم الرضاعه تسويلهم مانع قوي وبعضهم ممكن يحملون حتى لو كان يرضعون..
ليش ما تجربين حبوب الرضاعه ما تقطع الحليب وخفيفه على الجسم
انزين خلي ريلج يمنع مب مشكله كبيره واذا خليتي طبيعي احتمال كبير تحملين حتى لو ترضعين
هلا الغاليه
شوفي في بعض الحريم الرضاعه تمنع الحمل عندهم شرات عمتي تكمل سنتين بدون دوره ولا حمل ( ما شاء الله )،
وبنتها مربيه الحين تقريبا من 11 شهر للحين مايتها الدوره .. ومب حامل
بس البعض والاكثر تيهم الدوره وهذا يعني عادي الحمل بأي وقت ..
ديري بالك
والله يسهل عليج الغاليه
نفس حالتي
انا مربية من 25 – 7 – وللحين مايتني
الغاليه انا يوم ربيت ما يتن الدوره لمده 6 اشهور عادي بنت خالتي تريب تمت سنه ما يتها عادي لا تخافين هذا من الرضعه اصلا والسموحه منج
السلام عليكم
خواتي منوه تعرف محلات تسوي طلوع الاربعين او افكار سواء فالعين او دبي .. بلييييييييييييز ضروري
شيكي الخاص . .
ان شاءالله اتحصلين حبووبه
شو رايج بتوزيعات كب كيك…
اروم اسويلج توزيعات حبة وحدة مغلفة بطريقة حلوة..
او حبتين فبوكس…
حياج فموضوعي
للرفع
للرفع
السلام عليكم ورحمة الله وبركاته
بنات انا والده من شهرين وماجتني الدوره لحد اليوم واحس بمغص اسفل بطني وحللت منزلي طلع خط خفيف بس واضح هل ممكن يصير او لا ارجو خبرتكم ..
هلا و غلا هيه اختي ممكن يصير حمل لان انا صار لي و اذا حامل بتولدين قبل ما يكمل ولدج سنه 
عادي يصير حمل
سيري سوي فحص الدم عشان تتأكدين
ام سلطان انتي حملتي وباقي ماكملتي شهرين كيف حسيتي بالاعراض الله يستر
عادي ما يتني الدوره رحت سويت فحص دم طلعت حامل اقطع الشك باليقين 
الحمدلله على كل حال سيري سوي فحص دم احسن
لو انا …وااااااااااااااااع بفجها مناحه
الرضاعة الطبيعية تعمل مناعة طبيعية ولكن تبقى نسب لحدوث حمل
اعملي تحليل حمل
والله يعينك لو طلعتي حامل تو الناس
يسعد صباحاتكم يا حلوين
امممم بصراحه ما اعرف من وين ابتدي
بس بعد عشرة ايام انشاالله باطلع من الاربعين
بغيت اسأل اللي عندهم خبره كيف ممكن اجهز نفسي واشو اقدر اسوي لنفسي ؟؟
اقصد من الناحيه الجسديه
ويسلمووووو
الحمدلله على السلامه اممم سوي لوك لشعرج صبغ وقصه يديده وتحني
تحني صبغي شعرج اشتري لج ملابس واكسسوارات خفيفه تلبسيها بالبيت حاولي تسوي تغيير لو بسيط بغرفة النوم ويعني المخ مسطل عندي خل تييني افكار واخبرج بعد لو متعودة تستعملي بودرة للجسم حاولي تشتري لج نوعيه ثانيه ومبروووك يالغاليه وربي يوفقج
المشاركة الأصلية كتبت بواسطة ام حناني 
ربي يسلمج يا الغاليه
المشاركة الأصلية كتبت بواسطة رؤوس الجبال ههههههه
حلوه المخ مسطل
ويسلموووو على الاقتراحات الحلوه
بس كل ذيه مخلتنه ف الاعتبار
بس ابا شي جديددددددددددد
غيري لوكج يعني لون شعرج و قصيه قصة يديدة و تحني و أما عن جسمج ممكن تسوين حمام مغربي اذا حبيتي أو روحي السبا تدلعين روحج مساج للجسم و تنظيف للبشرة، و اشتري ملابس يديدة سواء للبيت أو للنوم، و مبروووك اختي عالبيبي اليديد و ان شاء الله يكون ذرية صالحة
شرات ما قالو الخوات ^^