هلا حبوبات .. شخباركن ؟….
أنا بجر و بولد قريب .. و خايفة من فترة الأربعين وايد ..
و حابة اهتم بعمري و ف البيبي ..
و ابغي تجاربكمم وكيف تهتمون بنفسكم من ناحية ( أكل و شرب و نوم و جسم …الخ) و شو
الممنوعات و كيف اتخلص من الغازات و الامساك
و طبعا كيف تهتمون في البيبي يعني كيف اسبحه و بشو افركه و ادهنه و كيف اخلي السرة مالته اطيح و هالسوالف ….
بليييييييييز بليييييز لا اطنشوني لاني صج متوهقة …
مرحبا الغلا ..
انا بعدني ما جربت الولاده .. بس اختي مربيه جريب ..
بعد ما تولدين ان شاء الله اشربي حلبه والحبه الحمرا وكل شي حار .. احيد اختي شربوها لين ما قالو بس ..
كل يووم اشربي لج كوب ولا 2 .. وااايد مفيد .. تنزل الدم وادر الحليب ..
وانا اسمع امايه تقول لأختي اقعدي ف ماي وملح عشان الخياطه .. وعشان يلتأم ..
وريحي نفسج كااامل يعني لا تشلين ثجيل ولا شي ..
اما الياهل .. اختي تستخدم جوونسن .. شامبو وزيت وكريم .. بس جربي الزيت لأن في يهال يتحسسون منه يعني لو شفتي جسمه احمر لا تحطين له ..
انا اهلي يحطون تحت راس الياهل سكين ومصحف .. ويوم اطيح السره يحطونها وياهم ..
ولا تنسين ماي غريب للياهل ..
هذا اللي اعرفه .. ان شاء الله يفيدونج اهل الخبره ^^
للرفع
الله يسهل عليج اختي
مشكورات ع المرور
ف انتظار البقية
واااااايد حلو الموضوع ضفته بالمفضله
انا بعد بكر وها اول حمل لي مب عارفه شو السالفه ..
بس كنت اعرف انهم يشربون الحبه الحمرا لاني كنت اشرب ويااهم احبها هههههههـ لذيذه لان
بالنسبه للبيبي اشوف اهلي اكثرهم يستخدمون سباميد شامبو صابون .. وماعرف انا افكر اخذ من موستيلا اشوف البنات يمدحونه ترا خاللف تعرف بخالف العايله الكريمه انا . .
هي لاحظت ان شامبو سيباميد يبيض الشعر ههههههههههـ لان اختي تستخدمه لاثنين من بناتها بس والباجي جونسن قام يطلع لهم شعر ابيض طبعا مب وايد اثنثن ثلاث بس ^.^ حتى مرات اخوي تستخدمه لعيالها فيهم شعر ابيض كم حبه هههههههههـ
بالنسبه للسره بس المعقم والبودره مال السر بعد كل تنظيف يمكن ماعرف بروحي ابا اتاكد ههههه
هيه ولااتنسيين ادفين رووحج ولا تهملين عمرج اكلي اكل صحي فواكه وسلطه واي اكل مب زين ودريه عنج لانه يزيد الغازات حق البيبي ..
والبسي دلاغاات ولا شبشب مال البيت مب زين تمشين من دون شي بالبيت < اصلا محد يتحمل السيراميك
وحاولي ما تتعرضين للبرد ..
حتى امي كانت تقول لمرات اخووي حطي بالبانيو ماي دافي وملح عسب الخيااطه مثل ما قالت الاخت ام بطوط
بس ها اللي اعرفه للحين اجمع معلومات تراا . .
في منتدى دووم اخذ منه معلومات وايد فاادني .. لو تبينه بطرشه لج ع الخااص . .
لا اله الا الله
انا بعد بكر وابي اعرف لان ما عندي حد يخبرني الكل مشغول عني
المشاركة الأصلية كتبت بواسطة قرموشة 
