مرحبا مامييييز
ولدي كمل 4 شهور وتوه بادي الشهر الخامس واليوم بديت اعطيه ماي العيش المصري… اول شي عطيته ما طاع يشرب عقب ضفت له شووووي سكر نبات وشرب شوي…. ورجعت فالليل سويتله مره ثانيه في مرضعه 180 مل وشربها كلها…
الحين السؤال كم مره اعطيه فاليوم؟؟؟ الي مجربتنه قبل تخبرني
وعلى فكره ولدي واااااااايد ضئيل وكل الي يشوفه ما يعطيه عمره… وما يرضع الا طبيعي… شو رايكم؟؟؟؟
{ الله لا إله إلا هو الحي القيوم لا تأخذه سنة ٌ ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشئ من علمه إلا بما شاء وسع كرسيه السماوات والأرض ولا يئوده حفظهما وهو العلي العظيم }
عفوا…اللي يشوفه ما يعطيه عمره ولا الطبيب قالك إنه عنده مشكلة ونموه بطيء..دام يزيد وزنه وفي الحدود الطبيعية إذن ما عنده مشكلة…ما عليك من شكله..مو الهدف تسمين البيبي
وبعدين شو الفايدة الغذائية من ماي الرز..والسكر؟؟؟ تبني خلايا دهنية في جسمه وإذا انبنى خلايا جديدة ما بتروح..وتعرضيه للسمنة لما يكبر وإنه يحب الطعم الدسم والحلو
خذي مني نصيحة..دام الولد طبيعي بنظر الطبيب..خليك عالرضاعة الطبيعية لست أشهر
وإذا الطبيب قالك عنده مشكلة..هو بيعطيكي الحل..لأن الهدف إنه يكون جسمه صحي..وياخذ فيتامينات ومعادن..مو نفخ الياهل وتسمينه بشوية دهون ونقص على أعمارنا ونقول إنه صحته زينة لأنه سمين
بعد الست أشهر إبدي معاه بالحبوب..رز..قمح..شوفان (من سيريلاك أو ميلوبا)..وخضار مسلوقة ومهروسة..وآخر شي عوديه عالفواكه لأنه طعمها حلو..وإذا أخذ الحلو من البداية ما بيطيع ياخذ المالح أو بالأخرى اللي ما له طعم
ممنوع إضافة الملح والسكر..الكلى بعدها ما تتحمل هالمواد وأصلا لا يحتاجها..خلي ياخذ الملح الطبيعي اللي في الأكل والسكر الطبيعي الموجود فيه..بعض الخضار فيها حلا طبيعي ..ويحبوها الأطفال..وأهم شي التنويع..وتذكري..هذا ياهل..بياكل اللي بتعوديه إنت عليه..ما انولد وهو يعرف إن في شي أسمه يسكوت ولا شبس ولا زيت ولا إنه الكبار يحطون ملح على الأكل بيصير أطعم..ولا إنه الأكل وهو دافي أطعم…لأ..إنتي حسب ما تعوديه..عوديه عالأكل الصحي أفيد له..ومرة أعطيه دافي..مرة بارد,,مرة في حرارة الغرفة..عشان يتعود..وانسي السكر والملح للسنة
سبحان الله وبحمده سبحان الله العظيم
للرررررررررررررفع
استمري على الرضاعة حتى يكمل 6 أشهر بعدها اعطيه الاكل شوية شوية وماء الرز مفيد في حالات الي عندهم اسهال حسب ما اعرف
المشاركة الأصلية كتبت بواسطة fa6fa6 