السلام عليكم و رحمة الله و بركاته
كيفكن صبايا
ياني اليوم بنفلع … و بسمع صوت صواريخ ارض و جو (( مشوا معايه ))
كل مرة اقول بنزل الموضوع ,, اتردد و اقول عوووذ بالله منك يا ابليس !!!
بس خلاص ما اقدر اتحمل اكثر ,,, الشيطان لعب بحسبتي هالمرة ,, و اتمنى صراحتي ما تزعل حد و
نحن خوات في المقام الاول .. و اذكركن للمرة الالف مليون انا ما اخص حد في اي موضوع اكتبه بل
اعم الجميع (( لا فصيحة الصراااحة .. اخلصي علينا ))
خواتي انا منقهرة بشكل كبيييييييييييييييييير من تصاميم العبي هالاياااام ,, اللي اغلبها و السموحة منكن تنم عن عدم ذوووق و دفاشة سواء في اختيار القصة أو الحركات
بحط بعض الصور كتقريب للعبي اللي اتكلم عنها ,,
هذي من ناحية الخام نفسه اللي اييج كانه ساتان و هذي صدق مب شي ,,, مب هو اللي اقصده بالضبط بس هاي الصورة الاقرب
الشغل .. (( كنت بحط صور بس خفت ينطن التاجرات في ويهي … مع ان قصدي شريف )) و هذي من الجوجل
و الاسعار و اللي ما بقت عضوة ما تكلمت فيها ,, ناااار و العياذ بالله و على شووووووه مااااااااااا ادري ؟؟
بتقولون انتي مب مجبورة تشترين من عندها ,, بالفعل انا مش مجبوورة بس ما احب حد يستغفل الناس عيني عينك ..
و الادهى و الامر يووم تقول تصميمي و ما احلل و لا ابيح ,, على مين يا ماما و التصميم منتشر و مغبر
للامانة في بنات في المنتدى شغلهن و لااا اروووووع … من الاخوات اللي نسال الله الهن التوفيق
و في شغل ابدااا مش حلوو و صار قديم و ما يماشي الموووضة .. و اتمنى من كل قلبي انه يختفي
اختي المصممة ..
ابدعي فديتج بس لا تبدعين واااااااااااايد عالقطعة الوحدة ,,, ارحمي حالها … ما خليتي ورد ,, ما خليتي شك ,, و لا كريستالة و الا حطيتيها … الخ .. كل ما كان الشغل خفيف كانت العباة ارقى و احلى
اتبعي خطوط المووووضة دايما و خلج بسيطة في اختيار الموديلات …
و بس هذا اللي في خاطري و السموحة اذا غثيت حد بكلامي (( و اللي تبا تكفخ يا حياها ))
ربي يحفظكن