الوسم: الدورة

تقليل فتره الدورة الشهرية

السلام عليكم ورحمه الله وبركاته

شحالكن خواتي

انا ابي اسال كيف اقدر اقلل فتره الدوره الشهريه

اهي تيني 8 ايام

اليوم اول يوم تنزل يعني باقي 7 ايام

يوم الجمعه اليايه عندنا عزيمه بنات بالمزرعه وانا ابي اسبح ويا البنات

فابي اعرف كيف اقدر اخليها تخلص بسرعه

مممم يصير لو خذت الاشيا اللي تنزلها انها تنزل كلها بسرعه وبوقت اقل والا كيف ؟

خبروني دخيلكن

up up

للرفع

شوية زنجبيل و3خواشيق عسل و شوية جرفه..اخلطيهم ومره وحده ابلعيه..
ان شاء الله بتنظف بطنج وبتنزلها عندج غزيره..بس تبين الصراحه انا هاي الطريقه كنت اسويها 3يوم الدوره..ومادري اذا بتنفع معاج..

و الله ماعندي فكرة حبوبة
جربي طريقة حرم زوجي
وان شاءالله تفيدج حاسة بشعورج >.<

للرفع

نصائح مفيدة خلال الدورة الشهرية

مهم جداً جداً جداً انك تمتنعي عن شرب السوائل الباردة بما فيها الماء ( أقصد هنا بالباردة يعني المثلجة ) خصوصاً امتنعي عن المشروابت الغازية….
و اهتمي جداً بشرب سوائل دافئة ، و الماء يكون من الصنبور ….
* إيـــاكِ و الجلوس على الأرض و البلاط ( كلامي موجه خاصة لبنات المدارس و الجامعت اللي بيجلسوا على السلالم و الأرض )
لأنه بجلوسك على البلاط البارد راح تصل البرودة لجهازك التناسلي و هذا مضر جداً…
* قبل و أثناء الدورة احرصي انك تكوني دافئة سواء في الشتاء او الصيف…
لان البرودة بتزيد من آلام الدورة….
وللبنات الي يعانون من الدورة الغزيرة انصحها بتجربة
كيلوتات صحية تلبس مع الحفاضه وتثبتها مكانها
اسمها كيلوتات "كيور" مريحة كثييير وتخلصك من التسرب والبقع
والمواقف المحرجة

انصحكم بتجريبها
الي تحب تشتريها موجودة اونلاين وسهل تطلبيها من هذا الرابط
http://bit.ly/1Ds1arI
ديري بالك وانتي تختاري مقاسك الصحيح

جزاك الله خير

شو احسن حبوب منع الدورة الشهرية خلال فترة الحج

حابة اعرف احسن نوع من حبوب تاخير نزول الدورة الشهرية خلال فترة الحج واذا كانت فيها مضار ؟
ارجوووووكم ردوا علي بسرعة

حبوب برومولوت ان بس ما تهدينها الا يوم ترجعين
وبامكانج تاخذينها 3 ايام وبعدين تنزلج الدوره وتروحين وانتي طاهره

[IMG]http://www.*******.org/images/musfghp244ykgwblrc3r.gif[/IMG]



/

primolut ( Norethesterone 5mg

هو هرمون ،وله side effect فيفضل انج تروحين لدكتورة تشرح لج كل شي عن الدواوطريقة استخدامه

/

primolut ( Norethesterone 5mg

الدورة الشهرية؟؟

حبايبيي انا عندي مشكلة ….الدورة الشهرية مالي مب منتظمه
ورحت عند دكتورة خاصة عطتني حبوب نظمت الدورة شهرين واللحين ردت المشكلة نفسها
اتعرفون متى اخر مرة يتني الدورة من يوم ارمضان ………………اللحين ماشي
مادري شو اسوي ابي اعلجها ……..لانه بعرس في الصيف وما ابيها اتؤثر علي ؟؟؟
خبروني شو الحل …

انا عندي نفس المشكله

الغاليه ردي سيري المستشفى

أكيد في شيء

الاكل ملخبط الهرمونات

مممم ماادري سيري المستشفى احسن

خير ان شاء الله

اختي نفس المشكلة عندي

ورحت برع وسويت فحوصات والحمدلله هرموناتي مافيها شيء

بس المشكلة واللي ما زالت " الوزن الزائد " وكل دكتورة قالتلي لازم اتخفين وزنج وتمشين واايد

وخفيت من وزني وانتظمت عندي والحمدلله ….بس اذا زدت تخترب عندي والله المستعان …

فاحسلج روحي مرة ثانية المستشفى ….

مشكله مشتركه

بس انا عندي تكيس عسب جي

سيري المستشفى احسن

و الله يشفي الجميع

نسيم الشراتي

.

مشكورات بنات على النصيحة …

اختي نفس المشكلة عندي

ورحت عيادات وقالولي الحمل والدورة من الوزن

بس المشكلة واللي ما زالت " الوزن الزائد " وكل دكتورة قالتلي لازم اتخفين وزنج وتمشين واايد

اعصابي وقت الدورة

ياربي … ساعدوني بنات شو اسوي
من اتقرب موعد الدورة استوي عصبيه بدرجة فضيعة , واطلع حرتي كلها في ريلي , واعصب عليه
لدرجة ان أطول الساني عليه ولا احترمة , وما اخلي شي في البيت ما اكسرة وافره , واحيانا اصيح بدون سبب , وهو المسكين يسكت عني , وساعات يطلع من البيت وما يرجع الا يوم ارقد عسب ما اتضارب وياه , واذا اتصلت فيه وما رد علي احرق تليفونه واعصب زياده , لدرجة ان العصبيه تسبب لي صداع وما اشوف زين من عيوني , بس اليوم ريلي قالي انا ما اقدر اصبر عليج اكثر من جيه
كل ما بتيج الدورة انتي ما تحترميني , سيري بيت اهلج
والله مب مني , ولا ودي ازعله كسر خاطري , بس شو اسوي مب بيدي , اعصابي ونفسيتي تتعب وانا ماقدر اسوي شي , اعرف ان هذا الشي تمر فيه كل بنت وكل حرمة , بس الرياييل ما يفهمون ولا يعرفون ان هالشي خارج عن ارادتنا
والله غمضني وكسر خاطري , وما اعرف شو اسوي
عطوني حل اهدي فيه اعصابي وقت الدورة

غلاي .. عليييج بالاستغفار
يوم تتقرب منج موعد الدوره
استغفري وااااايد .. استغفري وانتي مثلا تشتغلين
او قاعده مثلا .. تمي تستغفرين .. وان شااء الله يروح عنج العصبيه
حاولي قد ما تقدرين تمسكين اعصابج ..وعليييج بالاستغفار
انا بــ صراحه امسك عصبيتي واستغفر ربي وااايد
وبث ^^"

لهدرجه!!!!!!!!!!!

حبوبة

صح وقت الدورة الامور تتخربط والوحدة اتعصب

بس ما توصل لهالدرجة !!! انتي وايد over الصرآحة ><

اختيه
اتمالكي نفسج
ويوم بتعصبين اتعوذي من ابليس ويلسي استغفري وابتعدي عن اللي يدامج لين ما تهدين

انتي الخسرانة لو ما يودتي عمرج
مافي شيء مستحيل
والعصبية ماتوصل لهالدرجة
خلج طبيعية في كل الاحوآل

،،

طلعي هالفكرة من بالج .. ولا تمين تقولين انا عصبيه وانا وانا .. حاولي تتناسين

.. وفهميه هالشي مرة ثانية ..وادعي ربج يحنن قلبه عليج ويزرع التفاهم بينكم ..

وان شاء الله خير ..

انا مثلج بالضبط اعصب وايد و اصيح و اكون مكروهه اوف
بس الحمد لله ملقوفه

الله المستعان اختي

الدورة الشهرية

السلام عليكم ورحمة الله وبركاته

شحالكن بنات عساكن بخير وعافية

انا عندي سؤال بس مستحية منه شوي.. المهم بخلي الحيا ع صوب و بدخل بالموضوع لانه وايد متعبني

انا بنت عمري 22 سنة .. مخطوبة حاليا والمجلة شهر 7 ان شاءالله

انا عندي سؤال عن الدورة الشهرية واذا لها تاثير على غشاء البكارة

بخبركن السالفة بالتفصيل … انا الدورة الشهرية يتني يوم كنت صف اول اعدادي .. واول مرة تمت معاي تقريبا اسبوع وشوي … وهي ما كانت منتظمة ابد يعني كانت تم معاي من اسبوع لين 11 يوم .. وكان تيي كل 27 يوم الى شهرين.. المهم قبل سنة ونص تقريبا الدورة انتظمت عندي يعني تيي كل شهر وتبقى معاي 9 ايام .. والدم النازل عادي يعني مثل اي وحدة اول يومين يكون شوي غزيرة وبعدين يخف .. وطبعا مع قطع الرحم اللي تنزل اللي تكون بحجم القطعة النقدية الصغيرة

لين هني كل شي اوكي وماشي اي مشكلة

المشكلة بدت يوم الثلاثاء اللي طاف يوم يت الدورة … كانت عادية اول يوم لكن ثاني يوم مادري شو صار .. الدم اللي ينزل عادي لكن المشكلة في قطع الرحم اللي تنزل … كانت كبيرة بشكل فضيييع
يعني حجمها تقريبا ( الطول 5-7 سم والعرض 3-4 سم ) ومن يومها وانا خايفة تكون هالقطع اثرت على الغشاء .. مادري شو اسوي دورت على رقم اخصائية نسائية لكن ما حصلت.. وانا ما اقدر اروح العيادة لاسباب خاصة..

بليز بنات طمنوني .. هل ممكن تاثر الدورة على الغشا .. ومنو صار لها نفس الشي؟؟
ومنو عندها رقم اخصائية نسائية ممكن تساعدني ؟؟
بليز بنات لا تبخلن علي وطمنني الله يطمنكن دنيا واخرة

والله حبيبتي انا حابة اساعدج بس هي اول مرة اسمع بقصة زي قصتج …

انتي من اي امارة عسب اساعدج او البنات يساعدوج برقم الاخصائية ….

سبحححححان الله
لاني كنت ناوية انزل موضوع تقريبا نفسج
يتني هالحالة من سنة اظن
كانت عندي الالام فظييييييعة جدا
ابكي واتقلب من مكان لمكان وارجع وويهي يستوي اصفر
وما يهديني الا الابر الي اخذها من الحوادث او حبات المورفين
في يوم من الايام على هالحالة وماكان عندي حد يوديني المستشفى
ومع الالام نزلت مني حبة عزكم الله مثل شكل البيض كانت مفاجاة مني
وتصعقت منها ومصدومة ..
خبرت امي تعجبت خبرت اخواتي بعد تعجبو الكل حاسس انها حالة فريدة
كنت ناوية اروح المستشفى مشان اطمن على عمري بس كانت عندي حالة كسل
فقلت حق عمري اذا تكررت راح اروح المستشفى بس الحمد لله من وقتها لين الحين ما تكررت
بس لهي اللحظة وانا اتمنى اسمع الجواب
والحين يوم شفت موضوعج اتمنى اعرف شو الي استوالي هذاك اليوم

انا بعد اول مرة اسمع بهالقصه….بس ان شاء الله خير……لان غشاء البكارة مب لهادرجه خفيف….يعني هو صح رقيق بس مب لهادرجه انه يأثر عليه الدم

اممم يعني القطعه اكبر عن الصبع ؟؟

لا تحاتين حبيبتي ..

غشاء البكارة ان شالله مب متأثرٍ .. انتي بس لانج الحين على عروس .. تحاتين هالشي وتخافين منه ..

وبعدين فض الغشاء ما ينزل دم لدرجة ان تنزل قطع كبيرة .. << وسوري اذا كنت صريحة بزيادة ..

بس انا اعرف وحدة دايما اصلا لما ينزل منها الدم ينزل جي كتل كتل ساعات .. بس هو دم متجلط .. وبالحرارة ينزل ..

عشان جي يقولون البنت وقت الدورة تبعد عن البروودة .. لانها تدخل هوا من غير انها ما تخلي الرحم ينظف عدل من الدم ..

لا تحاتين ولا تفكرين غناتي .. والله يتمم لج عرسج على خير …

امين يارب

تسلمون خواتي

انا من ابوظبي .. والقطع اللي نزلت هيه اكبر من الصبع.. مادري شبهتها بالجنين.. لا تفهمون غلط انا الحمدلله ملتزمة ومحد مسني خير شر.. هي تقريبا 4 او 5 مرات نزلت بنفس اليوم..
وانا من زمان تنزل مني قطع لكنها تكون صغيرة

ساعدوني عشان انزل الدورة والحبوب اللي خدتها

مراحب خواتي

انا قررت اروح الحج وحجزنا العوق دورتي مب راضيه تنزل والمفروض تنزل تاريخ 2-11

وانا رحت قبلها باسبوع ونص عند ادكتورة وخبرها تعطيني حبوب وقف الدورة قالت لا لازم انزلها احسن

ومشيت عكلامها وخديت الحبوب خمس ايام

ولليوم مانزلت الدورة وتعبت نفسيا

هل في شي اشربه ينزل الدورة جربت القرفه مع ماي ورد وماي عادي وطبخته وشربته يومين وراء بعض

ومانزل شي ولا وجع دورة

انا خايفه تنل الدورة قبل الشفر بيومين او 4 ايام وماشي فايده

فشو الحل يعني لاني وايد معصبه من الدكتورة

اذا عطتج حبووب ياسمين اوكي …

انا جربتها ويابت معااي فايده بس صبري عليها 7 ايام تقريبا

للرفع

شربي ميراميه .. او شربي جرفه وزنجبيل مع بعض وان شاءالله تنزل

الله ايسرلج اموورج ان شاءالله

العبى رياضه وشربى جرفه ان شاء الله خير

كلي اناناس وشربي عصيره وعليج بالحبه الحمرا

تاخرت الدورة 5 ايام

السلام عليكم ورحمة الله وبركاته

اشحالكم حبايبي

تاخرت الدورة عندي 5 ايام ..
الاعراض اللي احس فيها ( الم في البطن + المنطقة عندي جافة ) بس
بالعادة قبل لا تنزل الدورة اييني الم اسفل الظهر .. بس الحين ما عندي هالالم خير شر

اختي تقول لي سوي الفحص .. وانا مترددة .. اخاف ما اطلع حامل ( لاني ارضع وطبعا هرمون الحليب مرتفع عندي ) وغيره عندي تكيسات بعد

رايكم ؟؟

حللي مب خسرانه شي

شي عادي يمكن تكون متاخدة كم يوم

لا تحاتين

وان شاء الله خير

هلا اختي

بس انت ترضعين معناها طفلك صغير على شو مستعجلة على الحمل
ريحي جسمج يا اختي وبعدها احملي

موفقة

انتظري شوي لين تنزل الدوره او خذي من الصيدليه تحليل الحمل ب15 درهم وتاكدي

وعليكم السلام والرحمة

اللي ترضع عدل ماتنزل عليها الدورة وما يصير حمل

بس اذا مدخلة حليب صناعي مع الرضاعة الطبيعية او ماترضعين بالليل.. تنزل الدورة عادي و ممكن يصير حمل

خايفة من شو؟؟؟ سوي تحليل منزلي خذي التحاليل الرخيصة اذا حمل بيبين على طول

أما كلير بلو يبين قبل نزول الدورة بثلاثة ايام اذا في حمل وانتي ماتحتاجينه الحين لأنج طوفتي موعد الدورة

سوي فحص ^_^

خواتي منو خذت برايملوت في ايام الدورة ووقفت عنها عشان العمرة ؟

السلام عليكم ورحمة الله وبركاته

هلا خواتي ..

الدكتورة كتبت لي هالدوا . برايملوت نر

خواتي منو خذت برايملوت في ايام الدورة ووقفت عنها عشان العمرة ؟

وبعد كم بتوقف ؟

غرشته بنيه والحبوب بيضاء وصغار؟ خذت بس قبل الدوره بيوم حبتين في الصبح وحبتين في الليل ووقفت بس اعتقد لو خذتيهن وهي فيج بطول.. ولازم تستمرين عليهن لين ما تخلصين من العمره لانج ان وقفتي بتنزل

جزاج الله خير يالغالية ومشكورة على اهتمامج …

وياليت بعد يفيدونا البنات أكثر ونشوف تجاربهم بعد .. خاصه اللي كانت فيها الدورة وخذته .. شو صار معاها ؟؟؟

انا اللي اعرفه تاخذين الحبوب قبل الدورة بخمس ايام ….

حبه الصبح و حبه فليل … و ما تيج الدورة و متى ما تخلصين من العمره عقيهن و بتمين كم يوم و بتيج

للررررررفع

انا خذته عشان ااخر الدورة حبة باليوم بس ،، ومن فريتها نزلت

لكن تخربطت عندي الدورة يتني مرتين في الشهر

انا خذته…

قبل الدورة ب 5 ايام….وبعد ما اتوقفين الدواء اتييج الدورة بعد يوم او يومين (انا يتني بعد يومين)

نزيف الدورة

السلام عليكم خواتي
الله يخليكم شو اسوي بنزيف الدورة ؟؟؟
والله الدورة عندي غزيرة وااايد من اجهضت
حتى مب قادره اتحرك منها كل ربع ساعه اغير
الي صار عندها نفسي تخبرني شو سوت ؟
رحت العيادة وقالو حقي كل شي اوكي بس ما اعرف شو الي صاير عندي؟؟

ربي يعينج

مب زين النزيف لانه بيسويلج فقر دم …احسن شي سيري لدكتوره ثانيه خليها تعطيج شي يخفف الدوره

وماعليج شر

روحي الحين الطوارئ احسن لانه مب زين

وانا بعد اعاني من النزيف يمكن الاجهاض يسبب غزارة الدورة انا اجهضت مرتين تعبت حتى شعري يتساقط بغزارة الحمل والولاد والرضاعة ما يسوي ربع هذا الاعيا منتظرة زيك ردود الاخوات

سيري الطوارئ بيعطونج ابره تخفف النزيف

او خذي حبوب ponstan fort ها مسكن لالم البطن وقت الدورة وفي نفس الوقت ينظم النزيف ويخفف منه بتلاحظين الفرق في اليوم الثاني من الاستعمال

انا مرة صار لي نزيف رحت المستشفى وصفوه لي وكل مرة دورتي غزيرة استعمله وهو نفس البندول مسكن الام موجود في الصيدلية وما منه ضرر

اقري في قوقل اكتبي غزارة الدورة بونستان فورت واقري المواضيع

المشاركة الأصلية كتبت بواسطة نونه دلوعه
روحي الحين الطوارئ احسن لانه مب زين

محد عندي ريلي دوام
بشوف باجريمكن اروح العيادة

المشاركة الأصلية كتبت بواسطة FoOo
وانا بعد اعاني من النزيف يمكن الاجهاض يسبب غزارة الدورة انا اجهضت مرتين تعبت حتى شعري يتساقط بغزارة الحمل والولاد والرضاعة ما يسوي ربع هذا الاعيا منتظرة زيك ردود الاخوات

الله يعينج والله حاسه فيج
انا تعبت نفسيا منها
حتى يلست اصيح منها
ان شاء الله حد يفيدنا