شحالكم بنات اول مره اشارك قسم الحلويات
بسويت حلو مثلي 
خقااااقه
مره كنت اسولف ويا عضوة ويانا ويات سالفة السويتات
فخبرتني عن هالسويت اللي من بنات افكارها .gif "12 (61)")
ههه حلوه هاي بنات افكارها
المووووهييييم خلنا نبدأ
المقادير:
نبدأ بمقاديير الطبقه الاولى :
_ بسكوت دايجستف
_ قهوة نسكافيه
_ ماي دافي لاذابة القهوه
مقادير الطبقه الثانيه:
_شوكليت كادبوري 8 حبات
_ علبة قيمر
مقادير الطبقة الثالثه :
_ ظرفين دريم ويب
_ حبتين كيري
_ ظرف كريم كراميل
_ علبة قيمر
_ مقدار بسيط من الحليب العادي حليب العين مثلا
الطرييقه:
انذوب النسكافيه بالماي الدافي ونصبه على البسكوت في وعاء ونخلطه بالملعقة
ثم نصعه في صحن التقديم او الكاسات حسب الرغبه
نذوب الشوكليت في حمام مائي تماما نعين انذوبه عدل وبعد ما يذوووب عدل انحط عليه
قوطي القيمر ونخلط عدل وخليه فالحمام المائي لا تشيلنه
حطي الشوكليت والقيمر بسرعه على خليط البسكوت عن لا يجمد بتكون هاي الطبقه الثانيه
نخلط جميع مقادير الطبقة الثالثه فالخلاط مع اظافة شوي من الحليب لتعديل القوام مثل
انتي ما تحبين لانه شي ناس يحبون قوام الكريمه خفيف وشي ناس يحبونه ثجيل
وسيده انصب الخليط على الشوكليت وهذي بتكون الطبقة الثالثه ولاخيرة وسيده حطيه
فالثلاجة اذا تبين رشي رشة نسكافيه بودره عالويه للزينة وبس
هذا شكله النهائي :
نسيت اخبركن عن العضوة صاحبة الفكره
العضوة هي يالا قولو معاي العضوة هي .. اها .. يلا مع بعض كلنا يلا …. 
متفيجه انا شكلي ! العضوة هي OK .gif "12 (56)")
بنات السويت وااايد ناعم ولذييذ يذوووب من جي اسمه سويت سوفت جربووه وبالعافيه عليكم مقدما
تسلمييين والله شكله روووووووعه
ربي يعطيييج الف عافيه وتسلم صاحبة الفكره بعد
مشكوره الغاليه بس جربيه صدق عجيييب والعافيه عليج حبيبتي
ثااااااااااااااااااااااانكس
الله يعطيج العافية على الوصفة
ماشاء الله
تسلمين أختي 
ساهموا في حملة "أعينوهم"
لإغاثة منكوبي المجاعة في الصومال
على قناة "نور دبي"
يومي الثلاثاء والأربعاء 16 – 17 أغسطس
من الساعة 4:00 عصرا – 6:00 مساء
و من الساعة 10:30 مساء – 1:00 فجرا
للتبرع بالهاتف 600551422
بالرسائل النصية 4006
6212 اغاثة الصومال 20 درهم
6215 اغاثة الصومال 100 درهم
في الصحيحين من حديث ابن عباس رضي الله عنهما:
كان رسول الله صلى الله عليه وسلم أجود الناس
وكان أجود ما يكون في رمضان حين يلقاه جبريل فيدارسه القرآن،
فلرسول الله صلى الله عليه وسلم حين يلقاه جبريل أجود بالخير من الريح المرسلة.
انا اسوي شراته يا غير بدل البسكويت
استخدم الكيك يعني اخلى الكيك تحت( الطبقة الاولى )