السلام عليكم ورحمة الله وبركاته ^^
شحالكن بنات ؟
بعد التخبط من موضوع لموضوع قررت اخيرن اني ارد افج موضوع روحي ولنفسي نفس اول مابديت وبستمر عليه روحي ان شاء الله
وان شاء الله القى منكن تشجيع وماتخذولوني
وكل الشكر للقروبات اللي استضافتني قبل
واحينه بياناتي
وزني السابق : 134
ووزني الحالي ماشاء الله تبارك الرحمن بعد نزول 16.9 كيلو استوا 117.1
وان شاء الله بستمر لين ماتخلص من هالوزن الزايد باذن الله
واللي امشي عليه دوم هالنظام:
1. ماشي حلويات ولا غازات
2. الاكل الطبيعي والصحي مب مقلي ومزيت
3. اسبوعيا مرة وحدة مسموح العيش بمقدار ملاس ونفس الشي معكرونه بس تكون سمرا
4. المنبهات بعد مرة وحدة بالاسبوع
5. شرب مالايقل عن لتر ماي كل يوم
6. وجبة وحدة باليوم فيها توست ولا خبز طبعن اسمر
7. الجبن ولا الاضافات اللي اضيفها عالاكل تكون بزيت زيتون ولا خالي الدسم
8. الرياضة يوميا مالايقل عن نص ساعه الا ف حالات
9. الوزن دوم يكون يوم اليمعه
10. هدفي كل اسبوع عالاقل انزل 1.5
وان شاء الله الله يحقق لي اللي ببالي وبالكن يابنات
وبليز شجعوني تاخذون فيني اجر لاااه 
ولي عودة بالمسا اكتب التقرير ^^
بالتوفيق ان شاء الله
ما شاء الله عليج اختي
بالتوفيق حبيبتي
انا اشجعج
وانا معااج ان شاء الله
شدي حيلج
المشاركة الأصلية كتبت بواسطة النجمةاللامعة 
اليميع حبيبتي ومشكورة عالمرور
المشاركة الأصلية كتبت بواسطة Ro0o7.AD بالتوفيق حبيبتي
انا اشجعج
وانا معااج ان شاء الله
شدي حيلج
حبيبتي والله
عيل دوم ابي اشوفج هنيه بالموضوع ^^
وتسلمين ^^
التقرير اليومي :
الريوق: سندويش مرتديلا بالجبن اللايت والاسمر
الغداء: ملاس عيش مع دياي وسلطة ( يعني خلاص ماشي عيش لهالاسبوع)
السناك1 : 5 حبات عنب
العشاء: سندويش شاورما صغير بالاسمر(فيه شاورما دياي +تبولة + مع قرنبيط مفور) = الغلط مرتين توست وخبز بس مايتكرر ان شاء الله
السناك2 :بسكوت بالحليب
الماء: لتر واذا شديت حيلي اكثر ولتر ونص بس دعواتكن ^^
الرياضة: نص ساعة مشي
انش الصبح .. ماكل شي طبعا واذا بغيت اشتهي ككاو بسس ..
الظهر ماتغدى .. مالي نفس ..
ع العصر اخذ حلويات ككاو جبس وخرابيط
ع العشى ايووع اتعشى الي ابغيه ..
يعني مزاجيه .. والدكتورة قالتلي انتي شهيتج منسده ..
والي بالبيت كلهم مستغربين كيف جي اقدر اتحمل بدون اكل حتى لو 12 ساعه بس اخذلي ماي عقب احس بدووخه هههه
وزني حاليا 46
^_______^