اشحالكن ….؟!! عسااكن الا بخير ..؟!!
المهم خواتي ابا مسااعدتكن .. اذا ممكن .. لانه ريلي بيرجع من السفر .. وهااي اول مره يروح عني .. ويرجع لي بعد فتره طويله ..
ابا اخلي الليله تكون رومنسيه .. ابا اخلي الغرفه تكون خياليه .. اباها كلها آحمر × احمر … ومش عارفه شو اسوي .. ولا كيف ارتب ..
وابا اهديييه هديه .. بس ما اعرف شو هالهديه ..
ممكن تسااعدني لو سسمحتن .. لانهـ عن جد محتاايه هالمساعده …
حطي بالونات على شكل قلوب
و انثري ورد على السرير و على ارضية الغرفه و شموع كل مكان
و الشراشف حمره ساتان
و قميص نوم احمر
و بالنسبة للهديه صندوق احمر فيه ساعة و مسباح بزم عطر ميداليه
و تغليف حلو
مشكووره يالغاليه .. تسلميين
ربي يسخرم لبعض ويفقكم لكل خير ^_^
خذي الليتات الرومنسيـــــة واشتري القلوب الي تيي بعصي واغرسيها فحوض نباتات كبير واكتبي عليها نبتة حبنا ^_^
اذا عندكم ممرات أو دري ,, حطي عليها الشموع الآمنة وطفي كل ليتات البيت ^_^ ,, خبريني انتي من اي امارة واذا عندج محرم عسب تطلعين تتشرين ممكن اساعدج اذا من بوظبي
^_^
اكتبي كروت عليها كلام شاعري وكل كرت اكتبي فيه دور في الكبت بتحصل نصفي الثاني ,, وفي الكبت حطي كرت عليه كلام حلو بعد واكتبيله دور في غرفة النوم بتحصل نصفك التاني انتي يعني خخخخخ
…
وخذي بالونات حمرا على شكل قلوب وانفخيها بس علقيها أحلى
وانثري في البيت بتلات اصطناعيــة تكون حمرا وبيضا وايد حلوة ,, والسرير أحمر وبس هذا الي في بالي^_^
واذ تبغين هدايا حلوة يامرحبا بج عندي تشيكي هني ^_^ :
http://forum.uaewomen.net/showthread.php?t=631342
http://forum.uaewomen.net/showthread.php?t=653657
http://forum.uaewomen.net/showthread.php?t=637385
وحياج اي وقت 
افكارهن حلوة
بالتوفيق حبوبه
ماقصرو البنات والله يسعدكم
مشكورات واافديتكن …