السلام عليكم ورحمه الله وبركاته
أنا و Miss_Somethig نزلنا هذا الموضوع وسميناه ((GROUP ليت الرشاقة تعود يوما ))والي حابه تنظم للقروب ترى التسجيل مفتوح من اليوم الين الجمعة فليل لان من يوم السبت بنبدأ الرجيم
المهم الرجيم بيكون عبارة
1_ تقليل من الأكل
2_ تنسين شي اسمه حلويات وغازات
3_ تشربين دبة ماي من الكبار
4_ لا تتعشين بس شربي عصير أناناس وكيوي وإذا فييج عايزه تسوين >> دقي حق الكافتيريا وخليه يسويلج وقوليله يعصر عليه لوميه وبدون شكر >> أنا جييه أسوي^^
5_ وكثري من الفجل
6 _ مارسي الريااضه (( حاولي في اليوم تسوي ساعة رياضه )) ولازم تنوعين ف الرياضة يعني مشي 20 دقيقه نط الحبل 10 دقايق تمارين للبطن 10 دقايق جهاز الاوبتراك 20 دقيقه >> سوي إلي يريحج
والنظااام القرووب كيف بيكون
1 _ المشتركة لازم تصور وزنها قبل الرجيييم وطرشه لي (( آخر يوم لتسلمين الصور بيكون الجمعة فليل ))
2 _ كل سبت الصبح بيكون الميزان وعلى كل وحده تصور وزنها بعد الرجيم وطرشه لي وتحاول أطرش الصووره من فترة الصبح الين المغرب وبعد المغرب ما استقبل أي صوره
3 _ لازم كل يوم تكتب تقريرها يعني أدش فليل وتكتب شو سوت اليوم وياليت التقرير يكون مصور وبكل مصداقية >> يعني ما تكتب أنا الحين تريقت جيه وجيه وخلاف أدش العصر أنا كلت جيه وجيه لا نحن مانبا جييه نبا الموضوع يكون مرتب
4_ المشتركة ألي فاتها التسجيل ف الرجيم وتبا تسجل بنخليها ع الاسبووع الياي >> لتوضيح أكثر (( يعني إذا يت وحده وقالت أبا اشترك وياكن ونحن في نص الاسبووع تسمحلنا ما نقدر نسجلها تتريا الين السبت و تبدأ ويانا
5_ المشتركة ألي تغييب بدون عذر بنلغيها من القرووب
طبعا حطيينا هذا النظام عشان ما تستوي لخبطه في الموضوع
وأنا عليه كل سبت أحط اسم المشتركة وصور الميزان قبل وبعد والمشتركة عليها بس تشجع ربايعها وتكتب تقريرها …
وان شاء لله بنبدأ يوم السبت 23 _ 5_
والميزان بيكون بتاريخ 30 _ 5 _ 2024
وبتاريخ 6 _ 6 _
وتاريخ 13 _ 6_
وآخر يوم بيكون 20 _ 6_
وجيه بيكون كملنا شهر وإذا حبن المشتركات نكمل في الرجيم بنكمل
وأي استفسااار نحن جاهزات
ماشاء الله عليج احسج وااايد صارمة.
الله يعين اللي بيشترك معاكم…خخخخ اسووولف.
بس والله هذا الرجيم الجد ولا بلاش..عن نفسي ماقدر احرم نفسي.
اكل من كل شي بس بكميات خفيفة واسوي رياضة.
بس ماحطيتوا اوزناكم وكم تبون تنقصون؟!
الله بصررراحه موووضوع ولا ارووووووووووووع
بصراحه انا ابي اشارك وياكم بس ماقدر احطي كل يوم صور اذا قدرت بحطي
وان شاء الله بحطي لكم يومياتي ^^ شو رايج خيتو؟؟؟ آل عيناويه ^^
انا بعد سجلوني وياكم
تسلمن على مرووركن
والي حااابه تشترك تصور وزنها اليوم وطرش الصووره >> هذا اهم شي
فراوله الحب >> واذا ما قدرتي تصورين التقاارير مب مشكله المهم انكن اتبعن النظاام وتكتب تقااريركن
ماشاءالله عليج … ولله يوفقكم حبوبه ^_^
أنا ويــــــــــــاكم ان شاء الله ..
أحب أشارك بجروبات وأتشجع ،،
بس المشكله انه انا كل يوم لي نظام لاني اكره شي اسمه ثبات الوزن فاسمحولي اذا مالتزمت بنظامكم ..
وان شاء الله بحط تقاريري وياكم بالصور بانتظــــــام وبالتوفيق للجميع..