خواتي افيدوني جزاكم الله خير…. عندي ولد الله يحفظه مشيب شعر راسى … عمره ثلاث سنوات ونصف .. وانشاء الله بيدخل الروضة هاى السنه… لكن شو أوصفلكم عناده عناد غير طبيعي .. في كل شئ عنيد في اللبس ، الاكل ، الحمام ، تفريش الاسنان ، شرب الدوه كل شئ . المهم يقول لا .. وطبعا مايخاف من أبوه أو من اي احد . كل شئ يسويه بالعكس … والله تعبت منه .. ظرب وأظربه حتى وصلت للحرق وربطته لكن مافي فايدة … في النهايه أنا الي لأرظخ لاوامره.. لله انه يعور قلبي من كثر ما أظربه .. وأيلس أصيح بالساعات منه ..شو أسوي وياه جربت كل انواع الثواب والعقاب لكن من غير فائده … كيف بتعامل معاه يوم بدش الروضه ما أدري … علما أنني عايشة في بيت أمي .. يعني في أطفال غيره ويانا .. ما عرف كيف أسيطر على الوضع … سمعت انه في دكاتره أطفال نفسيين متخصصين .. فالى تعرف ممكن اتفيدني ….
حبيبتي الي اتسوينه ما ينفع بالعكس هذا يزيده عناد…سن ولدج سن العناد وبنتي البجر مرت في هالمرحله وبقولج شو سويت..اول شي لازم محد يكسر اوامرج جدامه مثلا امج او حد من خواتج يقولج لااااا وحرام ومن هاي السوالف وانا الي نفعني اني في بيت بروحي ويوم اسير بيت عمي افقد السيطره لين فديتها ما كبرت وبدت اتعرف الصح من الغلط…
اول شي سويتلها جدول وحطيت صورتها فيه وطبعا بالالوان ولازم اتحطين فيه الشخصيات الي يحبها الولد… وكتبت فيه مثلا وقت الغدا ووقت العشا والتبديل وغسيل الاسنان وسماع الاوامر وقمت بكل هدوء اقولها كل ما بتنفذين شي من هالاشياء بخليج اتحطين استكر في هالخانه وطبعا اليهال يموتون في شي اسمه استيكر وفعلا فديتها كانت تتريا وكل ما اتسوي شي اتقولي يالاه ابا الصق الستيكر..وهالجدول كنت معلقتنه في مكان يوم اييون هليه ويشوفونه اقولهم علقو وقولو الله من سوا هذا وطبعا كانت بنتي تستاااااااانس…والحين فديتها عمرها 8 سنوات وسويتلها بعد جدول للصلاه وعلقته في حجرتها هي واختها وقلتلها انتي القدوه واختج اتقلدج وكانت بس تسمع يوم اقولها بس ما اتعلق ومره يتني تركض اتقولي ماما تعالي شوفي اختي صح كلامج قامت اتقلدني وتلبس شيلة صلاتي واتصلي مثلي..
صدقيني اختي اعرف ان التعامل مع البنت مش نفس الولد بس دااايما حاولي ما اتعاقبين منيه والدرب..اقري كتاب السوبر ناني بالعربي واااااايد بينفعج وبتعرفين ان هالسن الطفل يبا يثبت وجوده بكلمة لااا لانه يعرف انها ترفع ضغطج فحاولي تتجاهلينه يوم بيقول لااا وصفقيله وشجعيه يوم بيقول هيه وشوفي ردت الفعل…
وااايد هذربت بس انشالله قدرت افيدج..وسامحيني
احرميه من شي يحبه انا بنتي نفس الشي 3 سنوات وشورها هي ينشي في لبس في لون الصحن والاكل والحمام تقولي روحي ماكلمج لادقيني لاتسحيني جربت الضرب والحبس في الحمام اخر فتره صارت اتفل عليه وتقول كلام خايس صرت احطلها فلفل شطه تادبت جاب نتيجه واذا سوت شي غلط ادس عنها اغلا لعبه عندها تسمع الكلام فليل تنش تقولي ماحبج عشان ترقد عدال ابوها انا طبعها تغير من بعد ماربيت فقالولي يمكن غيره اذا هاي غيره الله يعيني هي الصبح تروح الحضانه ارتاح منها شوي
مشكورات على نصايحكم …انشاء بحاول أجرب شغلة الاستيكرات .. كنت مفكره فيها بس كنت أقول في خاطري ممكن ينفع …