كيف ,……. عاد اليوم تفيجت لكم في الدوااااام وقلت بجبرب…. ان شاء الله تعجبكم الصور واهم شي
تكون وااااضحة …..
في البداية ……….. الملجة كانت في البيت تاريخ 20/3 /وعقب اسبوع سوينا الحفلة في الفندق ( مع اني ما كنت حابة أسوى ملجة بس أماية الله يهداها عااااااااد تبا تفرح فيني وتعزم اليارات ) أنا كنت وايد مضغوطة الملجة صارت فجأة بين الخطوبة والملجة اقل من عشرة اياااااااااام ويااادوب ما استعديت نفسيا كانت عندي امتحانات وعندي دواام ويسد إني روحي خايفة )….
المهم بنبدأ بالصور………
أول شى صورة المهر 
للأسف ما حصلتهااااااااااا …….. المعرس طرش المهر ليلة الملجة فليل واخوية ياني غرفتي الساعة
11 فليل عطاني الفلوس وانا بعدني ما كنت مصدقة …. اتحرا الموضوع مزح…. وقال لي اخوي باجر
الملجة…
ثاني يوم المسااااااااااء انا لبست مخورة و حطيت مكياجي العادي وطلعت قمر <<<<<<< كالعادة
وتميت احوص في البيت روحة وردة ……… ما عرف شو أسوى …
ما علينا ملجنا …طبعا Classic ما عندها شغلة غير الصياح …. دموعي تخر من عيوني بدون ما احس…..
عقب الملجة دخل الصالة ونزلت سلمت علي المعرس تميت عنده يمكن نص ساعة……. طبعا بوجود المحارم كلهم ,,,,, ماقدرت اقولة شي 
قالي لي الحفلة بتكون في الفندق … يوم الخميس ….. عاااااااد انا دخلت بربشة التجهيز…….
يوم السبت حجزت القاعة ورحت ادور لي كوشة وفستااااان ….
الحين براااااويكم صور الفساتين اللي احترت ما بينهااااااااا
هذا الفستان وايد حبيته وكان خاطري البسة في الملجة بس الكل اعترض … الفستان تصميم مصمم لبناني نسيت اسمة ما يبوني البس شي بسيط يقولون لي لازم فستان … ولازم يكون ملون ولازم فيه طرحة ,,, ولازم ,,,,,,,,, المهم اخر شي ما حصلت طلبهم ولا حصلت شي
وعقب قلت يالله هذا ملون احسن عن الاوف وايت
[شليت الصورة لان الموضوع طلع فيه وااااااايد صور)) السموحة
وعقب قلت هذا احسن
خخخخخخخخخخخ ما ينفع انزل الصورة ايدية كلهااااااا تبين
المهم ولا واحد عجبني قلت اروح اختاااااااااار لي شي للقاعة احسن…
وفي النهااااااااااية هذى النتااااااااااااايج…..
هذااااااااا الحنااااااااااااااااء… تحنيت قبل الحفلة بيوم …………. في صالون لافام ….
هذى الكوشة………
وهذا استيج الشبكة …………. ما دري يمكن هالصورة وهو فاضي (( الأستيج كان هدية من أختي الغالية أم دانة فديتهااااااااااااااا )))
وهذى صورة الفستاااااااان بعد عناااااااااااء وبحث طوووووووووووويل … كنت اداوم وعقب اروح الجااااااامعة وعقب انزل اتحوط ادور لي فستاااااااااااااان … لين يوم الثلاثااااااااااااء انا هب محصلة ولا فستان … دخلت محل في الخاااااالدية وقلت اللي بحصلة خلاص باخذه ما فيني افتر واااااااايد ,,,, المهم ما حصلت الا هذا ,,,,,,,,,,,, استايلة اندلسي ,,,, فيه كاب ينلبس على الراس ,,,وفيها طرحة ذهبية ,,,,,,,,,,,في النهاية بعد طلع اوف وايت (( بصراحة وايد ندمت انه اوف وايت بس ما كان عندي وقت اروح ادور لي غيرة ….. ما شي وقت ))
وهذى المسكة حبيت اسوى شي وايد بسيط علشان ما اخرب على مسكة العرس
اخترتها دوارية بس المشكلة الورد كان يطيح منها على ابسط حركة …….. حرااااااام
واحلا شي كيكة الملجة بصراحة طعمهااااا واااااااااو…. كنت ميته من اليوع لا غداء ولا ريوق ولا شي ,.,,, واصيح على خواتي هاتولي شي اكلة محد سوالي ساااااااالفة …. بس الحمدلله ان ريلي يوم وكلي الكيك ارتحت لان طعم الكيك وايد كان حلو…. كنت معتمدة علىاخوية ياخذ لي استكانات العصير بس ما سوالي سالفة … ويوم الملجة قلت خلاص برايه هب لازم عصير…
ما قلت لكم عن المكياج اتصلت في دولا قالت لي فووووووووووول ما تقدر تحط لي … اتصلت في بتافيا… قالوا تعالي وياااااااااليتني ما رحت …. سوني وحش …. انصدمت من شكلي تميت اصييييييييح…. لين ياني المعرس الصالون وسكتني وانا اقولة شوف صرت وحش وهو يقولي والله انج حلوة استانست ….بس وايد كان المكياج بايخ ,,,, ندمت اني سويت عندهم,,,,
بصراحة وايد تعبت الاستعدادات كانت بسرعة …. ما استمتعت فيها … ان شاء الله العرس يكون احلا,,,,
اللي صورت الملجة خربت التصوير وايد زعلت …. وانقهرت ان ريلي ظهر في الصور احلا عني
الله يعدي العرس على خير …………
وعقبااااااااال العزابية ,,,,
ما شاء الله روعه
بالبركه عليج غناتيا 
روووعه
الله يتمم عليج… وتسهل كل أمورج وأمور زوجك … )** يار قادر يا كريم
…المهم احينه خليج ف العرس وايلي راح راح لا تزعلين ولا تتضايقين وانتي اكيييد حلوه سواء بالميك اب او بدونه..وانا شخصيا جربت بتافيا تجربه فاشله وتعبانه وما عيبني الميك اب ابدا.. وبالتوفيق عزيزتي ف العرس
مبرووك يا عروستنااا..
وربي روووعه ..
ما يخاالف ان شالله تطلعين ف العرس قمرررر … وان شالله اختيارج يكون عند محله …
ماشالله رررروعة
والله يتمم عرسج بخير ويرزقج الذرية الصالحة
الف مبروك الغلا
وعسى ربي يتمم لج على خير ان شالله