التصنيف: الأرامل والمطلقات والمتأخرات عن الزواج

السلام عليكم سيدات
أبي منكم دعوه نابعه من صميم القلب لي
وصلت 38 وبعدني أنتظر زوج يدق بابنا
اللي في عمري يزوجون اولادهم وأنا بعدني أتريا 😞
والله حياتي كلها مالها قيمه الكل لاهي بعائلته الله يهني الجميع
وأنا حياتي كلها هم وغم من التفكير في الزواج
ادعوا لي الله يعوضني خير ولكم بالمثل

الله يسعدك بزوج يسعدج اليوم قبل بكرا. اللهم اااميييين

الله يرزقج يارب بولد الحلال اللي يسعدج ويريحج وتعيشين معاه اسعد ايام حياتج ياقلبي ،،،،،،

ولسوف يعطيك ربك فترضى .. كل ما أقرى هالايه احس بأمل اقصد حبوبه انج ما تعرفين الله شو كاتب لج بعدين يمكن شي فيه خير وانتي ما تعرفين عالعموم الله يوفقج

ربي يرزقج بالزوج الصالح عاجلا غير اجلا يارب العالمين وتعزمينا

ان شاء الله دعوة لكي صادقة مني يوم عرفة ان شاء الله.ويار ابشرك بالخير على القريب ان شاء الله

اختي عندي لج نصيحه من كل قلبي اذا فعلا تبين اييج نصيب اولا اقرئي هذا الدعاء يوميا اكثر عن 100 مره اللي هو (ربي اني لما انزلت الي من خير فقير)
واقرئي سوره البقره يوميا يوميا وتمي ادعي من ربج ان يزقك بولد حلال والله يجدم اللي فيه خير حبيبتي .

مرحبا يا بنات, كيفكن انشاءلله الجميع بخير يا رب .. من غير مقدمات كثيرة لموضوعي.. انا يا بنات ما عندي مشكلة بالنسبة لتاخر الزواج لاني احس ان النصيب من رب العالمين ورزقة مثلها مثل الوظيفة وغيرها فالدنيا.. المشكلة عند الوالدة .. ربي يحفظها ويحفظ امهات المسلمين اجمعين.. هالفترة صارت تضايق كثير لما تسمع اخبار عن رفيقاتي البنات لي تزوجو والله رزقهن.. الله الشاهد انها تتمنالهن الخير وتدعيلهن من قلبها بس صرت اشوف عليها علامات الحزن لما تسمع اخبار الزواج وتبين لي انه الموضوع عادي ولكن انا فاهمة انها زعلانة وخاطرها تشوفنا مستورين ببيت ازواجنا ونحن الوحيدات لها.. بالرغم اني مش كبيرة عمري 23 واختي 22 سنة والحمدلله بشهادة الناس خلوقات ومثقفات ومهتمين بنفسنا بس النصيب بعده ماجانا ونحنا فبلاد الغربة ما عندنا اقارب ومعارف .. نحن راضين ومش مستعجلين الموضوع ابدا وعايشين حياتنا لكن امي صارت تحب اني اطلع واسوي علاقات اجتماعية وهيك عشان الناس تشوفني بس احس انه النصيب ما يخصه بهالشي وانا بيتوتية شوي وما احب اطلع كثير واستحي.. وبعد عشان السمعة.. المهم كيف اقدر اخليها تنسى الموضوع شوي وما تزعل والله مش هاين علي اشوفها زعلانه وما اقصد اجرحها يوم اسولف عن زواج البنات .. الله يرزق كل بنت بالزوج الصالح ويستر علينا .
الحمدلله رب العالمين حمدا كثيرا طيبا مباركا فيه كما ينبغي لجلال وجهك وعظيم سلطانك

تدعي لكم ….
دعاء الام مستجاب ….
انا عندي العكس الود ودها ما اعرس من كثر ما هي متعلقه فينا انا وخواتي الي مب معرسات …

صغييييييرة��������

عزيزتي الاخلاق والثقافه وهالامور مايخصها بالزواج ههههههههه لان الزواج نصيب استغرب من الي تقول انا حلوه وجميله وخلوقه وماياني نصيبي

بعدكم صغار لا تشغلون بالكم بالتفكير ليش ماعرسنا وليش ليش

وانا احاتي امي ابيها تعرس واطمن عليها
الله يرزقج ويرزق خواتج

والدتج تتمنی تشوفج عروس … محد يلومها
كل ما عليج تسووينه انج تكونين اجتماعية مثل ما تبي امج … و الله يرزقج و اختج بعيال الحلال