التصنيف: مشكلتي – لكل مشكلة حل

السلام عليكم خواتي
ف البداية انا حبيت واحد لمدة 3 سنين تقريبا والحمدلله احين مالجه من شهرين تقريبا وعرسي مطول شوي مشكلتي اني اعاني من هالانسان بشكل مش طبيعي اولا هو وايد يبا يتحكم فيني بشكل انه يضغط علي وايد لدرجة احس بكتمة من اللي يسويه غير جي يباني اقوله كل شي واذا قلتله سالفة عادية جدا صارت مثلا من يومين يعاتبني ليش ماقلتله اول ماصارت حتى لو مثلا كلمت امه او سلمت عليها بعد يعاتبني ليش ماقلتله يعني بشكل فوق الطبيعي. قبل لانملج كان فيه هالاطباع بس بعد ماملجنا زاد الوضع عن حده الشي الثاني وايد يقولي انتي ياهل وانا اباج تتصرفين جنج حرمة وان ماعندج شخصيه وهو كله يباني ع اي شي اصرخ واعصب واحس اني ضايعه دوم احاول اتغير لكن مب عارفة وغير جي حتى فالغيره هو وايد غيور ويباني استوي مثله يعني انا طبعا اغار بس يوم يقولي شي واعصب ويهدى الموضوع عقب يقول انتي باردة وماتغارين وعادي عندج مادري شو يباني اسوي معنى اي ردة فعل انفعاليه يعصب علي ويقولي ماله داعي اللي تسوينه واذا هديت يقولي ماتغارين.هذا كله كوم وموضوع الطلعه كوم ثاني يعني انا احين بيت اهلي ف اضطر احيان اطلع مع امي او ابوي وهو مايعيبه هالشي مول ممايبا اطلع الا بموافقته واحس مب حلوه اقول لامي مب طالعه وياج او مابوديج لان ريلي مب طايع وهو مايبا يفهم هالشي هو حاط ف باله اني حرمته خلاص كل شي من حقه يسويه.

تمت الموافقة
الكلمة الطيبة صـــدقة

كلننننا نعاني من هالمشكله ..
يارب نحصصل لها حل ! 

مبارك عليج الملكة. الحين انتوا بعدكم مالكين , وانت تقولي كان نفس الاسلوب قبل الملكة بس بعد الملكة زاد ,قعدي معاه من البداية وكوني صريحة معاه وكلميه عن اسلوبه معاج وقولي له انه هذا الاسلوب يضايقج ويخنقج ز أخاف يزيد اكثر بعد الزواج مثل ما صار لوحدة أعرفها , بس هذيك ما كانت تعرفه قبل الملكة ولا تعرف طبعة ولكنها لاحظة اسلوبه بعد الملكة وبعد الزواج صار اسوء .غلطتج اختي انج قبلتي به بهذا الاسلوب و كان المفروض قبل الملكة ( مادامج تعرفيه لمدة ثلاث سنوات مثل ما فهمت ) كان لازم توضعي حد لأسلوبه معاج من قبل الملكة وتبيني له عدم رضاج عن اسلوبه . المهم الحين كلميه بأسلوب مناسب ولا تسكتي و وأدعي الله يسخره لج.

هذا شي طبيعي عقب العرس بكم شهر ما بفتكر ههههه بس صح هو زوجج لازم تخبريه عن طلعاتج تستاذني منه

وعليكم السلام ورحمة الله وبركاته
انتي يبالج تيلسي وياه وتفهمينه ان الوضع جدي ماينفع ..
خو بعد بزعل .. بس ماعليه بسلوبج تقدرين تخلين كل شي لصالحج ..
خلج ع طبيعتج واذا يقولج ياهل واريدج حرمة شو يعني بتسوين تمثلين قدامه
عشان يرضى .. يازينها البنت يوم تكون على طبيعتهاااا ..
وفهميه قولي له امي وابوووي لازم اسمع كلامهم ليش انتي وين سايرة .؟؟
مارايحة مكان خلي لج كلمةةة .. وخليه يفهم ان مو كل شي هو يباه يصيررر
فهمييييييه هالنقطة عدل .. لا تمي ساكته واذا زعل خليه بزعل يوم يومين
خلاف برضى ان شاء الله واذا انتي واثقة من اللي تسوينه صح 100 %
وفي نفس الوقت تحاولين ترضينه قد ما ترومي .. وهو يضغط عليج ويعصب ..
حطى النقاط ع الحروف مدري الحروف ع النقاط المهم بالتفاهم والمصارحة كل شي ينحل
اتمنى لج التوووووووفيق

الريال اللي يتحكم في حرمته وايد يخنقها و يخلي العلاقة بينهم متوترة
حاولي تفهمينه انه زوجج على العين و الراس بس ماله حق يتحكم في حياتج لا فترة الملجة و لا بعد العرس في حدود لكل زوج مب مسموح انه يتعداها و فيه مساحة حرية بعد لكل زوج ضروري تفهمين ريلج هالنقطة
و انتي و شطارتج
ادخلي عاليوتيوب و اقري الكتب الخاصة بالزواج و اعرفي حقوقج وواجباتج و علمي ريلج باسلوب حلو
عشان ما تتعبين معاه
الحياة الزوجة تحتاج إلى جانب الحب الاحترام المتبادل و التفاهم
بالتوفيق

‎السلام عليكم
‎كيف الحال يا اخواتي ؟!

تمت الموافقة
عفوا نساعدك في ماذا ؟؟
هو الرجل وهو اللي يقدر يحل الأمور
معقول صدقتيه إنه مو عارف كيف يصارحها
يااختي اقطعي علاقتك به وابعدي عن هذا الطريق دامك حاسه بتأنيب الضمير
لو صادق كان صارح زوجته وقال لها باختصار هالبنت أنا أحبها وراح أتزوجها
مايحتاج يطلب منك المساعدة … الحل اقطعي علاقتك وهو يحل مشكلته ماتنحل المهم ابتعدي عنه
الله يهديك

يضحك عليج
انتي الفريسه الجديده
الله يعينج

نصيحة قطعي طريق الشر وبتذكري كلامي ما بينفعج بشي الي يباج يخطبج ما يقول بنحب بعض سنين وجي لا حبيبتي ابد ما ينفع

ليش يخبرها بخيانته ؟؟

بالتوفيق

ليش يصارحها
ليش خراب البيوت ؟
دام انه انتي بادرتي وبعدتي عنه مب لازم يفتح لها الموضوع ، خلاص كل واحد منكم ب طريج
هو يكمل حياته وينسى الغلط والله غفور رحيم
وانتي كملي حياتج

الله الهادي

خبرينا بشو نساعدج؟؟
نقولج قوليله روح خبرها انه يخونها وماعرف ..وياخذ ج ..؟؟
اتقوا الله فبيوت الناس يابنات الكلام لج ولغيرج حراام اللي تسوونه تشتتون أسر وتخلون الحريم فدومةا ومشاكل وتسببون فطلاق وشتات عيال ..
قلتيلنا قبل انج ماتعرفين والحين عندج خبر ..شو تبين .أكثر خلاص اقطعي علاقتج فيه وخلي علاقتج بربج أكثر .. هذا خان حرمته تأتمنين عليه باجر إذا خذتيه مايخونج ع بيتج ؟؟!!.
شو بتسوين ذيك الساعة ..تحس الموضوع ماله داعي ينطرح

الله يصلحكم ويهديكم

بدخل ع طول ف مشكلتي بس بوضح لكن نقطه اني مب يايه اشتكي من أمي أنا بغيت تشوفولي حل او طريقه لاني تعبت من كثر ما اقولها جربت اني ايلس وياها بروحنا واقول لها امايه انتي تجرحيني عند الريال وانتي هب حاسه فعمرج أتم اسبوعين او اكثر ما تجرحني بس عقب يوم يرمسها وتتحمس تجرحني هي اتقوول تطلع الكلمات بعفويه بس هي ماتعرف انه اللي تقوله شي يجرحني مثلا خطيبي يحب يقصد جدام امايه عني يقصد ف عيوني وترد عليه وين هاي عيونها حلوات إلا هن صغار وتضحك معنه عيوني هب صغار بس هي إلا إلا تجرحني حتى والله ايلس ع اعصابي يوم يتصل بها يسأل عنها أو شي خطيبي وايد يحب يمدحني بس امايه تخرب الجو يعني والله اكون مستانسه يوم اسمعه يرمسها ويسولف بس هي …..تعبت والله ليش جيه تسوي فيني صياح وصحت جدامها تتأثر وعقب عادي ترد حليمه لعادتها القديمه انا اخاف عقب يوم نتزوج ايلس هو يجرحني وماتكون لي شخصيه عنده..

تمت الموافقة
الكلمة الطيبة صــــــــدقة

الله يتمم لكم على خير ويجمع بينكم بالخير , آمين .
أختي أشوف امج عفوية وتاخذ راحتها مع ولد أخوها وتمزح معاه , ما قصدها تهينج او تحرجج , وهو الطبيعي انه ياخذ كلامها بمزح لأنها عمته. الموضوع ما يحتاج تزعلي وتصيحي وتخذي في خاطرج , يوم امج تمزح وتقول له عيونها صغار قولي لها : بس عيوني حلوات طالعة عليج . أمج فرحانة فيج وفرحانة بخطيبج , وما تبي تحسس خطيبج انها في صفج علشان تحسسه انها بمثابة أمه بعد وانه له نفس المنزلة وأنج ما أحسن منه . ويمكن أمج من النوع اللي تنحرج من تغزل خطيبج فيج قدامها وهذه ردة فعلها . أختي لا تكبري الموضوع واستمتعي بقرب أمج والله يتمم لج على خير .

اختي لا تتحسسين من امج يمكن هي مب عارفه ترد أو تحب تمزح جذي عادي أغلب الأمهات يتصرفن بهالطريقة
لا تبينين حق خطيبج انج زعلانة او متحسسة والله يوفقج

عيل لو اقولج ع مواقف امي على أيام الخطبة
عادي الأمهات عفويات حبيبتي انتي رقعيها بكلام حلوو

أمدحي نفسج

هالشي عادي ، لا تحاتين أهم شي الريال شارنج و مابيمدح إلا وهو شايف الزين

حليلها امج مبين عليها طيوبه وعلى نياتها تبا بس تسوي جو ماتقصد تعيب عليج
هونيها وتهون لاتكبرين الموضوع

السلام عليكم حريم

تمت الموافقة
الكلمة الطيبة صــــــــــدقة

صباح الخير
الله يهديه ويصلح حالو يا رب
ادعيلو
ممكن يتغلا غليكي
والف مبروك ع النونو الصغير يتربى بعزكم يا رب ويكبر ويحمل اسمو ويجعلو ربي قره اعينكم يا رب

الله ايسر امرج والف مبروك ع البيبي

الحمدلله ع سلامتج فديتج و يتربا البيبي ف عزكم
هو لانه عصبي زعول بسرعه حاسبي ع كلامج هالنوع هو يقولج جذابه عادي بس ان قلتيله يعصب

الله يهديه ويسخره لج ❤

الغالية الاحترام واجب بين الزوجين طبيعي مايرضى تقوليله انت كذاب ولا تحنين في الاعتذار ليش تعتذرين 20 مرة اصلا الريال مايهمه الاعتذار بقدر ما يبا تغيير في تصرفاتج و طبيعي يعصب انا لو أنسى النقاب اكيد مابيرضى بيشوفه لا مبالاة مني وعادي يكنسل كل شي
ما ذكرتي موقف يخلينا نشوف انه عصبي بدون سبب انتي الحين تعبانة ومب محتملة ردة فعله اعتبريها نخوة منه و طيبي خاطره
حاولي تكون نظرتج إيجابية مب نفسيتي وتعبانة
غيري نفسيتج أحمدي ربج ع المولود اللى بين ايديج غيرج يتمنى و شوفيه يكبر باهتمامج لبسيه أحلى لبس ورتبيه طرشي الصورة لأبوه ومكتوب معاها كلمة حلوة و خلج إيجابية ومتفائلة وانتبهي لكلامج بتشوفينه يتغير معاج
اشكريه وبيشكرج
قدريه وبيقدرج
ومن اول موقف ينرفز لاتردين عليه سكتي عنه روحه يمكن يرجع يعتذر ويعوضج ودايما توقعي من ربج الخير وشوفي النعم وتمتعي فيها

موفقة الغالية

الله يسخره ويحنن قلبه لج ..