التصنيف: الفتيات

الفتيات

لو كان هذا اخر يوم في حياتج , شو بتسوين فيه؟

نشوف كل وحده شو بتسوي ف اخر يوم ف حياتها سواء كان حلمها او عمل انساني وجييه!!

لو كان اخر يوم بحياتي بروح ازور بيت الله بس زوجي يكون معي لانه نفسي اروح عمره أدعو لي اروح

بسلم على اهلي وحبايبي وبتصدق وبعطي الفقراء قد ما اقدر

بتم أصلي وأصلي واصلي وأصلي عشان أموت وأنا ساجدة لله إن شاءالله ….

ماشالله عليكم وانشالله يتحقق كل شي تبونه

بصلي واقرأ قرآن

مابدخل النت

بنات عندي مشكلة في المدرسة

بسم الله الرحمن الرحيم

احس ان رفيجاتي بدو يبعدون عني و يلتهون بمشاكلهم الي بينهم هم بنتين كانوا معا بعض في الابتدائية و بعدين تفرقوا و في العدادية او المتوسطة اجتمعوا مرة ثانية و بدت المشاكل من بينهم لان صديقتي تشوف صديقتي الثانية دلوعة و مايعة لانها حساسة و تبكي بسرعة و اانا ابي حل بسرعة بليز

انا صراحة تعبت و ما اقدر اتحمل و انشا الله تساعدوني لاني محتاجه ارائكم

ما فهمت شو هي مشكلتج بالضبط؟؟؟

ابي حل لان رفيجاتي ما يتفقون و و انا ما اعرف مع مين اكون و المشكلة ان هم كل وحدة تشوفني اكلم الثانية تزعل

المشاركة الأصلية كتبت بواسطة bent_abooha
ابي حل لان رفيجاتي ما يتفقون و و انا ما اعرف مع مين اكون و المشكلة ان هم كل وحدة تشوفني اكلم الثانية تزعل

حبيببتي سوالف اتجوفج اترمسين الثانيه و تزعل
سوالف يهاال يعني
انتي قولي انا بسير و اللي يبا يمشي وياي حياه الله
واللي مو حاب بكييفه

مشكوووووووووووورة حيل عالرد

شوفي عمرج وين انتي مرتاحه ومنو أكثر وحدة تثقين فيها وترتاحين معاها وتحسينها تفهمج ومنو اللي عندها الحق

بنات ابا مساعدتكم ، نفسيتي تعبت للآخر :(

بسم الله الرحمن الرحيم

بنات وربيه احتاج مساعدتكم لي وماييت لكم الا لأنكم بنات وبتفهمون اللي انا فيه

يا خواتي انا سالفتي سالفه وطولها طول بس بحاول اختصرها لكم

انا وحده معسكره ف شي اسمه انستجرام وجيه ، وطاف الوقت وف يوم كنت اعلق ع صوره ويه ربيعتي ، ( الصوره تخصني انا اصلا ) المهم واحنا نسولف بالتعليقات دش واحد يعلق ويستهبل ع الصوره ، شو اقولكم كرههههته وتضاربت انا ووياه لين ما ترسنا تعليقات ع الصوره واتضرت ربيعتي تحذف الصوره ههههه المهم عقبها مرت الايام طبيعيه جددددا ، ونسينا الموضوع

ف يوم حلمت حلم وكان الحلم يخص هالريال اللي تضاربت وياه -.- ( حلمي كان اني طالعه من البيت وباين اني متسلله يعني مابا حد يعرف اني طالعه ، وف طريجي شفت اخواني بسياراتهم يطالعوني ابتسمت وعادي كملت ، ويوم بعدت شوي من البيت شفت هالشخص بسياره حمرا ويطالعني وعلى ويهه ابتسامه انا خفت ورديت البيت ) ها حلمي ، من نشيت كان شويه وبيأذن الفير يوم الجمعه -.-

انا طنشت الموضوع ولا اهتميت فيه ، بالاسبوع اللي عقبه بنفس اليوم والوقت بعد حلمت فيه ( وكنت توني مربيه – والده – ودشن ثلاث ممرضات واللي ف النص وياها ولد انا ابتسمت وصديت يميني شفته بعععد حذالي وقال لي مبروك ) الله لا يوريكم نشيت شوي وبصيح خلاص كرهت انه ايي ف حلمي

خبرت ربيعتي عن الموضوع بس تمت تتطنز وجيه ههههه ، وهالحلمين تميت احلم فيهن فتره لا تقل عن شهر
انا هنا مادري شو اللي خلاني اييب هالفكره ، سويت لي اكاونت يديد ف الانستجرام وضفته ، وترا ف اكاونتي السابق مب ضايفتنه ابد – من الكره اونه – هههه

انزين وبلا وبلا وبلا تميت اكلمه تقريبا شهرين او ثلاث ، وطلع الريال مزوحي وشخصيته وايد حلوه ومن راك بعد هع وعرفت انه مغازلجي -.-

شو اقولكن استوينا واايد قراب من بعض ، انا اقوله كل شي كلل شي حتى الاشيآء اللي ماقولها حق ربعي واهلي قلتلها له وهو نفس الشي يقول لي اشيآء سواها قبل وشو سوا اليوم وجيه

لين ما يا يوم تم يطلب مني الرقم ، عاد انا مارضيت ، وتمينا فتره طوييييله يطلب الرقم وانا ارفض لين ما عطيته وياليتني ماعطيته

حاول عقبها يكلمني فون وانا بعد تميت ارفض واقوله نرمس مسجات احسن ، وبعد تم يصر علي لين ما كلمته فون ، بس بحكم اني شوي رافضه ف كانت محادثاتنا ع الفون مره بالاسبوع ومانطول ، اقولكم اتطمنت له وااااايد ، وفي مره مادري كيف طلعت من لساني مع اني كنت اعرف انه بيتطنز قلتله يا فلان ليش ماتمسح صورك من الانستجرام ؟ قال لي ليش وتم يتطنز ، بالمره اللي عقبها يوم دق علي قال لي مابين سوالفنا انه مسح كل صوره ، انا ع بالي يتطنز ومشيت السالفه ، يوم سكر دشيت ملفه وشفت صج انه حذف كل صوره حتى صورته الرمزيه اللي فوق غيرها :$

المهم تمينا نرمس بعض ، وانا هنيه بدا ضميري يأنبني اني ارمس ريال ولأول مره ولا بعد ع الفون وكثرتها ، حاولت ابعد عنه بدون لا احم ولا دستور بس كلما يكلمني ارد عليه وعقبها اتندم واقول لا لازم انهي هالموضوع -.-"

قبل رمضان باسبوع تقريبا ، قلت له اني مابا ارمسه وجيه وهو قال لي ما بجبرج ع شي بس انتي دامج تشوفين ها صح سويه ، وهنا ودرته وانتهت كل مسجاتي معاه .

وتراني تعودت من فتره كلما اذكره اطرشله ادعيه حقه وجيه ، ها اللي تعبني ف البدايه اني كنت متعوده اطرشله دعاء بين الفتره والثانيه والحين لا ، بس انا مصررره اني ما ارد اكلمه خلاص خايفه من ربي
طاف نص رمضان وانا بس ادعيله ب صلاتي عسب ما اتهور واكلمه ، بس في ليله انهرت وتميت اصيح ، احس اني ابييه ، وربييه وكأني اسمع صوته وهو يسولف واسمه ضحكته وجيه طرشتله دعآء ، وعقبها تندمت وقلتله سوري بالغلط

وكملت رمضان وانا ادعيله واذكر سوالف واضحك بروحي جني خبله ههههه
يا العيد وبعد عيدت فيه -.- واليوم اللي عقبه يوم ميلاده وبعد طرشتله وها كان آخر مسج طرشتله لين يومكم

بنات انا للحين ادعي انه يكون من نصيبي بالحلال ، اعرف انه مغازلجي بس ادعي ( ان كان خيرا لي فاجعله من نصيبي وان كان شرا لي فاهده ثم اهده ثم اهده واجعله من نصيبي )

بنات صح انه محترم رغبتي ومايكلمني ، بس انا صج تعبت نفسيا من كثر ما افكر فيه وادعيله ، وبعد اتخيلو بنات اني اتم اقرا رسايلنا اككككثر من مره او انه اشوف صوره ( مايعرف انه صوره ويايه هع ) او انه اتم اشوفه اون لاين ع الواتساب جيه اتطمن انه بخير ( ترا الواتساب كان ع قولته مايحبه بس قلتله ف يوم كاقتراح انه ينزله ونزله ف اليوم اللي عقبه ) ، وبعد اتابع الصور اللي يحطها ع الانستجرام وجيه وطبعا مارجع حط صوره ولا حتى ع الرمزيه

بنات ابا ارتاح ، حاولت انساه بس ما اقدر كل شي يذكرني فيه ماااقدر وربيه
خواتي مع انه ادري انه صعب نجتمع بالحلال بحكم عاداتنا وتقاليدنا واهلي ، بس كل هالاشيآء ماتخلني اودره وانساه ولين يومكم ادعي له وانه يكون من نصيبي

ونسيت اقولكم فارق السن بيننا ثمان سنوات وبعد ماخلاني هالشي ابعد عنه وانساه

…………………

هل من اقتراحات او نصائح او اي شي اي شي
احتاج لكم بعد الله يا خواتي

اختكم .. عوآشه

اختي الغاليه منى احمد

طرشتيلي مسج ومن بغيت ارد عليج كتبلي ها

مني أأحمد تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.

اختج .. عواشه

اختي البنات دايما يعيشون القصص والاحلام الورديه. عاادي لو يمون حبج بس عادي عنده يكلم عشره غيرج. هو لو يباج بيييج لا تعيشين بالوهم ها الشيطان يزين لج. واذا ع طاري الاكاونت مال انستقرام عادي بيسوي غيره سهله. سهله. مايبالها. بقولج شي بعد. انتي اتقولين راعي سوالف ومزووحي. ترا موب بس هو. ها طبع الشباب ياليت تفكرين ف اخوانج وامج وابوج عطوج الثقه خليج قدها. والله يوفقج

المشاركة الأصلية كتبت بواسطة ام براق
اختي البنات دايما يعيشون القصص والاحلام الورديه. عاادي لو يمون حبج بس عادي عنده يكلم عشره غيرج. هو لو يباج بيييج لا تعيشين بالوهم ها الشيطان يزين لج. واذا ع طاري الاكاونت مال انستقرام عادي بيسوي غيره سهله. سهله. مايبالها. بقولج شي بعد. انتي اتقولين راعي سوالف ومزووحي. ترا موب بس هو. ها طبع الشباب ياليت تفكرين ف اخوانج وامج وابوج عطوج الثقه خليج قدها. والله يوفقج

وربيه وربيه اعرف اختي ، بس بعد ما اقدر انسى وارد اتذكره

مشكوره حبيبتي انج عطيتيني سالفه ع الأقل ورديتي علي ^^

شوفي يا اختي يا حبيبتي انا الي بقوله لج كله من باب اني ابالج الخير لا اقل ولا اكثر
انتي ما تحبينه ! صح بتقولين اني استهبل ولا اشدراني بس بقولج الصراحه هو واحد اتبع اسلوب ذكي جدا خلااج تقعين في فخخه بسهووله
وانتي من البنات الي تححب بسررعه او انج حبيتي اهتمامه لج من اوول ما مسح صووره ..الخ
يعني لو انه يحبج صددق ويخاف عليج كان اتبع طرييق واضح وسهل ودق باب بيتكم بشرف
بس لا واضح انه يلعب وانتي بنفسج قلتي انه مغازلجي يعني انتي مو اول وحده رمسها ولا اخر وحدده
وبعدين كيف رضيتي تعطينه رقمج ؟
حرام عليج واهلج واحبابج ؟؟؟؟
اي ولد بالعالم هذا الكلام سمتعه من اخووي قالي اي رجاال يكلم بنت تلفوون والله ثم والله ما يبى غيير يتسلى و لو انج واصلتي الكلام معاه كان طلب منج تقابلينه عند موول ولا حدييقه ؟؟
هذوول ههم الشباب مفرووض تاخذين عببر من القصص الي انتهت بماساه
انتي بنت محتررمه وااضح حبيت جراتج يوم انج قطعتي الووصل منه

وصدقيني والله بعد سنوات بتضحكين ع عمررج وع الحب الي كانته لشخخص ما اعطاج اي اعتباار

الله يهديج.ويصلحج ويرزقج بالزوج الصالح

انسيه وعيشي الواقع

ينقل للقسم المناسب

أختــاري شريكتج وتعــالي سجلي بسررعة !!

السلام عليكم ورحمة الله وبركاتة

غالياتي اليوم بنقدم لكم مسابقة

و هي كالتالي

كل بنت تختار لها شريكة و تتفق وياها و يختارون لهم اسم و هالشريكتين بيكونون قروب

و بعد ما يتفقون
تحطون أساميكم و اسم القروب هني في الموضوع

أو

تكونون فريق فردي يعني أنتي بروحج
و المسابقة بتكون عبارة عن أسئلة متنوعة

أختياري
نقاشي
تحليلي

مستعدة للتنافس؟؟
تحبين التحدي؟؟
عندج روح رياضية تبين تبرزينها؟؟

كللل مواهبج الكتابية طلعيها في المسابقة

نتريا منكم التفاعل

و التسجيل بيبدا من اليوم
السبت 6/30
إلى السبت المقبل الموافق 7/7

وبتتسكر أبواب التسجيل من بعدها
فسارعوااا

و هناك أوسمة تنتظركن

مع تحيات :
مشرفات نادي الفتيات

سجليني انا وربيعتي so0ona في فريق احلى اثنين

أنا عادي اكون بروحي

انا ابغي اكون بروحي تسجيل

تسلمين غناتي ع المسآبقه
و سجليني آنآ بعد برروحي ^^ إذا مسموح ^^

ما يستوي اروحـــي ^^ اذا عادي اريد اسـجل

تم التسجيل
لـ
أسيرة الشوق+so0ona=فريق أحلى اثنين

علمتني الحياة

queen momo

*بنت الهوامير

unique flower

اقتراح

ابغي رايكم في شي ربيعتي تخبرني ؟
هل توافقين على واحد أكبر عنج من 12 سنة وشكاك ومتحكم وعصبي وخليجي وراتبة مايتعدى 5000 درهم وعنده دين ومايبقى شي من راتبة غير مصروفة ؟ وغير هاه اذا بعد طلع مجبرو نقصد للبنات الضغار اللي عمارهن 17 لين 23 مشططات للزواااج هع هع هع هع وحتى اللي تبة تحط رايها تحطه ومنكم نستفيد …

هههههههههههههههههه يعني بعد ها كله تقولين شرايدج ؟
ترا ما خليتي شي حلو ينحب فالريال عصبي و مفلس و شكاك بلبلبلبل
على قولة عادل امام )) انــــــــــــــــا لااااا أقبــــــل

ما يباله تفكير جواب معروف نو لا

هههههههههههههههههه صدقن … بس في بعضهن اونة يقولن عادي عاد اونة من احين يبن يكون مطيعات هههههههههههه ويتمسكن فيه
انا اعرف ربيعت ربيعتي مرة مب حلوة ودبة واللي خطبها حلو وابيضاني خايفة عن تخسرة شكلهااا وتقول اونة عادي وافقت ههههههههههههه

ههههههههه نصهم جي ترى

بس باجر بيتحسفن لان اللي يعيشن مع واحد شكاك الله يكون فعونهم الله يبعد عنا هالاشخاص ههههههه قولن امين حتى لو كان حلو مابيغية

طبعاً لا لانه الشك والعصبيه وعدم الاتزان كافي لخراب بيوت

وماادراك ما حواء؟؟

يسعد مساكم وكل الاوقات

نتكلم شوي عن حواء
فيض من غيض
او قطرة في بحر

حواء
هى الام ..

وكم عظيمة الام التى تحمل وترضع وتربى رضيعها وتحفظه من كل سوء
يمكن ان يلحق به …فالام تعطى لرضيعها حنان لو علم بعد ان كبر
لقبل قدميها كل صباح ومساء وما رضى ان يلحق اى اذى بامه
فانت عظيمة يا حواء وانت ام … فالام تعطى لطفلها ما تشتهيه
نفسها ولو ارادت ان تختبر رضيعها باخذ شى اعطته نجده
يمانع وانت قارءى …ما زلت رضيعا طالما تشعر انك
لاتحب ان تعطى القليل لامك مما وهبتك ..فلا تكن انانيا
تاخذ ولا تعطى .

هى الحبيبة المعشوقة..

تحب دون منا ولا اذى وتهب قلبها وكيانها وكل شى غالى لديها
فالحبيبة تفدى حبيبها بنفسها وما تملك ولا تمانع ابدا بذل
الغالى فى سبيل الاحتفاظ به لنفسها ..فتجد الحبيبة
تتغنى بحبيبها وتنظم الاشعار فيه.

هى الاخت..

فكم يجد الواحد منا راحته عند اخته الحنينة ويشعر كانه عند امه
فيا اختى كونى كالام لاخوانك فيضى عليهم حنانا تجديهم معك

وانتن ماذا تقلن في حواء؟

السلآم عليكم ورحمة الله وبركآ‘ته ..
موضووع مميز..
تسلم إيددَج على الكلآإم المعقوول ..
.. ،

وتسلم طلتج الحلوة في موضوعي

موضوع رووعه

حواء هي اساس الحياة بكل انواعهاااا

روووووووووعة تسلمين

صح لسانك حبيبتي ومشكوره

ابي رايكم بنااااات $#

سلام عليكم ورحمه

شحالكم بنات شو دراسه وياكم..

بنات ابي مساعدتكم ورايكم ف نفس الوقت
ابي اهدي ربيعتي هديه بس ابيها تكون ذكره للابد
يلا عاد ورونا افكاركم الحلوه ..

يلا اترياااكم ..

اعملي تعليقة من ذهب او فضة واحفري اسمك واسمها والتاريخ الي رح تهديها فيه واهديها بعد مصحف بيكون ببكس صغير

طرزيلها اشي تضلها مفتكارلكْ اياه طول العمر

اهديها مصحف وسلسلة ذهب اية الكرسي

امم لو عطيتيها سلسلة ما بتلبسها دوم اممم عيل شو تهدينهااشتري دبدوب

الصراحه ماعرف
يمكن لو تعطينها ..
خاتم
سلسله
شنطه

مادري والله
ولا يمكن نفس مالبنات قالو
^^

قـروب مؤقـت لفتـرة محددة بسـرعه ادخلـو

الـسلام علـيكم بنـآآت

بمـا ان قرووبـنـا الاول بيوصـل 1000 مشـاركه قريبـاً
حبيـت افتح هـذا القرووب ( مؤقـت لمدة محددة )
عـشاان البـنـاات يكمـلوون سوــآلفهـم
وبـعد يـبآلي وقت ليـن مـاانزــل الجزء الثـااني من قروبـناا

ان شاء الله هـالمرة قرــووب 2 بيـكون غيــر
اللي يبوون يشـاركون من عمر 11 لين 18
(( بس اكتـبو انتو من ايـ مواليـد ))
لـااني لاحذــت ان وآآيد بنـاات كاـنوو يبـوون يشـاركون وانا ماوافـقت

يـالله ترى مدة التسـجيل قـصيرة

وان شاء الله مع الوقـت بقـوولكـم الأخيبـاار

*

انا من مواليد 1997
يعني صف تااسع
ممكن انضم ويااكم >>استويت مؤدبة
ههههه

حيـااج الله يـاا حوراء العيون
(( ابا كل بنـت حتى لو كـانت ف قروبـناا و اعرفـهاا تكتب هيه من مواليد كم ))

وينكم بنات
!!!!!!
!!!!!!
!!!!!!

دلوعة وينج

خليناا نسولف
اوقي >>>كلمة يديدة ههههه

اــتريـاا البـنآآت
😐

كيف

السلام عليكم اخواتي ممكن تساعدوني بمشكلة بسيطة انا صبية عمري 22
مو متزوجة وعايشة مع اهلي انا واهلي بنحب النظافة البيت وتنظيم حياتنا مثل اي ناس بس المشكلة انه احنا عيلة مكونة من 8 اشخاص و مو عاملين نظام او جدول لحياتنا كلها مخربطة ومكركبة في بعض كيف اقدر انضم حياتي وحياة اهلي و كيف اقدر اعمل جدول لنتظيف البيت وتنظيم الحياة ممكن اذا في عندكم جداول تمشون عليها تحكولي عنها علشان اتطبقها وجزاكم الله خير

ذكرتيني بأيام الجامعه
سالفة الحمامات سوي جدول وحطيه ورا باب الحمام نحن ما كنا نغسل لكن كنا موزعين الشغل
انتي حطي انه تنظيف على فلانه والغسيل على فلانه والطبخ وجيه وكل مره تتبدل الادوار الا اذا صار وانه وحده مرضت او عندها امتحان بدلوا بين بعض في النهاية انتو خوات وتساعدون بعض وهالشكل بتريحون الوالده
الله يحفظكم