التصنيف: السفر والسياحة

السفر والسياحة

ممكن رايكم يا بنات اوروبا ولا لندن

هلا خواتى ناويه هالصيف انشا الله بنطلع عمرة مع العيال والطلعه الثانيه انا وزوجى محتارين وين انرووح انا ابى ارووح اوروبا وريلى يقول لندن كل ربعه يمدحون اهناك يقولون احلى من اوروبا ابى رايكم عشان نحجز ماشئ وقت

طبعا لندن بدون كلام =)

انزين لندن عاصمة بريطانيا فديتج و بريطانيا في قارة اوروبا لول

ما فهمت شو قصدج لندن ولا اوروبا ؟!

يمكن تقصدين لندن ولا النمسا و سويسرا و فرنسا و هالدول

كلهم حلوين بس لندن اغلى بوايد لان عملتها الباوند

و الفيزا مال بريطانيا غير عن فيزا الشنغن لان بريطانيا مب من ضمن الاتحاد الاوروبي

و الفيزا مال بريطانيا تاخذ وقت و صعبه اكثر عن الشنغن و على أي شي يرفضونها نحاسة

للرفع

دندن دندن اقصد لندن

انا بصيف السنهـ هنآكـ ^^

أنا أقولگ أوربا أنا عني ماسافر بس صحباتي وكثير أعرفهم يفضلو أوربا عن لندن

المشاركة الأصلية كتبت بواسطة الغر الحشيم
انزين لندن عاصمة بريطانيا فديتج و بريطانيا في قارة اوروبا لول

ما فهمت شو قصدج لندن ولا اوروبا ؟!

يمكن تقصدين لندن ولا النمسا و سويسرا و فرنسا و هالدول

كلهم حلوين بس لندن اغلى بوايد لان عملتها الباوند

و الفيزا مال بريطانيا غير عن فيزا الشنغن لان بريطانيا مب من ضمن الاتحاد الاوروبي

و الفيزا مال بريطانيا تاخذ وقت و صعبه اكثر عن الشنغن و على أي شي يرفضونها نحاسة

ههه انا بعد ما فهمت

خبيرات تايلند ومتعاملين مع مكتب سفريات بسرعه بليز بل يوم الخميس

السلام عليكم ورحمة الله وبركاته

اول مره مسافرة لتايلند ومتوهقه وبغيت نصايحكم الله يرضى عليكم.. بغيتكم تساعدوني بخبرتكم.. اتمنى تساعدوني في هالاسىله:

1- فنادق أمينه ونظيفه ومجربه وال قريبه من مراكز التسوق
2- مطاعم تبيع الاكل الحلال القريبه من الفنادق
3- شو تنصحوني ستخدم الفيزا كارد والا الدولار والا البات
4- اسم ورقم مكتب سياحي مجرب واسعاره طيبه
5- الاماكن السياحيه للمتزوجين في تايلند
6- اذا عندكم رقم سواق امين في تايلند تعطوني اياه
7- طيران تنصحوني به بس مب الامارات اسعارهم ضووووووووووووء وضيق ومب مريح
8- كم ساعه "الرحله" من دبي لتايلند؟

وبدعيلكم من خااااااااااااااااااااااااااطري

فندق جي دبليو ماريوت وايد راقي وفخم

أنصحج فيه

والطيران.. ماذكر يمكن 6 ساعات مب متأكده

ان شاء الله حد يفيدج حبوبة
للرفع

أفاااااااااااااااااااااااااااااااااااااااااااااااا ااااء

1- فنادق أمينه ونظيفه ومجربه وال قريبه من مراكز التسوق

احسن شقق فندقيه بالنسبه لي BH Suite تابعه للمستشفى الامريكي

2- مطاعم تبيع الاكل الحلال القريبه من الفنادق

لا تحاتين هالشي المطاعم العربيه متواجده في كل مكان ( يمنيه – عمانيه – مصريه – عراقيه …..)

3- شو تنصحوني ستخدم الفيزا كارد والا الدولار والا البات

خذي وياج شوية بات والباقي دولارات وهناك حولي واحس مكان للتحويل في منطقة العرب

4- اسم ورقم مكتب سياحي مجرب واسعاره طيبه

بصراحه ما جربت مكاتب سياحيه نعتمد على عمارنا بس يمدحون موسى البانكوكي إلي في منطقة العرب

5- الاماكن السياحيه للمتزوجين في تايلند

عندج شنغماي وبوكيت وما انصحج بـ بتايا

6- اذا عندكم رقم سواق امين في تايلند تعطوني اياه

كان عندي رقم واحد تايلندي مسلم اسمه محمد بس ما اعرف وين سار رقمه ><

7- طيران تنصحوني به بس مب الامارات اسعارهم ضووووووووووووء وضيق ومب مريح

احسن طيران بالنسبه لي الامارات كراسيهم وسيعه وتستوي مثل السرير فعلا مريحه بس لوو ما حبيتي ارشح لج الاتحاد تقريبا في نفس المستوى

8- كم ساعه "الرحله" من دبي لتايلند؟

حوالي 6 ساعات

البنات ما قصرن

عندج طيران القطريه او الطيران البانكوكي

مطاعم حلال كلها بتلاقيها بشارع نانا شارع العرب وعندك مطعم بيروت والخيمة وناديموس وهادول ممتاز ولذيذ اكلهم
وفي فنادق كتير قريبة من مراكز التسوق مثل الشيراتون والماريوت والهوليدي ان واللاند مارك والمريديان وسينتارا

خواتي سؤال مهم

السلام عليكم
خواتي أريد اسالكن سمعت عن أخصائية نفسية أو اجتماعية تسوي قروبات للحريم وتسافر معاهن في احد عند أي معلومات عنها اسمها مكانها مممم رقم اسم مكتبها

بليييييز ضروووووري

كانوا مسوين وياها لقاء على نور دبي بس نسيت اسمها

للرفع

ويييين ما في احد يعرف

المشاركة الأصلية كتبت بواسطة روح_الإمارات
ويييين ما في احد يعرف

مرحبا اختي اسمها هالة كاظم هي مستشارة اجتماعية ومؤسسة رحلة التغيير
تعمل رحلات خارجية لبلدان مختلفة اليابان ، تركيا ……..
وفي رحلات داخلية لحتا ( دبي )

عندها حساب في تويتر باسمها

للرفع

موووووووووووووووفقة

الغليات ابغي مساعدتكن لو سمحتن

الن سايرة ماليزيا آخر الشهر انشاء الله وحبيت اتخبروني عن المناطق السياحي والاسواق في الاماكن التالية :
بينج , جنتنج , كوالالامبور , افاموسا وبصراحة هذي رحلت الاولى لماليزيا فارجوكم اتردون علي بسرعة

هلا الغالية..دوري زين فالمواضيع وبتلقين وايد الاخوات كاتبات عن ماليزيا واذا تبين تعرفين أكثر دخلي دليل ماليزيا بتعرفين أكثر..
والسمووحة^.^

بنات الي بسافرون شهر 6 او 7 ز تفضلوا

هلا خواتي
..

انا ان شاااااااااااااء الله ابي اسافر
مع بعلي العزيز بس مو عارفه وين بالضبط فيدوني بليز

ابي مكان سياحه ومناظر ونفس الوقت شوبنق هههههههه اهم شي ^^

اتيا افكاركم

وخبراتكم بليز

كنت بقولج موروشيوس بس مافيها شوبنج

عيل مالج إلا ماليــــــــــــــــزيا

ماليزيا والا سنغافوره

مشكورات ^^

ما قصرتوا ,,,اب منلظر وسوالف ,,,

^^

ماليزيا بدون منازع

ماليزيا

ماليزيا

خبيرات لندن شو احسن فنادق في وسط لندن ؟؟

السلام عليكم ..

بغيت استفسر عن احسن فنادق في وسط لندن من ناحية النظافة و الموقع و الاسعار …. يعني يكون اسعاره اوكي .. و و عادي يكون 4 نجوم مب شرط 5 … الاسعار يعني نقول لليلة 700 درهم في هالحدود …..

يالله خبيرات لندن فيدونا ؟؟

بصراحه انا متعوده انزل في هيلتون بارك لين 5 نجوم بس هو غالي شوي بس سمعت ناس وايد يمدحون الكمبرلاند 4 نجوم اللي في اكسفورد ستريت موقعه ممتاز … انا شفته بس من برع وما دخلته… اتمنى اللي سكنو فيه يفيدونج

gucci

مشكووره على المرور و على ردج …

يالله بنات لندن ابا اقتراحات غير ..

أنا سكنت في الذيستل ماربل أرش أرخص من الكمبرلاند وحلو ونظيف والغرف وسيعه

واذا تبين الرقم بطرش لج ع الخاص
واذا عندج اي استفسار انا حاضره

التستل مربلاش احسن ونظيف ورخيص وسط السوق والمطاعم ومن اجولرود وقريب من محطات الباصات والاندر جراوند والتكاسى متوفرة فى ذيك المنطقة مريح انصحج فية ولا تنسين تطلعين من الفندق تقطعين الشارع على الاتجاة الثانى وتسيرين برى ماركت تتسوقين اشياء روعة ورخيصة جدا عاد انا احب هى المجمع براى مارك اخخخ

المشاركة الأصلية كتبت بواسطة ورد طايفي
أنا سكنت في الذيستل ماربل أرش أرخص من الكمبرلاند وحلو ونظيف والغرف وسيعه

ممكن السبيلنغ ماله بالانجليزي لو سمحتي ؟؟ عشان اشوفه من النت ..

المشاركة الأصلية كتبت بواسطة salamh
التستل مربلاش احسن ونظيف ورخيص وسط السوق والمطاعم ومن اجولرود وقريب من محطات الباصات والاندر جراوند والتكاسى متوفرة فى ذيك المنطقة مريح انصحج فية ولا تنسين تطلعين من الفندق تقطعين الشارع على الاتجاة الثانى وتسيرين برى ماركت تتسوقين اشياء روعة ورخيصة جدا عاد انا احب هى المجمع براى مارك اخخخ

ممكن السبيلنغ ماله بالانجليزي ؟؟

و مشكووره على المعلومات عن السووق .. اسميييييه عووق ههههههههههه

وين أسافر محتاره

السلام عليكم


خواتي محتاره عندي خيارين ياأسافر ماليزيا …يا تركيا ….وين المشكله ؟ المشكله ان ماليزيا
سايرتنها ثلاث مرات واعتبرها من اجمل البلدان وين مشكلتي فيها انها بعيده 7 ساعات في الطياره يعتصر قلبي فيها لان من النوع اللي يخاف من المطبات الهوائيه وما شاء الله رحلة ماليزيا كلها مطبات هوائيه ……اما تركيا سرتها مره وحده ومن زمان والحينه يقولولي انها تخوف سرقات وتهديدات وغاليه …..إللي سايره جريب تركيا تخبرني بالتفصيل عن رحلتها واسعار الفنادق والمواصلات ….اتوقع طولت عليكم ونسيت سالفة مرض الخنازير خايفه على عيالي …كله خوف قولولي دام تخافين لا تسيرين مكان خخخخخخ وسلامتكم

يمدحون تركيا

سيري دام انج سايرة ماليزيا غيري

ليش ما اتجربون اتسيرون مكان ثاني

النمسا تراها وااااااااااااااااااااااايد حلوة

سيري تركيا والله العظيم انها تجنن انا البارحة يايه واذا تريدين اماكن حلووو بخبرج

تركيا تجنن سيري وانتي مغمضه

واذا على سالفة السرقات وغيره ما عليج من رسمة الناس هالمواقف ممكن تستوي في فاي مكان ومب من موقف واحد نعمم عالدولة كلها!!!!

صح الاسعار مب شرات قبل وارتفعت شوي بس مي وايد غاليه

ودامج سايره ماليزيا كم مره غيري هالمره وروحي مكان ثاني

تروحين وترجعين بالسلامه الغاليه
موفقه انشاءالله ^_^

يزاكن الله خير خواتي …..الله يعطيكم العافيه على ردودكم الطيبه

اعطيج شور وا مبتدمين بحياتج

وبتكون احلا رحلة تزوريناها

روحي سلوفاكيا او التشيك

روووووووووووووووووووووووووووووووووووووووعة

من تعرف اماكن العبي في البحرين؟

السلام عليكم
بنات انا مسافرة البحرين
ان شاء الله
واريد اماكن للعبي
المميزة
ومشكورات

ماسافرت البحرين ولا مره ابا اسيرلها

ان شاء الله البنات مابيقصرن وياج حبيبتي ^^

زمرد في السيف
دار نجد في الرفاع
كريستال في عراد

في عندج تاجره من تاجرات المنتدي من البحرين إسمها قمره شغلها صراحه وايد غاوي وأسعارها حاوه بعد واسلوبها راقي بعد

ان شاء الله البنات مابيقصرن وياج

الغاليه عندج سوق المحرق كامل كله عباياااات وانتي اختاري بس……

انا هلي كلهم في البحرين …. ومحرق هو احسن مكان حق العبي الفخمه

مكتب في العين استخراج فيزا فرنسا

السلام عليكم
لو سمحتوا ابغي مكتب في العين عشان يخلص فيزا فرنسا

فيه مكتب بس ما اعرف شو اسمها
هو تقريبا وراء سيدار
يعني اذا تعرفين شارع عود التوبة هناك اول لفه بعد سيدار تدخلين يمين و أول لفه على يمينج بضبط لفه ضيقة يعني يالله يالله سيارة تدخل بس على طرف لا تدخلين داخل فيه عمارة فيها دري تنزلين تحت المكتب في الطابق الارضي
بس الاسم ما اذكره اعرف المكان
ان شاء الله تعرفين تلقينه
ورحلة موفقة

لا اله الا الله

رخصة السياقة الدولية ضرررررروري

السلام عليكم 0000000
أخواتي العزيزات من منكن تعرف من أين يتم استخراج الرخصة الدولية لأوروبا تحديدا .؟ وبكم.. ومدتها ؟؟؟ ويفضل مكاتب ( العين ) أو أي امارة ليست مشكلة
أرجو الاهتمام والرد
واذا في مكاتب لاستئجار السيارات في أوروبا من الدولة حيث أنها أرخص كما عرفت
مع جزيل الشكر

مرحبا اختي ..

الرخصه تستخرجونها من المكاتب السياحيه واتوقع تاخد يوم مب اكثر ع حسب المكتب بكم ما اذكر يمكن ب 300

وبالنسبه لإيجار السيارة الأحسن من المطار وفي وايد شركات مثل يوروبكار وبدجت ,,

واحنا خذنا من يورب كار بس كنا اوردي حاجزين من النت واستلمناها ف المطار ..

اتوقع مكتب بن عمير للسفر والسياحة يوفرها ..

الرخصه اذكر زوجي طلعها من مكتب البريد

حتى انا استغربت ليش مكتب البريد

و تطلع في نفس الوقت و سعرها 100 درهم

بس لازم تعطونهم صورة و المهم تكون خلفيتها بيضا


أشكر أخواتي العزيزات على سرعة الرد والاهتمام مع خالص الشكر والتقدير وجزاكن الله خيرا
أي معلومة حول الموضوع أرجو تزويدي بها وحول سفرة أوروبا عموما

من مكتب البريد ^_^

ومنكم نستفيد