التصنيف: الحياة الزوجية

الحياة الزوجية

ربيعتي يت بتفرح ريلها بس صدمها

السلام عليكم ..

السالفة هاي توها اليوم قبل كم ساعة ..

توني مرمسة ربيعتي وهي واايد كلوز وياي ..

قالتلي ان ريلها دووم يتشكى من دوامه اليديد وانه شفتات .. فحبت تفرحه خذتله هدية صغيرة وباقة ورد ..وطبعا وهو يتسبح بيسير دوامه شلت سويج سيارته وسارت بتحطله الهدية عسب يفرح فيها قبل الدواام ..

اتخيلووا شوو صاار ..

يوم فتحت الباب لقت على السيت اللي حذال السايق فون ريلها الجديم وهي يوم خذا فونه اليديد سالته وين فونك الجديم قال عطيته وااحد ربيعي ..

ويوم شافت الفون انصدمت .. وفتحته ..

للاسف لقت رساايل حب و غزل البنت ماااتت من القهر .. وخذت الرقم .. وفرت الفوون ع الباقة عسب يعرف انها عرفت

ويوم سارت عنده فوق قالتله انها بتسير بيت اهلها شلت سويج سيارتها وطلعت قبله …

وبعدها قالتلي انه عقب ربع ساعة اتصل عليها وحرق فوونها ويطرشلها مسجاات بس للحين ماردت عليه .. <<< بعد ماشاف الهدية وانها كشفته

قولولها شو تسوي وياااااااااااه ..

هو بيرد من دواامه ع الساعة 4 الفير ..

ﺍﻟﻠﻪ ﻳﻌﻴﻨﻬﺎ ويصبرها

الله يعينها انا عن نفسي اقوول لازم تحسسه بغلطه يعني مب ع طوول ترد بيتها جي بيرد يغلط

والله يهديه ياارب

نفس الشي صار ويا ربيعتيه ههههههههههههههههه بس ربيعتيه كسرت فونه ولعنت اصله ومسحت فيه التراب ولا طلعت من بيتها

يمكن السوالف هاي مب له
ل ربيعه
ليش ما تعطيه فرصه يدافع عن نفسه ، حرام عليها جي تسوي في ريلها
يمكن مظلوم ، خلها تسمع من الطرف الثاني بعد تحكم عليه

الله يعينها والله يصلح حاله ويهديه
احسن شي تسكت لين هو يصارحها وبعدين تتفاهم معاه بس لا زم اتكون حذره هب يضحك عليها بأي سبب

اتحاول اتحل الامور برويه
ولا تتسرع

وان شاء الله الامور احسن

شو رايكم نسفر رياييلنا دول العالم وهم بالبيت كل ليله دوله . شاركوني الابداع

السلام عليكم

شخباركم بنات؟؟

يت ع بالي هالفكره الحلوه وان شاء الله القى الحماس منكم

شو رايكم كل اسبوع نسفر رياييلنا دوله ونخليهم يعيشون الجو ..

مثلا الي ريلها يبا يروح الصين

بالنسبه للغرفه :.. تشتريلها شويه اغراض صينيه وتزين الغرفه بهالاغراض وتسويله جاهي صيني مع ابريق صيني

اما عن نفسها تسير تتسبح وتستشور شعرها سايح مثل الصينيات وتترس جسمها بودره تخيلي كل بقعه بجسمها بيضه تلق مثل الصينيات وتلبس لبس الصيني وتحط الاي لينر مالهم والروج مع عدسات تكبر عدسه العين
بعدين تسير موقع يعلم اللغه الصينيه وتتعلملها كم جميله ويوم تخلص تجهيز .. تتريا ريلها ع الباب اول ما يدخل تقوله جمله بالصيني يعني اهلا وسهلا "جوقوجوقوجوق" هههههه امزح معاكم تعلموها من النت بعدين توخي وتدخله يعني تسويله جو صيني وتصب الجاهي نفس ما يسوون بترتيب وتتعلم بعد هالشيء منهم

وتتعلم عاداتهم وتسويها له وتضحك برقه وتسولف يعني تعيش الدور شو رايكم ؟؟؟
اتريا التشجيع منكم اذا حبيتو الفكره بنكمل مع دول ثانيه وهني كل شيء بنتساعد بالافكار وبعاداتهم وتقاليدهم ونخلي رياييلنا كل يوم يجوفون حرمه يديده ببيتهم

ملقووووووووووووووفة ^^

الله رووووووووووووووعة عيبتني الفكرة واااااااايد

خاصة لو سويتوا حق كل دوولة فكرة

عجييبه الفكرة كملووا

>> ههه ملقووفة لوول

حلوه الفكره

واااااااو…نايس الفكره..

ليش مب هو اللي يسفرني كل اسبوووع دوله؟؟؟؟؟؟؟؟؟؟

مليقه صح…….؟؟؟؟؟؟؟لوووووووووووول

نايس الفكره حبوووووبه

نتريا المزيييد

رفع اتريا تفاعل اكثر

بليز دعوووووووووووووولي

ان شااااااااء الله اتكونين بأتم صحتج وعااااااافيتج
ومافيج إلا كل خيـــــــــر ،، ويجمعج بخطيبج على خير

/

/

طمنينا الغلااا

المشاركة الأصلية كتبت بواسطة ام سندويجه
الله يسمع منج الغاليه ويوفقج ويا ريلج

امين ياااااارب
/

/

بشرري شو سويتي ؟؟

الله يوفقج و تكون نتايجج إيجابية

المشاركة الأصلية كتبت بواسطة shashey
الله يوفقج و تكون نتايجج إيجابية

المشاركة الأصلية كتبت بواسطة دلوعة زوجي
ان شااااااااء الله اتكونين بأتم صحتج وعااااااافيتج
ومافيج إلا كل خيـــــــــر ،، ويجمعج بخطيبج على خير

/

/

طمنينا الغلااا

إن شاااااء الله ميكون فيج غير العافية

الله يوفقج وان شاء الله تكونين بخير
طمنيني عليج

كيف حد يقولي { من خبراتكم }

مرحبا بنات .

بنات اريد اسأل حد منكم جرب انه يروح التوجية الاسري عشان يطلب نفقة لعياله من الريل الاولي , علما انه الريل او الطليق رافض يعطيهم نفقة .

اريد اسأل التوجية الاسري يقدرون يخلون الطليق ينفق ع عياله ولو رفض شو يقدرون يسوون, وهو يقول ما بدفع لهم شي انا متبري منهم ودامني متبري منهم المحكمة ماتقدر تجبرني اني ادفع , يقول خلاص انا ما باهم حتى لو سرتوا المحكمة بقول لهم انا متبري منهم وبيعفوني من النفقة صدق كلامه وانه العيال خلاص لما يقول متبري منهم يموتون مالهم نفقة ولا شي؟؟؟؟؟

لا حبيبتي كلامه موب صدق
بيدفع النفقه غصبا عن خشمه

الله يعيينج

بقولج شي اختي …
انا اعرف بتجربه حد من اهلي ..
والله مجبور يصرف عليهم متبري او مب متبري منهم مجبور عياله ..
والمحكمه تلزمه يصرف …
روحي طلبي نفقه عياالج لهم حق …
ولا كيف بيعيشون …

غصبا عن خشمه بيدفع

ههههههههههههههه يقص عليج قاعد حتى لو متبري منهم غصبن عنه بيدفع اصلا هب على كيفه

المحكمة تلزمه لزم

روحي حبيبتي صوبهم بجبروه يصرف على عياله انتي شو ذنبج

خصوصا اذا حضانه العيال عندج بحكم المحكمة
توكلي على الله وطالبي بحقوق عيالج

التوجيه الأسري بس ينصحون ها اللي أعرفه

والنفقه المحكمه بتلزمه فيها حسب امكانياته ولا كل واحد بقول أنا متبري من عيالي !! بس الحين حتى أمر المحكه الشباب ما ينفذوه ،،،

الله يعينج أختي وتأخذين حقج وحق عيالج ،،،

ها اللي أعرفه وان شاء الله البنات يفيدونج أكثر ،،،،

تعباااااااانة

السلام عليكم اعذرووووني لو كلامي ملخبط انا مربية من شهر بس من وقت الولاددددة وانا نفسيتي وايد تعبانة احس بمشاعر متضاربة داخلي ساعة اكون عادية ساعة كاره الدنيا ومعصبة والي متعبني زيادة احس مو مرتاحة من سهر الليالي وغيره تعبت والله وهالشي قاعد ينعكس على حياتي بالسلبية شسووووووووووووووووي ماادري منو فييييييييييييييكم مر بنفس الحالة فيدوووني ماابي اخرب بيتي بيدي وبنفس الوقت مو قادرة اتحكم باعصابي

حبيبتي هالشي طبيعي ومعروف الحرمه يوم تكون فالأربعين هرموناتها تكون متلخبطه

ساعاات عاديه وساعات معصبه

ما عليــه حبيبتي . . فترة وتعدي ان شاء الله

بس حاولي تتحكمين بأعصابج وتنظرين للأمور بإيجابية وروح مرحــه

والله يووفقـــج ^^

حبيبتي والله ..~

هالفترة اتكون المربية تعبانه لأن يتيغير جدولها اتنش نص الليل و اترضع النونو ..~

و من هالسوالف و صعب اتنام براحة لأن اتحاتي ولدها ..~

الحل حبيبتي ..~

انج اتهدين اشوي و لا تتلفين اعصابج بإيدج ..~

كل ما عصبتي استغفري ربج ..

و تكلمي بهداوة حاولي اتيودين اعصابج ..~

ولا اظايقين بعمرج ..~

و كل ما تعصبين شربي شي بااارد يبرد على قلبج و يريح اعصابج ..~

حاولي اتسوي مساج يريح الاعصاااب ..~

و ان شا الله بتردين احسن و احسن ..~

بس عليج بتمالك الاعصااب ولا راح تخسرين اشيا وايد حبيبتي ..~

والله يقويج ..

الغاليه انا مريت فهالمرحله بعد ماربيت

مش اكتئاب بس شي قريب من الاكتئاب

وكنت لا اراديا اضايق ريلي وايد >> ماكنت اقصد بس تصرفاتي ولساني ماكنت اقدر اتحكم فيهم

ولكني بعدين حاولت اهدي نفسي .. واتحكم بعمري .. لانه صدق كان يضايق ويتهرب مني

بس بعدين قمت اسحبه صوبي بالتدريج حتى لو مزاجي مب صافي

الله يعينج ويريحج ^^

.
.

الله يعينج بس لازم تصبرين
عشان البيبي وعشان بيتج ^^

اختي هدي اعصابك بس نخلصين الاربعين تهدييين ان شالله ويتربى بعزك

عزيزتي.. هذا يسمونه اكتئاب ما بعد الولاده
وكان المفروض اثقفين عمرج يوم انتي حامل
الحين مر الوقت
عليج اتكونين ايجابيه.. يومم بييج اي فكره سلبيه.. طنشيهاا غمضي عيونج بسرررررررررعه وغير الموضوع
وعقب يوم قرب صلاه المغرب.. حطي قناه اتييب الادعيه وسمعي الادعيه وسمعي القرااااااااااان
القران هو راحه القلب والفكرر
وبعدين لاتنسي شي مهم.. المربي الي في النفاس ما اتروم اتصلي.. وهذا وايد ياثررر عليهااا
فتحي اللاب توووب.. وحطي حد من المشايخ يقرا القران
حاولي في وقت فراغج.. ادورين مواضيع عن تربيه الطفل
اتمنى لج حياه سعيده

مييييييييييييييين زوجهااا ناااااااااااااار شراااار وماايساامح حد اذا غلط عليه ؟؟

زوجي ماايسامح حد اذا غلط عليه كرهته من هذي النقطه كيييييييييييف اخلي قلبه رؤؤؤؤؤؤؤؤؤؤؤؤؤؤؤؤؤؤؤؤؤؤؤف والله تعبت صارلنا اسبوووع وماايكلمني والله طفرت منه

الله يهديه ان شاء الله

قوليله اذا الله يسامح ويغفر لعباده هو مايسامح

الله يهديه ويصلحه

لا حول ولا قوة الآ بآلله

الله يعينج غنـآتي

آكثري من الآستغفآر الله يلين قلبه

استغفر الله الذى لا اله الا هو الحى القيوم واتوب اليه
الله يعينك عليه حبيبتي لو انا متلك كن طفشت من زمان انازوجي صحيح يزعل بس نتصالح بنفس اليوم و ينسا ما يقعد يفكر ف شو صر ولا مين الغلطان كان ما صار شي مرات انا ابا اتكلم بس كتر ماهو ما يفكر في المشكله اتم ساكته ماشاء الله علينا الله يحفضنا من كو عين و شر ^^ و زوجك ادعيله في القيام انو ربي يحنن قلبه عليكي لان طول فترت الخصام صراحه تخلي الفجوه كبيره بين الزوجين و الله المستعان

الله يعينج يالغاليه

بس كثري من الاستغفار تراه يلين القلب باذن الله

صدق كثري من الاستغفار وسترين العجب

تعرّفي إلى صفات شريك العمر !!

* السعادة.. حلم يراود كل امرأة، لكن الكثيرات ربما يخطئن الطريق إلى السعادة.. والبداية تكون من "اختيار شريك العمر".. فكيف تختارين فارس أحلامك؟

*إليك – أختي الكريمة – بعض النقاط التي تساعدك على ذلك:
* الدين أولاً:- الشخص المتدين هو الذي يخشى الله تعالى، ويطيع أوامره، وينتهي عما نهى عنه، فخشية المرء لله تعالى تمنعه الظلم والتعدي والاستهانة بزوجته، فإذا أحب المتدين زوجته أكرمها، وإذا كرهها لم يظلمها، وحاول بشتى السبل إصلاحها..
– وكثيراً ما ينجح في ذلك؛ لقوله صلى الله عليه وسلم: ( لا يفرك مؤمن مؤمنة، إن كره منها خلقاً رضي منها آخر ). رواه مسلم، ومعنى لا يفرك: لا يبغض.
– وقد حذر النبي صلى الله عليه وسلم من العزوف عن المتدين، فقال عليه الصلاة والسلام: ( إذا أتاكم من ترضون خلقه ودينه فزوجوه، إلا تفعلوا تكن فتنة في الأرض وفساد عريض ). صحيح الجامع:270.

* الخلق.. زينة الرجل:- خص النبي صلى الله عليه وسلم "الخلق" بالذكر في الحديث مع أنه من الدين؛ لأهميته في استمرار الحياة الزوجية واستقرارها، فالخلق هو الحاكم على التدين قوة وضعفاً، فقد يكون الرجل صاحب عبادات ظاهرة، لكنّ في أخلاقه رقة وضعفاً، مما يدل على جهله بحقيقة الدين،قال صلى الله عليه وسلم: ( إنما بعثت لأتمم صالح الأخلاق). صحيح الجامع:2349.

* الحِلم.. أمن وإيمان:
– الحلم وعدم الغضب يضمن الاستمرار للحياة الزوجية، وهو يدل على قوة شخصية الرجل ورجاحة عقله، قال صلي الله عليه وسلم: ( ليس الشديد بالصُّرَعَة ، إنما الشديد الذي يملك نفسه عند الغضب ). صحيح الجامع:5375.

– فالحليم يرفض الاندفاع وراء باعث الغضب، ويكون أدعى للإنصاف، فلا يودي بأسرته وبكِ بكلمة "طلاق" في ساعة غضب.

* العلم .. نور وهدى:- الزوج الجاهل عدو نفسه، ومن كان عدوًا لنفسه تعس وأتعس غيره، وقد جاء في الحديث: ( ليس مني إلا عالم أو متعلم ).
– والعلم يكون سبيلاً لنجاح الحياة الزوجية وسعادتها، كما يضمن مستقبلاً زاهراً للأولاد؛ حين يتأسّوا بأبيهم فيكون قدوةً لهم.

أختي.. بهذا تكونين نلت أسباب السعادة ..
فأدعي الله أن يرزقك من توفرت فيه هذه الخصال النبيلة.

WALLA ENI AMOUT 3ALA MWA’9EEE3ECH
TESLMEEEN WALLA

المشاركة الأصلية كتبت بواسطة UM MOHD
WALLA ENI AMOUT 3ALA MWA’9EEE3ECH
TESLMEEEN WALLA

وأنا امووووووووووووووووت على تواصلج حبيبتي ..

ربي يســـــــــــــلمج الغلا ..

سؤال للمنقبات أو المتغشيات

السلام عليكم أشحالكن خواتي

حبيت أتشاركون الموضوع لأن وايد يهمني لما تطلعين مع ريلج في سنتر أو مول أو حديقه أو أي مكان عام

وأتشوفين أشكال البنات اللي فاصخين الحيى وبابعينها والعباه المرصصه والمكياج و الصدر

وأحيانا عادي تطالع في وعيون عيليج و عادي عندها

كيف تصرفين ومو مسويتلج سالفه وريلج ما ينلام شو بتسوين

بكل صراحه

أدعيلها بالهداية
لأن مهما الواحد قال ولا رمق بنظرة
الهداية من رب العالمين
الله يهدينا ويهدي بنات المسلمين أجمعين
قولوا آآآآآآآآآآآآآآآآآآآآمييييييييييييييييييييييين

الله ييهدي اليميع ويين النقاب الحينه الا بالنادر الله استر على امه محمد

الله يهديهم!!!!!!

لا تعليق

عادي عندي لاني واثقه ف نفسي ومثل هاي الاشكال اللي رخصت عمرها

خلت اللي يسوى ومايسوى يجوفها مخليه نفسها ارقوز للكل ماخلت لون ما حط ف نفسها

خليها تحترق بنفسها شعليج منها وتنقهرين وتتعبين اعصابج انتي العفيفه والشريفه

صاينه جمالج لريلج وهو لازم يعرف بهذا الشي انه جمالج وزينتج له هو بروحه يعني شي خصوصي

مب الكل جايفة وعرضه للغير

الله يهديهم

طاف

شو بتسوين يعني

الله يهديهم

لو انا يمكن اضحك عليهن بصوت عالي عشان يسمعن ويفهمون انه اشكالهن غلط لانه صج مرات فيه بنات يضحكني اشكالهن وهم جي

ومرات يمكن اقول لهم الحمدلله والشكر ولا الله يهديييج بصوت عالي عشان يسمعني واطوف عنهم

ضروووري طلاااااااااق

مرحبا بنات
بليز منو تعرف موقع يعرف الوحده
شو عليها وشو اللي لها قبل ماتطلب الطلاق
يعني شو النفقات اللي لازم تاخذها
خاصة اذا هي طالبة الطلاق لآاسباب
بلييييز
او حتى تعرف محامي اقدر اسأله
ضروري

ويييينكم

موفقة ان شاء الله

اختي هذا يعتبر طلاق خلعي صح

بس لا تتنازلين عن اي شئ

بس ممكن اعرف اذا عندج عيال ؟.؟؟

اتصلي التوجيه الاسرى يكون احسن لج اختي

اولا فكري الطلاق مب سهل حاولي اتحلين مشاكلج بعقل ترى الطلاق صعب وصدقيني كل زواج في مشاكل بس لازم تستخدمين عقلج واللي اعرفه ان يعتبر خلع اذا طلبتي الطلاق يعني كل حقوقج اتضيع ومؤخرج يروح

الله يصلحكم ويهدي سركم

استعيني الاستشارات الزوجيه قبل اتخاذ اي قرار تندمين عليه طول عمرج

هذا رقم المركز 024459222

والله يوفقج يالغلا

ريلج عرس عليج فضفضي لنا .!!!!

سلاام خواتي..

أيش حالكن يالطيبات..

فديتكن زادت عندنا حالات التعدد والزواج المتعدد الغير ناصف..

فها انت وحدة منهن…..عرس عليج..أنزين شو صار بج…نفسيتج..عيالج..بيتج..علاقتج وياه..هل عدل..؟؟؟

أسئلة عديده أريد الأجابة منكن…تعرفن ليش؟؟؟

لأن زادت بالمنتديات الدعوة للتعدد بدون مراعاة للزوجة الأولي…ومن دون أنصافها..؟؟

والقهر..الزواج من أجنبية..سواء خادمة أو نادلة مطعم أو من بلاد أخرى….!!!

أريد أسمع القصص عسب تكون عندنا حجة للرد…عليهم أن التعدد له أصول عندما شرعه رب العالمين…

بأنتظار مشاركاتكم فديتكم..ومن باب التفضفيض..

وهذا الموضوع بصالحكن..وتسلمووووون،،،

للــرفــــع……

ويعطيج العافيه أختي على هالموضوع المفيد…..

المشاركة الأصلية كتبت بواسطة ensana
للــرفــــع……

ويعطيج العافيه أختي على هالموضوع المفيد…..

رفع الله شانج غناتي،،،

التعدد قبل ما كان مشكلة..الحينه مشكلة! الوالدة زوجة ثانية…و أبوها كان معدد..و يدي من أبوي معدد..و التعدد كان عادي جدااااا جداااا للي عنده القدرة المادية….لو تسألون قبل وايد عندهم أخوان من الأبو…كنه العيد…و ما كرهوا بعضهم… إشمعنى الحينة إستوت السالفه كنها يديدة!! و الحريم طلعن إبطلعات !

أوكي الزوجة الأولى بتنقهر..و بتغار..أوكي عرفنا..و بعدين يعني!!

إن شاءالله ريلي ما بيعرس علي….لكن لا بغلط عا بنت الناس و أقول صراقة و من هاكلام…يا خواتي..ليش تعتبرون الزوج جماد؟؟؟ موب هو إلي بريوله يسير حق الثانية و يخطبها ؟ إشمعنى تحاسبون الزوجة الثانية و موب الزوج نفسه! كنه مافيه عقل و غير محاسب!!

هاي مشكلة الحريم..يطيحون في بعض..لكن الرياييل يساندون بعض

انا لومن اللي يعرس ريلها عليها والله ما احفله وحرام عليه الدمعه ويوم هو ما راعى شعوري حرام عليه مشاعري ودمعتي لكن بعد اتمله الاولى لانه الاولى اعمار والثانيه دمار
واللي على قولت الاخت انه عادي التعداد قبل يا اختيه قبل فيه مراعاة مشاعر ويعادل بين الريل بين الزوجات اللي يصرفه في هالبيت يصرفه عند الثانيه والثانيه تحن على الاولى والعكس كذلك لانه الريل له دور قبل
اما الحين لو سأل عن الاولى زين عندها ولاما عندها فرها فرة الجلاب ونسى انهى هيه صبرت على راتبه القبلي اللي كان زين منه بين عيدين يشتريله درزن فنايل اما عقب وعلى زيادة الرواتب ماقال بمتع حرمتي وبستانس معها وبعوض كل اللي راح من اللي انحرمنا منه لااااااااء سار وحطلها عديله ثانيه وسوالها اكبر طااااااف

انا عندي لكم سالفتيييين عن زواج الزواج من ثانية والفريق وااايد بين السالفتين :

الاولي

حرمة قاعدة في امارة وريلها من يشتغل في امارة ثانية ومب طايعة تترك الفريج والاهل وخواتها وعماتها وخالتها وربيعاتها وتعيش مع الريل في مكان عمله والريال تعبان ويرد حرمة وهي مسويه طاااف المهم حاول ما طاعت اخر شي قالها انا بعرس نوع من التخويف عشان يجبرها تروح معاه تدورووون قاله له ما عندي مشكلة عرس وانا بسيير اخطب لك البنت المناسبة وتم ع هذا الحال سنة يقولها بعرس وهي ادور له بنات وتقول شو رايك في فلانه او فلانه اخر شي ياها وقال لها انا شفت وحده في الشغل عندنا محترمة وحلوووه وفيها كل المواصفات الا تناسبني وكلمتها عشان العرس ووافقت فالحرمة باركة للريال وقالت له الله يوفقك وبعد ما خبرها متى العرس ولا الموعد عشان ما يجرحها المهم بعد 4 شهور من عرسة عرفت بطريق الصدفة لما شافت خلاصة القيد انصدمت واحتشرت وسوت مشكلة من لا شي وقالها مب انتي قلتي لي عرس تدرون شو قاله له ؟؟؟؟؟؟؟؟؟

((((( كنت افكرك تمزح )))))

اي نوع من الحريم هاي ؟؟؟؟ وكيف تقول حق الريال شو رايك بفلانه وعلانه ؟؟؟ قالها لو قلتي بسير معاك ما صار هذا ولوقلتي لا ما تعرس ما بعرس بس انتي قلتي عرس وانا بخطب لك ؟؟؟؟؟ والحين كل يوم مشكلة معاه بسبب العرس ؟؟؟؟

الثانية

الحرمة الثانية محافظة ع ريلها وبيتها واعيالها وادلع الريال وهو مسوي لها طاف ويلف من مكان الى مكان وبعد عشرة 13 سنة اكتشف بالصدفة وهي تتصل فيه يستقبل الخط من دون علمه وتسمع معاه وحده ويرمسها ويتغزل فيها وهو مسوي عمرة مطوع وراعي دين واخر شي قلولها ان اكيد ماخذنها لان يتغزل فيها والريال محافظ قعدت معاه وحلفت عليه يقول الصدق وقال انه ماخذ وحده من 2 بالسر والادها والامر في الموضوع انها وافده وكانت تشتغل في فندق تستقبل الزوار وتعرفهم ع نظام الفندق وكيفية الحجز ترك بنت الناس وخذ وحده كاشفه عمرها للرياييل ….

الله المستعان هاي بعض القصص الواقعية

المشاركة الأصلية كتبت بواسطة زلال
واااايد شبااااب جيه انا اعرف وحده هي تسوي ريلهااا لانه يبااااا كم مره وهي مااا اتروووم اكثر من مره

شوفي اختى يسوي بروحه ولااا يسوي واايااا بنااااااااات ؟؟؟؟؟؟؟؟

هذي حرمة ريلها يمارس العادة السرية المضرة وزوجته تسويله بعد . سون بحث في جوجل وشوفن اضرار العادة السرية للرجل

اذا كانت الحرمة ماتقدر على حقوق زوجها في الفراش فالتعدد هو الحل .. بدال ماينتشر الفساد بين الشباب والبنات ويزيدون البنات اللي يالسات من غير زواج

يعني تكلمن بالمنطق بالعقل وفكرن بالعواقب مب بالانانية والزواج الثاني شرطه العدل في المبيت والمصاريف يعني الثانية مابتاخذ الريال من عياله ولا غيره من هالكلام الفاضي اللي يقولونه المعرسات

وان شاء الله تنحل كل المشاكل وكل الرياييل يعرسون ثـنين وثلاث واربع ويعدلون امبينهم ..