شحالكن خواتي…
بغيت شووركن..
سلمكن الرب ..
بخبركن السالفه على طول…
تقدملي ولد خالي بشكل غير رسمي يعني وصلتني رمسه بانه بيي هو واهله بيخطبوني الين ماا يستقر حاله وبعدين بيتزوج..
المشكله انه امه هنديه وحالته المادية متوسطه واعتقد الحينه هو يكمل دراسته
وتعرفون شرات ما يقولون بعض الاهالي نحن ما نزوج مهجنين
وهاي المشكله العوده ..والا الولد ما شاء الله عليه يعرف ربه >هللي سمعته
والا احيده انه من الطبع الخجوول واايد ..
والحين بتقولون شو المشكله ..
يعني في المستقبل يووم بنتزوج بسكن بعيد عن هليه يعني هليه هنيه في بوظبي وهو في راس الخيمه
بعيد الدرب ما اروم اصبر عن هليه وبعدين الاهل يتصرفون كانه عادي بييون وبيخلصون وانا ما ليه شور اونه ولد خالج عادي شو فيهااا…
فيها اللي فيها لازم افكر واستخير صح اني استخرت مره وما حسيت بشي الوضع كان عاادي المشكله الثانيه انه ولد خالي الثاني اللي امه مواطنه ما وافقو عليه الا انه حالته الماديه ميسوره..هنيه المشكله يوم انه كبير البيت بيزعل اذا ما استوى شي الكل درى بسالفه يعني امبين الحريم وبس اما الوالد ما يدري الصراحه اعتقد انه ما بيوافق لانه مهجن تعرفون قصدي وانا الصراحه ما احب اتصرف بدون ما اخذ الاذن من الوالد بتقولون هاذي الحياة بس انا حيرانه ما اعرف شو اسوي ..سمعت انهم بيحطونا في الامر الواقع يعني بييون كلهم مره وحده بييون وبيخطبون ..
والصراحه انا مب عاجبني الوضع يعني بيون يخطبوني وبعدين بعد سنتين بيستوي العرس ليش سيارة ولا ارض بمووت من الضيجه ابا اسلوب اقنعهم برده فعلي وبعدين اتعرفوون اذا ما وافقت شو الاسئلة اللي بتطيح ع راسي ليش منوه شفتي غيره ؟؟ وتعرفون من هالاسئلة
دخليكن بنات ولا حريم اباا شوركن …
اترياااااااااااكم احر من الجمر
احسج ياحبوبه مب راضيه والصراحه احس ان فتره الخطبه او الملجه اطول فانا اقول ان هشي مب من صالحج…. وحاولي بانج اتفهمينهم ما اعتقد بيغصبونج … ومافيها شي على ( ميسور الحال) يقولج خذوهم فقراااء يغنييييكم اللــــــــه
الله يفج ضيقتج ويوجهج للصواب
افكري عدل قبل
لا حول ولا قوة إلا بالله
والله ما أدري شنو أقولج اختي ، بس ما قدرت أطلع من الموضوع بدون ما أرد عليج .
هذا يعتمد على قناعتج اختي احنا ما نقدر نشور عليج بعدين انتي راح تتعبين بالنهايه مو احنا .
شوفي نفسج هل انتي عادي عندج تاخذين واحد امه هنديه ؟؟
يمكن بعض ردود البنات يقولون لج عادي جدا واهم شي الولد … بس انتي في داخلج رافضه الفكره ومو مرتاحه بس سمعتي شور أحد ثاني …. وبالنهايه انتي الي بتعيشين معاه .
وبعدين انا شايفه ان سالفة السنتين وايد !!! يعني بتنطرينه سنتين ؟؟؟ صعبه ويمكن يصير أكثر من سنتين بعدها شنو بتسوين ؟؟؟ بتمين متعلقه لا انتي الي متزوجه ولا انتي الي قادره تتزوجين أحد ثاني .
وبعدين سالفة انج اذا رفضتي أهلج بيشكون ان في بالج أحد ثاني … هذي مو صحيحه !!!
والبنت من حقها ترفض حتى لو مو في بالها أحد ثاني ، وهذي عقليه قديمه في التفكير .
اختي صلي استخاره وربي انشاءالله بيسر لج امورج ولا تستعجلين باتخاذ القرار لان هذا زواج مو لعبه … وقولي حق اهلج اذا الولد يبي يتزوجني بعد سنتين خل اهله يخطبوني بعد سنتين لما يكون ولدهم جاهز للزواج مو من الحين يحجزوني مثل البضاعه . واذا الله كتب لج نصيب مع واحد ثاني مواصفاته أفضل بيكون أحسن وانتو بالطريقه هذي تكونون ما عطيتي لولد خالج كلمه ، انتي بنت والبنت محتمل تنخطب بأي وقت وتتزوج ، واذا الولد مو جاهز هذي مشكلته مو مشكلتج .
لا حول ولا قوة الا بالله
ربي يوفقج الغلا
والله هالسوالف تحير الواحد
والمشكلة إذا تقدم لج واحد من الأهل وانتي مب مقتنعه
ما تقدرين ترفظين ولا توافقين!!!!!!
لانهم يقولون الجريب أحس من الغريب
بس الصراحه الواحد يعيش بعيد عن أهل صععععععععععععععععععععععبه
صدق صعبه
الله يعينج
استخيري و شوفي الله شو رايدلج
اللي الله كاتبنه بيصير
والله يعين الجميع
والله الموضوووع راجع لج … او اهم شي تصلين استخاااره … والخيره لما اختااره الله …
والله يوفقج حبيبتي …
استخيري ورب العالمين بيوفقج ان شاءالله
