صباح الخير ..
كيف حالكم بناتات الصراحة وايد عندي مواضيع وابغي استشارتكم فيها الصراحة عندي صديقتي وهي عمرها 30 الصراحة اتصلت فيني البارحة وكانت وايد محتارة وتبغي اساعدها في حل مشكلة عندها …
الله يسلمكم البنت هذي وايد في حالها وطيوبة وايد بس للحين ما تزوجت ، من فترة انعجب فيها واحد ياي عندها الدوام يخلص معامله المهم عقب فترة من تعامله وياها اتصل فيها على مكتبها وطلب موعد عشان يقابلها وهي تحرت للشغل فقالت له حياك اليوم الثاني ياها الدوام وتم يرمسها فقال لها بغيتج بموضوع خارج عن العمل الصراحة انا معجب فيج واذا ما كنتي مرتبطة اقدر ايي ارمس اهلج البنت انصدمت وايد ، وما عرفت شو ترد عليه المهم قالت له انا عندي اسأله ابغي اعرفها عنك فقال لها انا اعرف شو بتسألين المهم هو قالها انه بعده يدرس في إحدى الدول العربية وباقي له ثلاث اسنين عن يتخرج ، هي انصدمت وقال لها عمره 21 بس هو مستعد يعرس الحين هي متخوفة وقالت له انه عمرها 30 فقال عادي المهم انج دشيتي خاطري …
وامس اتصل فيها على المكتب وقال لها انه ابوه مسافر واول ما يرد ابوه من السفر بيرمسه عسب ايووون يخطبونها هي ما عرفت شو تقول بس وايد مصدومة ومب عارفه شو تسوي ، انا قلت لها استخيري بس في نفس الوقت هي احسبها متخوفة من الموضوع …
شو اسوي عطوني حل يزاكم الله خير عسب اطمن قلبها
هي تقول لي باجر ابوه بيرفض بحكم انه بعده صغير وهي قالت له انا ما اقدر اطلع من دوامي لانه عليها التزامات ويبغيها تروح وياه وين مكان ما يدرس ؟؟ المهم ساعدوني عشان اطمن قلبها
تحياتي
هلا حبوبهـ ،،
خليهآ تفكـــر عددل ،، وتستخيير ،،
وإذا ارتاحت لهـ خليها تتوكل على اللهـ ،،
والسن مب مشكللهـ ،، يمكن هذا هو نصيبهآ ويمكن تكون سعادتهآ مع هالشخص ،،
واللهـ يجدم اللي فيهـ الخير ،،
واللهـ يوفقهآآ ،،
فرق تسع سنين واااااااااااااااايد
هالفرق كبير اذا كان الريال اكبر عن البنية فما بالج يوم البنية تكون اكبر عن الريال
الغالية خليها لا تنسى شي واحد
ان يو بيكون عمرها 40 سنة هو بيكون عمره 31 سنة
يعني بعز الشباب
وهي بتكون دخلت مراحل سن الياس
الا اذا كان عادي عندها يعرس عليها
لان هذا الشي هو المتوقع
والله يالغالية ما اعرف شو أرد عليج
مشكلة السن واايد كبيرة
وخصوصا إنها الاكبر عنه .. وهو يعتبر صغير وااايد
الله يجدم اللي فيه الخير
أعرف وحده عمرها 28 وخطيبها 19 سنة وعادي سمن على عسل ماشاء الله ومب مبين الفرق لان أشكال الرياييل كبيره عدنا فالإمارات وثانيا لا تقولون للبنت هالكلام هي مب عيوز..أشك إن غالبية اللي قالولها الفرق كببر هن أصلا صغار وتشوف الفرق مب طبيعي لأنها روحها عمرها 20..أنا عن نفسي ماشوف فيها شي عقب لو عمره 31 وهي 40 عاااااادي واايد بنات عمارهن فالأربعين وأشكالهم ما تبان موليه وأصغر عن بنات فالثانوي..لا تسدون الباب في ويه البنت لو الريال عاقل خل تتوكل..وماشي عمر فالحب والزواج على قولة فوزية الدريع..لا تعقدون السالفة
اول شي خليهاا تستخيير ربهااا..
وثاني شي دامها دشت خاطره اكيد يباهاا ولا مابيقولهاا بييج يعني لو يبا يلعب بيلعب بطرق ثانيه
انا اعرف وحده عمرهاا 33 او 34 وياهاا واحد عمره 22 وماشي فرق جنه امه وهي سادتنه عن الكل رغم الفرق وجماله
والله يوفقها
المشاركة الأصلية كتبت بواسطة نقطة تحول 
بتنقهر 
.gif "12 (31)")
