السلام عليكم حبايبي,,
طبعا انا مثل واااايد امهات ابحث عن افضل تعليم و مدرسة نحط فيها عيالنا.
اولا : هاي بنتي الاولى اللي تدخل مدرسة و طبعا بدخلها كي جي ونثانيا: ريلي رافض ان اطرشها ام قيوين او الشارجة بسبب بعد المسافة ولان اغلب الباصات يمرون واايد من وقت لو من امارة ثانيةثالثا: ادور مدرسة يكون الكادر الاداري و التعليمي متفهميين و طيبين و دراستهم ممتازة طبعا الاهم
ومن كثر ما ادور بسويلكم ملخص باهم النقاط اللي يمعتهم من النت و تجارب اللي اعرفهم..
1 * مدرسة عجمان الاكاديمية ,, عجمان,, ما حصلت اي مدح و عيال اخوي هناك و بيطلعونهم ..
2 * مدرسة ابو عبيدة بن الجراح ,, عجمان,, المنهج حكومي..للحين ما تم تحديد ميزانية الكي جي ون ,, و بشكل عام وحدة ذمتهم و قالت ان الاهتمام مادي .,
3* المدرسة الوطنية,, عجمان,, حصلت مدح و ذم فما عرفت هل هي اوكي او لا,,
4* مدرسة العمداء الخاصة,, عجمان ,, المنهج امريكي ,, هاي احسن مرسة حصلتها من ااراء ابدا ما حصلت حد يذم,,
هالمدارس هم اللي كانو ف بالي و للحين بحطها ف العمداء و باجر باذن الله بمر اتطالع المدرسة والكتب و التعامل..
اللي عندها تجارب او راي تخبرنا و عشان ما نتعب الجميع و يكون كل شي ف مكان واحد اسهل لنا و لتعم الفايدة باذن الله..
UPPPPPP
الحمدلله اليوم مريت على 3 مدارس و شفت الفرق..
1* مدرسة العمداء ..8850 درهم و 2024 للباص,, تدفعين 4000 و الباقي على شيكين او 3,, منهج امريكي و الكتب كبيرة بصراحة ,, بس حبيت الكتب و المنهج حلو وملون و ملفت,,
2* مدرسة ابو عبيدة بن الجراح.. للحين ما حددو المبلغ بالضبط بس العام كانو 5000 تقريبا بدون باص,, منهج حكومي
3* مدرسة عجمان الخاصة.. 14500 تقريبا بالباص,, على دفعات .. منهج امريكي و السنة الياية بيبدا عندهم منهج امريكي يديد اسمه اكسفورد.. المنهج بريطاني اصلا بس بيسوون منه منهج امريكي
المهم هاللي وصلتله و ان شاء الله بسجلها فالعمداء بسبب المدح اللي سمعته.. صح و شفت ولية امر هناك سالتها عن الدراسة قالتلي ان ولدها ربي يحفظه من كي جي ون وهو هناك لين الحين صف سادس,, و طلعته سنة ودته مدرسة نموذجية و تقول حست مستواه نزل.. و ردته عقب العمداء,, و ع فكرة يدرسون فرنسي من قريد 1
بنااااات شاركونا ارائكم عن المدارس
السلام عليكم ورحمة الله
لو سمختي ليش فضلتي العمداء على عجمان الحديثة
والله اني محتارة وايد بينهم
وشكرا لكي اختى على مجهودك
الغاليه انا جربت الوطنيه الخاصه من كي ون إلى صف 3 ابتدائي
بصراحه وبدون مبالغه كلمة حق تنقال المدرسات مب مقصرات ويا الطلبه. من الناحيه الدينيه واللغه العربيه حتى الأنجلش ماشاء الله ولدي كان متفوق فيهم ودرجاته كلها زينه بس من نقلته للحكمه الي ف الجرف نزل مستواه ��. إن شاء الله برد اسجله في الوطنيه. هم صح ماديين بس المقابل دراستهم زينه .
الله يعطيج العافيه
(اللهم فارج الهم, و كاشف الغم , و مجيب دعوة المضطرين , رحمان الدنيا و الآخرة و رحيمهما , أنت ترحمنا فارحمني برحمة يغنيني بها عن رحمة من سواك)
.gif "12 (8)")