السلام عليييكم…خواتي بغيت اسالكم فموضووع…أبويه وأمايه مايرمسون بعض قولوا من شهرين ولين الحين والموضوع الي من بينهم واايد جاايد وكل واحد فيهم مايبي يتنازل…لدرجة ان أمي يمكن تطلع من البيت..أنا حاولت اصلح بينهم وقلتلهم أن صيامكم مايستوي وانتوا جي متزاعلين والله هالشي وايد مأثر علينا..اقولها أمايه احنا مب مرتاحين لوضعكم تقول جي انتوا المتزاعلين والا احنا كل واحد عليه من نفسه..هم اول كذا مرة يتزاعلون بس عمرهم ماطولوا هالكثر وهالمرة كانت عوده وتدخلوا فيها خوالي قولولي شسوي…والله هالموضوع وايد تاعبني..كلمت خواتي المعرسات بس وايد سلبيات يدقلي هاه امي وابويه رمسوا والا بعدهم بس هذا الي يسونه..انا متضايجه والله مب عارفة شسوي….
انزين شو السبب عشان نقدر نعطيج كلام اتقولينه لهم ويأثر عليهم ولا انقولج كيف تتصرفين
الله يعينج على جو البيت عيل
صدقيني عقب كم يوم بتشوفينهم عاااااااااااااادي ولاجنه صاير شي
والله يهديهم ويتراضون بسرعه
الله يكون في عونج
انتي من شهرين ونفسيتج تعبت وشو تقولين عن اللي اكثر من سنة
وعليج بالدعاء والله يزرق المحبة والرضا بينهم يارب
الله كريم
والله ييسر امور الجميع
ادعي لهم في صلاتج الله يصلحهم ويألف بين قلوبهم ويبعد عنهم الحقد والبغضاء
الله يهديهم بهالشهر الكريم ويصلح بالهم يارب العالمين
الله يكون في عونج اختي ..
اللهم اصلح بينهم ومالج غير الدعاء يفرج الكرب
دعواتج يا اختي حور
لا تنسين ترانا نحن في شهر الخير والرحمه
وربي ان ماشي احسن من الدعاء .. وترى ربج ماينسى عبيده
صح ان المكتوب ما منه مهروب .. بس الله يعين ويسهل عليكم ويحنن قلوبهم ياااااااااااااااااارب
اختي حور شوفي منو اقرب شخص للوالده وخليه يرمسها
ونفس الشي منو اقرب شخص للوالد عسب يرمسه
لازم يكون فيه حد من خواتج او اخوانج لها او له تأثير على امج وابوج
وان شالله مايصير إلا كل خير