سالفه صارتلي من فتره لكن اباكم تستفيدون منها وخاصه للي عندها laptop dell

وديته وشرحتلهم السالفة وردولي اياه بعد اسبوعين وقالولي ان المشكلة اتصلحت .. لكن يومين ما كمل عندي وطلعت المشكله مرة ثانيه :1 (7): .. اتصلتلهم وقلتلهم شو السالفة؟؟؟؟؟!!!! قالولي هاتيه لازم نرد انجيك خلوه عندهم اسبوعين وبعدين ردوه قالولي نحن غيرنا الشاشه بكبرها

استخدمته لمده اسبوع وردت المشكلة مرة ثانيه هالمره عصبت واتصلت فيهم قلتلهم شووو الموووضووع يعني؟؟؟؟ قالولي لااا ونحن غييرنا كل شي والكمبيوتر ما فيه شي وانتي ما تخلييينه عدنا واايد ( مع ان الله العالم اني اخليه لين هم ما يتصلون ويقولون خلص اللابتوب ) المهم قلتله انزين كم تبا تخليه عندك ؟؟ قالي ثلاث ايام بس ( يعني توه يقول اسبوعين ما يكفي والحين ثلاث ايام بس شو هالغباء :1 (7): )

ردييت اللابتوب مع اني والله كنت متلعوزه عندي بروجكتات وحاله ودنيا بس ابا المشكلة تتصلح .. ردولي اياه بعد اربع ايااام بعد مب 3 وقالولي ان كل شي تغير من داخل ومستحيل ترد المشكله :12 (30):

لكن .. بعد اسبوع ما ادري اكثر ردت المشكلة :1 (6): :1 (7): صارت هالمشكلة مثل الكابووووس والله ما تتخيلون خاصة ان اللابتوب غاالي بالنسبه ليي لانه هديه والله العالم شو الهدايا بالنسبه لي ..

عطيت الهندي اللي يشتغل عند اخوي يتصلهم لانه يعرف انجليزي اكثر جان يعطونه واحد هندي ويلس هاكي الهندي يجيك جان يقول .. هذا اللابتوب ما تغير فيه شي اصلا الا الميموري والكيبل مال الشاشه؟؟؟؟؟؟؟ :1 (6): وهم قايليلي الشاشه وكل شي داااخل اللابتوب تغير :1 (6):

هالمرة عااد قلت والله ما اسكت واتصل واتشاااخر وقلت حق اللي يشتغل هناك وعلى فكره معظم اللي يشتغلون زلمات قلتله بشتكي عليكم عند الدايره الاقتصاديه .. تعرفون شو رد علي؟؟

قالي لو سرتي بنقول ان المشكلة من عندج مو من عدنا؟؟! جان اقوله مادري بلاد منو هذي :1 (7): غير السالفة وقاال على ضمانتي والله ومادري كييف .. انا ما عرفت شو اسوي اخوي قالي خلاص خلي يصلحوونه وبنشتري لابتوب ثاااني لاني كنت صدق محتاااجتنه والله العالم واذا تصلح بنبيعه شو انسوي يعني؟

عطيتهم اياااه واشتريت hp:1 (50): .. وعقب كمن اسبوع ردووه والله ان الكيبوورد ما يشتغل :1 (6): جان اتصللهم قلتللهم والله سؤال بس انتو تعرفون شي في الكمبيوتر جان يقولي لاا اختي هااتيييه ونحن بنعدله خلاص اكيد .. قلتله لاااااااااااااااااا لو تموت ما اييبه انتو تعالوا راس الخيمه وصلحوا ولا عند الشرطه بتلاقيني .. قالي لالا اكيد باجر بيكون عندج الخبير ( اي خبير :1 (6): )

وطبعا انا اشتكيت عليهم عند شركه dell وعطوني ضمااان سنه زياده بس المشكلة بعد عندهم الجلاب .. والحمدلله انباع اللابتوب وبس!

لكن في آخر اتصال كان بيني وبينهم قلتلهم والله لو ما فلستوا بسببي ما اكون انا انا :1 (50): .. ومن هذي التجربه وانا اكرهه التعامل مع الزلمات وامي عيزت تقولي فيه منهم طيبين وحبوبين وانا اقولها لاا مستحيييل والله استويت ما ادخل محل فيه زلمه .. خربوا لابتوووبي اللي محد يدري كيف غالي عندي الله يخرب حياتهم كلها ويعيشهم بكابوس مثل ما عيشوووني

انا كتبت تجربتي علشان كل وحدة عندها laptop dell تتحمل من هالشركه .. ومن الافضل اذا بتشترون dell ما تاخذون الضمان على الامارات للكمبيوتر لانهم اكبر حراميه شفتهم في هذا العالم

ووراهم وراهم والزمن طويل :1 (50):