شحالكن بنات وشخباركن…
خواتي مثل ما مبين من عنوان الموضووع .. انا مشتركة بجمعية والمبلغ زين ولله الحمد … لكن راسي بينفجر من كثر التفكير .. المشكلة مب عارفة شو بسوي بهااا ..خاطري أسافر بهن اغير جووو واغير نفسيتي انا وعيالي .. واصلااا مخططه ان الجمعية بتكوون للسفره.. لكن زوجي حضرته مب طايع قال ابني حجر في البيت … وهوو طبعاا ما كان مخطط لهذا الشي لكن يوم خلااص قربت استلمها قالي جي .. وانا ابا اسااافر … والله نفسيتي تعبااااااااانه .. وانا برووحي تعبانه نفسيا وجسدياا الحين اسير على شوووره ولا اتم متمسكه براي .. هوو وعدنا يسفرنا في الصيف ويا اهله .. لكن اعرف عمري ما برتاح وياهم كثر ما برتاااح وانا روحي ويا زوجي وعيااالي .. المكان الي بيسيرووونه انا ما احبه اصلاا اونه الهند..؟؟!! عنبووه قلتله صمنا صمنا وفطرنا على بصله هوو ساير لندن وساير الهند وساير الدول الي مني ومناك ونحن نبغي ماليزيا ولا تايلند ولا سويسرا ادري بتقولون شو ياب لياب .. بس خاطري اسير هالدول … وبما اني ابغي اسافر في عطلة الربيع استبعدنا سويسرا لانها بتكون باردة ..
ادري دورت بروسكن لكن شيرن علي انا بروحي داير راااسي اسمع كلاامه وابني ملااحق في البيت ولاا اتم مصره على راااي..؟؟؟
اممممممممم اتوقع اتسافرين…
لانه الملاحق عليه هوو …
قوليله اذا بقى منها …اونه بساعدك في الملاحق
اختي انا انصح اول تستخيري وبعديين فيه دعاء تقولينها من خاطرج لربج وهو ( اللهم اكفني بما شاءت) ثلاث مرات وما يصير خاطرج الا طييب
موفقه
يزاااكن الله الف خير وشاااكره مروووركن ..
استخيري يا الغلاااا
ما خاب من استخار فديتج
انا انصحك تطولين بالك لانك لو سافرتي بترجعين وتتعب نفسيتك مرة
ثانية من النكد يلي بيصير لانو زوجك ماهو راضي
نصيحتي سايريه واتفقي وياه على مكان يناسبكم وترضون عنا مع بعض
اسفة طولت عليكي موفقة ***** الله