السلام عليكم ورحمة الله وبركاته
خواتي عندنا عرس قريب باذن الله قبل رمضان والعروس راحت واتفقت مع صالون الافراح في العين وبالصراحه انا من فترة كنت سائلة عن هالصالون وفي خوات ما نصحوني وخبرت العروس بهالشيئ لكنها حجزت وخلصت ودفعت عربون 500 درهم.
خواتي اللي جربت المكياج للعروس او شافت احد من اقاربها عروس وتنصح بهالصالون تخبرني واللي يسلمكن ما اريد افتشل جدام قريبتي.
غناتي ما انصحج مول حق غروس لأنه مكياجها وايد عادي
هم على مستوى تسريحات الصراحه اوكي بس لعروس حرام
بتظلمونها.. تلاحجي عالاقل وجوفولها وحده من هالمواطنات
الفنانات وما شاءلله المنتدى فيه بعد كم بنت مكياجهن روعه
وألف مبروك وان شاءلله اتهنى.. غناتي كيف طرا عبالها
اتمكيج في الافراح بعد لو حنان شقير اهون بوااااااااايد 
صالون اورانج وايد مكياجهم حلووووووو
بصراحة والله يشهد مكياجهم رووووووووووووووووووووووووووعة أنا شفته على عروس من شهر
انصحج فيه
انا كنت يالسه في الصالون وكل العرايس اللي ظهرن من الصالون كل وحده احلى من الثانية ماعليها كلام ابدا خبيرة التجميل انصاف الخالدي اللي في صالون مركز العروس
المشاركة الأصلية كتبت بواسطة شيوخي 
هم على مستوى تسريحات الصراحه اوكي بس لعروس حرام
بتظلمونها.. تلاحجي عالاقل وجوفولها وحده من هالمواطنات
الفنانات وما شاءلله المنتدى فيه بعد كم بنت مكياجهن روعه
وألف مبروك وان شاءلله اتهنى.. غناتي كيف طرا عبالها
اتمكيج في الافراح بعد لو حنان شقير اهون بوااااااااايد
شكرا على تواجدك اختي
والله انا وهي كنا ندور على ماكيرات شاطرات وانا والحمد لله لين الحين حصلت بس انتظر رد ان شاء الله قبل رمضان لان عرسي بعد العيد الصغير ان شاء الله بس هي حرام ما صبرت وتمت تقول ما شيئ وقت وبتصير زحمة على اخر الاسبوع عرسها يوم الاربعاء ان شاء الله والله يستر المشكلة انها تريدني اكون وياها المرافقة وانا ما احب اطلع بشكل ما حلو جدام الناس وحنان شقير عفت مكياجها كله كلام فاضي
المشاركة الأصلية كتبت بواسطة عذبة الرووووح شفنا هالصالون بس ما عجبنا مكياجهم على وحده مول ما هو مكياج اصلا مجرد يحطون الالوان على الوجه حتى الدمج ما بينهم مش حلو.
ممكن لغير العرايس يكون حلو الله اعلم
المشاركة الأصلية كتبت بواسطة نبض المسى انصحج فيه
انا كنت يالسه في الصالون وكل العرايس اللي ظهرن من الصالون كل وحده احلى من الثانية ماعليها كلام ابدا خبيرة التجميل انصاف الخالدي اللي في صالون مركز العروس
والله يا غالية يوم رحنا ودفعنا حق العربون ونحجز شفنا عروس طالعه من عندها العروس سمرة مش وايد بس مثل البرونزي جسمها وحاطه على ويها تصبغ لونه ابيض والله حرام كسرت خاطري انا خايفة على قريبتنا لانها هي سمرة وجسمها برونز كله ما حلو يطلع لها بنفس الشكل العيب يمكن بالاساس اللي تستخدمه او ما ادري اذا العروس هي اللي تحب تكون بيضا وجسمها اسمر الله اعلم