السلام عليكن خواتي
بدش فالموضوع بسرعه بدون اي قدمات
مشكلتي ويا شغالتي الي الله لا وفقها
بقوللكم السالفه كلها
السالفه وبما فيها
انها كل ما تستلم معاشها تبدأ تتمادى على امي وتسبها وتظارب ويا اهل البيت وما تشتغل
لا وبعد زياده كله تيلس تتحرش فاخواني الاولاد وتظارهم
واليوم واخر اعمالها الله يغربلها
سارت امي اشترت قواطي حق حفظ الاكل وقامت كلهن وعقتهن
وويم سالتها ليش عقيتيهن طنشت وسارت وسوت عمرها ما تسمع يلست امي تزقرها
ومسويه عمرها ما تسمع وتطلع يوم الواحد يرمسها
جان اي خوي الصغير ويقولها ليش ما تسمعين كلام ماما
جان تقوم تظربه الله يغرلها جان ييلس اخوي الصغير يظاربها واختي من جهه تصارخ
قمت انا واختي الصغيره نظربها ونشعنا شعرها وكفخناها
جان وتقوم تتصل حق اهلها تصيح يعلها العدمه
وتبا غصب باجر تسافر
لا تشتغل ولا شي
والحين اونها تبا تسافر لان اونه ليش نزعناها يوم تتحرش فاخواني
والحين انا مب عارفه شو اسوي وياها اذا تمت
واذا سافرت بعد ما اعرف شو اسوي
وانا عندي اختي تحتاي رعايه مب عارفه شو اسوي
الله يعينكم خليها
تسافر تولي يوم ما تشتغل وتاخذ معاش على البارد ما منها فايده
أو ودوها المكتب خل يأدبونها وقولولهم كل الي تسويه فيكم والله يعينكم عليهاا
ما يبيله كلاااااااااااام سفروها تولي
يبو غيرها وانتهت المشكله
الله يعينج اختيّه
سفريها وارتااحي بس لاتدعين لنه الدعوه تنرد عليج .. نصيحه لوجه الله 
تقبلي مروري
المشكله اننا نعامل الخدامات كانهن عبيد
لو نعاملهم اوكي ما بيسون هالتصرفات
سفريها احسن لانها مبين من تصرفتها أنها ما تبا تشتغل
انا كانت عندي سيلانية وايد تمت تسوي لي حركات انها ما تفهم و تستعبط وايد صبرت عليها وايد اني ما أبا أقطع رزقها
أخر شي شردت
والله اني عاملتها احسن معامله وحطيناها فوق راسنا وكل شي تباه يبنالها اياه
بسهي لان اهلها قايليها كلام عن امريكا واونه امريكا احسن
عشان جي تبا تسافر