هلا حبيباتي سيدات الامارات
انا خلاص فاض بي ما اقدر استحمل كل هذا
اترددت وايد قبل ما اكتب مشكلتي
بس خلاص ما قدرت وياريت احصل عندكم النصيحه الشافيه
مشكلتي يا الغاليات مو متعلقه بي مشكلتي مع الاهل ( الوالد والوالده)
مادري كيف اقولكم ولا كيف ابدا
حبيباتي الوالد فيه مرض الشك ويشك في الوالده واااااايد لدرجه انو يتهمها في شرفها ويعق عليها رمسات ما تنطاق ولا اي وحده تتحملها
ويشهد الله ان الوالده شريفه وعفيفه ……….
ومشاكلهم علطول……….. بعد مابنقول طيش شباب لا ناس كبيره في السن
يوم زينين وشهر لاء الواحد يكره نفسه واليوم الي تولد فيه يوم يشوف اهله متزاعلين
خلاص انا تعقدت وما اعرف شو اسوي وما اعرف اخذ شور منو
والمصيبه الحين الي طاحت فوق راسي
اني انا مخطوبه ويتريون اني اعرس وكل واحد يروح في حاله
انا ما اعرف شو اسوي افركش الخطوبه وايلس على قلوبهم ولا اكمل ويطلقون
شورو علي ابا نصايحكم
إدعيلهم حبيبتي .. الله يهديهم.. ماعندي خبره ابها السوالف .. بس ما حبيت أظهر بدون رد..
اختي جيكي الرسايل
الله يهديهم،،
لا تفركشين الخطبة واذا هم مكتوبين لبعض بيتمون لو انخطبتي والا ما انخطبتي ولو هم مب مكتوبين لضلع بعض …..ما بيستوي الا الي كاتبنه الله … ومافي داعي تتعقدين ولا ييج شي بس حاولي تهدين امج لين ابوج ماينصلح حاله والبيوت ماتخلى من المشاكل…
لا حول و لا قوة إلا بالله
الله يهديهم ياااارب
أختي دام نصيبج ياينج لا تقولين بفركش كل شي
انصحي أمج تتقرب من الوالد
و انصحيه الوالد انه يبعد عن هالدرب
قوليله الشيطان اعوذب بالله منه قاص عليك
شغلي سورة البقرة كلللللل يووووووم في البيت
أختي عن تجربة بتشوفين كيف بيتكم بيهدأ
و عليج بالدعاء ادعي انه الله يهديه .. و أمج بعد خليها تدعيله
بس لازم تشوفن حل
الشك مرض نفسي لازم يتعالج عنه
السلام عليكم ورحمة الله وبركاته
اول شي الف الف الف مبروووووووووووك على الخطووووووبه
وثانيا اسال الله لهم ولي ولجميع المسلمين الهدايه
أختي الغاليه
كل البيوووت فيها مشاكل ولا يعلم فيها الا الله سبحانه وتعالى
من المهم يكون هناك شخص عاقل فطين يحل المشاكل بطريقه سليمه
ما سمعتي (( ان الله يدافع عن الذين امنوا)) وماسمعتي(( من اتقى الله جعل الله له مخرجا ))
اول شي اكثري انتي وامج من الاستغفاااااار والله انه علاج للهم والكرب ويجلب السرور والسعاده
ثاني شي تقربي من الله وادعي انه سهم لا يخطء عندما يكون من القلب وخالصه النيه لله
المؤمن في هذه الحياه مبتلي وتاكدي انها خلقت لنعبد الله ونسعد لا لنشقى
بكلمج من قلبي واتمنى يوصل الكلام لقلبج الانسان يوم يكون في مشكله يحس انه في ظلام دامس
ويتخبط ويحاول انه يجد القليل من النور لحل المشكلات ولا يستطيع .. تعرفين ليش !! لانه مغمض عيونه !!!
نعم مغمض اعيونه فشي طبيعي لا يرى الي امامه عشان جيه افضل طريقه ان الشخص يوم يقع في مشكله
يلجأ الى الله بالدعاء الخالص ومن ثم يستشير ناس ثقات ليوضحون له بعض الامور
والله مالقيت حل للمشاكل وراحت البال غير القرب من الله صدقيني
الشياطين تعج في البيوت الخربيه الي هيه ننلوووئه بالمنكرات لو نبتدي بدايه حسنه
بوضع البقره تقرأء في البيت تطرد الشياطين لثلاث ايام وتجلب البركه حاولي تقرينها كل 3 ايام مره
واذا مشغله جدا شغليها في الغرفه او الصاله وخليها تقرا مع ان شيوخ العلم يفضلون قرائتها بنفسك
بعدين استغفري طول اليوم وطووول الوقت وتقربي من الله بالدعاء في الصلاه انتي لا تستطيعين ان تغيري الناس
ولكن في يدك ان تدعي الله بان يهدي لكي ابوكي وربي يهيده يارب ويسخره لامج باذن الواحد الاحد
طريق ودرب الايمان هوه الحل لجميع المشاكل هذا سر لا يعرفه الا الي مجربنه 
واي شي في خاطرج اعتبريني اخت لج
والخاص مرحب بج وبالجميع
اللهم اغفرلي واغفر لوالديه والمسلمين والمسلمات والمؤمنين والمؤمنات الاحياء منهم والاموات الى يوم الدين