الحقو علي

مشكلتي عويصة شرات ما يقولون ..

ومتوهقة واااااااااايد ..

أنا ما كنت جي ..

ومول مب عايبني وضعي ..

بتقولون شو سالفتها ..

أنا أقولكم شو سالفتي ..

بنات بديت أحس اني استويت بوية .. خخخخخ لا تفهموني غلط .. مب بوية بوية ..

قبل كنت راعية كشخة ولبس وتفنين وتطقيم شنطة ونعال وانتو بكرامة واكسسوار وساعة .. (( مب تبرج ميك أب وعطور ولبس مرصص .. حراااام .. يعني قصدي شيك ومرتبة .. ))

يوم كنت مرتاحة من سالفة الماديات وجي ..

وكنت في وقت فراغ في السكن أيام الجامعة ..

ومن وقفت دراستي عسب أصرف على عمري ..

صرت عملية وااااااااايد ..

وكله بنطلونات وعباة مسكرة وجوتي رياضة ..

وما قمت أهتم بعمري شرات قبل ..

قلت يمكن بس حق الدوام .. بس لاحظت عمري اني بعد في المناسبات والاعراس قمت أفضل البنطلون .. لدرجة اني قمت أتم بالعباة وما أعقها عشان أنا لابسة بنطلون ..

والمشكلة والطامة الكبرى اني ما قمت أعرف أنسق في اللبس والاكسسوار .. وما قمت أعرف أحط ميكب من بعد ما كنت خبيرة فهالسوالف .. و أحيد أيام ربيعاتي في السكن يوم طفرانات في الليل اييون عندي وتعالي حطيلنا ميك أب

الحين السؤال اللي يطرح نفسه ..

كيف أرد دلوعة ؟؟ وأتعلم ع سوالف الفساتين والتنانير والكعوب والشنط والاكسسوار .. =(

كلما أسير محل فوريفر أو أي محل ثاني أطالع أشيا تعيبني .. فساتين قصيرة تنلبس مع اسكيني ولا مع استرتش ملون .. وكعب واساور وأشيا .. بس المشكلة اني أتردد في الشرا لأن أعرف عمري ما بلبس إلا كاجوال " تيشيرت وجينز "

خخخخخخخخ حالتي صعبة صح ؟؟ لووووول

أنقذوووووووووووووووووووووووووني الحياة العملية بتاخذني وأخاف أستوي دفشة =(

هذا اللي أسويه فديتج .. بس اللي أباه اني أقدر أتعدل وأنا في جمعة بنات .. ما أطلع under dressed .. بين فترة وفترة أطالع الصور وأظايج ليش انا ما أستوي شراتهم .. وأبدا أفقد الأمل =(

المشاركة الأصلية كتبت بواسطة نبض_الإمارات

هههههههههه…عادي حبيبتي..بقولج شي المظهر عمره ما يحكم ع الانسان…شو يعني اذا كنتي تلبسين سبورت ..اذا حد قال عنج بويه…ردي عليهم بكل ثقة…انه هاللبس عملي أكثر..وأنا بنيه حالي حال غيري..والي تقولج أي شي تر هي المريضة مب انتي لأنها يالسه ادقق وتلاحظ وايد أكثر عن اللزوم…

وبعدين انتي شكلج تسهرين…ومب منظمه وقت,,,شوفي أهم شي فالحياة الجامعية تنظيم الوقت,,,وانت ي شو هدفج في النهاية,,,تدرسين وتحصلين شهادة وبتفوق..فلا تهتمين لسوالف لبس وغيره وايد…

وعسب جي أقولج اختاري الربيعات الزينات الي يهتمون بأوقاتهم وصلاتهم…ووقت الفراغ بعد يستفيدون منه بشي بفيدهم..والدراسه الحين مب نفس قبل صارت صعبة…ولتقولين انتي قدها…الاهتمام لازم..حتى لو كنتي عبقريه…
كلنا دخلنا الجامعة وأهملنا اعمارنا في سبيل العلم…بس عقب رجعنا نهتم…وما عليج من أي وحده تقولج والله تصرفاتج صبيانيه…أو من هالكلام ..أهم شي تثبتين وجودج بالجامعه…ترقدين من وقت وتقومين من وقت..واذا عندج وقت اشتركي بالانشطه الطلابية…وخلج من سوالف الاعجاب وغير,,,فالنهاية البنت مصيرها البيت,,,فاحفظي نفسج الله يحفظج…قومي من وقت..وغيري استايلج البسي مخور شو فيها البسي تنانير وقمصان..مب لازم تلبسين كعب…البسي مسطح…مب لازم تحطين مكياج..حطي واق الشمس بس ..انتي لا رايحه عرس..خلج رسميه..لأنج بمكان رسمي..كبري عقلج وتفكيرج..وربي يوفقج..وانتبهي أهم شي الدراسه…والسموحه..

حبيبتي انتي .. تعرفين أنا قبل كنت كللله تنانير ومخاوير .. وما عندي سوالف كشخة حق الكلية وشبابها وبناتها ..

والحين أنا مب في الجامعة =(

يا ريييييييييت .. أنا موقفة دراستي وأشتغل =(

والحمد لله الحين تعلمت أنظم وقتي ..

فعلا ً قبل ما كان شي تنظيم وهذا اللي سبب نزول معدلي ..

المشاركة الأصلية كتبت بواسطة StranG LOovE

انا ساعات جى احس انى تصرفاتى شرات الاولاد مب قاصده بس جى مال اخبال