السلام عليكم ورحمة الله الله وبركاته
اخواتي وبنات ديرتي ابا فزعتكم الله يرزقكم الجنه يارب
بنات انا اعاني من الكلف وفي البدايه كان خفيف جدا بس الحين انتشر بشكل مو طبيعي على خدودي وجبهتي يعني معضم وجهي كله بقع كلف غامجه سرت عن مشايخ عسب يقرون علي سرت عند اوباجي
بس ماشي فايده ونفسيتي في الحظيظ وربي لما اقعد مع ريلي استحي منه كل ويهي بقع
بنات اختكن في منحنه والي تدلني على دكتور او عياده او مستشفى جلديه اكون لها شاكره وربي لا يرحمها من شي تمنته وينولها الي في بالها يارب ويرزقها الفردوس الاعلا يارب الله العالم ان هذي الدعوات طالعه من قلبي لاني فعلاً في محنه ارجوكن لا تبخلن علي
الله يعينج حبيبتي… أنا ما أريد أحبطج لكن اذا أوباجي مانفع علاجهم
ما أدري منو يقدر ينفعج
عموما اذا انتي من بوظبي… عندج عيادة الدكتوره اليسار خوري
هي اخصائية جلديه عراقيه… واااايد ممتازه
وانتي من تستخدمين اي علاج انتظمي عليه مليون في الميه عشان تعرفين المشكله في العلاج ولا في عدم الالتزام بالعلاج… وخليج منتظمه على الاقل 28 يوم هذي المده المعروفه عشان أي علاج يعطي نتيجه
ولاتنسين تدعين ربنا انه يشفيج قبل ما تحطين الدوا… لأن العلاج بيد رب العالمين هب في الادويه والكريمات اللي يعطونا اياها