بسم الله الرحمن الرحيم
السلام عليكم ورحمه الله وبركاته خواتي…
شخباركن عساكن طيبات؟
مثل ماتشوفون هاي اول مشاركه لي بعد ماضاجت فيني الدنيا وتعبت من الكتمان…
الله يسلمكن ..انا بنت عمري 20 الحمدالله مابمدح عمري انا خلوقه ومتفوقه وحبوبه وطيبه طيبه من
الخاطر يعني مافيني شي ينعاب بس للاسف افتقد شي اسمه حب فبيتنا وبين اهلي
انا عندي اختين بس للاسف بالاسم مايحبوني ولاتقولون مافي اخت ماتحب اختها بالعكس احيانا الغريب
ارحملك من اخوك ولد امك وابوك…
ااه شو بقول ولاشو بخلي التفاصيل مب مهمه ..بس الي بقوله ان هالحرمان الي فالبيت دفعني
للغلط ….
الحمدالله ع كل حال…. يابنات هالانسان الي اعرفه عشت وياه معنى الحب الي كنت مفتقتنده
الحرمان خلاني ادور الحب من الشارع للاسف
بس الله رحيم وستار…. هالانسان بغاني بالحلال وامه بتكلم امي..
الي خايفه منه اهلي يعارضون لانه مطلق وعنده ولد
شو اسوي عسب مايعارضون
قلبي ع ايدي اريد الستر يابنات والله
ونسيت اقولكم امي بعد تعتبرني ياهل وصغيره ماعرف مصلحتي
وتفضل خواتي علي دايما
خواتي وحده منهمن مطلقه والثانيه عدت الثلاثين وماياها نصيبها للحين
ويشهد علي ربي اني دايما ادعيلهن بالستر والتوفييج فحياتهن بس انا شو حصلت منهن
غير الغيره والحقد والكلام الي مثل السم؟؟
يالله الوااحد شو بيقول
الي اباه منكن ياخواتي ….تساعدني كيف اقنع اهلي
وابى منكن بعد دعوه صاادقه من القلب ان الله يكتبلي نصيب ويا هالانسان
وللعلم هو الي محتشر اكثر مني ع هالموضوع لانه ع قولته الحب مب ع الفون
الحب يكون بالحلال وانا وياه بهالشي ..واتمنى الله يسامحني لان ادرى ان هالشي غلط
وانا نيتي صاادقه
الله يوفقج ويسر لج امورج إن شاء الله 
الله يوفق لج ويناولج اللي في بالج ان شاء الله
الله ييسر لج الزواج يارب تمي ادعي ربج وايد وايد واحمدي ربج انه الريال يباج بالحلال وانشالله دعواتكم تنقبل وتتزوجون والله يهدي خواتج يارب
اكيـد اهلـج بيسألون عنـه و ان شاء الله ما يسمعون عنـه الا كل خيييييييير
و وقتها ان شاء الله بيوافقون عليـه بدون أي مشاكل او معارضه من حد منهم
ربــي ايســــــــر اموووورج و يسعدج (:
الغاليه ، اذا ان شاءالله تقدم لج وجيه ، هب توافقين على طول اول شي استخيري
واذا قالوا لج عسب انه عنده ولد وجيه ، قوليلهم انه هالموضوع يخصج انتي ، وبترومين تتفاهمين ويى الريال عن الياهل ؟
صح الياهل جم عمره ؟ يعني لو صغير بيكون ف حضانة امه ، يعني ماشي مشكله
وربي يوفقج
المشاركة الأصلية كتبت بواسطة مَجَــانْ 
و وقتها ان شاء الله بيوافقون عليـه بدون أي مشاكل او معارضه من حد منهم
ربــي ايســــــــر اموووورج و يسعدج (: