تجربتي مع فندق القصر داون تاون – برج دبـــــــــــــــــي

صباح الخير ,,,, اشحالكم جميعا …
الله ايسلمكم ..بعلي العزيز هوايته ان يكتشف الفنادق …وبما انه جربنا فندق العنوان " ذا آدرس " من مجموعة اعمار العقاريه ويلسنا فيه مرتين وكانت التجربه اكثر من ممتازه … قلنا يبالنا انجرب فندق قصر – داون تاون … المهم بتاريخ 9 ابريل وبدون مقدمات وهو راجع من دوامه الساعه 5 قالي زهبي شنطتنا … وبسرعه سرعه قمت حطيت اغراضنا انا وريلي وولدى .. عالساعه 5 ونص وصل ريلي ودش النت وحجز لنا حق يومين ..و كان ماشي غير ديلوكس روم ..وفالحجز حط انه نبا بيبي كوت …

ظهرنا ووصلنا دبي وبسب زحمه يوم الخميس وصلنا عالساعه 7 ..
ملاحظاتى قبل ومن عقبهــــــــــــا بحط الصور . الفندق ديزاينه وايد حلو … ديزاين مغربي ..بعكس فندق ذا آدرس ديزاينه مودرن .
مدخل الفندق رهيب … وعلى يمين الفندق سوق البحار ..بس اسمحولي مارمت اصور مدخل الفندق واللوبي …لان وايد زحمة …
بالنسبه لخدمة الفندق اعطيها 5 /10 …لوايد اسباب ..فالحجز ريلي طلب بيبي كوت لولدى ..ويوم وصلنا قالوا ماشي ..فاضطرينا انه يرقد من بينا ويله عاد ما اخبركم عن الترفيس … ويابولنا البيبي كوت ثاني يوم …ثاني نقطه ع خدمه الفندق ..استغربت من شي جيف انه فندق خمس نجوم ما فيه كوفي ميكر ولا كاتل للماى الحار .. ويوم طلبنا كاتل قالوا ماشي …ثالث نقطه سرنا اول يوم اتعشينا وثاني يوم اتريقنا في بوفيه الفندق ولا حد يا يسالنا رقم الغرفه والا كم شخص …يعنى لو ما خبرناهم يوم يا وقت الشيك اوت جان ما يدروون …
الشي الحلو في الفندق المنظر اللى يطل عليه روووووووعه ..من صوب برج دبي ومن صوب ثاني فندق ذا آدرس وفندق المنزل .. ووايد يلسات حلوه ..
اخليكم ويا الصور …واسمحولي مب وايد لان اغلبها صور شخصيه
اللوبـــــــــــــي واسمحولي مش واضحة وايد عرب كانوا واتلومت
[IMG] [/IMG]
الغــــــــــــرفه
[IMG] [/IMG]
زاويه ثانية …
[IMG] [/IMG]
زاويه فالممر …
[IMG] [/IMG]
وزاويه ثانيه لعيونكـــــــــــــــمـــ…
[IMG] [/IMG]

الممشـــــــــى الين سوق البحــــــــــــــــــــــــار ,,
[IMG] [/IMG]

صوره ثانيه ,,,
[IMG] [/IMG]
وصورة ثالثه لعيون الحلوات ,,,
[IMG] [/IMG]
وهذى الصورة الوحيده لسوق البحار ,,,,ظلام مااعرف ليش
[IMG] [/IMG]
وهذى اهداء لأول وحده اترد على موضوعـــــــــي …بالعافيه عليها برج دبي
[IMG] [/IMG]…

تم بحمــــــــــــــــــد الله ,,,