السلام عليكم ،، :1 (26):
ماأدري اذا فيه حد من البنات طرح هالموضوع من قبل ولا لا !!
بس حبيت أثيرة لانه كثير من العوائل أمكانيتها ما تسمحلها انها اتسافر خارج الدولة وترفه عن عيالها سواءاّ بعذر انهم ما يحبون يسافرون أو ماديا ما يقدرون او انهم مايعرفوون شو المناسب وفي عوائل يكون عددها كبييييير جداً ما تسوى طلعتهم وعبالتهم يعني بدال ما يستانسون ويرفهون عن نفسم يتعبون مع اليهال واللوية.
عموماً حبيت أفتح هالموضوع للناس اللي حابة تغير جو داخل الدولة ،
ووووووووووووووين أحسن مكان جربتوه وماندمتو عليه، وفي أي إمارة ؟؟؟؟؟ وكم كانت أسعاره إذا كان فندق أو منتجع ؟؟
يلا يا بنات همتكم خلونا نجرب السياحة في دولتنا الحبيبة ويكون صيفنا مميز
:22 (5):
تسلمين على طرح الموضوع يالغالية
والنعم اكيد بالامارات والخليج كلهم
بس تعرفين شو المشكلة
الصيف والشمس والحرررر
الواحد يبي يغير الجوو ويسافر مكان بااااارد
واكيد وقت البرررد كل اجازاتنا في الامارات
بس يا اختي في ناس وايد مايسافرون كل صيف يعني الضروف والميزانية ما تسمح لهم بهالشي ،
لهالسبب حبيت أطرح هالموضوع المهم وبعدين بلادنا مش مثل أول الحين فيها المنتجعات اللي على البحر وتحصلين فيها رحلات كثير مثل سفاري
وبعدين عندج العين بالصيف صح ان بالنهار حر موت بس بالليل جوها مقبول شوي وأهم شي ان ماشي رطوبة
فديت بلادنا ماشي احلى منها واذا عالحر امره محلول لانه المراكز مكيفيه والمحلات وعندنا الثلوج في امارات مول اذا حد يبا يتبرد
الاماكن الحلوة:
في بوظبي العاصمة حلو الواحد يقضي كم يوم في روتانا الشاطيء اللي لاصق في بوظبي مول او قصر الامارات اللي اعتبره احلى فندق بالامارات وجريب على مارينا مول
او شاليهات شاطيء الراحة برع بوظبي
وفي دبي : ممكن الواحد يحجز في فندق كمبنسكي اللي لاصق في مول الامارات ويتسوق على راحته ومن هناك يوصل لابن بطوطه مول
اما فنادق جميرا رهيبه الصراحة مثل مينا السلام والقصر ورويال ميراج والريتز كارلتون وبرج العرب والجروفنر اللي في مرسى دبي والحبتور ريزدنس ومن هناك ممكن الواحد يطلع عالمراكز اللي بجميرا مثل ميركاتو- بالم ستريب- تاون سنتر ومركز الشاطي
اما اللي يحب يسكن في ديرة فممكن يسكن في فندق السوفوتيل اللي لاصق في السيتي سنتر او البستان روتانا او ماريوت اللي جريب من حمر عين
وفيه بعد في منطقة القصيص البستان ريزدنس ولاصق فيه مركز البستان
وفي الفجيرة يمدحون ميريديان العقة
وفي راس الخيمة فندق قلعة الحمراء
تسلمين يا بنت بوظبي على الرد ما قصرتي
المفروض اندعم الموضوع بالصور
نفيد البنات خارج الامارات
تسلمين غناتي على طررح هذا الموضوووع……
وفي وااايد أماكن في البلاد …. عندنا دبي فيها حديقة وايلد وادي_حديقة زعبيل_ ويعني في وااايد أماكن حلوة للترفيه عن النفس… أما عن التسوق في مول الامارات-بن بطوطة_وافي سيتي وايد أماكن تارسة البلاد …… ومشكوووورة حبيبتي على الموضوع الحلو..