شحالكم يا بنات
بنات اذا حابه اسير العمره وعندي بنتي سنتين عمرها كيف اتصرف هل في عربات خاصه بالاطفال ؟
لا مافي ، تاخذين عربتج أو علاقة الي تحطين الياهل فيها جدامج أو ورا ظهرج
أو تخلينها في الفندق مع شخص فاهم لليهال لين تعتمرين و تردين
والله يتقبل طاعتج إن شاء الله مقدما
هلا حبيبتي انا سرت قبل شهر ولدي كان عمره سنة ونص
خذي العربة الصغيرة الخاصة بالسفر من بيبي شوب وخذي معاج حبل بعد موجود في بيبي شوب تربطينها فيه وقت ماتصلين ويلسيها عندج
بتتعبين شوي لكن بتستانسين أن شا الله
العربة حق حولين الحرم أما داخل الحرم ممنوع خليها مع أحد يمسكها وخليها مربوطة لين تطلعون بعيد الشر ماتضيع في الزحمة
لازم حد يودها لما تعتمرين
ريلي اعتمر اول يوم روحه
عقب ثاني يوم انا اعتمرت روحي وهو مسك ولدي
ولا دخلتي وياها الحرم خذي معاج خفايف تأكله و تلهيها عسب ما تتعبج
عمره مقبوله ان شاء الله ويارب نكون من زوار الحرم الدائمين . هالفتره زحمة ماشاء الله بس حاسبي عليها وان شاء الله بتتيسر الامور