مرحبــاا خواتي
ساعدوني لاني لاززززززززززم اليوم ارد على ريلي بخصوص شهر العسل .. لانه يمكن ما نحصل حجز للفنادق 
يمكن هاذي المرة السابعة اللي اغير فيها جدول السفر ، واعتماد السفر عليه 
هاذي اول زيارة لي و لريلي لاوروبا عسب جيه محتارين ..
المهم هذا الجدول اللي اعتمدته
السفر باذن الله تعالى من 20-8- الى 2-9-
رحلتنا دبي – ميونخ – دبي ( السيرة و الردة ميونخ )
20 > ميونخ
21 + 22 + 23 + 24 > بادن
25 + 26 > قارمش
27 + 28 + 29 + 30 > زلامسي
31 + 1 + 2 > ميونخ
المطلوب
هل الرحلة مريحة ؟
وابغي اسامي الفنادق لكل منطقة .. ما ابغي شقق فندقية و افضل تكون الفنادق راقية ..
للعلم : بالنسبة لميونخ شو ترشحون
هيلتون
ماريوت
سوفيتيل
نوفوتيل
شاكرة لكم مقدماً و بليييييييييييز لا تطنشون والله راسي مفتر
حبيبتي انتي حطيتي في بالج المسافة بين كل مدينة والمدينة اللي عقبها والا اخترتي جذيه ؟
قصدي عشان تكونين ضامنة إنه الرحلة تكون مريحة !
أعتقد انه الترتيب زين
بس ما أعرف وايد للفنادق في هالمناطق ما عدا ميونخ :
لو تختارين فندق قريب من ساحة المارينز يكون أفضل 
20 > ميونخ
21 + 22 + 23 + 24 > بادن
25 + 26 > قارمش
27 + 28 + 29 + 30 > زلامسي
31 + 1 + 2 > ميونخ
من ميونخ الين بادن ساعتين
من بادن الى زلامسي اربع ساعات
من زلامسي الى ميونخ ساعتين
اول ليله في ميونخ حجزي فندق هوليدي عند المطار لان الطلعه بتكون سهله لكم تاخذون السياره من المطار وتطلعون على بادن
انصحج بالماريوت او السوفتيل لاخر ايام ميونخ
أحس الأماكن اللي اخترتيهم يتشابهون ما عدا ميونخ يمكن عشانج تحبين الطبيعه
وبخصوص الفنادق : الأسماء اللي طرحتها كلها فنادق بعاد عن المارين بلاتس
وأحس ميونخ ما فيها شي غير المارين
فالاحسن تشوفين مكان قريب منها
عشان ترومون تتمشون على ريولكم أحسن من التكاسي
بالعكس السوفتيل والماريوت مب بعيد عن المارينا
نحن كنا نروح المارينا مشي
تسسسسلمون ي خواتي عسى راسكم سالم ماا قصرتوا الله لا يقصر باعماركم
راح انزل موضوع ثاني بخصوص المناطق والاماكن السياحية لكل مدينة واتمنى مساعدتكم .. والله يسخر لكم خلقه يا رب
باذن الله بنساعدج